06年小一新生家長

Boris

TWMa:

呢排爽爽有冇同你哋開家庭會議啊? 上星期六的講座, 我和先生只可以其中一人出席, 我想先生出席, 由我湊女同埋送佢去興趣班, 但先生覺得平時都係我湊佢, 聽小一家長挑戰應該我出席. 阿女聽完我哋的對話, 即刻攞出紙筆, 話開討論會決定.  

我和太太一同出席，爽爽由工人帶去上興趣班。話時話，我們對講座有些失望，因為內容都太過流於理論，未必能實際應用。況且，我們預算是比較針對適應協恩小一的情況作討論，誰知只是一些一般性的意見，沒有老師在場之餘，珊姐姐（註校社工）亦沒怎麼發言... 下次講座也要考慮是否出席了。

我見佢哋係學校時不時都會有呢d "會議" 俾佢哋發表意見, 用來訂立規則或表決事項, 十分好啊  

爽爽沒有提出要開家庭會議，不過我們倒想提出跟她開。因為她這幾天頗「扭計」。昨天還「扭」到趕不上校車，最後回到學校時已遲了幾分鐘。要寫「遲到紙」之餘，還因已開始上課不能使用升降機（雖然她拿著大提琴）。她媽媽在校門外看著爽爽背著重重的書包和大大的提琴，搖搖晃晃地慢慢用樓梯爬上一樓，只覺得很無奈  :cry: 。爽爽一路上樓梯，還一路回頭無助地望了校門外的媽媽好幾次。或者是拿著太多太重的東西感到無能為力吧，爽爽上了一半便在樓梯上哇哇大哭起來（真可憐！     ），校工嬏嬏這才上樓梯幫她挽大提琴和帶她到課室。

據爽爽說，她進了課室後還在哭，過了一會兒才冷靜下來。 :cry:

Boris

TWMa:

TWMa 寫道:

阿囡琴晚都有攞個琴出嚟練習, 我只覺佢一陣劏雞, 一陣劏鵝..., 見佢好認真, 唯有忍住笑.

千祈千祈要記得要將劏雞劏鵝聲當成繞樑三日的娓娓琴音啊！

倒是老爺子忍唔住要我閂窗, 費事鄰居拍門.

不會是太晚練習吧？ Anyway，鄰居們恐怕有一段長時間要忍受我們囡囡的「天外琴音」了。

TWMa

Boris:

不會是太晚練習吧？

9 點過 d, 不是太夜.
阿囡返到屋企即刻睡一陣, 夜晚唔使打仗般趕住9點上床, 時間真係好用好多, 因為我返到屋企最快都成7點. 即使係咁, 我都儘量要阿囡10點上床, 咪摸得嚟, 起碼 10 點半已睡著.

原來爽爽昨天咁慘啊, 唔怪得你大人問我阿囡返嚟屋企有冇提爽爽遲到之事. 冇噃, 可能另一件事仲震撼佢哋啦.
爽爽既然夜瞓隔天便會起唔到身, 咁就唔好俾佢遲啦, 幾個字默唔到唔係咩大事, 好多字要記, 咁短時間佢哋記到8, 9成已經好叻.

szema

TWMa,

阿囡話Unit 1果3版都要喎，係看圖填字嘅形式！ 今天有B班家長向班主任反映話中默嘅範圍太多，仲要連續兩日中英文默書，希望學校可以減少每次默書嘅範圍，我都希望可以喇！

TWMa 寫道:
Hi, szema:
知唔知琴日手冊上 10/4 Quiz - Spell Gram Unit 1 包括哪些字? 阿囡話只是其中一個 Page (將d words 分類--- animal、things、people 果版)

wyl

其實我都覺得範圍真是太多了, 這樣令家長和小朋友都好辛苦!

apricot

Regarding 中默嘅範圍, 1B is better than 1C cos they're Chapter 1,2 & 3, right ?     

Boris

爽爽在手冊英文欄還寫了 "Dict tomorrow"。我們問她是什麼，她說是 Grammer Book。可能是頭幾頁吧。

TWMa 寫道:

知唔知琴日手冊上 10/4 Quiz - Spell Gram Unit 1 包括哪些字? 阿囡話只是其中一個 Page (將d words 分類--- animal、things、people 果版)

roxena

各位早晨呀,好耐都無留言了,因為真的很忙(孖寶一齊默書 )。

思楠都是派簿長 (很多個)。近排亞女日日都有功課簿/書唔記得帶返來 ，我晚晚都在尋寶同猜謎    。

課程進度真的很快，溫得默書就無時間預習 ，大家都很 ，所以我仲未比佢開始任何課外活動，希望佢能夠快d跟得上。

亞女話佢好怕默書，(因那天中默有小朋友偷睇，老師把那個小朋友的書拋落地下......)好替那個小朋友擔心，始終都會有童年陰影 :cry:

TWMa

apricot 寫道:
Regarding 中默嘅範圍, 1B is better than 1C cos they're Chapter 1,2 & 3, right ?     

