有關和小兒在學習和打機及電子媒體使用上的時間爭議

October.

stanleypyk 發表於 20-7-4 18:06
其實過往讀書時狂打機不理學業已成過去, 現在打機只是在途中的粗言穢語會影響父母的心情, 尤其是一些惡毒 ...

佢現在手上有萬多元炒股，咪係佢PT賺返來既，佢又唔係完全唔工作，佢話俾你聽佢淨係SEND 左份政府工？ 或者佢SEND左其它CV你唔知呢，再俾多啲時間佢啦，我女當時揾緊咩工我地係完全唔知既，如果我地心急小小都會以為佢HEA緊唔想做野，不過，我地幾乎完全冇過問，信佢。

至於投資諗法，年輕人好高婺遠，唔肯腳踏實地，要俾佢跌過，先會醒。

stanleypyk

阿仔通常留在房間, 如果出來飲水外, 便是談投資經, 他早兩天買了一些股票的期權, 但正股沒什麼升, 但期權金突然升很多, 又出房想和我們討論點解, 講真我也無玩開期權, 又無興趣, 又不讚同他不工作去玩, 所以我表明不願和他討論, 反被他說我不合時宜, 打死一世工, 不多些向這方面鑽研, 可謂不同道不相為謀, 接著他轉向媽咪討論。至於媽咪嗜好投資, 經常看圖表在網上聽專家課堂, 雖然她算是退休生活的一些興趣, 但阿仔看在眼中也是一個借鏡, 只不過他不是退休, 是不工作主力投機, 如果叫太太放棄每天的投資學習去影響兒子, 又似乎太遲, 但這是她的嗜好要她放棄但又不知在這刻有沒有用。

MrBeast

stanleypyk 發表於 20-7-8 11:01
阿仔通常留在房間, 如果出來飲水外, 便是談投資經, 他早兩天買了一些股票的期權, 但正股沒什麼升, 但期權金 ...

再一次建議你參加一些communication course，唔認同佢唔代表冇計傾，聖雅各每年都搞一個免費講座，都ok，有興趣再join course

stanleypyk

MrBeast 發表於 20-7-8 11:21
再一次建議你參加一些communication course，唔認同佢唔代表冇計傾，聖雅各每年都搞一個免費講座，都ok，有 ...

但每天他問多次一些投資現象, 去討論市場的人為什麼這樣做, 主要是他按常理去買賣, 但市場很多時候不按常理操作, 已向他解釋多次, 但仍是每天不斷去討論, 我覺得溝通都要令大家有所裨益, 只是投其所好絮絮不休, 請恕我没這耐性！

stanleypyk

今天與他談到一個話題, 我談到近年就快退休, 公司對自己也有些不公平的對待, 如有成績的表演, 但不給合理好的評級等等, 阿仔就說打工就是不公平, 所以打工無用, 辛辛苦苦賺錢得不到合理的回報, 不如投機快快揾到第一桶金不用打工受氣, 聽到這些歪理真不知怎對答!

MrBeast

stanleypyk 發表於 20-7-8 12:35
但每天他問多次一些投資現象, 去討論市場的人為什麼這樣做, 主要是他按常理去買賣, 但市場很多時候不按常 ...

你之前不是因為你做了某些事令你兒子同你有計傾而感到自豪/(覺得moving in the right direction)嗎？若果投機討論真的過不到自己嗰關，可請太太代勞，仔係你的，totally up to 2

Jane1983

回覆 stanleypyk 的帖子

你和亞仔分享職場上的感受，係好事。但你人生走到呢個階段，體會的嘢唔一定適合一個初出茅廬的年青人。好多老人家感慨「殺人放火金腰帶，修橋舖路無屍骸」，或者呢個世界「笑貧不笑娼」，唔係錯，但無謂同腦荀未生埋的後生傾。
你仔得萬幾元本，咁多個月都係輸多贏少，佢應該體會到靠炒賣根本生活唔到，始終都係要搵份工。搵份正職有穩定收入，儲起餘錢，在工餘時間度吓點投資增值，咁先係正路。佢唔明或者唔願意明，你應該講明佢聽，一日三餐、房租水電煤，點搞？

akys

stanleypyk 發表於 20-7-8 21:45
今天與他談到一個話題, 我談到近年就快退休, 公司對自己也有些不公平的對待, 如有成績的表演, 但不給合理好 ...

