聖公會荊冕堂士德幼稚園

A1B2C3

fannyfym,

Me too. 好彩依家公司係淡季, 之前旺季晚晚做到零晨12點先收工, 咪話教囡囡, 返到屋企已經訓緊, 完全無"傾計".

我平時要返工,放工又要湊囡,仲要做家務...依家又要教女讀書
    

阿囡由99湊有好有唔好,你知喇老人家10個有9個都(種)
個孫。

VIR

fannyfym,

咁你又唔好以為有工人就唔洗煮飯呀....以我為例...我就晚晚都自己煮飯喇 !!...(仲要自己買餸喎..)因為我屋企人好嘴饞......況且以我工人既"聰明才智"...我實在唔敢希望佢可以幫到我 D咩喇 !! 我祇望嗰工人可以幫我,等我唔係屋企時,可以照顧我嗰囡企企理理就心滿意足啦.......自阿囡出世後...我已換了3個工人...我真係唔想再去教一個新工人喇...所以唯有降低要求囉...!
所以話呢......有工人都唔一定會好舒服囉....

catchan

hi VIR

我個囡都係讀喜樂班, 你個囡好似坐係我個囡隔離, 你個囡好nice又cute...

上兒媽

del

yy0402200

阿囡同我講今日荼點食"腸仔包"(喜樂班),  又話玩"fing"毛巾. 唔知真定假   
好想知佢上堂做咩, 玩啲咩同唱咩歌. 手冊有寫但係無歌詞, 返屋企無得同佢玩.    你地知唔知呢?

itbc

A1B2C3,
你囡囡又好心水清喎, 莫非佢地兩個已成為朋友仔.

你個囡係咪叫esther choi呀.

今日送個囡返學, 佢好好多了, 無喊得咁勁.

itbc

我地要相信d小朋友, 我諗佢地講都有7成真, 如果佢地講得唔啱, 我仲欣賞佢地, 因佢地有創意呀.

唱歌我都唔識係, 都係識之前親子週教過果几首.

yy0402200 寫道:
阿囡同我講今日荼點食"腸仔包"(喜樂班),  又話玩"fing"毛巾. 唔知真定假   
好想知佢上堂做咩, 玩啲咩同唱咩歌. 手冊有寫但係無歌詞, 返屋企無得同佢玩.    你地知唔知呢?

itbc

vir,
你好勁呀, 咁即係3年換三個工人. 我算感恩, 我工人都好好, 做左3年了. 不過我覺得續左佢約之後, 無咁好, 我唔會同佢續第三個約. 一來唔想比長期服務金, 二來,我地唔係好識head住個工人.

其實佢都做得好好, 有7-8分啦, 我對仔女都好鍾意佢呀.

希望我出年都搵到個好工人啦.

itbc

早呀,
我記得上次睇千禧bb話唔好成日問小朋友響學校做咩喎, 要同佢地睇多d其他野, 等佢地思想唔好咁狹窄.

但我又忍唔住, 成日都好想知佢地響學校做咩.

fannyfym

VIR

完來你係煮飯高手, 有機會真係要試0下你d廚藝!
屋企個件,成日彈我煮d嘢唔好食,依家做無飯煮婦。

A1B2C3

原來你有時要開OT開到咁夜0架! 依家做家長真係慘!!!

VIR

catchan,

係呀.....原來你嗰囡同我阿囡都係一班...? 你嗰囡叫咩名呀 ?
等我問吓阿囡先...因每次我問阿囡喺學校同邊個小朋友玩時...佢祇係答我 : 同學仔囉 !! " 好鬼求其...衰到死  
其實我嗰囡好鬼曳......正所謂"表裡不一" 就係咁解囉 ...

婥蔚媽咪

hello,
我有D唔明點解唔好問小朋友o係學校既情況wor~~一黎好想知佢有咩做,二黎又想知佢有冇咩開心同唔開心既事分享,因為我想習慣佢同我傾多d計~~尤其我女讀全,留o係學校既時間好長,咁其實會有咩壞處呢~~
大家有咩意見呀~~

yy0402200

VIR ,

我做女又係答我同學仔    

VIR 寫道:
catchan,

係呀.....原來你嗰囡同我阿囡都係一班...? 你嗰囡叫咩名呀 ?
等我問吓阿囡先...因每次我問阿囡喺學校同邊個小朋友玩時...佢祇係答我 : 同學仔囉 !! " 好鬼求其...衰到死  
其實我嗰囡好鬼曳......正所謂"表裡不一" 就係咁解囉 ...

yy0402200

哎呀！我仲成日問ｔｉｍ，我忍唔住呀，好八卦好想知．

可能要問得有技考，唔好令佢覺得有壓力ｌａ．

係呢，千禧bb仲有無得睇呀？

itbc 寫道:
早呀,
我記得上次睇千禧bb話唔好成日問小朋友響學校做咩喎, 要同佢地睇多d其他野, 等佢地思想唔好咁狹窄.

