08/09年度 K1F 上午班 (KENT RD.) 報到!!

stliu

fatbabyfat,

希望肥妹今日休息左會好D啦, 我估佢好期待明天的party架!

原帖由 fatbabyfat 於 09-4-2 09:08 發表
All,

肥妹今日又無返學啦, 佢呢兩日都係早上無燒, 夜晚有微燒 (99.8), 同埋有好少好少鼻塞咁款, 所以今日都係唔比佢返學, 不過肥妹成日話明天要返學, 因為有 party , 我唔想比肥妹返, 不過愛女號話睇下點.  ...

fatbabyfat

雙子媽媽 :

我估 stliu 都知我地係同佢講笑, 講話 "卡拿蘇", 我估我個女認左第二都無人敢認第一啦, 佢真係 "騎lei"怪一名.

我地 11 號先出發, 希望可以順利過渡.

kowloon tong 我就真係唔知邊間有 summer course, 我只係問過 whampoa 的 william 有. 等我同你八下問下人, 問到先覆你.

原帖由 雙子媽媽 於 09-4-2 09:27 發表
stliu

我講吓笑架咋, 妳唔好嬲至好呀

好啦, 咁我closer to the time訂金豪時會同佢講定有個大大大肚婆, 叫佢地準備好.

fatbabyfat,

肥妹點解咁架, 其實妳起邊日起飛呀? 真係有d危危地  ...

stliu

雙子媽媽,

我係自大, 不過唔係小器, 點會嬲呀, 我都係講笑咋!
你媽咪身體唔好, 如果你地輪流放下假睇住Cyrus都好.

咁一於決定食金豪啦, 等埋rayvonne及仲有冇人有興趣...

我地都好想搵summer course俾晉晉呀, 但係真係唔知邊度有, 如果有, 我地互相報料啦!成個暑假如果佢都響屋企, 我怕我個新新姐姐吃不消呀, 因為到時仲有個細B.
尋晚我大愛人都話到時要搵多個鐘點來幫手...

雙子媽媽 & fatbabyfat,

呢幾日晉晉D情緒都麻麻, 日常起居都唔係太合作. 我尋晚諗起, 其實由之前我果個姐姐走(08年10月), 到而家, 半年間, 佢已經換左4個照顧者: 1) 姐姐, 2)大姑媽, 3)新姐姐, 4)而家呢個新新姐姐. 對佢來講, 真係too much! 當然, 我地係被逼, 不過我都同我大愛人講, 要留意晉晉,同埋有時對佢寛容D囉! 跟住, 到5月又弟弟出世, 唉, 諗起上來都覺得晉晉有D慘!
其實已經慶幸, 晉晉平時的情緒都okay的, 所以就算最近變得咁利害,佢D反應都唔算太恐怖(當然, 有時都恐怖), 希望佢快快回覆之前咁啦!

原帖由 雙子媽媽 於 09-4-2 09:27 發表
stliu

我講吓笑架咋, 妳唔好嬲至好呀

好啦, 咁我closer to the time訂金豪時會同佢講定有個大大大肚婆, 叫佢地準備好.

fatbabyfat,

肥妹點解咁架, 其實妳起邊日起飛呀? 真係有d危危地  ...

fatbabyfat

stliu,

我地都有同肥妹講過下姐姐 gloria 要去 canada, 佢都明發生咩野事, 不過佢都會喊話唔好, 我都有同佢解釋下, 佢又好似明又好似唔明咁, 不過都係到時先算, 我估佢都應該 ok.

今朝姐姐 gloria 放假返菲律賓, 佢又係咁問, 姐姐重返唔返離, 我話今次返, 不過下次就要好耐先返, 佢問我 5日得未, 我話 5日唔夠, 我估佢又唔明咩野叫 2 年, 所以我同佢講, 100日啦, 係佢心目中, 100 係一個好大的數目, 佢聽完又即刻喊, 我見到都心痛, 不過真係無辦法, 不過姐姐gloria 都話, 如果佢唔適應 canada 的天氣可唔可以返來做, 我話 ok, 我地歡迎, 不過佢都好好, 話會成日打電話同寫信比肥妹, 佢話電話費好平, 佢都好唔捨得肥妹, 佢話如果唔係比左30,000 agent 費, 佢都唔想走, 我同佢講時, 我同姐姐 gloria 都喊到死, 我估愛女號見到都心煩, 所以晉晉的情緒有起伏都可以理解, 真係難為左 d 小朋友

原帖由 stliu 於 09-4-2 09:38 發表
雙子媽媽,

我係自大, 不過唔係小器, 點會嬲呀, 我都係講笑咋!
你媽咪身體唔好, 如果你地輪流放下假睇住Cyrus都好.

咁一於決定食金豪啦, 等埋rayvonne及仲有冇人有興趣...

我地都好想搵summer course俾晉晉呀, 但 ...

雙子媽媽

stliu,

晉晉半年內有咁多轉變, 有情緒係可以理解同接受gei. 妳講得啱, 晉晉真係有d可憐, 況且佢已經算乖嘞, 比著我個隻怪獸, 咪仲唔掂. 我估週圍d樹葉實比我呻到跌晒落黎. 但係咁, 如果妳地依家話可以對佢寬鬆d, 咁幾時收返緊先? 因為遲d細佬出世, 到時先收緊佢會唔會錯覺妳地因為細佬而對佢有所轉變. 如果等細佬大d先, 會唔會太遲, 收唔返呀?

fatbabyfat,

哦.....11號先出發, 仲有成個星期, 唔使心煩啦. 肥妹到時一定掂, 比d相心佢啦.

stliu & fatbabyfat,

我記得之前睇stliu個blog, 講舊舊姐姐走時, 佢都有唔捨得, 都有喊. 其實呢個係人之常情, 我地大人都會不捨, 何況係幾歲人仔呢? 我舊姐姐, 雖然佢唔係超perfect, 但都算過得去, 最緊要係佢錫我個囝. 我記得佢知道我亞囝肺炎要即時入院, 佢係電話度喊左出黎, 但都安慰我叫我唔好擔心. 當時我都好感動架. 到完約佢要走, 我都唔捨得, 雖然當日我未至於喊, 但之後個1個星期都好掛住佢, 擔心佢唔習慣. 我都當左佢係自己family member 咁架.

原帖由 stliu 於 09-4-2 09:38 發表
雙子媽媽,

我係自大, 不過唔係小器, 點會嬲呀, 我都係講笑咋!
你媽咪身體唔好, 如果你地輪流放下假睇住Cyrus都好.

咁一於決定食金豪啦, 等埋rayvonne及仲有冇人有興趣...

我地都好想搵summer course俾晉晉呀, 但 ...

stliu

fatbabyfat,

姐姐gloria響你度幫左手咁耐, 佢又咁好, 你地唔捨得都係正常, 俾我我都會喊, 唯然到時安慰肥妹多D啦! 我之前D姐姐(好的果2個), 走時我都喊, 第一個喊得最勁... 始終朝見口晚見面, 都會唔捨得.

雙子媽媽,

其實寛容D都係我自己諗咋, 我都唔知實際係點, 同埋, 我發覺, 主觀意願就係話寛容D, 但事實係佢有乜唔妥,我地都係同平時一樣咁樣discipline佢... 多謝你提我, 係囉, 如果而家突然放寛,可能佢仲無所適從. 唯有佢平時冇乜野時多D同佢抒解情緒啦!

fatbabyfat & 雙子媽媽,

晉晉都好得意, 問佢鍾唔鍾意而家的新新姐姐, 佢話唔鍾意, 佢鍾意之前果個(即係對上果個做左幾個月的副4分!), 我心諗, 唔係呀話? 果個真係騎呢姐姐來, 佢都鍾意?? 後來諗下就明, 因為佢對左佢一段日子(都幾個月架!), 都會有DD感情啦. 咁呢個新姐姐, 佢地都要時間相處先可以建立感情! 總之就係要時間啦!

