解答任何有關學習鋼琴的問題

saxonmama

請問曾褔琴行"啟智兒童音樂班"(不需大人陪同) 及 通行"JMC"(親子班), 那個較適合快四歲小朋友

saxonmama

ming2

請問曾褔琴行"啟智兒童音樂班"(不需大人陪同) , 通行"JMC"(親子班) 及柏斯 "兒童音樂鋼琴班"(不需大人陪同), 那個較適合快四歲小朋友

JP

<我覺得小朋友學琴考琴如果可以係達水準先去考,咁大家都會冇咁大壓力,亦可以好享受當中0既過程...眼見太多小朋友(家長)太心急去完成所謂0既八級(叫就暫時0既終點站),到小朋友考到之後,就完全唔再接觸鋼琴...見到真係覺得可惜,點解會係咁架呢?!...所以我唔係好同意d家長太急去考試(尤其係為考而考,只想快快考完個八級就叫完成自己任務個d...)咁樣只會係浪費左個小朋友>

Hi, ming2>>

我又來搭 ！

妳認為考完八級多數小朋友學琴/音樂之路點行呢？
我大仔上月剛考完八級，佢自己有目標向ATCL進發。
細仔亦剛考完七級，下個目標係八級。佢彈琴興趣冇亞哥咁大,考完八級後5知條路點行！ops:" /> 我5想佢'完全唔再接觸鋼琴'

妳大女開始學琴未呀？
'

[ 本文章最後由 JP 於 07-11-15 19:34 編輯 ]

samelsaho

hi ming2,

想請問，囝囝還有個零月便５歲，在琴行學琴近１年，現已每星期學４５分鐘，另會有一至兩日去琴行練琴３０分鐘，家中已買琴半年（但唔係日日都會練琴），但點解重係學緊１級（見到ＢＫ有小朋友學了一年已考了２級？老師說過囝囝唔係特別有天份，但又唔係差過人，只係normal．

學完：John thompson's - Part 1
　　　A dozen a day - mini book　      
         輕鬆學鋼琴 - 1
         幼兒樂理練習 - 1
學緊： Hanon - book 1 (剛開始)
          Michael arron - grade one (學了3/4)
          A dozen a day - preparatory book (剛開始)
    　   輕鬆學鋼琴 - 2 (學了1/2)
          幼兒樂理練習- 2 (做了1/5)
          老師手寫的Scales major C, F, D, A, E

請問係未太慢？
　　　　　
　　　　

POTATOYUNG

Yanni,
Pls check PM. thks

JP

原文章由 ming2 於 07-11-15 23:50 硐表


6.好多如果唔係出於興趣/自願學琴0既,好多時都會考完個八級就唔學架啦..(係唔再掂個琴先0岩..)

所以學完個八級之後條路點行,好睇個小朋友自己點諗架..

我大女都叫做有教過下佢彈琴咁啦..不過因為近排跳左班讀K3,由於忙於適應新"生活",所以又冇掂個琴好耐啦...不過我自己都唔急0既..橫掂佢下年都入音小讀小一,我唔教,學校都會教架啦..he..he..

ming2>>

Thanks for your sharing!!
我就係驚細仔成為第6類...ops:" /> ops:" />
聽妳咁講,我都無謂push佢上中學前要考完8級，等佢浸耐D、基本功紮實D、培養起真正既興趣，以免佢考完個八級就唔學架啦/唔再掂個琴！

妳亞囡點解要跳讀K3呀？音小咁早就收佢？

[ 本文章最後由 JP 於 07-11-16 15:49 編輯 ]

WKNG

hi, ming 2,

我個女5 歲多, 現在是一級, 但她彈琴彈得很急 、太快, 老師也用了方法幫她改善, 但也沒辦法 , 老師說她這樣便沒有節奏感 ,  即使開了柏子機 , 她也有自己她彈 , 柏子機自己打 , 她完全不理會。所以到上堂時 , 便用了大部份時間(3/4) , 讓老師去調較她的節奏 , 便成每首歌要彈3-4堂, 也未必一定彈得好 , 我自己不懂彈琴 , 不知可以足怎樣幫忙 ? 她認notes 尚可以 , 但有時也不理會notes 上的手指數字 , 老師說她像自己作曲一樣  。

另怎可以改善手指的擺位法 ? 她常常將手指放得很平 , 手腕差不多"掂" 到琴邊了 , 要時時提醒她曲起手指 !

她也不是會自動自覺去練琴的人 , 我問她喜不喜歡彈琴 , 如果不喜歡, 便不彈了 , 但她說喜歡 , 要繼續彈 。是否她在彈琴方面比較弱 ? 我應該讓她繼續彈 , 還是選擇其他樂器 ? 其實我最主要是因為音樂可以幫助腦部發展 , 並不是要她考什麼。

請給我意見應怎樣幫她 ? 謝謝 !!!

bbdou

Hi ming2,

我仔仔下個月五歲，今年七月開始學琴，佢一個星期大約練五日琴，每隻歌仔每次大約練5, 6次，老師話佢進展唔錯，佢宜家學緊兩本書，一本樂理如下：

John Thompson's Easiest Piano Course Part 1 (仲有5, 6隻歌仔就學完)

輕鬆學鋼琴 1 (學左大半）
我愛樂理 1

我想問，輕鬆學鋼琴裡面有d練手指的練習，老師很少叫佢練，佢話仔仔睇譜睇得好好，想先建立起佢對彈琴的興趣，練手指的練習比較悶，可以遲d至彈，咁我駛唔駛係屋企叫個仔都練下呢，因為雖然佢的手指仔都企得幾好，但係始終基本功都好重要？

樂理方面，功課比較少，不過仔仔平時畫音符、認音符，寫拍子的練習都可以獨立完成，好少會錯，係咪唔駛話俾佢做多d？

我對仔仔學琴的態度是培養佢對音樂的興趣，訓練佢的專注力，同運用左右腦，進度快慢我是不太緊張的，你有沒有建議我可以，或者說需唔需要調校下d乜野，會對佢較為適合呢？

Wnnieng

請問考琴一次要幾錢 (唔洗請翻譯)？是否每級都不同收費？
二、四、五...級定三、五、六...級考？多數人會選擇那種？