民生書院小學部家長分享 - (高小集中地)

abbybear

菲媽,

九龍區是否得九龍灣上課？兩個月一期，咁我咪要等到十一月先有得報？家長可唔可以睇到放學架？知唔知邊個時段比較小人學？

abbybear

Zoey

abbybear,

妳打個電話去問下有冇 10 月開既課程啦, 九龍區 center 只有九龍灣, 要在九龍灣駁 shuttle bus 才到, 接著就係將軍澳 center!  那裡可以睇到上課, 平日既晚上應該人較少!

abbybear

zoey,

晚上冇時間，又要做功課又要温書又要練琴，一星期已經有兩晚學左嘢，要揀星期六、日呀！咁九龍灣好定將軍澳好D呀？你哋呢係邊間學呀？

abbybear

Zoey

abbybear,

我女也是在九龍灣 center 上課!  兩個泳池各有長處, 九龍灣是訓練池, 全長只有 25m, 但有蓋暖水; 而將軍澳池 (公眾) 有 50m 標準池, 很多泳隊都在那裡操水 (始終同 25m 不同感覺), 但就是露天, 需有恆溫, 但都會凍少少!  依家踏入冬季了, 始終學習既人都會減少, 所以一定不會太擠         .

有問過有 10 月班嗎?  Alvin 之前有沒有學過游水?

菲媽

Zoey,

唔究你答得快tim.

abbybear,

你住係邊區? 九龍灣係全天候室內泳池, 將軍澳係公共泳池, 我雖然住係將軍澳但都出去比較九龍灣, 因為唔受天氣影響, 又乾淨d. 不過最緊要你時間要夾, 我就學星期六下午, 都幾多人, 我稔星期六日都係會人多d.

我都想係平日放學去, 因為一至四價錢仲平d, 但實在太多野要做, 冇可能安排, 你可以安排2 晚學

菲媽

Zoey, abbybear,

食左飯未呀?

想問你地有冇比錢小朋友小息時去供應社買零食, 菲菲話佢個班有好多同學都帶錢返去買, 又話學校d野好平, 又話有好多種類………其實我稔佢就好想有零用錢去買野食.

abbybear

zoey  & 菲媽,

呀仔上年暑假學過蛙式，唔係好較胆，要扲浮板，所以想再學同一直學，見你哋學得幾好，咁咪問下你哋。唔該晒你哋呀！

快鬼呀，一放學返屋企就聽到我好似儍婆咁大聲鬧仔，隔離屋都怕左我呀！

冇呀，冇比零用錢佢買零食架，比多D零食佢返學就算。

桃子

菲媽,

今早call 左葉老師, 佢都唔明點解阿囡個班收唔到中樂通告. Anyway, 由於柳琴冇mug 人學, 所以得 11:00-12:00 個時段. 但係囡囡又好想玩圍棋, 因為時間撞正, 所以放佢一馬比佢玩下圍棋先喇 :evil:
諗下係咪太放縱佢呢  

菲媽

桃子,

學左一年, 好似好"哂"! 佢之前都彈得唔錯, 而今年中樂團又有新改革, 轉左指揮, 又轉導師, 有咁好既開始,真係要諗清楚呀?   圍棋幾時學都得啦, 不過如果佢真係冇興趣都迫唔到佢, 咪攪到唔拖唔水咪仲衰…..

Miffy2

桃子
pls check PM

OLIVIA1997

菲媽,

是啊 ! 我地仲游星期一放學後. 阿囡每次游完都話好倦.
但就冇話放棄. 但就做唔到功課.

菲媽 寫道:

Olivia1997,

游足一個鐘頭都幾辛苦, 如果比我就實死la ....
你係咩班呀, 邊個老師教呀? 菲菲都未學蛙,究竟幾時會學蛙式呀?

菲媽

OLIVIA1997,

咁Olivia都幾鍾意游水wor, 又唔怕辛苦 , 菲菲每次落水前都話唔想游, 我問佢11月仲想唔想繼續游, 佢話要諗下先, 又想游又怕辛苦, 比佢激死 , 係呢, 你係中班還是高班呀!

菲媽

Zoey, OLIVIA1997, abbybear,

學校既泳池已經有水, 好快會有通告關於學校泳會, 不如留意學校泳會, 可能仲比D wor.

Zoey

桃子,

以我既原則, 一定會 keep 柳葉琴!  過左一個暑假沒上堂, 對進度都有一定既影響, 可況仲要隔多幾個月呢;  但若真係興趣不大既, 就作別論啦!

阿女都抽到圍棋, 雖然好難得 (原來唔係個個得), 無耐因調唔到阿女原有一個課堂既時間, 無奈都要放棄, 唯有再等機會            !

菲媽,

學校那個唔係室內, 再遲 d 天氣凍點游呢     :cry:    !  學校泳會??  雖然阿女真係好鍾意游水, 但要入泳隊日日操水就真係                  !

Joanne2004

大力d教練真係幾鬼惡,亞仔皮薄,都吾知捱得幾耐.不過暫時都話鍾意.

zoey,miffy2>>
星期六我返長短週,到時去kfc搵你地ya   

桃子

Zoey,
唔知係咪囡囡對音樂冇天份, 真係你踢佢一下, 佢才肯去練. 反而佢有興趣個d, 就唔洗叫佢都去做. 加上自己比較懶, 冇好似你地可以堅持落去!
而家就比佢試下圍棋, 達成佢的心願喇! :-x


[quote]
Zoey 寫道:
桃子,

以我既原則, 一定會 keep 柳葉琴!  過左一個暑假沒上堂, 對進度都有一定既影響, 可況仲要隔多幾個月呢;  但若真係興趣不大既, 就作別論啦!

阿女都抽到圍棋, 雖然好難得 (原來唔係個個得), 無耐因調唔到阿女原有一個課堂既時間, 無奈都要放棄, 唯有再等機會            !
quote]

Zoey

桃子,

Oh, no . . . . 我阿女依家都要踢啦!

小朋友, 又有幾多個自動自覺呢          , 大人可能付出既更多        !  學音樂既路, 天份都係稍次 (除非妳想做天才音樂家), 韌力都係好重要!

(冇人可以叫我放棄, 我係唔會放棄 . . . . . 黎個係我講, 唔係我女講既          )!

sunniema

桃子,
多口搭句, 學校的圍棋班是由兒童棋院教的,如果學校的時間不夾,可直接到棋院學,會比在學校學好得多, 若你女兒真的喜歡圍棋的話,更加要在棋院學, 因多年前我女兒也在學校和棋院學過,她也喜歡在棋院學,進度快很多.

桃子

sunniema,

Tks for yr advice. o禁你囡囡仲有冇係棋院學呀? 以我所知, 在學校學比在棋院學便宜得多. 其實我都係比佢試下, 如果佢真係有興趣, 我都會考慮轉去棋院學.

桃子

各位小三媽咪,

你地小朋友有冇叫你地買墨盒, 毛筆等書法用具呀? 昨晚囡囡叫我去買墨汁和墨盒, 你地有冇邊隻牌子介紹呀? 又或者有邊隻冇o禁容易漏等. 我又問過囡囡墨盒要唔要綿花, 佢又話老師冇講  
你地有冇提議點樣比佢地帶番學校, 可以冇o禁容易倒瀉 真係好驚囡囡會弄到很骯髒 :evil: