有冇讀康盛花園比華利國際幼稚園的媽咪?

zl

各位bbeverly 家長,

你們好!
我仔仔依家13m, 打算明年俾佢讀 幼兒園全日, 現考慮beverly.

希望各位mama 分亨下選擇入讀beverly 的原因
入讀後的感想
覺得beverly 做得好or 不足需要改善之處.

謝謝!

garytai

ivyho ,

係呀, 現在是流感高峰期, 所以好多小朋友都病左....其實食藥水都係舒緩病徵, 真係要靠佢自己打低病菌..又或者小朋友病都係成長必經的階段...至於化痰及有幾聲咳我會燉川貝俾謙謙食, 謙謙多數都肯合作, 又或者在粥仔裡加片果皮, 化痰幾好, 最後就梗係戒口戒得清d, 凍野, 甜野統統say no...

各位, 想同大家講謙謙讀埋下個月就會轉校啦, 希望各位小朋友繼續讀得開心d啦...

PRESTONMOM

hi garytai & ivyho,

謙謙同彥彥好d未呀?柏希雖然己經無傷風，but 仍係食緊葯(抗生素)醫中耳炎。明天覆診，星期三至返學呀!!
唔捨得謙謙轉校添....不過我地都可以約理一齊gathering...Right???   
garytai,
我會join協康d講座呀，你會join邊幾個呀？ 請pm我呀!

garytai

PRESTONMOM ,

謙謙好番好多啦, 係仲有兩聲咳, 不過已無大礙

gathering,好呀, 我地一定出黎玩

今日下午我會到容鳳書聽講座, 今堂的主題係兒童的情緒與行為, 希望我吸收到啦, 因為聽書我一向都怕怕...聽完後同大家分享 另外問過容鳳書d講座原來只可以俾在果度覆診的媽咪聽, 外來媽咪暫時冇呢種服務 :cry: 協康會? 我未check果度有咩學噃? 你有有關資料?

PRESTONMOM

Hi garytai,

協康會d講座資料as below;


heephong

MANGKWAN

Hello 各位！

睿珈都病了，昨天，勁打噴嚏，流鼻水及有兩聲咳。沒有返學了。

睇過朱醫生，食咗三次藥水後，無胃口及勁睡。

今朝睿珈早醒過我，我問佢有無唔舒服，佢話：「無呀！」我再問佢：「咁！喺唔喺可以返學呀！」佢再答我：「喺呀！」所以今朝便返學了。

之後，我再問睿珈有無尿床呀！我未問完：「快啲檢查吓先啦！」佢已經答我：「無呀！」我就立即稱讚：「睿珈，叻叻！」她表現得很開心。

我剛剛幫囡囡介夜片，差不多一個月啦！在零晨時份叫她起床後小便一次，便可到天亮，希望可以調教到不用起床小便或者由佢叫我起床幫忙。

妳們幫囝囝介日片進展如何呀！一齊分享吓啦！

ivyho, 燈籠好靚呀，我跟囡囡及Daddy合作做了一隻星星船。囡囡可以跟同學仔一齊分享吓。

Garytai, 請問妳幫囝囝轉到那間學校？可否告知！

bye!

ivyho

Hi garytai & prestonmom

昨天加彥冇返學, 我請假同佢去威院照腦既MRI, 冇上黎1日, 剛睇到謙謙要轉校, 唔捨得呀    …… but, 可以約出黎玩.

加彥本身有食物 &氣管敏感:cry:  , 所以本身戒口都戒得好清:cry:, 係未剩川貝就咁燉就得啦?    我對煲湯煮餸完全一竅不通! 流感高峰期呀? 咁等佢清哂就帶佢打流感針, 加彥而加無咳但有些少鼻水&呼吸時有勁多痰聲.

柏希真的很聽話(加彥爸都係咁話) , 主動搬將椅子叫我地坐, 又會分享玩具(係主動比你果隻), 5會玩弄電制 . 現在我極度擔心加彥既情緒與行為, 我就黎比佢搞到我crazy!

garytai, 如果方便, 請分享一下有關容鳳書既講座. 加彥都有個file係果度, 不過暫時5洗再覆診, 5知我可5可以join呢 ?d講座topic有冇信會send比我地知架, 還是要在哪裡睇呢, 不過都好難就我d時間. 另, 我今天剛打去問, 可5可以另約期check眼, 爸爸懷疑加彥色弱/色盲 , 要我打電話問&book期wor!