今年股市與常識脫節，提醒他要EQ高，唔好同市場鬥氣，順勢而行。一個錯市衍生工具如期指等會輸好多。明明經濟外圍都差，可以一日升千點，冇對沖止蝕可以一鋪輸晒。

MrBeast

MrBeast 發表於 20-7-8 11:21
再一次建議你參加一些communication course，聖雅各每年都搞一個免費講座 ...

just happened to see this on my fb:

https://www.sjsmile.com/seminar/1398?utm_source=FB&utm_medium=FB&utm_campaign=%E5%85%8D%E8%B2%BB%E8%AC%9B%E5%BA%A7:%E5%8F%A3%E6%89%8D%E6%8F%90%E6%98%87-%20%E5%A5%BD%E5%8F%A3%E6%89%8D%E6%98%AF%E5%A6%82%E4%BD%95%E9%8D%8A%E6%88%90%E7%9A%84%EF%BC%9F_202

stanleypyk

MrBeast 發表於 20-7-9 20:25
just happened to see this on my fb:

https://www.sjsmile.com/seminar/1398?utm_source=FB&utm_medium=F ...

黃博士的課程阿仔上過, 但返不夠兩成課堂已放棄, 本來是我們打本給他去學好溝通技巧, 奈何他不喜歡與人相處和交往, 很快便打退堂鼓。

stanleypyk

akys 發表於 20-7-9 11:20
今年股市與常識脫節，提醒他要EQ高，唔好同市場鬥氣，順勢而行。一個錯市衍生工具如期指等會輸好多。明明 ...

已和他說過今年的走勢和常理是脫節, 但說本來希望按自己的常理去買賣, 如果亂買賺錢也覺得不風光, 我向他說亂買也不一定次次賺錢, 相信他這半年在市場打滾已有點迷失方向, 直是十成運氣去玩這個市。

MrBeast

stanleypyk 發表於 20-7-9 22:23
黃博士的課程阿仔上過, 但返不夠兩成課堂已放棄, 本來是我們打本給他去學好溝通技巧, 奈何他不喜歡與人相處 ...

我有一位親友，有獨子有點聰明，但大學畢唔到業，佢永遠都是認為所有事情都是仔問題，要阿仔見心理醫生，從來唔接受要改變自己去引導阿仔，倒覺得和你有些相似

MrBeast

stanleypyk 發表於 20-7-9 22:23
黃博士的課程阿仔上過, 但返不夠兩成課堂已放棄, 本來是我們打本給他去學好溝通技巧, 奈何他不喜歡與人相處 ...

其實個講座已包左好多好料，有心的話會得益，冇心的話只是拉牛上樹

stanleypyk

MrBeast 發表於 20-7-10 06:33
我有一位親友，有獨子有點聰明，但大學畢唔到業，佢永遠都是認為所有事情都是仔問題，要阿仔見心理醫生，從 ...

可能我不懂怎改變自己而令到子女隨之改變, 但投其所好去融入對方的睇法從而可以改變到他, 真是感到有點抽像, 今年比較和他溝通得多, 昨天我向他說了一個比喻, 他說打工沒前途, 只能投機致富, 對前景完全是負面預測, 連揾工的動力也沒有, 前景不明朗是認同的, 要自己獨立生活沒直接的依靠是有畏懼的, 但讀完書要工作的階段始終要面對, 他要有一條可見的康莊大道才去行, 但他尚未踏足社會那知將來的際遇, 前面有一座小山頭, 也要走一段路才到高處去選擇餘下的道路, 不可能猜測山頭後一定沒有路而原地踏步不前, 看他情況在我們未退休前也不會積極找工作, 只留在家投機炒賣！

MrBeast

stanleypyk 發表於 20-7-10 20:38
可能我不懂怎改變自己而令到子女隨之改變, 但投其所好去融入對方的睇法從而可以改變到他, 真是感到有點抽 ...