由學校訂在同一天、同一節默書來看, 我想3班默書的範圍和內容是一樣的, 也由此推測, 默書應佔總成績一些百分比.
不過, 還是那句話, 小朋友盡了力就好, 無謂給他們太大壓力.

阿囡幼稚園雖然無任何的默書考試, 上了小學, 暫時默書的成績都 ok, 也沒聽他說怕默書.
這次中默的範圍頗多, 我和他溫書的方法是逐課溫--- 先要他自己溫其中一頁, 他認為可以了 (5分鐘左右就可問問是否ok, 否則他通常都在 "搞其他嘢"), 我就開始默, 不用全篇默, 先重點選幾個詞語默 (也可事先告訴他只會考他那幾個字), 通常這個階段是慘不忍睹的, 但他會知道自己有什麼字尚未掌握, 把這些未掌握的字再寫一次給他看, 要他每個寫兩次及自行再溫3~5分鐘, 再默一次, 就夠了 (如仍有錯, 可寫在自行購買的抄寫簿上要他明天寫2次, 以及告訴他明天會再考他). 待此頁九成的字都沒問題後, 次日可溫下一頁, 溫下一頁時當然也繼續複習上一頁那尚未達成的部分.
這個方式, 大人和小朋友都不會太辛苦, 每次溫的範圍較小, 小朋友也較易掌握.
純粹分享吓, 希望大家放鬆d.

TWMa

亞女話佢好怕默書，(因那天中默有小朋友偷睇，老師把那個小朋友的書拋落地下......)好替那個小朋友擔心，始終都會有童年陰影 :cry:

roxena:
因為個小朋友唔只是偷睇書呢個作弊行為, 仲涉及說謊, 所以老師先會咁嬲.
我都替個位小朋友難過, 昨晚返屋企都有問阿囡個小朋友點, 返學有冇唔開心, 唔知老師發完脾氣之後, 有冇同小朋友傾點解咁做.
涉及品德的嘢, 我都會發大脾氣, 所以阿囡應該都清楚我底線, 對於前日的事, 佢淨係話小朋友咁做好唔應該.

TWMa

Boris:
琴晚問阿囡, 佢話爽爽唔係派簿長, 爽爽同佢講錯咗
唔又話唔係個個都係 "長", 可能初時佢覺得好多小朋友都係 "長", 所以同我講人人有份.
我問佢點解依家派簿咁快既, 佢話因為識多咗同學仔, 有d佢就睇名牌, 又有d同學仔會幫手, 所以十分快.
派簿唔佔佢小息時間後, 佢又有新諗法, 事關依家除咗可以落樓下, 亦可以上其他樓層, 佢決定3次小息落樓下玩, 其餘3次就上五樓圖書館喎.

szema

昨天看到這個留言時都覺得老師嘅反應激咗啲，擔心會嚇親D小朋友，我相信老師當時真係好嬲，不過都希望佢事後會同小朋友解釋吓點解會噤樣！:cry:

TWMa 寫道:
[quote]
因為個小朋友唔只是偷睇書呢個作弊行為, 仲涉及說謊, 所以老師先會咁嬲.
我都替個位小朋友難過, 昨晚返屋企都有問阿囡個小朋友點, 返學有冇唔開心, 唔知老師發完脾氣之後, 有冇同小朋友傾點解咁做.
涉及品德的嘢, 我都會發大脾氣, 所以阿囡應該都清楚我底線, 對於前日的事, 佢淨係話小朋友咁做好唔應該.

TWMa

szema:
阿囡今日返黎話, 坐係佢後面個同學仔跌斷手, 打咗石膏, 返唔到學, 老師除了要隔離同學幫手功課方面的嘢, 仲全班一起整咗張慰問卡, 簽埋名送俾個位同學.
又提到一位同學收到英默巻, 見到好低分, 即刻大喊, 老師要佢哋安慰佢. 阿囡話見到同學仔傷心, 佢都覺得好傷心, 我同佢講, 小息時可以同個同學仔默下書, 睇吓幫唔幫到佢.
由呢d地方黎睇, 我諗老師應該會搵前日個小朋友傾下偈.

szema

Thanks God !