Thanks, prestonmom, 睇下協康會有冇啱我既topic先!

ivyho

Hi MANGKWAN,

睿珈係未2歲半?Wa, 已成功介夜片, 好叻呀!

加彥在學校介日片都ok, 由Ms Chong 話開始介起, 約兩星期已不用再穿紙尿褲(只要老師係佢賴前帶佢去廁所先就ok, 因佢5主動講尿尿, but賴左後佢會話尿尿), 但在家進度就無咁好, 一黎, 我地無主動成日帶佢去尿尿, 二黎, 佢掛住玩5肯去, 不過有時我發現晚上包既片片, 早上醒來還是乾的, 我諗佢既膀胱控制/發展都逐漸成熟.

我昨天去過學校, 以為有生日相挑選(原來是下星期一), 所以未參觀學生既燈籠囉, d籠囉好靚, 我見到有隻黃色星星, 5知係未你果隻呢? To be frank, 相比下我地果隻失哂色囉! 我最鐘意果隻係紅色既士多啤梨! 另有隻keroro好神似架!

garytai

all mami,

謙謙會讀到31/10, 1/11開始就轉校啦, 其實謙謙有兩個原因轉校, 第一個原因係想佢2歲起讀全日(呢個決定都幾突然, 因為謙謙發展進度慢了半年(己評估), 所以我兩公婆決定提早一年俾佢讀全日, 希望在校長時間d, 佢可以在群體中互相學習), 如果讀全日我想佢在有基督教背景的學校讀, 因我兩都是基督徒, 所以有這個決定, 第二個原因就是因為謙謙發展慢了半年, 現在已排隊輪候兼收學位, 但有兼收位的學校是政府資助學校為主, 所以要提早轉去有兼收學位的學校繼續返學, 所以本來k1先轉便了現在n1便轉了....

雖然謙謙轉校, 但是也可以定期約出來一齊玩, 在bk網內也會不時約其他媽咪一齊玩, 現在也可以呀, 因為我們都是在bk認識

garytai

ivyho,

你個燈籠我地今日見過啦, 真係好有心機喎, d花瓣係咪用膠袋製? 真係好有心機, 仲得季軍 自問自己真係冇咁好心機....不過我都知遲早都要整嫁啦 不過懶得一年得一年啦

至於容鳳書果度, 我問過係要在那裡有file的媽咪才可以聽講座, 如果你在容鳳書有file應該可以報...

昨天聽講座都有用的, 雖然那些資料都耳熟能詳, 但也有些資料是值得參考的...

以下是昨天講座一些輯錄:

孩子是有獨特性, 每個孩子也有不同特質
18個月大的小朋友是最依賴父母
2歲前的小孩不懂分享, 亦不懂分對錯, 主要是看父母的眉頭眼額去判斷該做或不該做
1-2歲小朋友有危險動作應即時制止, 直至3-4歲可作解釋
5歲前的孩子仍不懂別人的感受, 如搶了別人的玩具令人沒有玩具玩, 可在該段時期先制止, 再教育感受, 也可用故事教導他
孩子只有現在, 沒有未來及之前的概念, 所以說話時要有實質的例子, 如一陣間, 9點之後對他來說是沒意思, 應說:待吃完飯後才落公園玩
2-3歲子孩最反叛
3歲小孩不肯向人打招呼也是想表達自己有主權, 有權向人打招呼及不打, 想証明有自主權, 屬於正常表現
情緒亦沒有分好與壞, 但當情緒轉化成攻擊別人, 傷害自己及別人便需要糾正及教導

其實還有很多例子, 不過當中不外乎鼓勵, 接納, 不要比較, 明白每個階段的小孩發展, 才明白不是孩子頑皮, 只是一個過程...

ivyho

係呀, 花瓣係用McDonald裝汽水既膠袋, 葉就係用citysuper既膠袋(爸爸不怕羞係街道問人攞架 ).

