九龍禮賢幼稚園K3家長請進！

Anita_Lee

hehehehe....係大家面前緊係要扮o下斯文la, 點會覺得你粗魯呀, 玩緊係玩放d架la, 我老公仲問我bk上面個係咪同佢partner o個個呀!

佢地唱"不再做bb"時我老公話學校好勁, 好似同佢地洗腦
o甘,  園長教小朋友要答mummy "哦..我知道la" 我宜家先知點解有時我個仔真係o甘答我.

有無家長26/11去學校搞o既旅行呀?? 我同老公都去呀, 不過我自己係公司出發

littleeva

各位

我仔問左我3次 (不同日) 為何生日會您不來.  
他話很想我來.  我話等您生日先啦. 他叫我問下老師

另外他話有個遊戲好好玩 狐狸先生/小姐幾多點. 他話 12點就要 MOUTH 低 合埋眼 , 3 點就要 隻腳踏地 3下, 4 點 就 4下. 5點就要 手拍 5下..... 他話好好玩.

原來幼稚園玩 E D , 我細個都係玩 傳波波, 手巾仔, 大風吹

明天家長日. 應該幾熱鬧. 我希望見多D仔仔上堂的情形.

Anita_Lee

唔知改變主意, 聽日去得唔得呢? 係咪唔好帶埋個仔去呀?

shermanbb

Anita_Lee ,
   你明天去更係可以啦,不過最好唔帶個仔去呀,如果你無人照顧帶埋佢去都無所謂,有時d''家長會都有一兩個小朋友一齊去老師都唔介意ga"'

朱古力

各位明天家長會我去唔到好唔開心呀!但我丈夫會出席,希望佢記得晒話番比我知喇!我真係好想去呀!

littleeva,
聽見你話你囝囝玩孤狸先生幾多點,我即刻問囝囝,佢答我老師老師幾多點,十點,然後就踏腳,你唔講我都唔知佢玩過呢個遊戲,唉!我囝囝好無心肝,玩完聽完既轉頭就唔記得晒架.

tiger

我囡囡話今日去花園玩吹 bubble  同放風箏, 不知幾開心.

佢仲唱左首歌叫 - 不再是 bb.

MuelMuel

朱古力,
無限感激!
MuelMuel

penpen

hihi~  昨天家長會看到阿囡同其他同學仔上堂既情況真係好好笑好開心呀!!   (Anita_Lee)不過老師響開始睇之前已經講明唔可以借出去, 但可以返學校睇喎! 我之前都諗住問老師借去燒架!  :cry: 另外老師又幫我哋分組, 就好似我哋d小朋友上堂咁分組, 等我哋傾下交流下, 果刻覺得自己好似變左阿囡同埋見到佢隔離d同學仔咁!! 現在就等親子旅行喇~

我買咗新出果隻唐詩DVD俾阿囡睇, 佢第一次睇已經跟住係度'lee lee lu lu',唔似以前咁頭幾次聽d兒歌碟一係好唔集中, 一係就戇居居唔知佢究竟係唔係睇緊咁!  又覺得阿囡大個女咗喇~

shermanbb

penpen,
    我地

littleeva

各位好

開完家長會. 老公都話在禮賢教書的老師工作量不少. 我們期待那份評估報告.  很開心知道將會有視學觀察. 我知道不少
學校都有此項目, 讓家長了解多些小朋友上學的情況.

老師很好,也和我們傾談了很久. 知道了多些教育小朋友的技巧. 禮賢老師真係好友善.

希望仔仔開開心心完成這3年的幼稚園生活.

朱古力

bosze,
我老公話睇到囝囝上堂都好乖，話老師要小孩子睇多Ｄ書，睇書時要留意環境，唔好在電視或玩具的附近睇，會分心．老公又話如果凍可以唔著運動服，或入面穿便服外面穿運動服．
唔知仲有無其它事要留意，因為我老公只講了這些．
今日到囝囝同小朋友分享，攪左一輸佢決定畫魚，所以我昨晚同佢練習左好耐，希望佢今日表現好Ｄ喇！

penpen

hihi~ 尋日同阿囡去左萬宜水庫, 鹿頸同埋流浮山度遊玩, 阿囡玩得好開心, 響尾站流浮山玩玩下仲走埋黎同我講話好開心呀! 見到佢咁開心我都開心埋一份,不過回家車程中一上車就睡著了! 回到家也不願醒, 唯有幫佢抺乾淨身換套衫啦~ 今朝一起身第一件事就係沖涼啦~

kitty&mimmy,
若果真係就好咯! 可以keep返多個回憶嘛~ 唔知會唔會真架呢?! 不過我女讀果班拍攝當日有兩位同學仔病了沒返學, 唔知佢地既家長會否反對?!  

littleeva,
我都知道老師工作量真係好大架! 有d又唔止教一班, 又要進修, 我諗可能係咁! 所以佢地有好多都好瘦呀~  

bosze,
我以為果日妳冇去添~ 我係蘋果組焯盈媽呀! 你囝囝有冇提過我阿囡呀?! 係呢~ 你囝囝叫咩名, 等我睇下我妹豬有冇提過佢,好嗎? 我囡提得最多係志謙呀! 即係果日出黎同我哋分享果位陳太呢~ 好啦~ 就旅行果日一定要相認呀!!   

朱古力,
星期一若太冷可以不穿夏天運動服,但記得要穿回圍裙同波鞋呀!!   另外要留意茶點份量不要太多,還有水壺若是太大個不要裝太多水, 一來重, 二來老師原來都會叫小朋友飲多些水,若果小朋友飲得晒滿足感會大D, 若果唔夠佢地都有得加俾小朋友架!!  

朱古力

penpen,
明白喇!唔該晒,我通常都唔會比太多水佢帶返學,因為怕重呀!但就唔知老師有水比.唔該晒penpen.

今日揍囝囝返學李老師話好多人流鼻水,大家要留意下小朋友喇!

Anita_Lee

各位

我有去到呀....唉....不過比我睇到呀仔d唔係o甘好o既野!!! :evil:

另外請問k1o既家長, 朗讀圖書有o羊秘決呀? 我無係呢度經歷過k1, 所以mud都唔知呀, 請多多提點!!

littleeva

睇番帶. 見個個小朋友都好留心. 相信這些是老師的功勞. 老師講野有高低音, 有技巧. 吸引到小朋友.

penpen

朱古力,
流鼻水, 我妹豬都係其中一個呀! 成日都剛好番又黎過! 唉~ 睇帶當日都見到起馬有兩位小朋友戴緊口罩, 仲有兩位小朋友sick leave, 家陣d天氣真係, 唉~~  

Anita_Lee,
唔緊要啦~ 睇到知道咗仲好啦~ 可以改嘛! but我覺得問題都應該唔大既! 若果唔係老師都晨早call咗妳啦~ 慢慢黎啦!  
果日聽到園長同李主任講咗咁多, 我本人覺得係一定要備課同埋朗讀得生動!


littleeva,
係呀! 老師講嘢好生動, 唔單止高低音, 表情都要誇張些, 我自己都有用呢招架! 咁樣可以吸引到小朋友之餘又令佢哋印象深刻d, 就好似佢哋唱歌跳舞咁! 阿囡家陣都會唱到放學歌及好幾首歌成首唱晒兼跳舞, 另外有唔知幾多首既幾句歌詞, 有時我都要同佢唱埋一份呀!  

朱古力

我好唔開心呀！今日鬧喊囝囝，佢成日含飯，總之一食野就含好耐都唔吞，今朝食早餐佢又係敢，我好嬲鬧喊佢，平時鬧完佢我會同佢解釋然後錫番佢，但今日校車到左，我未講完，所以見佢扁晒咀含住眼淚上校車，我個心好痛呀！

penpen

朱古力,
唔好唔開心, 我都經歷過呢個階段長達數月,我都明有時真係支持唔到好火滾架! 妳不如試試下次你餵佢食細啖D,或者佢易D咬晒, 細個果時食既野唔洗咬咁耐都可以吞嘛!  若果佢好快吞晒緊係要讚下佢大個囝喇~ 唔係BB喇~ 係好孩子! 我囡近來時常說要做好孩子, 我諗呢D都係佢哋近排上堂既話題,若果佢未吞我覺得有時可能小朋友都會咬咬下唔記得左架! 溫柔d提下佢鼓勵下佢啦~  近來佢哋唱過首歌係"不再做BB", 妳試下用呢句說話鼓勵下佢啦~~ 加油呀!!  

原來果日帶埋囝囝果個就係你老公, 果日你囝囝好乖呀! 你話俾佢聽焯盈媽媽讚佢乖啦~  

littleeva

朱古力

唔好唔開心啦.  不如cook d 佢鐘意食的早餐. 您問下佢想食什麼. eg: egg, 3 文治, 腸仔, 面, 通粉........

如果佢鐘意食, 應該唔會含住.

Anita_Lee

PENPEN

多謝你安慰, 其實都唔係o羊大件事, 只係睇親每個呀仔d鏡頭佢都係度挖緊鼻, 真比佢激死, 另外又見到佢唔多投入la, 有時會好擔心佢係咪因為轉左學校所以o甘 :cry:

你所指備課, 係咪預先同佢讀未教o既書呀? 請問你有無心得呀? 我只係跟住學校派o既學習大綱同佢溫o下, 唔知o甘樣夠唔夠? 同埋評估會係點樣?