浸會大學附屬幼稚園,小學及中學(王錦輝中小學)

Allie

popma 寫道:
我今日去左面試啦，校長同個老師都好nice，我都好想入去浸小讀呀。但係我地係沙田住，校長話最多都只係可以收22人，咁我地個機會可能會好微，而家都好擔心。
唉，等in既時候聽到浸幼D家長話，佢地優先實有得入喎，我就覺得咁樣好唔公平囉﹗都唔係計分同睇表現嘅﹗有乜理由會浸幼優先吖﹖從來都無話過浸小、浸幼一條龍嘅﹗浸幼都好多住沙田嘅，咁我地咪好唔抵﹗﹗﹗

其實對沙田d 家長真係幾唔公平, 又唔見將軍澳果d 新直資學校有呢d 規矩?!  坦白講地區遠近都會係選校的一個考慮, 所以浸幼吸引到沙田的家長真係唔出奇!

不過, 我知好多浸幼家長都係為左浸小先去讀浸幼, 所以之前都有人提過話如你好想入浸小, 不如插班入浸幼k3!  所以都唔可以話唔公平囉!

ka媽

Allie,
我要更正妳講的一點係....大家如果想入浸小, 最遲應在k2下學期入浸幼做插班生, k3升入浸幼就太遲啦, 今年浸幼的k3生, 早在k2的暑假已要小一面試o架啦!

咁其實係咪真係有浸幼生入唔到second in.啫? 真係冇人有勇氣企出o黎講下喎, 真係得個"估"字

kae

ka媽 寫道:
咁其實係咪真係有浸幼生入唔到second in.啫? 真係冇人有勇氣企出o黎講下喎, 真係得個"估"字

到遲d面試完畢，睇下可唔可以要求家長會理事幫幫手做個search呢。

JanWong

Allie,
Do you understand why 浸小 could only take 22 students in Shatin district?  This is not a rule set by 浸小, but by the gov't because 浸小 is located at 殺校區.  That's why the other 直資 don't have this problem.  This is especially not fair to 浸幼 students (I'm not living in Shatin) but that's one of the terms and conditions that the gov't give out that land to build 浸小.

ka媽:  Of course, there's 浸幼生入唔到second in.  It's not a guess ... but I can't tell you who she is unless her mom wants to let everybody knows.

EdT

唔關政府事, 李國章同飯焦不知幾鍾意一條龍直資。成件事係張文光一向視直資如洪水猛獸搞禾/威脅佢教拹個位,保唔住立法會議員個尊貴地位,成日阻住唔批撥款,又賴EMB一邊殺校一邊建新校,又唔講D殺阻既點抵死。

當年張文光聯同三個沙田校長阻撓撥地撥款,但係政府早年一早批左浸小直資辦學權,佢地幾個阻無可阻之下惟有強迫浸小加左15%的不平等「沙田南京條約」。浸小其實可以唔答應,慢慢拉鋸,不過浸小應承左浸幼家長咁多年都未有眉目,心急之下至答應。

JanWong

Thank you for your clear information.

savoy

EdT

Well description.    

Pulmma

dickeywei33 寫道:
　　該校早前向沙田區議會承諾，取錄沙田區學生的比率，不可高於百分之十五，約可提供二十個學位，但該校單是首輪收生已收到一百六十多份沙田區學生的申請，即至少八人爭一學位，競爭更為激烈。

　　雖然反應熱烈，但陳呂令意說該校不會增加學位，「我們會盡量做，公正客觀地選學生，但沙田區的學生無疑會較蝕底。」該校現正忙於面試家長和篩選學生，故小二和小三的收生將會稍為延遲。

喂! 我覺得真是對沙田的媽咪好唔抵喎!!!!!!!! 怕影響到沙田的津校和官校收生, 佢都儍儍地!  咪令到d 人想考又走去惜地址.  咪叫沙田的官津校做好d o羅!  唔會話多咗一間沙田直資學校就一窩蜂走去報.  其實想報直資的家長一早就有準備的唔會因為佢係沙田區而突然間走去報的.  喂! 要比錢架! 住沙田的同學仔, 想讀直資, 就算唔係有浸小在沙田, 都會在其他區報啦, 真是唔係好公平喎!

dickeywei33

據我所知真係有沙田人報其他地址去考浸小!

Allie

我都重係覺得好唔公平, 好似培僑都係沙田區, 點解佢無限制呢?  