原帖由 雙子媽媽 於 09-4-2 10:11 發表
stliu,

晉晉半年內有咁多轉變, 有情緒係可以理解同接受gei. 妳講得啱, 晉晉真係有d可憐, 況且佢已經算乖嘞, 比著我個隻怪獸, 咪仲唔掂. 我估週圍d樹葉實比我呻到跌晒落黎. 但係咁, 如果妳地依家話可以對佢寬鬆d, 咁 ...

雙子媽媽

stliu & fatbabyfat,

呢個都係我struggle再請唔請姐姐gei原因之一. 好gei, 因怕到佢走, 大人細佬都唔捨得. 大人都仲好d, 比較識得收放自己的情緒, 小朋友就唔同嘞, 唔多唔小都會有d影響. 如果不幸請正stliu個-4分咪c

原帖由 stliu 於 09-4-2 10:27 發表
fatbabyfat,

姐姐gloria響你度幫左手咁耐, 佢又咁好, 你地唔捨得都係正常, 俾我我都會喊, 唯然到時安慰肥妹多D啦! 我之前D姐姐(好的果2個), 走時我都喊, 第一個喊得最勁... 始終朝見口晚見面, 都會唔捨得.

雙子媽 ...

stliu

雙子媽媽,

請工人呢個議題真係令人頭痕架! 以前的年代, D菲傭好似真係唔錯, 同埋每個都可以響同一個偏主度做好耐, 好忠誠.
而家呢, 係咪社會唔同左, 連D姐姐都質素下降? 請到好的比請到差的,要難好幾(十)倍咁, 真係令人心煩架! 我都常常諗, 而家呢個唔知又肯做幾耐... 雖然我係有D杞人憂天, 但係, 呢個係事實... 總之有又煩, 冇又煩!

原帖由 雙子媽媽 於 09-4-2 10:35 發表
stliu & fatbabyfat,

呢個都係我struggle再請唔請姐姐gei原因之一. 好gei, 因怕到佢走, 大人細佬都唔捨得. 大人都仲好d, 比較識得收放自己的情緒, 小朋友就唔同嘞, 唔多唔小都會有d影響. 如果不幸請正stliu個-4分咪 ...

rayvonne

All,
雖然返工勁忙, 因為想放工on time. 但放工後係閒人一個. 24/4 我OK!

fatbabyfat,
希望肥妹休息今日, 明天bd party 見到佢! 我幾日無見肥妹, 好掛住佢! 唔記得話你聽, 我上星期日整咗馬豆糕紅豆糕俾C6食, 佢話好正, 以後唔使用$10三件買.

原帖由 stliu 於 09-4-2 09:38 發表
雙子媽媽,

我係自大, 不過唔係小器, 點會嬲呀, 我都係講笑咋!
你媽咪身體唔好, 如果你地輪流放下假睇住Cyrus都好.

咁一於決定食金豪啦, 等埋rayvonne及仲有冇人有興趣...

我地都好想搵summer course俾晉晉呀, 但 ...

雙子媽媽

rayvonne,

估唔到妳真係出招整糕比妳honey食wor .

我呢排反而好得閒, 因為新老板未到, 而佢個deputy又入左院, 仲要放成個月medical leave tim. 我地呢度好鬼靜.

原帖由 rayvonne 於 09-4-2 10:58 發表
All,
雖然返工勁忙, 因為想放工on time. 但放工後係閒人一個. 24/4 我OK!

fatbabyfat,
希望肥妹休息今日, 明天bd party 見到佢! 我幾日無見肥妹, 好掛住佢! 唔記得話你聽, 我上星期日整咗馬豆糕紅豆糕俾C6食, 佢話 ...

fatbabyfat

rayvonne,

你 c6 鍾意食就最好啦, 等我一陣有時間整埋個mango pudding 份量比你.

咁你呢幾日病, 邊個帶owen 返學呀?

原帖由 rayvonne 於 09-4-2 10:58 發表
All,
雖然返工勁忙, 因為想放工on time. 但放工後係閒人一個. 24/4 我OK!

fatbabyfat,
希望肥妹休息今日, 明天bd party 見到佢! 我幾日無見肥妹, 好掛住佢! 唔記得話你聽, 我上星期日整咗馬豆糕紅豆糕俾C6食, 佢話 ...

stliu

rayvonne,

嘩, 你好犀利呀! 真係整糕添, 坐言起行! 叻!

