比華利幼兒園.

littleeva

HI IRON  

您仔仔好番未呀? e 排轉天氣.  小朋友大多數都會咳咳  和 流鼻水.  希望您仔仔返d 好番.

我仔都是好少病, 返學 2個月睇了一次醫生. 果次都幾咳. 初時唔睇, 後來都係要睇. 我的做法是 少少流鼻水就唔睇, 多就睇醫生. 而咳得多也睇. 因怕喉嚨發炎. 我自己唔知. 至於發燒就一定睇醫生.  唔知您地係唔係咁呢 ? 人地話大大下就小d病. 希望我地d仔仔囡囡身體健康,快高長大.

HI  HKTT

您囡好叻. 主日學完全冇哭. 好叻囡, 等 E E 錫啖先. 啜啜啜.............  我都係唔放心比仔仔自己返主日學. 我諗要大多少少會安全d.  


HI Wingsum

您好. 我唔係住康盛 , 您囡讀全日 OR 半 日.  唔知您囡叫咩名. 我仔叫子軒, 佢識得 2 位 子晴 1位詩詩. 另外一個男同學叫希希.  得閒多D上來傾下計,交流下. ^O^

Wingsum

Hi Littleeva & Iron,

My daughter's name is Wingsum "law", she is read whole day N1, because I need to work, so my mother take her to school, she can't talk in full sentance at all, so I actually don't know her schoolmate's name.

hktt

IRON,

原來只係打針的反應，好彩，希望你囝囝快d好番啦。

好多人都話小朋友返學最易病，我都認同，好似我囡咁，佢今朝先無再流鼻水咋。不過唔知點解今次的病係係佢返學前都無野，但放學就有鼻水啦!

hktt

littleeva,

唔好錫佢住，佢有無叫你先。不過都好多謝你的安慰呀!

我囡囡就無子軒咁叻啦!子軒又識唱歌又識得叫人，而我囡囡只識發卑氣同朵我。

littleeva

HI HKTT

我仔唔係好叻.  只是鐘意講野. 有時都幾煩嫁. 唔想講野又要應酬佢. 佢又長氣. 講d野講完一次又再一次.  好煩.


您囡都幾鐘意您個工人, 佢地聽故事時, 我仔摸錯左個工人(佢當左係我) 您囡即刻 "籃" 住 個 工人,唔比子軒摸.
我諗您工人一定對囡囡好好啦.

littleeva

hi wing sum

等我今晚問下仔仔識唔識 "穎心" 先. 我希望學校快d有親子旅行. 都時大家可以見下面.傾下計

hktt

IRON

我囡囡病通常我會即時帶佢睇醫生，食唔食藥就睇佢咳得嚴唔嚴重，而流鼻水就睇多唔多，因睇醫生最緊要睇吓佢地耳和鼻有無發炎。

係呀我想買車，唔知你睇果輛車是三菱咩 Model 呢?請幫我留意吓，唔該。

hktt

Wingsum,

請問全日同半日是否一齊上堂呢?

littleeva

我好開心, 想同您地分享下 :

星期六我仔返 PLAYGROUP (塗圖樂) 第一堂. 老師派了一張大畫紙, 給小朋友畫畫. 之後每個小朋友要出去介紹自己張畫.  我仔係極怕羞. 老師已經尾 E 才叫他出去. 我諗住要拖住他手仔一同出去. 點知佢自己一個 拿住張大畫紙出去. 老師問他叫什麼名, 他又肯答. 老師問他畫中有什麼. 他又答. 其中有一個太陽伯伯是他自己畫. (只是一個圓圈加D點點) 他好開心話係子軒畫.   另外老師問他這個是什麼. 他話電腦 ( 只是一 PAT 野)
我覺得好好笑. 佢畫D野得佢自己明. 不過也反影了他喜歡的事物.    佢真係改變左, 長大了. 冇咁細膽. 我諗返左學真係唔同D. 我而家一D都冇後悔比佢返 N1 啦. <初初是 15 ,16.  因為家中有工人湊. 可以出年才返學. >

之後做手工佢又好開心做.    回到家立即要和工人姐姐 講他畫的畫.  我真係覺得好好笑.  張圖畫紙好大. ( 有我地OFFICE D  TABLE 咁大 ) 佢放在地上 用D玩具 壓住它.  佢好緊張畫. 晚上訓時要放在他間房. 今早等爸爸送他返學. 我見他又在地上睇佢張畫.

平時在酒樓食飯. 我仔就最鐘意畫畫.  所以我一定要帶定 紙筆. 不過咁都好. 如果唔係佢仔會冇耐性係酒樓度.
有時我會畫了個人. 沒有 HAIR, 叫仔仔幫他加番D HAIR.  佢好開心畫了一 "AT" HAIR.   我又會畫了個風扇, 叫他加條 電線 . 佢就畫條好長好長的電線. 我問他喜歡學 彈琴 OR 畫圖畫. 佢一而再再而三都係話要學畫畫.  睇來我都係唔可以放棄比佢畫畫而要佢學彈琴 .  希望大D 會改變.  

