"官塘基督教服務處幼兒園" 集中營 !!!

dleelm

芸迪, tungwai,

真可惜, 你地去唔到party.    我聽老師講, 果日d小朋友會上台表演喎, 應該好熱鬧好開心gar. 重係佢地第一次表演添.

tungwai

dleelm
係呀, 我其實幾想民生係下午 In , 可惜世事冇咁完美呢

芸迪

dleelm/tungwai: 我地可以參加聖誕party啦

點解 因為daddy今日再排多次隊, 入多次form, 3:00pm in 民生.

billyyanst

民生我叫人今日先去交表, 所以應該in下晝

我早幾日見到日誌話綵排, so我都係期待去睇下會唔會四圍走, 我仲打算帶dv去拍添

dleelm

芸迪,billyyanst

嘩! 好掂喎, 一舉兩得. 到時要影多d相, dv先得.


tungwai,

我估民生係你首選, 努力加油再加運氣, 祝你成功.

芸迪

星期六見到恆恆上台表演, 真係好開心呀, 話哂係佢既第一次嘛

billyyanst

芸迪:

me too, 不過dv 影到震下震下, 比我老公鬧到死死下

芸迪

Billy媽:  :  :  :

我同你一樣, 之前影其他哥哥姐姐既表演, 隻手已經攰到不得了, 到影d班表演時, 開頭隻手不受控咁震 我即刻換個姿勢, 用另一隻手支持住, 先至無震咋.

為咗唔俾隻手震, 一個shot直落, 只係影到個仔同旁邊幾個小朋友. 原本想影下wide shot (全班同學都唔得)

不過都俾老公笑 :evil:  :evil:

lilychan

噫!你地小朋友兩歲就可以上台表演，好叻呀!我見平時幼稚園只係比中班或高班小朋友表演!見到好多媽媽都話比小朋友考民生同培正，我覺得好奇怪!因為我幾朋友係中學教師同大學講師，佢地都比幾個仔女入基督教服務處的幼兒園。佢地向我極力推介話基督教服務處的幼兒園。因為比到小朋友創意同全面發展，原來佢地幼兒園重在同行出名好，唔會好似傳統教學的一條龍幼稚園單著重小朋友中英數的學習，因為單訓練小朋友中英數學習，會忽略小朋友多元思維能力及個人潛質。我初時就問佢地一條龍唔係好d，佢地話比我知，現在小學派位主要係按居住地區及計分(好似即係有無兄弟姊妹，宗教信仰等)，所以同讀邊間幼稚園無關。
重有我好欣賞觀塘幼兒園的老師好有愛心，環境又好，加上佢地著重小朋友藝術發展，經參觀過後，見到觀塘幼兒園AB班小朋友做的作品好特別，又向副主任了解創意對小朋友原來很重要!於是我決定一定要報觀塘幼兒園。好希望比BB讀了!希望入到啦    還有我個姪女報九龍塘某playgroup我創意班，兩堂耍成$500，好貴!而且小朋友反應普通，相比幼兒園一個月學費只係$2000左右，真係物超所價啦!(好市儈添!)

芸迪

Lily: 老實講, 我都好鐘意官塘幼兒園架, 我對佢地各方面都好滿意.  

雖然我有報培正同民生, 就算收, 都未決定讀唔讀 (唔收就唔駛煩) 不過, 報咗叫做多個選擇囉

我成日都同人講, 一日最衰都係官塘幼兒園, 辦得咁好, 縱壞咗我, 攪到我唔捨得轉. 查實我唯一擔心係銜接小一既問題

tungwai

芸迪, Billy媽
你地就好啦有得睇, 我個仔都重未奉獻佢私第一次呀

dleelm

芸迪
好同意你的想法, 其實我都係心大心細轉唔轉校, 基本利間好合我要求, 樣樣都好好, 不過上小學要參加大抽獎同可能比較辛苦函接小一. 所以都考慮點揀好, 接受9年免費教育或比錢一條龍直升??
另外, X’mas party, 我老公無去, 但佢又想睇下果日的情況, 最幣我影唔到, 可能太遠, 影出離完全黑晒, 激鬼死!!  你方唔方便幫我燒一隻碟比佢兩父女從溫下當日的氣氛?? 亞女無上鏡都無所謂ga.

峰仔媽咪

聯歡會當日，我都好擔心峰峰扭計，因為，如果改變左佢平日既返學程序，佢會扭計唔返學，我已經好早比左心理準備佢，結果當日返到學校樓下，佢見倒禮堂好多人，佢就驚起來，我同佢解釋一大輪，

芸迪

dleelm: 燒隻碟梗無問題啦, but我真係好似影唔到楹楹播 你唔介意既話, 我都可以照燒, 但要俾少少時間, 因為要老公先識攪

dleelm

芸迪,

麻煩你啦!!  慢慢燒, 我唔急ga.  致在比番利一大一小開心下, 睇下.   等到學校晒相時我會再補購番.

恆恆張相好有聖誕feel 喎, 帽仔同頸巾,我女戴左一日就唔戴la, 以家佢比左佢摯愛的公仔戴. 條頸巾用來綁幾個公仔, 好多用途咁.

芸迪

dleelm: 頂帽同頸巾咪就係當日戴過咁大把囉 查實係影相時戴過添咋

billyyanst

芸迪:

嘩! 恆恆有有新相, 好靚呀 今次又去邊樹影呀, 我都想的起心肝去影, 因為呢個時間過左冇咁得意架啦

unchu

我都想知多d有關入學details. 可以告訴我嗎.

horo

hello!各位媽媽!見到大家咁擔心仔仔女女升小一，令我唸起自己以前都經歷過，不過慶幸仔仔已是小學二年班學生了!
仔仔都係基督教服務處的畢業生，所以我係基督教服務處的支持者。因為佢地實在幫我好多。其實仔仔以前先在九龍塘某名幼稚園讀，但係佢地學校單重視小朋友學中英數，於是仔仔好唔習慣，成人唔鍾意返學。帶佢返學要花好多時間，當時，我真懷疑仔仔有問題定話我自己教得唔好。因為那間名幼稚園都唔太重視小朋友情緒，因此我實在像求救無門。幸好，我同事叫我考慮轉基督教服務處的幼兒園。之後，仔仔返學真係開心又主動，同主任老師坦白分享我仔仔之前的事，佢地好細心幫仔仔，原來仔仔為人慢熱，因此要花時間比仔仔建立信心。現在仔仔升小學，班主任重成日讚佢有創意，主動發言﹐重做班長。所以我好相信基督教服務處真的專業。其實仔仔女女升小一重有大把時間，而且現在小學又有直資可選，點解仔女細個時唔比佢地一個開心快樂的經驗~!

lilychan

horo:
多謝你的分享，我都好有興趣知道小小直資學校資料，因為聽朋友話直資小學比到小朋友較大發展空間。另外，你仔仔在基督教服務處的幼兒園畢業，可唔可以介紹一下佢地課程，因為過來人知道得會全面d!