低功能自閉症=腦葉酸缺乏症

Kyle

呢排個心都搖搖地想同阿仔做番針灸，聽完兩個媽咪講，更加reinforce 我，唔會再去。

有個媽咪個仔去岑醫師度針一次，已很抗拒，好害怕，岑醫師連錢都唔賺叫媽咪唔好再帶個仔嚟針。另一個就針咗兩三次又係太抗拒，就停咗。我心諗自己以前咁好命遇著個有良心醫師便好了，識得叫停。張醫師見到我個仔針完情緖唔穩定，仲話要針嚟安定情緒，同埋佢話咁情況針一年唔包喎，要延長年半先得。

媽咪仲話情緒穩定行先，唔係點醫自閉都醫唔到。攪掂情緒，又會一大躍進咁話。我記得第一年係s 位，間學校成日話我個仔情緖唔穩定，所以教唔到佢野。

其實這番情緒行先的說話我之前都有提過，自已動搖下又唔記得咗。我阿仔連睇牙都驚即創傷還未康復。

Hello101

我女超偏食，沒有流口水問題，以前有特別做口肌，現在只自己用手指放入口做幾下 C字按摩。
佢發音吾正，有咬字高低音門題
ST 話吾好理個音住，最緊要開声先

Hello101

識講流利外星語
地球語暫時糸..吾食、呵shu shu

Kyle

原帖由 Hello101 於 13-04-22 發表
我女超偏食，沒有流口水問題，以前有特別做口肌，現在只自己用手指放入口做幾下 C字按摩。
佢發音吾正，有 ...

口肌又係做極都無咩特別。叫做俾個仔知道有個口咁。真是開聲最緊要。大把大人講野有懶音，啲華姐講野唔正都做得女主角。唔講野屎得，講唔正唔屎得。

Hello101

佢開口講地球話我已開心屎..
佢呢排多左d音，kyle多謝你及其她JM的好介紹。

Kyle

原帖由 Hello101 於 13-04-22 發表
佢開口講地球話我已開心屎..
佢呢排多左d音，kyle多謝你及其她JM的好介紹。 ...

我仔識得兩三種句子結構。＂媽媽，我要xx。",  ＂媽媽，可唔可以俾xxx 我呀？＂， ＂媽媽，唔該我要xx。＂，好機械式，我當佢識三句。

Hello101

好叻呀，完整句子，仲好有禮貌 tim！

apple~y

回復 Kyle 的帖子

"大把大人講野有懶音，啲華姐講野唔正都做得女主角"
又真係hehe.....
0甘你呀仔講0野唔差,唔好理係咪機械式,肯講就得

apple~y

回復 Hello101 的帖子

"佢開口講地球話我已開心屎.."
都係呀,如果8,9age仲係外星話會好驚
發音問題希望慢慢改善

apple~y

回復 Kyle 的帖子

我覺得st幫唔到呀仔,所以係中心上st外
無再係出面加st堂,SI去公園玩順便做埋
現在盡量比機會呀仔講多0的

Kyle

原帖由 apple~y 於 13-04-22 發表
本帖最後由 apple~y 於 13-4-22 15:23 編輯

回復 Kyle 的帖子

其實我想更正番，3T 中ST 叫最有用。最廢係OT, PT對自閉兒來講 就唔多用得著。外國痊癒個案無人將功勞歸俾OT。 自閉外國行Aba, 唔係3T, 係香港先仲咁落後。

apple~y

回復 Kyle 的帖子

所以我咪日日24小時除0左呀仔訓覺都同緊呀仔上st
我係口水婆時時講呀仔又講,妹妹又講埋一份,
加埋中心st跟進巳經好足夠

Kyle

原帖由 apple~y 於 13-04-22 發表
本帖最後由 apple~y 於 13-4-22 17:38 編輯

回復 Kyle 的帖子

你阿仔有無上社交班？我跟Maggie 姐阿蛇報咗游水，對我嚟講係一大突破。因為我以前淨識出錢俾阿仔做唔同治療，呢啲康樂野佢一樣都無參加過，我諗我一向覺得佢學唔識，玩具我都好少買俾佢，我又係睇屎佢唔識玩。

Kyle

原帖由 Kyle 於 13-04-22 發表
你阿仔有無上社交班？我跟Maggie 姐阿蛇報咗游水，對我嚟講係一大突破。因為我以前淨識出錢俾阿仔做唔同治 ...

而家阿仔見到玩具反斗城，捉都捉唔住就衝咗入去。想當年，佢入玩具鋪唔係玩玩具，係玩價錢牌，我見到就火起。

Hello101

入去玩具反斗城我女都吾係好識"玩"玩具，佢局限某一些corner 例如拎住雪糕型bubble望下，有時用口講"ice-cream"，企係細tv (介紹product果d)前看，識扭蛋機之後見到就講"入錢錢"，吾扭就情緒黎。。

佢之前試過"玩"玩具如彈琴、禁發聲玩具制等。而家吾知係吾識玩定無興趣。。

chris-BB

回復 Kyle 的帖子

我仔仔戒豆奶兩個星期啦，我開始加葉酸份量每日一粒，前日佢又敏感過，洗完澡兩隻腳又紅又一撻撻，哩兩日再減返半粒葉酸又無事啦，我諗我仔唔可以加大葉酸份量囉！睇哩我仔對葉酸真係有敏感喇！而且自從食咗葉酸後同佢出街頑皮咗好多，拖住佢出街行路無一次行得好正經，好似High咗咁，左搖右擺，又跳又跑，講嘢就間唔中彈出嚟，不過唔多，好彩我個仔成個BB咁，無人覺得奇怪啫！

Kyle

原帖由 chris-BB 於 13-04-22 發表
回復 Kyle 的帖子

我仔仔戒豆奶兩個星期啦，我開始加葉酸份量每日一粒，前日佢又敏感過，洗完澡兩隻腳又紅 ...

沖完涼一撻撻後退唔退？幾時退？

資料不詳，你可以講清楚啲嗎？
因為正常沖完涼後係成個人都紅埋。愛沖比較熱的水果啲人尤期紅。
而就算葉酸敏感，都唔會係沖涼時發出來，食後隨時都可以發。
是否梘液敏感？
若你覺得對你仔無咩幫助可以停食。

Kyle

原帖由 Kyle 於 13-04-23 發表
沖完涼一撻撻後退唔退？幾時退？

資料不詳，你可以講清楚啲嗎？

http://blog.yahoo.com/_FSJXWB4M2I73E3DOH6Q5ZSK3ZU/articles/162913

這個是香港首兩宗腦葉酸個案的兩個患者。個哥哥發咗病。自閉果隻腦葉酸缺乏係唔會像哥哥咁惡化到肌肉不協調的地步。

Kyle

原帖由 chris-BB 於 13-04-22 發表
回復 Kyle 的帖子

我仔仔戒豆奶兩個星期啦，我開始加葉酸份量每日一粒，前日佢又敏感過，洗完澡兩隻腳又紅 ...

你最好停晒葉酸先，睇下仲有無左搖右擺，和興奮。亦都有可能停咗會呆滯啲。之前都講過，腦有事係好難一朝一夕就tune 到又講野又穩定又正常。如果佢有多咗音肯講多啲野，附帶hyper 咗，咁睇下你接唔接受到，接受唔到唯有減或停。

chris-BB

Kyle 發表於 13-4-23 00:10
沖完涼一撻撻後退唔退？幾時退？

資料不詳，你可以講清楚啲嗎？

水溫每次一樣架喎，無理由只得一日紅？而且只係大脾紅同埋一撻撻，其他地方無紅，應該就唔關水溫時！梘液如常用開，點會果日先敏感呢？沖緊涼就見痕，要抓果個大脾位，所以一撻撻，沖完涼後就用症痕膏幫佢搽一撻撻既位，好快好返。自從加大葉酸份量，就有哩個問題，哩兩日減返半粒就又無哩個問題，係咪本身我仔鍾意食菜，巳經食咗好多葉酸，所以唔需要加大份量呢？我都keep住亞仔食半粒葉酸喎！