雙子媽媽,
咁呢段時間係你個新闆上任前的休息期囉, 都好丫...
我呢排好忙啊, 仲要日日都俾D騎呢人/ 電郵襲擊! 如果淨係工作忙我都可以應付, 就好似rayvonne講,忙係因為想準時放工, 最慘係D唔知頭唔知路的人亂咁來, 先激心!

原帖由 rayvonne 於 09-4-2 10:58 發表
All,
雖然返工勁忙, 因為想放工on time. 但放工後係閒人一個. 24/4 我OK!

fatbabyfat,
希望肥妹休息今日, 明天bd party 見到佢! 我幾日無見肥妹, 好掛住佢! 唔記得話你聽, 我上星期日整咗馬豆糕紅豆糕俾C6食, 佢話 ...

雙子媽媽

stliu,

嘻嘻......其實話真係好得閒又唔係架. 因為要搬office, 所以其實都要開始執野, 淨係shred野都有排shred, 不果自己懶, 成日想再hea吓先, 一日推一日咁, 未到死線都唔想開工住

唉....原來諗住聽日可以湊仔, 點知家姐又話佢唔可以陪亞媽睇醫生. 又好夢成空嘞

原帖由 stliu 於 09-4-2 11:54 發表
rayvonne,

嘩, 你好犀利呀! 真係整糕添, 坐言起行! 叻!

雙子媽媽,
咁呢段時間係你個新闆上任前的休息期囉, 都好丫...
我呢排好忙啊, 仲要日日都俾D騎呢人/ 電郵襲擊! 如果淨係工作忙我都可以應付, 就好似rayvonne ...

stliu

雙子媽媽,

我都好怕執野, 俾我都係拖到最後先執.
前排我公司咪lay人? 我D同事成日講笑話, 叫我執定我d野一袋袋, 如果公司真係摺埋, 佢地都可以幫我拎埋走.. 因為我都幾多雜物響公司! 哈哈!

今朝晉晉冇端端叫我聽日送佢返學呀! 我都諗緊得唔得, 照道理都趕得切9:00返到公司, 係會趕D. 佢仲要講到話, 聽日帶佢搭車去九龍塘! 佢前日原本係咁扭我接佢放學, 我話唔得, 要返工, 唔知點解今日就變左送返學...
咁你唯有叠埋心水陪伯母睇醫生啦!

原帖由 雙子媽媽 於 09-4-2 12:00 發表
stliu,

嘻嘻......其實話真係好得閒又唔係架. 因為要搬office, 所以其實都要開始執野, 淨係shred野都有排shred, 不果自己懶, 成日想再hea吓先, 一日推一日咁, 未到死線都唔想開工住

唉....原來諗住聽日可 ...

stliu

All,

今朝送晉晉返學, D時間同我預的差不多, 返到公司係8:55分, 冇遲到. 之前送佢返學都係我要去醫院檢查前, 今次可算係第一次返工前送佢. 係少少趕, 不過晉晉就好開心!

原帖由 stliu 於 09-4-2 13:10 發表
雙子媽媽,

我都好怕執野, 俾我都係拖到最後先執.
前排我公司咪lay人? 我D同事成日講笑話, 叫我執定我d野一袋袋, 如果公司真係摺埋, 佢地都可以幫我拎埋走.. 因為我都幾多雜物響公司! 哈哈!

今朝晉晉冇端端叫我聽 ...

fatbabyfat

All,

肥妹今朝好失望, 因為我地無比佢返學, 佢重話今日係星期五, 有 party, 放早一個鍾, 我聽完真係想喊出離, 鄧佢好慘, 不過佢真係重有少少高溫 (99.5) 愛女號話唔算發燒,但我怕佢抵抗力弱又野番 d 感冒菌下個禮拜上唔到機, 所以唔比佢返學, 其實愛女號想比佢返, 話唔想令肥妹失望, 我今朝見佢個樣真係好失望好失望個隻 , 愛女號就氹住肥妹, 話因為今日大風 所以取消左個party, 下次先開, 不過我見肥妹個樣好似唔係好信咁款, 重問咁其他同學今日開唔開, 不過肥妹又要等一年先可以再有咁的機會, 所以我而家個心都係好唔安樂, 我為左怕佢野病唔比佢今日返學係唔係錯, 係唔係我太自私同太杞人憂天呢  