再重申一次good listener =/= 認同/融入對方的睇法，最簡單初階的技巧是paraphrase, 只須重複對方的說話便可，eg, 你覺得打工咁辛苦得雞碎咁多所以⋯，令對方覺得你明白佢內心的感受。然後 instead of 講道理，問一些open ended questions.
大部分人對這種溝通方式都不是natural(me incd), 所以要去學，上正式course 的話通常會有role play 但role play 有時未必effective

stanleypyk

MrBeast 發表於 20-7-11 06:47
再重申一次good listener =/= 認同/融入對方的睇法，最簡單初階的技巧是paraphrase, 只須重複對方的說話便 ...

我太太有時也會用你這套方法

stanleypyk

今天又和兒子討論完成學業後他的人生去向, 他很羡慕同學就算讀完書, 可以hea在家不用出外工作, 所以他的經歷相當不幸, 而社會的前景高樓價, 失業率高, 就算讀多幾年大學, 起薪點也是高得不多, 不值得辛苦升上大學, 唯一可以有舒適的生活便是投機在市場賺大錢, 打工就好像乞丐, 有時看他在窗前望向街中, 常說街上全部都是乞丐, 還說我的是舊思想, 讀書, 工作, 退休這三階段, 工作已不行了, 應好像他的想法才有發圍, 我當然解釋道, 大學生起薪點可能如他所說不高, 但將來的前途會比較好, 有學歷相對找工容易, 當然行行出狀元, 不讀大學也可以有其他出路。至於街上大多數打工仔是乞丐, 是他覺得, 但實際他們有多少家底又會知嗎? 至於工作不會短時間發達, 但可積聚一定的財富, 期間可再找投資機會致富, 但他當然聽不入耳, 似乎想憑他謹有的萬多元(加埋政府便有2萬多)不斷研究投資必勝的方法,在我們退休之前可得到第一桶金, 所以短期應不會看到他再找工作, 現在只要求他支付每月電費作為家用。

Jane1983

stanleypyk 發表於 20-7-11 21:35
今天又和兒子討論完成學業後他的人生去向, 他很羡慕同學就算讀完書, 可以hea在家不用出外工作, 所以他的經 ...

打工係乞丐，街上人全部係乞兒 － 呢d咁難聽的說話，其實係樓主定樓主太太教佢？點解佢會咁講嘢？真係難聽過粗口

洋蔥頭媽咪

stanleypyk 發表於 20-7-11 21:35
今天又和兒子討論完成學業後他的人生去向, 他很羡慕同學就算讀完書, 可以hea在家不用出外工作, 所以他的經 ...

恕直言，態度決定高度，佢覺得打工揾萬零蚊係乞丐，冇向上嘅動力，咁佢呢世都註定係乞丐。幾時見過賭仔會發達，賭博心態難成大器，成日發夢幾萬蚊搏一桶金，除非你真係做莊家或者有機會。
年青人對前景绝望，樓價高難向上流可以理解，就係因為不滿現狀，更加應該積極裝備好自己，另覓出路， 唔係只懂得怨天怨地。須然行行出狀元，未必一定要讀大學，但現今大學學歷都冇，其實你嘅競爭力都會好低。大把人都係一路工作一路進修讀大學，勤奮一步一步揾啱要行嘅路， 终日投機取巧不勞而穫心態，注定失敗。

我只係小康之家，唔會供啲仔出國留學，但我仔亦覺得香港年青人冇乜前境，難向上流，所以都積極裝備好自己，有意去海外發展，自己闖一闖，年青人有的是青春同時間，肯學肯做就會有出路，機會只會留畀有準備嘅人，咁簡單嘅道理連我細仔都明啦！

stanleypyk

Jane1983 發表於 20-7-11 22:14
打工係乞丐，街上人全部係乞兒 － 呢d咁難聽的說話，其實係樓主定樓主太太教佢？點解佢會咁講嘢？真係難聽 ...

我當然不會灌輸打工係乞丐的意念給他, 可能是他自我體會或同學間的交流而產生吧！