臻美小學家長

gongonma

yes!

gongonma

yes!

melvinma

陶陶,維維,迦迦之老豆
如果我問呀女--"點解摺成咁呀?"佢會話"摺摺下就變成咁啦啦!"a個係佢嘅答案,係咪照寫落去呢!

原來今日呀女打針呀,miss話佢打果陣無哭因為......
排隊打針果陣太緊張,竟然vv左,可能驚我鬧驚到吾記得左,所以我返去吾會鬧佢,一陣去買d好嘢比佢先.

*你都番去錫吓佢地啦.

just

Hi:
    唔係睇到陶陶,維維,嘉嘉之去老豆寫出來都唔知原來要咁複雜,重以為摺o左就得tim.


Melvinma:
               另類家庭係點?又有冇睇過'十兄弟'或'愛登士家庭'可以參孝o下考呀!到今日為止他乜都未開始非常鎮定,你急佢唔急.

Gongonma:
                小兒今晚做了這一題數學,他答木是雙又木是單,o代表nothing.
              

Jackiesau

gongonma,  just

小兒今天才做，很快肯定說0是雙數，但講不到理由，只能向他解釋，10、20都是雙數，減去十位數，應該是雙數；唔知啱唔啱呢！

今天他們打針，他說全班1A沒有人喊，只有一位1B的小朋友喊。他說一啲都唔驚。

Rain28bow

點解我個仔由開學到現在都沒有寫過數學要做什麼功課????但第一到第四課都做左少少,問他又話先生無叫做,但先生又無話他欠功課,咁係點樣呢??

Jackiesau,
我問個仔佢都話未教0是單或雙,點解你今天做這頁呢?點解我個仔什麼都不知到???
阿仔話1A班有個姓Wai 的女同學喊,唔知講得真定假,因為問他問題時,他的基本答案是唔知到,唔記得??他說他沒有人喊但真係好痛.

gongonma

Good Morning!

昨天打針仔仔無驚！ 1D班都無人喊，不過就話1C班有人尿尿。原來是....

"0"的問題仔仔都答雙數，因任何數跟'0"一起一定是雙數，所以是雙數了！這是他的答案。而且應是對。
單雙數的定義:逢被2除得盡就是雙數，不盡的是單數。
'0' 除 '2' = '0' 是整數，所以是雙數。這是我兩公婆花了差不多一小時找出的答案，而且'0'無數值要跟其他數一起，故應是雙數。不過還須等答案回來

今天又去outing,相信又'口沙'回來！

肥仔方 - 有無人有興趣呀？！ 有多

melvinma

gongonma
嘩!麥楊都第兩班都知呀!
不過佢吾覺羞呀,因為佢失慣手啦,掛住玩成日吾記得去罹.不過就吾比人講,一講就黑晒口面.....唉!佢尋晚都有尿床呀,天光先嚟,你話佢吾驚打針我都吾信.最慘爸爸公司有sales打流冒針,仲同佢報左名添.....都吾知佢"際吾際".  

我女都未到果題喎,你地比晒貼士,好嘢!

Rain28bow

今早我靜雞雞地去獅子會想睇睇佢地玩成怎樣,怎知我一去到,就被呀仔撞都正,開頭只同我揮手,後來個老師想帶佢地去昆蟲館,點知行錯方向對正我,阿仔當堂大聲話比老師聽我媽咪係前面,跟住好多小朋友都望住添,跟住我重話比老師聽向邊個方向行,當他們掉頭走時,重有個小朋友同我講唔該曬姨姨添,會唔會係你地其中一位小朋友呢?
今日4班一齊去,我見老師都好細心介紹給小朋友聽,小朋友亦很守秩序,都冇掛住玩唔聽先生講,唯獨是唔知係唔係B班,一早就行完上左車11:00左右,因我只見A班,聽見小朋友叫李老師個班,和有一個肥肥地的老師個班,我11:30 走的時候這3班都未走.
今日都好曬,個小朋友今日回來應該都好疲倦,好彩明天不用上課.

afsl

Hi! Pegasus Parents,

Just come across and want to express my feeling.

Thank you so much that I can know more about Primary School Life at Pegasus here.  It really serves an important tool to draw up the decision when I need to select primary school (though it still takes 3 years' time! )

From the chatting, I can see how parents support the school and eventually the children.

Hope your children grow up healthy and happily.

Afsl

HermioneMaMa

Hi melvinma,

My son said that your daughter is the cutest in the class and much lovelier than her 2 years old sister!   

gongonma

Hi Rain28bow,

肥肥地的老師(麥老師)個班是1D班 gon少個班！
現今做媽真辛苦！仲要做探子！我唔知點解做"官"都無時間？！你真神心！    唔知要做幾耐'官'先有工做呢？！你找工找成點呀？

cheers,
gongonma   

Tommy

Rain28bow,

嘩！妳真厲害，佩服，佩服！為了窺探臻美的學習情況，竟然用上了狗仔隊的調查方式，怪不得臻美要請尼泊爾藉的Gurkha把守校門囉。

Rain28bow

陶陶,維維,迦迦之老豆,
可唔可以講個書名同編號比我知呀,等我都去圖書館守集下資料呀?

gongonma,
我重未展開工勢,仍然係做'官',同你一樣無事忙,多多時間都唔知用左去邊,本來想將間屋打掃乾淨些,因為有大少和大小姐,二個人的玩具和衣服多到唔知放邊處,亂七八'租',不過每日又要接兩位大少和大少姐上學,放學,時間一節節,唔見洗,所以到現在,都是左房搬去右房,唔知搬去邊.阿大少放學回家後,又唔肯做功課,晚晚要打要罵到10:00pm(有時重夜),都唔知佢想怎樣?
gon少個麥老師都好辛苦,可能肥左小小,見佢大汗,細汗全部出齊.

Tommy,
其實我唔係想做狗仔隊去睇臻美的教學情況,都係想睇下個仔outing時的表現會唔會自己掛住玩,唔聽老師話,加上自己現在做'官',好多無瞭時間,送左個女上學後就去睇睇,結果我都打發左半日又要回頭接女放學.好忙!!

呀!個日除左見到四位老師外,重有一個拿住急救箱的女仕(個日有一個小朋友肚痛,佢幫她查油添)和四個穿著'家長義工'衣服的人分別在每班隊尾睇住,所以小朋友都唔會走散.如果大家有報名做義工,下一個可能係你地呢???

今次我這個狗仔隊報料,大家滿意嗎?(講下笑姐)

Tommy

上 BK 上得多真係有好大壓力，見你地又去圖書館借書研究如何令飛機飛快一點，又四處訪問專家尋找「零」的意義，更親自到獅子會觀察孩子的學習行為，再加上要面對一浪接一浪的家課，講真我真係感到好大壓力。今日不得不到圖書館借了一些教摺紙的書，到時看誰飛得遠；又借了很多其他書籍進行親子閱讀，希望起碼拿一個「閱讀紀念銅獎」。

Rain28bow

陶陶,維維,迦迦之老豆
唔該晒,不過圖書館今天休息,要明天才可以去找.

Tommy,
親子閱讀好似係要小朋友在學校圖書館所借的書先計,唔知係唔係呢?不過自己借多些其他書給他看當然更好.