但我又忍唔住, 成日都好想知佢地響學校做咩.

VIR

itbc ,

我唔係好勁...祇係好慘啫 !!
阿囡啱啱出世時....頭一個月係我自己湊...因阿囡早產...我仲未申請工人嚟.....我阿媽又長駐大陸做生意..根本無人幫到我.....後來我老公嗰朋友介紹一個大陸人俾我 (佢親戚)...話咩可以幫我做家務同湊小朋友...點知條"蛋散"咩都唔識做...我教佢餵奶...佢仲竟然問我...."點解唔餵人奶 ?" 佢話自己唔識餵奶,因佢D細路都係食人奶大喎．．．我俾佢吹脹．．．所以唔夠一星期就叫佢執包袱．．．
到第二個仲好嘢．．又係我老公 D friend既好介紹　！！
話咩嗰大陸工人湊初生bb超勁．．．於是我老公又話要試．．．結果佢湊bb真係好叻．．．因佢之前已嚟香港湊過幾個bb．．．但好貴．．．收我　＄３，０００一個月．．．仲要每３個月就要走一次，每次返去成個月先捨得返嚟（佢呃我話續証需時喎　！　）．．．．有一次我問佢點解有些大陸工人祇需一星期就可以返香港．．．佢即時串我話　”　你嫌耐．．．不如請香港人啦．．．咁未唔洗走囉　！”　嗰刻嬲到我想即時”打巴佢” ．．．但為o左阿囡我當然無咁做啦．．我仲好好聲氣咁解釋話我並唔係咁既意思．．．．結果我就好秘密咁申請而家呢嗰賓妹喇．．．！！我計好所有時間．．．等到嗰大陸工人啱啱夠期返大陸續証前一日．．．我先叫佢以後都唔洗返嚟．．．叫佢返大陸繼續耕田　！！嗰刻見佢呆o左嗰樣．．到而家諗起．．都仲覺大快人心呀．．．   佢走既時候．．．阿囡祇有九個月大．．．於是由嗰刻起．．我就一直用而家嗰賓賓 到而家喇！！今年六月先幫佢續新約　！
雖然而家嗰賓賓好stupid．．．但總算聽教聽話呀　！
我希望如無意外．．．可以一路用呢嗰工人直到阿囡大個為止　！！我真係唔想再換笫四個工人喇

我想問長期服務金要幾錢呀　？

祝你搵到個好工人啦　！！   

VIR

yy0402200，　catchan,

哈哈．．．原來而家D細路仔都係咁　”精靈　”既　

VIR

fannyfym，

你客氣喇．．我唔係咩高手．．．祇不過係我由細到大都鍾意煮嘢食啫　！！有機會．．．．大家一齊分享吓呀   

VIR

yy0402200 寫道:
哎呀！我仲成日問ｔｉｍ，我忍唔住呀，好八卦好想知．

可能要問得有技考，唔好令佢覺得有壓力ｌａ．

係呢，千禧bb仲有無得睇呀？

[quote]
itbc 寫道:
早呀,
我記得上次睇千禧bb話唔好成日問小朋友響學校做咩喎, 要同佢地睇多d其他野, 等佢地思想唔好咁狹窄.

但我又忍唔住, 成日都好想知佢地響學校做咩.

[/quote]


Dear All,

其實我都想問阿囡喺學校學過咩．．玩過咩．．．不過佢鍾意就答．．．唔鍾意就求其答．．我都無佢辦法
所以我唯有從日常生活裡．．慢慢觀察佢唔同．．學o左咩新知識．．．　

A1B2C3

itbc,

囡囡係叫 Esther Wong, Esther Choi 好似係隔離班.

VIR,

請工人真係睇彩素. 不過遲啲我都要請工人, 因為計劃生多一個.

All,

我都好想知囡囡係校園生活, 佢好多時都唔講, 有時除口 up , 都唔知真定假. 今個星期開始有練習做, 今日要寫 "A" 字.

itbc

vir,
嘩, 你打左好大片野呀, 咁我又了解你多d.
咁你都唔係轉好多車, 我以為你轉3個賓賓呀.

咁都好呀, 如果我呢個head得住佢, 佢聽話, 我都會繼續用, 可惜佢係我地第一個工人, 好多野我地初初唔識guide住佢, 由得佢發揮, 但其實佢都几醒目, d野講一次都ok. 唔使我擔心.

不過我驚再續佢, 佢好多野大安只意, 唔鬼做車.

長期服務金, 做滿5年先要比, 仲要係你唔用佢先比佢, 如果佢自己遲職, 唔使比呀.

人工 x 2/3 x 年資