番禺會所華仁小學

ms99

今次啲蚊發囖!!

亞仔不嬲都好野蚊，邊個同佢一齊玩就有福嘞! 亞仔受哂!

聽老公講無默細字，但都有八句。

上次你哋教我抄多啲，work ga。

星期四又要對付中文了。

wlk168win

ms99

平時小時間同亞仔備課，如果係英文書度幫佢寫中文解釋，會唔會增加佢少少興趣呢? 起碼我唔係度，佢都睇得明嘛，特別係Reader好多生字，你哋用嘜方法幫仔仔記生字解釋呢?   

easiness

唔知係咪細佬仔都"好野蚊", 我個仔都係, 多得麟媽媽提點, 如果唔係, 我幫個仔預備食物便算啦! 10月6日去旅行, 10月10日測驗, 玩完肯定乜野都唔記得啦!

easiness

ms99,

若果小朋友鍾意睇書, 我想都會有點幫助吧! 不過是否應該買本字典給他, 教他查字典, 一來找個字時已經會串埋個字, 二來他會對個字印象深刻o的! 不過回家沖完涼食埋飯, 做埋功課同溫書都已經好夜啦! 現在仲要應付默書同埋測驗, 相信要留番假期先可以做啦!

easiness

Good morning, everybody! 好難先登入到BK, 唔知各位係咪都有呢個問題呀!

ms99

早晨! 各位：

easiness：我都會留番啲要佢識嘅生字等亞仔自己查，不過好似好多喎。希望亞仔唔會查到發忟憎啦。其實亞仔已經早已發現有發聲字典機可以幫佢查英文字，但都只限係我寫字樓可以玩，所以佢會要求我帶番屋企俾佢。我當然唔會睬佢啦，但我想遲早佢會叫啲贊助商買 (即契媽、契婆、婆婆、公公等有求必應人士)。

ms99

今朝要試幾次先入到嚟 talking，但我要開工嘞，食晏再上來。

祝各位今日無驚無險，好快 6點!

麟媽媽

唉~~上左二年班好似成日都要溫默書咁既！？
我仔逢星期二同四默書，
呢幾晚都係咁默，英文4頁4頁上，
中文成日都背默。
聽日嗰課背默都幾長，好在已經溫好啫。

我都未同個仔go through過本reader，
琴晚臨訓同個仔讀了測驗的一課。
本reader應該比小一嗰本深一級架，
但我覺得好似淺過舊年嗰本咁既….
不過可能老公講得啱，
個仔大左，識字多左，
相比舊年識睇識讀，所以我同佢讀一次，
佢已經識講番晒個故事內容及生字既意思。
不過唔知測驗係咪「供詞填充」，
唔係D字便要串熟DD。

你地有無參加徵文比賽？
我仔琴日要做一篇主題為「我敬愛的老師」。
嘩！compulsory參加，要寫150個字！好多字吖！
我都有幫吓個仔的，佢想寫咩內容，
我要幫佢修飾吓咁囉。
亞仔話個個同學都話寫Miss Lee，
睇黎佢都係頂頭大熱！
我睇番亞仔寫既野，我都有點感動…
相信如果Miss Lee睇到，一定好開心！
一個咁好的老師，真的值得學生敬愛的。

easiness

ms99,

有o的網站可以check到字點樣讀, 不過講到查字, 是否傳統既英漢字典會好o的? 你有無買俾你地既小朋友? 因為我都想買, 唔知邊本好o的?

ms99

同公司借啲時間覆吓麟媽媽先。

我都覺得日日同個仔溫書好似機械化咗啲生活，亞仔醒目自動波就話無交嗌，但大家都知命中率極徽，唯有每晚傷啲，傷啲，等假期再修補大家嘅感情。但正面啲睇，咪每日幫佢哋加啲油，等亞仔上場 (默書、測驗)夠油應戰囖。唯歲月嗟陀，大家要提升EQ嘞，上

easiness

ms99,

咁一陣再傾過啦!

麟媽媽,

徵文比賽係咪俾二年級或以上起既同學參加, 因為阿仔星期一上完視藝後, 家課冊寫了"我愛華仁"繪畫比賽, 要3/10交!

easiness

ms99 & 麟媽媽,

同阿仔溫書有時都好勞氣, 若果上到小二要4頁4頁咁默, 真係不敢想像呀! 昨天同阿仔串字, 佢有個字唔識串, 跟住眼紅紅, 嘴扁扁同我講唔識, 回想番都覺得佢好可憐, 唯有解釋佢聽, 我又唔想打擊佢既自信, 所以溫完後便讓他休息一會, 之後才去睡覺!

麟媽媽

「我愛華仁」都係今日交吖！
佢畫到鬼五馬六我都唔理佢了。
自由創作吖嘛！
我仔畫個足球場，佢最鍾意踼波！
個球場填到又紅又綠，四周有D樹咁，
但個地又畫左D黑色一塊塊….
我問佢咁既？！佢話前一排個地係咁喎….
都畫得唔多好，但無時間畫過幅喇！

講開踼波，個仔琴日比人寫手冊，
真係唔知點解….
佢話留左個水壺係個龍門度唔記得拎，
之後要上堂佢便快快跑去攞番，
咁手冊上寫左︰「在操場上跑！」
我真係唔明點解小息唔可以係操場跑？
問高年班家長話係真的，
在校內任何時間都不能跑。
非常好！唔怪得華仁仔都比較斯文，
亞仔又學多一樣「唔可以跑」！

sweetsweetmom

見到你地咁緊張，連我都緊張埋, 我只同亞仔試默過一次書, 有90分, 但原來半班同學可以有100分, 咁我今晚又要努力了。

麟媽媽

sweetsweetmom,

傻豬！唔好咁緊張喇！
90分在於一個未默過書既小一生來說，
唔係已經好好咩？
雖則說有一半人有100分，
但90分都唔錯吖！
唔好比呢D分數影響到你，
你既鼓勵遠勝責備，
換個角度睇，90分還有進步空間，
100分要次次keep住都唔係容易呢！

wlk168win

麟媽媽:
你個仔既真人真事幾好笑, 唔可以跑, 可唔可以跳????哈哈!!   

easiness

sweetsweetmom,

請問你幫小朋友默英文定中文?

sweetsweetmom

both.
每個錯字扣5分, 標點符號扣1分。

麟媽媽

我同幾個家長都話被寫到化了！
除了「在操場跑！」之外，
我仔又被寫過「上課發出怪聲音！」
之唔係佢抄手冊時自己唱歌囉！
你話死唔死？！
「排隊談話！」都寫過喇….
佢咁鐘意講野都唔知點算？！

不過我知好多同學都被寫，
連平時出名乖，考10名內的都被寫過3次！
佢個仔數學做完直式，
唔記得抄番個答案落橫式，
被寫上「欠做數紙！」
佢以為個仔未做功課，
原來是寫漏答案！
不過仲細捉得緊是好的，
傳統學校咪係咁，
由小便要捉緊discipline。