陳瑞祺

csk家長jj

祖明&歌地亞,
多謝妳們的意見和關心,既然仔仔衡量過想「低調處理」,我就只可以等雨過天青吧!
無錯,這班「車友」都是高年级的,有些小四丶有些小六,這次深深體會到品德和身教的重要,相信這幾個「百厭仔」若不改口德,當上中學時,「百厭仔」遇上「牛精仔」的話,真係打架都有份!
保姆車司機(我仔架車無保姆架,只得個司機)都是生意人,不會得罪客仔的,她只會叫我自行回校投訴,或者我下年會考慮轉車,最後再次多謝兩位朋友關心,現在心情好好多了,下年決不再「捉蟲」

歌地亞

jj,

其實一刀切都好架, 以後唔洗煩,    

csk家長jj

歌地亞,
我都係咁諗,但在保姆車亦有一個小三的同學和我仔仔好friend的,所以我仔仔仲心大心細,都係以前幼稚園(根德園)好,校車是由老師跟車的,雖然貴一倍,但三年來都天下太平,家長都放心D。

祖明

jj,
如果可以轉車o既不如選擇轉過第二架車啦!因為我覺得如果亞囝再同呢班百厭仔相處，耐o左只怕受佢o地影響學到曳晒，把口亂講說話得罪人，心痛o既係自己咋   
幼稚園間間都有老師跟車o架!因為怕小朋友細會有危險嘛。小朋友大o左，上到小學就唔係架架有，我都好興幸我囝囝架車有 保姆跟車  

歌地亞,
知道jj架車有D咁鬼死曳o既學生，你估我o地架車有冇呀?    我開始有D驚    我囝囝好易受人影響，試過爸爸公司伙記講粗口，俾佢聽到就有樣學樣，係幼稚園老師通知我先知咋!亞囝同老師講話聽到哥哥講跟佢咁講喎!死唔死o丫~~你知啦細路仔唔識分好醜，發現及時就教得切0者，耐0左受朋輩影響深都怕好難教囉   
我問過亞囝，車上D同學有冇曳，佢話冇喎    唔知真定假?你又問o下囡囡車上有冇曳學生o丫    依家要唔要做定預防先呢   

csk家長jj

祖明,
聽完妳既分析,非常有道理,我諗下年都會轉車,除了避開一兩個百厭仔(其他的畢業唔再搭),轉架有保姆跟車的都安全D,但另一架車是由青衣開出的,所以好多人好迫,同時唔知仲有無位呢?等我學期尾問問先!最後謝謝妳的意見,好有用呀!   
JJ

歌地亞

祖明,

佢o地架車有保母嘛, 我成日問住亞囡 d 同學仔有冇曳架，佢都話冇,  而且你仔好似同我囡坐 (係咪fu x 上車, 坐前排第四行近 window 位 ? 跟車保母都跟得幾好, 亞囡成日都有 d 零食帶番來, 話係 x 太請乖o既同學食, 今個學期都應該可以安心    

p.s. 以前我同事都有發現佢囡 k3 時講粗口, 但佢一家人都無講, 不過佢囡俾保母湊, 問番原來係保母大仔在家講粗口, 所以小朋友真係一張白紙, 聽見什麼就會學講什麼, 環境對o佢o地o既成長真係好重要......

jj

照你講... 曳o既都係高年班, 如果佢o地今年未畢業, 依家計劃訂下個學期轉車啦 ~

祖明

歌地亞,
係呀    o個個咪我個寶貝仔囉!佢由細到大都好鐘意同女仔玩，話女仔斯文D喎!我都覺得保母跟得好好 ，算對小朋友有愛心啦   我仔成日都有零食帶番o黎呀!話因為保母話佢乖喎~~ 飽死   
jj,
我覺得轉車都好呀!不過曳o既學生校內都有，要避都避唔到咁多，只好自己跟緊D啦!所以我對亞囝都好嚴，好怕佢學曳

csk家長jj

祖明,
我諗我會轉車啦!等我查探下另一架車有無百厭仔先!
而家D小朋友好早熟,小五小六就老老積積,我朋友個仔(其他校的小六)仲自認拍拖添,仲話曾經咀咀 ,但我朋友無阻止,只係笑笑口話:「唉!都理唔到咁多啦!」,嘩!咁即係變相鼓勵,比著我呢就會......,所以孩子乖不乖、長不長進,我們真是最大責任啊!希望我們在這裏互相支持,一同做好榜樣,教好孩子,社會才有進步。
JJ

歌地亞

噚晚太"支力", 吩咐亞囡自己收拾書包, 今朝好遲先起, 無帶亞囡上保母車, 一起身入亞囡房, 真係俾佢激死喇 ~

[size=xx-large]佢連手冊都無帶返學呀!

今晚又要同佢      ~

哎..... 俾我休息下喇 ~

祖明

歌地亞,
小朋友係咁o架啦!依家佢o地仲細，有好多o野都會"甩甩漏漏"    冇記性。不過都唔服侍得咁多，係時候要佢o地自己學自立，唔錯過又點知自己有唔o岩呢   只要唔係大錯o既，就俾D時間佢慢慢改啦!勞氣得多會唔靚o架   

歌地亞

祖明

我上年真係老o左好多呀, 白頭髮出埋喇 ~    

祖明

歌地亞,
為o左個女咁大犧牲，陰公囉~    

hakkantai

歌地亞,

係咁架啦,都唔勞氣得咁多,尋日個仔都自招話帶錯書添,我都無佢乎啦.....

遲

csk家長jj

歌地亞,
笑下啦!唔好再勞氣la

hakkantai,
見你就快再做媽媽,真戥妳開心,祝妳生個肥肥白白的健康小寶寶。

jj

歌地亞

上星期中默有新花式, 亞囡話有 d 同學仔有成一百分以上, 我想問係咪計埋分架 ? 噤底分o個 d 咪追死黎 ?    

csk家長jj

我仲以為小二才開始添,我仔仔話次次都有人成一百三十分,所以真係好大壓力架!

歌地亞

hi jj

我知道有 d 學校係用黎計 credit (= 日後入精英班用), 但上次校長又講無精英班喎, 如果多出黎 d 分真係用黎計落成績表就真係死火喇 ~   

tomatowu

吓!咩個D多咗分有用架 ,我仲以為比小朋開心吓添,咁我哋又做多樣搜集資料攞多D分?

tomatowu

[quote]
hakkantai 寫道:
歌地亞,

係咁架啦,都唔勞氣得咁多,尋日個仔都自招話帶錯書添,我都無佢乎啦.....

遲

csk家長jj

好似小四開始有精英班,但應該好似以名次分排,嘻嘻!我是一個「懞」媽,樣樣都只是一知半解。

歌地亞 寫道:

hi jj

我知道有 d 學校係用黎計 credit (= 日後入精英班用), 但上次校長又講無精英班喎, 如果多出黎 d 分真係用黎計落成績表就真係死火喇 ~