其實佢咁樣只係鼓勵人用假地址, 我相信出年d 人想入浸小一定識得搵個唔係沙田區的地址!  上次睇報紙陳校長講到明再有沙田區的學生報都好難收, 其實聰明的家長已經知道要點做啦!

我好憎果個張文光, 成日為左自己利益, 講埋哂d 歪論!

Allie

講真, 如果津小辦得好, 邊個願意比錢呢?  就係因為信唔過個教育制度先搵直資私校而已.  本來以前直資講明唔受校網規限的, 而家又無厘頭set d咁規矩!  真係替浸小唔抵, 替沙田區學生唔抵.  

如果真有浸幼家長無得second-in, 我相信對浸幼將來收生都幾大打擊!

ka媽

當年話興建浸小目的係為浸幼的教育模式接軌, 依家........唉!!!!

Pulmma

我是住沙田的, 感覺就好大, 雖然我不會考浸小, 但亦替想考而又住在沙田的你們不值!

這真是一條不平等條約.

教署寫明, 官津校才有區域限制, 而私小及直資就不受區域限制. 是有寫明的, 而現在有這個規則好有問題的.

有議員及沙田區的校長要求浸小校長不要收咁多沙田友, 要求的真是橫蠻, 老實說: 請見諒, 我覺得浸小校長接受這個條款真是有點低智慧! 請見諒, 真的有咁o既感覺!

如果我是你們, 我一定會寫信去和校長理論的.
如果我是你們, 我一定會寫信去教署理論的.
如果我是你們, 我一定會寫信去o個個要求浸小校長收少d沙田友的議員理論的.
如果我是你們, 再激d, 我會寫信去各大報紙理論的.

道理在沙田友的手裡呀! 我相信群眾力量是可以推翻這條不平等條約的.

政府及教署一直都知道沙田收生情況嚴重, 為何仍批浸小在沙田??????? 批了在沙田區, 又限沙田區的小朋友去讀你們不覺荒謬嗎??????

今天發生在沙田, 難保將來有d 有質素的直資學校在其他區有同樣事發生的! 對嗎???? 我好深信住在沙田區想考浸小不是因為地點近, 而是浸小本身! 即使浸小不在沙田區, 住在沙田區的小朋友都會去考的.  咁咪一樣令到沙田小學收生不足!!!!!!!  

直資私小收生光明正大, 但攪到d 家長鬼鬼祟祟地借沙田的地址報! 好過份!

AaronMummy

Actually it is too early to say what is going to happen in that school.
It has nothing announced so far, curriculum is not very clear, teachers are not recuited, bus routes are not set, so it is quite difficult to discuss whether it is really good or bad.

For me, I don't think Baptist University is running as good as many other universities in HK (so far only its School of Communication is sort of famous) and I can't see the link between them...I think parents should think twice when choose a new school like that.

dickeywei33

唔知第2輪考生係唔係都係考一樣題目呢?唔知考幾多日呢?

ka媽

我抽到的second in.家長考題是:
我女話自己很內疚, 因為佢嘅朋友被老師誤會畫花黑板, 但其實係其他小朋友畫花的, 我女當時在場看到一切, 但沒有站出來澄清, 以至令好友被老師罵, 我女回家後向我說自己很不開心, 咁作為家長應怎樣調解小朋友的情緒呢?

dickeywei33

哈!咁你點答呀?ka 媽,
我個條係:
如果同小朋友

ka媽

當時我答:
我會同囡囡講, 仍然事情已過去, 下次有這樣的事情發生妳就應勇敢站出來, 講比老師聽件事的真相....
(其實我當晚回家一想, 我應該答:明天我同個女回校向老師講明一切....但如果我在實際生活中係咁處理, 老師會因為罵錯人而下不了台, 咁又點算呢? )

dickeywei33,
妳抽中的問題, 我反而真的唔識答, 因為自小我教個女餐桌禮儀都好嚴, 在家不會有這種事發生, 何況出街呢? 如果我抽中妳的問題都會一時啞口無言.
我的面試時間係6-7pm, 5:45pm報到, 已即時被接見, 所以我報到時抽中的題目根本沒有時間看清楚就已被叫名入內, 真係狼狽, 我先見老師後見校長, 前後用了45分鐘, 才離開浸大會堂, 吓? 我都覺比我預期的時間長, 希望唔會講多錯多啦!
咁妳點答妳抽的問題?