Thanks for your sharing. 我會留意自己對仔仔既表達方式. :cry:

我昨天打去容鳳書問時(有關色盲), 佢地話我都可以報名聽講座, 但講座只在星期二的下午舉行, 有6個topic, 會循環舉行.
我同姑娘傾左好耐, (不是色盲, 姑娘說不用擔心, 要到約2歲先識顏色配對, 3歲先有顏色概念, 是爸爸大喊十, 硬要我幫仔仔check色盲), 反而是仔仔既情緒與行為, 我詳述仔仔既發泄&攻擊行為, 姑娘叫我再留意一下&交換處理方法, 如仍有問題可再打電話問, 亦建議我去健康院安排2歲評估(mud 2歲有評估咩? )&聽講座, 因健康院既講座是針對幼兒既歲數發展, 比起容鳳書既講座更合適. 我得閒都會問下健康院.

MANGKWAN

ivyho, 喺呀，睿珈差不多2歲半啦！

我觀察了睿珈一段時期，了解她是否已有心理準備及能力，有沒有抗拒，給她解釋。在晚上，跟她玩如睡覺後媽媽叫她起床小便是怎麼樣？調換角色讓睿珈試一試叫媽媽起床小便，待她有了概念才進行的，再加上一個簡單表記錄，判斷在什麼時候叫她起床。以上是我的小小心得，希望可以給大家參詳吓。

唔！等我都返學校睇吓其他作品先。睿珈的燈籠是紅黃色船底，船邊用紅色星星圍住，有一枝旗仔是用我們的家庭照片做的，唔知是不是妳見到的那一隻船？恭喜妳及囝囝加彥得到季軍。

garytai, 原想謙謙能與睿珈成為同學，現他要轉校，希望他快些適應新的環境及學習愉快。日後，我們可以約出黎玩玩。

Bye Bye

ivyho

你既方法都幾好，日後我可以參詳下先，thanks!  

所有既燈籠我都有拍低video（因好靚）, 所以我可以睇到你果隻星星船。  

加彥十月會讀全日班，下午可同睿珈做同學仔（由lunch time開始歲半班同2歲班join埋一起玩）。     

MANGKWAN

ivyho,

睿珈現在是讀半日班的，我好想她讀全日班，但是仍 …………15, 16? 所以暫時不能join埋一起玩住。

請問妳及各位知唔知小朋友夜咳食什麼好呀！這幾晚睿珈都在睡覺時咳，我沒有這個經驗（因為第一次）。

Bye!

garytai

夜咳聽講是寒咳, 所以不要吃雪梨(其實咳有好多東西都不可吃), 通常我會先給猴棗散, 若果吃了兩三日都沒有好轉會燉蘋果燉川貝, 通常都ok!

MANGKWAN

garytai,

請問妳買那牌子的猴棗散，介紹吓啦！

蘋果燉川貝要燉幾多小時？

bye bye

ivyho

猴棗散可在余仁生買, $100/枝, 有其他媽咪講好work, 我未俾呀仔試過!

對, 其他媽咪講燉川貝都好好, 我都未試過.

因為通常仔仔食咳水幾天都5會再咳, 反而痰就好難清, 所以我5敢俾太多咳水佢食, 驚止左咳但剩番d痰5上5落未幣! 住醫院時, 政府醫生永不開咳水的, 話咳係reflex action, 可助除痰, 所以once仔仔咳少左, 我就5再俾咳水佢食, 剩係食化痰藥, 而家開始我比仔仔食無花果乾&用無花果乾煲湯(prestonmom介紹).

garytai

猴棗散我係幫以前我睇開中醫的醫生買，不過我知道余仁生好多人食，你可以試下

蘋果燉川貝燉兩小時，川貝有化痰止咳之功效，如果仲有痰我會在ｄ飯仔入加一小片果皮，通常都好快冇痰

ｉｖｙｈｏ

你架車清楚好未呀？真係唔好意思，攪到你架車污糟哂

ivyho

Gary,

咪傻啦, 謙謙5舒服o麻! 已清潔過, 而架車係爸爸負責既, 5關我事    .

佢晚上既生日暨中秋party玩得開心嗎?

MANGKWAN

garytai, ivyho

多謝！我會試試妳們的方法。