有關和小兒在學習和打機及電子媒體使用上的時間爭議

Jane1983

回覆 stanleypyk 的帖子

佢已經二十幾歲，就算係邊緣亞氏，都應該做一個正常人係社會打滾。千萬不要同佢講認咗亞氏，接受治療就不用返工。
唔好玩自己，比佢自力更生，對佢對你都好。畢咗業唔搵嘢做，係屋企hea開有屋住有飯食有你兩老做工人伺候，日子一長，係無搵工的動力。唔好行錯。

stanleypyk

Jane1983 發表於 20-5-30 10:48
回覆 stanleypyk 的帖子

佢已經二十幾歲，就算係邊緣亞氏，都應該做一個正常人係社會打滾。千萬不要同佢講 ...

如果佢肯接受治療有改進, 便不用擔心不適應新工作而長留於便利店, 治療期間我會要求他邊工作邊治療, 不會給他長留在家, 我還有半年才退休, 在這半年主要是推動及協助他如何適應社會, 當然他要肯接受幫忙才可以, 否則只能長在便利店工作了。

Jane1983

回覆 stanleypyk 的帖子

你覺得他不接受治療？就會打唔到長工，會長留便利店？
好好拿捏。開局做錯，以後好難搞。

stanleypyk

Jane1983 發表於 20-5-30 11:19
回覆 stanleypyk 的帖子

你覺得他不接受治療？就會打唔到長工，會長留便利店？

因為看過邊緣亞氏, 如果不學習同理心和交際技巧, 在人際關係複雜的公司工作, 會有難度容易中途辭退, 當然佢肯去嘗試我會歡迎, 但按佢過往在便利店兼職過, 最起碼他能在便利店工作, 至於其他工作機會要靠他努力了。

洋蔥頭媽咪

stanleypyk 發表於 20-5-30 08:48
請問你仔當時看心理評估, 他有沒有好似我個仔避開不回覆真正的答案, 令心理學家不能準確評估? 另外當時你仔 ...

嚴格黎講亞氏係一種人格，部份人更對某些事項擁有天份，例如數學、科學或電腦層面，所以唔少偉人或教授查實都有亞氏。他們通常會响社交出現問題，自我中心、喜愛獨處不合群，若從未被發現，呢類人長大後只是性格比較孤僻，朋輩中只會覺得佢比較怪異，固執及麻煩，此症並無藥物可醫，只能從生活小節上慢慢去調適。

我兒因為當年年纪尚少，我帶佢見心理學家時佢並沒有太大反感，心理學家對佢並非只作評估，亦用了唔少時間同佢玩遊戲、角式扮演，在不同情境中觀察佢嘅反應/技巧，從而得出结果。
佢唔會正面話小朋友有病或者亞氏，佢會聆聽及同佢頃計，比一啲情緒治療佢，慢慢去引導及改變佢嘅行為。

你兒已時成年人，其他人指責佢可能會反感，會懂得迴避及隱藏自己，所以你話佢行為偏離或指出問題佢就會反駁你，要改變佢有一定嘅困難。我谂佢呢個情況你唔好話佢唔啱先，因為佢哋有自己嘅諗法，同佢要多溝通，例如佢有些口吃或者唔想同人接觸，同佢頃下可否找個第三者協調下/幫下佢，如果佢唔抗拒就同佢约見下心理學家或精神科醫生，我都建議你可以尋求專業協助。記住唔好比佢覺得你認為佢有病，要接受咩治療，其實人嘅行為同性格各異，唔同層面上並非 非黑即白，只係响自己覺得有须要時可考慮找個第三者去比啲意見調適下啫。

stanleypyk

洋蔥頭媽咪 發表於 20-5-30 12:34
嚴格黎講亞氏係一種人格，部份人更對某些事項擁有天份，例如數學、科學或電腦層面，所以唔少偉人或教授查 ...

謝謝意見! 但改善幫助他也要disclose問題的所在, 如果不指出有需要幫助的地方, 便無從入手!

洋蔥頭媽咪

stanleypyk 發表於 20-5-30 12:53
謝謝意見! 但改善幫助他也要disclose問題的所在, 如果不指出有需要幫助的地方, 便無從入手!
...

或者等專業人士同佢傾， 佢哋會比較有技巧，咁兒子會容易啲接受

stanleypyk

洋蔥頭媽咪 發表於 20-5-30 12:55
或者等專業人士同佢傾， 佢哋會比較有技巧，咁兒子會容易啲接受

但早前試過已拉拉扯扯, 現在成年更難在他不願意的情況下叫他去。

stanleypyk

自上個月考完試後, 本來這個月應開始找工作, 但看他似乎未有動力, 只忙於在家投機炒賣和打機, 只是曾應徵一份政府工作, 但聽朋友說最少要半年時間才會有機會獲得錄取上班, 而且近年政府工作也很搶手, 加上近半年失業率偏高, 機會根本不大, 本來月中有一大型的私人機構招聘會做路展, 一直拖到過埋期都無去, 連份要寄去政府工的CV, 也拖到今天最後一天截止才寄出。我也猜到他的打算, 是找兼職賺到剛剛夠用就算, 加入他半夜三點才睡, 到翌日中午才起床, 剛瞓醒間中沒胃口吃中午飯, 到傍晚吃了家中的晚飯, 晚上11時又出街買啤酒、杯面和薯片做宵夜, 勸他早睡早起, 正常吃早午晚三餐也不聽, 加上自己根本全無興趣, 所以也沒什麼地方用錢, 因此便不急於找長工賺錢, 希望繼續在家投機找賣和打機渡日, 如果返正式長工便可能不可以夜睡, 生活習慣要有改變。他希望投機賺到大錢, 便完全不用返工在家狂用電子產品, 依家我也在家辦工, 早前還有些時間沒有打機去鑽研有什麼方法可駕馭投資市場, 但現在的市場波動較大, 用常理去推測買賣, 很多時都會反方向而行, 所以這幾個月一買錯方向, 便經常罵起來話個市場不跟常理走, 我一早向他說, 不同早二十年前比較跟消息走較易估測, 現在更加難玩, 根本不能當正職去賺錢過活, 但他始終不聽, 說打工沒有出路, 至今玩了差不多半年, 賬面已輸了三成, 好在政府很也又派錢可幫補一下他, 如果到年底父母退休返國內, 如不正經找份長工, 真要看他怎過活。