hktt

littleeva,

子軒真係好有畫畫天才，e+已經咁叻，第時一定做藝術家啦。

呢d都係你努力的成果，繼續努力呀，我會係精神上支持你。

IRON

hi littleeva & hktt,

仔仔食左一次退燒藥後無再發啦, 咳都無乜, 鼻水仲有少少, 不過呢兩日都唔返學住囉, 費事岩岩好返抵抗力差又再病過;上次果半支流感針都無事, 今次可能之前已感染所以咁大鑊.
多謝妳地關心, 天氣轉左大家都要保重. ^_*

littleeva,
我覺得妳仔仔唔止畫畫有天份, 而且仲識表達自己真係唔簡單, 妳要俾心機培養佢, 第時一定好猛料, 睇妳打既都好"鄧"妳開心, 完全feel到妳喜悅心情.

hktt,
中午急急忙忙睇左妳打果段, 仲以為妳女女今日返學無事, 放學又流鼻水, 仲打去搵何主任問係咪有小朋友病左傳染tim, 佢話無仲問過妳, 哎, 後黎睇返原來妳係話上次, 搞到幾唔好意思tim; 佢仲話如果有小朋友病一定會叫家長接走既.
下午我老公落去跑步時唔見停車場有果部車, 唔知係咪已賣左, 聽日再去睇下先話妳知.

littleeva

ｈｋｔｔ　＆　ｉｒｏｎ

多謝您地讚子軒，將來佢叻唔叻就要睇佢自己ｌｕ．而家我唔覺佢叻，我只是ｅｎｊｏｙ　每次在他身上的新發現．　
有時唔開心，比佢一個動作，一句說話另我會有會心的微笑．個個小朋友在媽媽眼中都係好可愛．

我發覺而家ｄ小朋友叻左好多．　（我細個好蠢）　唔知係唔係ｄ奶粉靚個以前ｄ奶粉，還是人類在進步中．

Hi All

我想問下您地有冇幫仔仔囡囡報名參加 Halloween 的 扮野比賽. 我冇簽到張回條.我唔參加lu. 因為 我仔仔實怕. 唔著d衫. 費事晒錢.  到時佢睇下人地扮相,佢都會好開心嫁啦.

hktt

IRON,

琴日何主任係張近六點打比我 (我已 Standby 等放工)，佢好緊張咁問我，xxx小朋友媽咪係網度同我傾計得知紫晴病了，但學校又比佢返學，我諗係邊個呢? 囡囡上個星期已二天沒返學啦! 我即時諗起同你地傾過，便問英文名係唔係叫 "Hugo"呀 (因我唔知你囝囝中文名)?後來係度諗你緊係唔會左啦!

跟住同何主任一傾就傾左35MINS，原來何主任係屋企打比我 (佢真係好盡責)，因為佢下就去左社會福利署，先有咁早返度屋企咋。

唔緊要你得閑先同我留意部車呀，因為未必岩嫁係唔係。

hktt

Iron & Littleeva,

今朝嚇死 (心都離埋)。Ms. Lau 打比我同我講囡囡同同學攬住後趺落地下磡到個頭，後知無事先放心d咋，不過 e+都有小小擔心。

littleeva

ｈｋｔｔ

您囡冇事呀咩？叫工人姐姐多d留意下她.如有什麼事要第一時間 call you.

我諗冇野嫁. 只是叫工人多d關注她.睇下有冇謂口,"out"....

不用擔心,小朋友跌倒成日都會發生. 在主日學我見成個小朋跌晒落個玩具箱度, 要哭才有人扶他上來.  

hktt

littleeva,

頭先囡囡放學工人打比我，話囡囡咀唇有乾左的血跡，不知是否今朝撞倒呢?但係 Ms. Lau 又無講，咁點呢?

littleeva

HKTT

會唔係係 天氣dry 咋.  不過我係您會打tel 比 miss lau 話比佢知. 等她知道您好緊張, 下次會睇緊d d 小朋友.  我知意外好難免.學校 or 家居 都係. 只不過帶望照顧者 多d關注. 睇留了都冇法. 希望您囡囡冇事. 您有冇同佢傾下問下佢呀 !

hktt

littleeva,

剛打比 Ms. Lau 問過清楚，佢話放學前無，跌倒果時都無，都唔知點好，可能真係天氣。但天氣問題咀流血學校都會見倒嫁，莫非囡囡個咀太細，佢地睇唔倒!!!!

今朝囡囡係同叫 "彤彤" 的小朋友玩時跌倒的，但彤彤就無事，好彩佢無事，如果唔係就唔好意思啦!!

hktt

littleeva,

何主任剛打比我，話今次唔關囡囡事，係因為有人過份熱情，每次見到小朋友都要攬頭攬頸的。

原來有人已經有前科嫁啦，但就無發生咩事，所以今次囡囡咪做左試驗品羅!!!!

IRON

hi hktt,

我諗何主任又係誤會我問題, 先前我睇妳打誤會妳女女尋日朝早無事但放學又流鼻水, 我意思係問佢係咪有第二個小朋友有事感染到妳女女, (因為我知妳好緊張女女, 妳女女一定會好返先比返學既), 我想佢留意下其他小朋友係咪有事, 如果我仔仔岩岩好返又感染咪麻煩.
妳女女而家點樣?? 我家庭醫生話細路仔跌倒好平常, 但跌親頭則可大可小, 真係要認真留意下. 口唇唔會咁快乾燥出血卦?? 得閒比d純凡士林佢搽下.

hi littleeva,

我諗住幫仔仔扮南瓜小精靈, 係衫度貼d小鬼圖案同羅住只南瓜喳, 希望佢會肯玩啦, 我交左回條囉; 其實咁鬼細個佢都唔知萬聖節係乜啦, 我驚佢見到其他同學扮鬼會嚇親佢tim.