原帖由 stliu 於 09-4-3 09:16 發表
All,

今朝送晉晉返學, D時間同我預的差不多, 返到公司係8:55分, 冇遲到. 之前送佢返學都係我要去醫院檢查前, 今次可算係第一次返工前送佢. 係少少趕, 不過晉晉就好開心!


...

fatbabyfat

All,

剛剛愛號女打電話比我, 話根德園係一間好開心的學校離嫁, 我問佢點解, 佢話老師剛剛打電話離問候肥妹, 話會同會妹補做 assessment, 又話今次只係assessment, 唔似上次咁有成績表,叫我地唔使擔心, 咁我話同係一間好開心的學校有咩關係, 因為我地今朝叫姐姐同老師講肥妹唔返學同想攞功課, 所以老師同我地講, easter holiday 無功課, 只會派番birthday gift 比肥妹, 所以愛女號話根德園係一間好開心的學校, 放十幾日假都無功課做, 真係比佢笑c.

原帖由 stliu 於 09-4-3 09:16 發表
All,

今朝送晉晉返學, D時間同我預的差不多, 返到公司係8:55分, 冇遲到. 之前送佢返學都係我要去醫院檢查前, 今次可算係第一次返工前送佢. 係少少趕, 不過晉晉就好開心!


...

stliu

fatbabyfat,

因為你的出發點都係好, 如果佢高溫, 抵抗力係差D... 真係容易惹病. 肥妹失望都好正常, 咁佢知道今日係party丫嘛!
你唔好咁自責啦, 我估肥妹好快會冇事, 咁你地帶佢去旅行, 咁佢都會好開心架嘛!係未?

哈, 愛囡號的開心學校論真係好得意!
晉晉果班有三張工作紙(好似平時weekend果D工作紙), 佢一陣間就做完了, 除此之外, 真係再冇其他功課, 我都覺得唔算多啊!

今日雙子媽媽好似放假喎, 呢度可能得返我同你chat 咋!

原帖由 fatbabyfat 於 09-4-3 09:34 發表
All,

肥妹今朝好失望, 因為我地無比佢返學, 佢重話今日係星期五, 有 party, 放早一個鍾, 我聽完真係想喊出離, 鄧佢好慘, 不過佢真係重有少少高溫 (99.5) 愛女號話唔算發燒,但我怕佢抵抗力弱又野番 d 感冒菌下個禮拜 ...

fatbabyfat

stliu,

你唔講我都唔記得雙子媽媽放假, 佢係放成日定係放半日?

我今日都好 holiday mood 啦, 不過知道老豆有事之後, 個心成日都會 "un 住 un 住咁", 諗埋好多無謂野, 不過無法啦, 交由主決定啦.

原帖由 stliu 於 09-4-3 09:45 發表
fatbabyfat,

因為你的出發點都係好, 如果佢高溫, 抵抗力係差D... 真係容易惹病. 肥妹失望都好正常, 咁佢知道今日係party丫嘛!
你唔好咁自責啦, 我估肥妹好快會冇事, 咁你地帶佢去旅行, 咁佢都會好開心架嘛!係未?

...

stliu

fatbabyfat,

我都唔為意雙子媽媽放半日定全日添, 聽佢口氣就似放全日...
我都好holiday mood呀, 因為我下星期一,二都放, 係一個long weekend!

你都唔好諗太多, 唔到你控制, 到時睇下世伯詳細檢查結果先再作打算...

原帖由 fatbabyfat 於 09-4-3 10:01 發表
stliu,

你唔講我都唔記得雙子媽媽放假, 佢係放成日定係放半日?

我今日都好 holiday mood 啦, 不過知道老豆有事之後, 個心成日都會 "un 住 un 住咁", 諗埋好多無謂野, 不過無法啦, 交由主決定啦.

...