Jane1983

回覆 stanleypyk 的帖子

只報一份政府工，私人機構招聘, 拖到過埋期都無去...呢d根本唔係搵工的做法。佢一路拖，一路唔多搵工，咁樣唔係辦法。

你要諗諗計，除非你打算養佢過世。

stanleypyk

Jane1983 發表於 20-6-19 10:26
回覆 stanleypyk 的帖子

只報一份政府工，私人機構招聘, 拖到過埋期都無去...呢d根本唔係搵工的做法。佢一 ...

當然不會, 只不過近來疫情有一些安排要延後待通關後才明朗

洋蔥頭媽咪

政府工鐵飯碗一定多人爭，而且仲要 in. 考中英文/打字/Excel/ 基本法等等， 都唔係咁容易，除非你揀啲小人in嘅位。

佢 HD 考成點？GPA高唔高？ 如果考得唔係太好大公司都窄窄地，始終多人競爭， 大學畢業生亦多，所以揾工要漁翁撒網，盡量寄多啲求職信，人哋請你先再揀。你仔仔啲性格可能真係要迫佢先會做，唔好比機會佢 hea.

我仔之前咪有個同學Asso 畢咗業年幾兩年都冇搵嘢做， 到依家都係量地，日日瞓醒食飽飯就上網打機，又唔搵工，我仔佢哋有時夜晚一齊打機傾計，嗰啲同學都話呢個同學好似開始情緒有啲問題，hea 慣咗乜都唔願做，人生完全冇目標工都唔肯搵，我仔話其實佢哋嗰行要搵萬零蚊嘅工唔會搵唔到，只係佢願唔願意做， hea得太耐個人真係會頹廢。

stanleypyk

洋蔥頭媽咪 發表於 20-6-19 16:12
政府工鐵飯碗一定多人爭，而且仲要 in. 考中英文/打字/Excel/ 基本法等等， 都唔係咁容易，除非你揀啲小人i ...

可能等到年尾退休離開了唔夠錢交租才正常做嘢吧! 單是用把口迫無用, 一提他要及早搵工便反駁我們即將離棄他, 下月開始要他交電費, 再唔搵交埋其他雜費。前晚和他閒談, 說他的同學個個在家Hea, 不用點做嘢, 他就最慘無人照顧, 日後多多嘢要煩惱, 其他同學就算做嘢, 其他什麼事情什麼都不用管, 因為仲有個家和父母照顧住, 只是比家用便可以。仲講如果一讀完書就離開他, 應該不要生他出來, 我在想生他出來就要照顧他一生, 不知其他父母會不會選擇生定不生呢?

Yanamami

stanleypyk 發表於 20-6-19 20:54
可能等到年尾退休離開了唔夠錢交租才正常做嘢吧! 單是用把口迫無用, 一提他要及早搵工便反駁我們即將離棄他 ...

佢已經俾定說話你聽：你要養佢到你百年歸老，呢世唔洗旨意撇甩佢……

stanleypyk

Yanamami 發表於 20-6-19 21:14
佢已經俾定說話你聽：你要養佢到你百年歸老，呢世唔洗旨意撇甩佢……
...

但人是會改變, 初中我限制他打機時間,他對我的怨恨也希望我跳樓, 唔通又當係真嗎？

Jane1983

回覆 stanleypyk 的帖子

你的問題係太錫佢，佢d歪理你太上心。以前講咩要盡情打機，已經係廢話連篇，其他家長趁佢細，鏟到佢機都唔敢提，唔會比佢咁樣無限放大。佢已經斷送咗學業生涯。而家又黎？
佢工都唔搵懶洋洋，講咩人地比家用就唔使煩其他？佢搵到工，有能力比家用先講啦。樓主，唔好心軟，一定要佢去搵工自力更生。樓上Y姐無講錯，你仔同你玩緊mind game，你次次都唔夠佢玩，小心小心。

S-Kwok

我成日同仔講，正常我同爸爸一定早死過佢，所以如果佢唔讀好書，養掂自己，我哋死鬼咗，佢就要坐街邊   用十年時間，好好讀書，換來將來幾十年的舒適的生活，叫佢自己諗下點揀。

洋蔥頭媽咪

S-Kwok 發表於 20-6-20 10:55
我成日同仔講，正常我同爸爸一定早死過佢，所以如果佢唔讀好書，養掂自己，我哋死鬼咗，佢就要坐街邊 :zomb ...

講得好啱，係要引導孩子思考認清自己想行嘅。
我都係咁同啲仔講，人生係你自己嘅，條路點行就你自己決定，媽媽只可以喺我能力範圍內盡量幫你， 將來就要靠你自己 。你想辛苦讀書十幾年換來將來生活舒服幾十年， 定嘆十幾年懶付出將來先慢慢辛苦捱， 先苦後甜定先甜後苦就由佢自己決定。 世上冇免費午餐總要付出，競爭型嘅社會就要面對現實，積極裝備好自己，機會只會留畀有準備嘅人。所以我仔小學已經識答我，佢揀先苦後甜 ，情願辛苦十幾年，希望將來幾十年行嘅路舒服啲。