我相信協恩嘅老師係好有愛心，同時亦對學生嘅品德有所要求，所謂『愛之深、責之切』！    

TWMa 寫道:
szema:
阿囡今日返黎話, 坐係佢後面個同學仔跌斷手, 打咗石膏, 返唔到學, 老師除了要隔離同學幫手功課方面的嘢, 仲全班一起整咗張慰問卡, 簽埋名送俾個位同學.
又提到一位同學收到英默巻, 見到好低分, 即刻大喊, 老師要佢哋安慰佢. 阿囡話見到同學仔傷心, 佢都覺得好傷心, 我同佢講, 小息時可以同個同學仔默下書, 睇吓幫唔幫到佢.
由呢d地方黎睇, 我諗老師應該會搵前日個小朋友傾下偈.

Boris

講開受傷... 昨天爽爽又跌親了（開學以來第二次），兩隻膝蓋貼上紗布... 我問她是否背著書包太重，她說不是；我問她是否背著大提琴論盡，她又說不是。她說她在操場「打瞌睡」跌親（真是激死！）。

以她這「跌親」的頻密程度，恐怕校務處幫忙包紥的嬸嬸很快便認得她了。

TWMa 寫道:
szema:
阿囡今日返黎話, 坐係佢後面個同學仔跌斷手, 打咗石膏, 返唔到學, 老師除了要隔離同學幫手功課方面的嘢, 仲全班一起整咗張慰問卡, 簽埋名送俾個位同學.

szema

Boris,

爽爽是否因為吃了藥所以眼睏呀！？如果睡眠不足，真係幾影響小朋友嘅集中力，一不留神就容易跌親，聽啲營養學家話，朝早食穀殼類早餐(e.g. cereal, 麵) 可以令人有充足體力同埋集中力ga !

另外，佢地好怕帶漏嘢，所以咩嘢都揹來揹去，好似本崇拜手冊噤，我由得囡囡帶幾次返嚟，之後再同佢講不如放在學校喇，佢先至肯聽！  :tongue:
[quote]
Boris 寫道:
講開受傷... 昨天爽爽又跌親了（開學以來第二次），兩隻膝蓋貼上紗布... 我問她是否背著書包太重，她說不是；我問她是否背著大提琴論盡，她又說不是。她說她在操場「打瞌睡」跌親（真是激死！）。

以她這「跌親」的頻密程度，恐怕校務處幫忙包紥的嬸嬸很快便認得她了。

wyl

Boris/Sheany:

想請問吓爽爽參加了功課輔導班是否每天都會做妥功課後才回家？你們覺得教得好不好？

Boris

wyl,

除了星期二學大提琴外（其實學完大提琴爽爽仍可回功課輔導班。不過，為免她背著重重的書包和大提琴走來走去，我們讓她在學大提琴的課室內自己做功課，直至4:30分左右上校車），其餘要返學的日子爽爽也會返協恩的小一功課輔導班。

基本上輔導班的導師會盡量協助小朋友在留校的 90 分鐘內完成功課及回答上堂時不明白的地方。因此，回家後爽爽通常已完成所有或大部份功課（如果她抄齊手冊的話）。我和太太主要是協助爽爽完成學校未完成的功課、檢查是否有遺漏/寫得不好然後補做、溫習、預習等。

據太太上星期親自見過爽爽上輔導班的情況，輔導班大概是八個小朋友一班，導師並非進行講授，而是督促及協助小朋友做功課。導師是一名三十多四十歲的大學畢業生，看來頗關顧小朋友。

爽爽第一次上輔導班後曾表示過不喜歡（她說因為很少小朋友，又沒有相熟的同學仔），不過現在已習慣了。總的來說，功課輔導班算是幫了我們兩夫婦不少忙。

wyl 寫道:

想請問吓爽爽參加了功課輔導班是否每天都會做妥功課後才回家？你們覺得教得好不好？

Boris

szema,

爽爽沒有吃藥。不過可能晚上睡得不好，所以上學時覺得眼睏。

我們也常常鼓勵爽爽早上吃麥皮，不過她似乎很抗拒。

我也發覺爽爽雖然表現得「唔緊唔要」，其實佢都唔係咁希望自己帶漏o野，於是有很多東西揹來揹去。

szema 寫道:

爽爽是否因為吃了藥所以眼睏呀！？如果睡眠不足，真係幾影響小朋友嘅集中力，一不留神就容易跌親，聽啲營養學家話，朝早食穀殼類早餐(e.g. cereal, 麵) 可以令人有充足體力同埋集中力ga !

另外，佢地好怕帶漏嘢，所以咩嘢都揹來揹去，好似本崇拜手冊噤，我由得囡囡帶幾次返嚟，之後再同佢講不如放在學校喇，佢先至肯聽！  :tongue: