民生書院小學部家長分享 - (高小集中地)

Miffy2

想請敎你們,我女下星期四開始放學跳舞, 想問如想自己帶飯點交比佢. 有無D提意.

菲媽見女跳舞咁成績, 希望我女喜歡, 雖然係一中一西

Zoey

Miffy2,

學校既褓母車服務好好嫁, 嬸嬸可以幫手帶飯番學校比妳既小朋友, 咁就唔駛一早整定, 又要焗咁耐!  妳 call 下司機叔叔, 同佢斟下啦          !

桃子

Miffy2,

你囡囡上跳舞堂係幾點呀? 我諗你最好之前call 定班主任, 告訴她你囡囡會留在學校上跳舞堂, 睇下老師如何安排她. 因為你囡囡食lunch 都要揾個地方掛 !
你知唔知有冇其他小朋友都會參加呢? 如果有, o禁你囡囡咪有伴law   有冇call 下以前我地班個位姓區的同學仔, 個位小朋友好喜歡跳舞, 佢可能有參加wor  

clpma

Zoey,

你好！我個仔現時在民生讀緊Ｋ３，明年將入讀民生小一，想多了解小學的情形，請多多指教：
1.        功課忙嗎？(有幾多樣？)
2.        ３測３考是否對小朋友造成很大的壓力？
3.        從民生中學網站得知，小學課程會用５年時間教完，小六會讀中學部準備的課程。本人想問小學的生活時是否很忙？要死讀爛讀？
4.        學校是否注重培養學生閱讀的習慣和興趣？一般民生的學生愛閱讀嗎？
5.        英文水準如何？有没有外籍老師？如有，水準如何？
6.        普通話可以嗎？
7.        課外活動是否多數在星期六舉行？因明年小一是全日制，故希望下午有活動不用全日上堂。

問題多多請見諒。

CLPMA
:wink:

Zoey

clpma,

妳好!  希望解答得到妳一些問題:

1) 小一功課量其實不會太重, 尢其很多也是重溫幼稚園時學過的;  每週默中英各一, 也應該沒相像中難應付, 好像我女依家小三, 每週用在一科默書所用的時間都係 30 mins 左右;

2) 3 測 3 考, 論頻率是比較密, 但就最 arm 我這些平時不會幫小朋友溫習的媽咪        , 每次測考就係我幫阿女檢討那 interval 裡面所學的時候, 由於離上次既測考可能只係 1-2 個月, 所以每次溫習都唔會太吃力, 又唔駛因為測考太疏, 每次範圍又太廣, 而令每次測考壓力增大, 可能反而要將
平日溫習既次數增多;

3) 係唔係 5 年完成小學課程, 我真係不太清楚, 這個真係要問問高年級既家長         ;

4)  學校每年都有親子閱讀計劃, 鼓勵小朋友多閱讀;  我相信大部份學生都喜歡閱讀, 只係或許未必喜歡我地想他們看的     :    ;

5) 外藉老師是有的;  但我相信到妳小朋友的時候, 情況應該比我地這時的好得多, 因為依家我地都只係每週一堂外藉老師上的 Oral 課, 幸好英文堂老師都係以英語授課;

6)  普通話, 暫時都好似多以朗讀為主, 還未見有太多併音教         , 唔知高年級有沒有教呢?

7)  依家已經有些課外活動是在平日放學後的.

clpma

Zeoy,

多謝你詳細的回覆。現對小學部有了更深入的了解。

CLPMA

Copy from Munsung Website for your reference:-

Courses offered by Primary School Section
All subjects are compulsory for students from Primary 1 to Primary 6. Apart from English, Chinese is used as the medium of instruction. In order to familiarize primary students with the environment of secondary school, which uses English as the medium of instruction, an Enhancing English Teaching Method is used.All students are required to finish the normal 6-year course within the first 5 years and in the last year, students are required to study the materials which are published by the college.The length of each period in Primary 5 and Primary 6 is the same as that of secondary school. A 5-day cycle is used and each lesson lasts for 40 minutes for Primary 5 and Primary 6, and 35 minutes for Primary 1 to Primary 4.

Venus

ZOEY
昨天下午有冇去聽"申命記"研經講座呀, 我老公有去, 佢話好正, 所以之後5堂佢都會去聽, 分享下.

ZOEY/桃子
你們的囡囡主日學升班之後如何, 開心嗎, 謝老師同勞老師好掛住佢地喎.

借小小位置賣下廣告, 宣道會北角堂今個星期五,六晚上7.30-9.00有佈道會, "生命的曙光" 歡迎各位媽媽爸爸來臨.   

sunniema

[quote]
All students are required to finish the normal 6-year course within the first 5 years and in the last year, students are required to study the materials which are published by the college

CLPMA,

Yes. 其實從 P.4 開始, 已是用校方印的supplementary exercise 為 grammer 教材的.

Zoey

各位,

請問妳地會唔會幫小朋友訂最近新雅書單內既圖書呀?  阿女成日 '怨' 住想我買, 但一黎可能冇咁多時間睇, 二黎又好似幾貴咁, 睇完放係度好似好浪費咁          !

菲媽

Zoey,

有d咁既事咩, 我都冇留意tim!
唉, 唔好講話睇課外書, 學校d功課都攪唔掂. :evil:

Zoey

Venus 寫道:
ZOEY
昨天下午有冇去聽"申命記"研經講座呀, 我老公有去, 佢話好正, 所以之後5堂佢都會去聽, 分享下.

ZOEY/桃子
你們的囡囡主日學升班之後如何, 開心嗎, 謝老師同勞老師好掛住佢地喎.

借小小位置賣下廣告, 宣道會北角堂今個星期五,六晚上7.30-9.00有佈道會, "生命的曙光" 歡迎各位媽媽爸爸來臨.   

Venus,

尋日帶女去游水, 沒去到呀!  下次同老公夾一夾先, 我都想去聽一下!

桃子, Miffy2, 菲媽, Joanna2004

遲些我地教會係 x'mas 未有冬令日營既, 唔知乜野形式呢          , 可以約埋一齊去呢!~

桃子

Zoey,
今次我唔會買圖書喇! 因為上次書展我巳經買左幾本, 大囡真係睇完之後就放在一角, 你叫佢再睇多次, 佢都費事理我. 真係寧願去library 借仲好呀
之前都心思思想同囡囡去冬令營, 因為以前讀書時有參加過, 覺得好開心. 不過日營係大小同價, 3個人去差不多$500, 蝦子餅知道一定唔like 的, 所以都係唔去喇! :cry:

Zoey 寫道:
各位,

請問妳地會唔會幫小朋友訂最近新雅書單內既圖書呀?  阿女成日 '怨' 住想我買, 但一黎可能冇咁多時間睇, 二黎又好似幾貴咁, 睇完放係度好似好浪費咁          !

Zoey

桃子,

咁冇法啦.

唉 . . . 講開老公, 我都想講下我老公!  雖然我係屋企, 出名脾氣唔好, 改極都係改唔到, 成日搵左老公做出氣袋, 自己都知道衰!  前晚半夜 (兩點幾), 係屋企比隻大皇蜂針到隻手, 仲腫晒 tim, 好彩都係得老公係度, 因為咁夜冇醫生睇, 佢即刻同我飛的去睇急症, 我隻手痛到用唔到力, 佢仲幫我著埋鞋, 一句怨言都冇, 唉, 諗起都覺得自己成日好過份, 真係要錫番先得          .

Venus

zoey, 桃子

冬令營的形式是會每日有兩次的講道, 中間時間係不同的工作坊, 節目很豐富, 成個營社都是基督徒, 果種感覺好舒服, 我上屆第一次入營, 不是我想像中的節目(我以為有得BBQ之類的活動, 原來是沒有的), 我小組的姊妹仲話我, 你估去玩呀, 去聽道呀   , 入到去又另外一種感覺, 過左三日之後, 靈命真係唔同左, 所以我今年都係去全營, 即四日三夜, 我的小組一齊報名, 會好開心, 係呢, 你們團契有沒有邀請一起報名

Venus

ZOEY

你隻手現在好D嗎?

Miffy2

ZOEY,

你隻手無事吧, 醫生點同你醫, 有無把針取出 ?
要否吃葯, 希望無礙.

關於冬令營Venus 都解釋得好清楚, 我今年聖誕節可能不在港, 所以無報, 如你有興趣要快些報, 因2年才辦一次.

Miffy2

我有事請教, 我女語文手冊寫: 背第九課, 温第四及六課, 我想問温第四及六課係咩意思, 係老師會考佢默字定係背

Miffy2

Heid 媽,

多謝回應.

千其不要生氣, 我好明白有個小孩子的辛苦, 因我有一個都攪到我頭擰擰, 更何況你呢. 不過小朋友學習的程度不同, 有些快有些慢, 我們只可以用更多耐心, 及愛心去關懷佢更多, 但絶不可用打的方式, 因得出的較果肯定係負面.

我記得我未信主前曾打了我女二次, 她那時只K2吧, 回想原因很蕳單, 就係不吃飯, 我不知那來的怒火, 拉她入房, 狂打屁股, 五隻指印淸晰可見. 最后的結果她還是不吃及哭着入睡了. 事后如你一樣我非常非常的後悔,  自此後我告訴自己不再用打駡方式來表達對她的不滿, 盡量用愛心去和她說道理,當然這難度極高, 但這是我覺得唯一及最好解決方法. (當然有 神在我心中幫我教導女兒, 所以憑着 神的愛我有更多的耐性及釋放內心的怒火. )  

Heid媽, 盡量帶小朋友回教會, 或許你會有奇妙的收穫.

Venus

Heidi媽

唔好激氣唔好激氣, 我好明白你們的心情, 我個仔有時都係咁, 有次我同佢爸爸都係因為教佢個字教左成日佢都唔記得, 激到我差d要佢出門口, 嚇到佢死死下, 喊左成晚, 夜晚仲發夢喊醒, 攪到我們比我老豆丙到七彩    , 但之後每次話幫佢溫書佢就好驚好緊張, 後來我們開始唔再鬧佢, 用鼓勵的方式, 現在都幾好, 好有進步, 一教就識, 所以唔好太惡, 如果唔係小朋友以後都冇信心.