返小一ge仔仔囡囡開心嘛???

大小不梁

kitty:
吓.....咁激呀.....你試下叫囡囡,晚飯後去廁所坐下,唔駛心急,有就去,冇就算數~~
我仔仔唔駛坐車架...日日我同佢行返去學校(15mins)......今日我阿仔又係要集誦呀.....黎緊星期五又開始玩合唱團呀,仲要放成5:00呀....到時我又係5:15先至返到屋企...好在係星期五ja....功課做唔晒都可以第二日做!

大小不梁

小寶:
我日日都有寫架.....我會先寫上今日食乜,飲乜~~跟住就再加多一兩句...用心上課~~放學見~~~聽老師話呀...咁上下啦~~~

小寶 寫道:
你我有時都會寫紙仔放係lunch box度,記得第一次寫"今天的飯美味嗎?" 佢問我仲乜寫呢d野
下個月唔洗送飯lu,我會寫便條放係佢個信箱(我地每人都有一個,但多數剩係我寫比佢),等佢放學回來睇.
你地通常會寫d乜野?

kitty

大小不梁,
你個撈烏冬點樣整架 ?
我都想整呀,thx~

我都有叫女女晚飯坐下,佢次次都話唔急,我都想佢食完晚飯去呀!

你就好啦...唔洗坐校車...慳番唔小時間~
其實我湊都係兩個地鐵站,因為佢課外活動之後可以坐校車返來,所以我先搭 (因有時兩個不同放學時間)
但有時,你知車 ge 野 架啦 ...有時又會遲左 !
你個仔又集誦呀? 係咪一星期練兩日呀?
星期五合唱團要放咁耐架 ?

kitty

小寶,
係呀...我都驚太多時間會空虛呀!
你洗唔洗返工架 ?

ayesha

各位,

你地點同小朋友溫習英文默書 ??

我果小朋友每次默英文都喊, 串呢串去都唔記得, 有冇好方法 ??

請指教 ~

大小不梁

kitty:
我個撈烏冬好簡單架咋~~~你可以買罐頭湯(係用黎煮汁ge)..食幾多就煮幾多...加少少水去煮(煮出黎係"傑傑"地咁呢)咁之後咪再煮烏冬麵囉....煮好後將d烏冬放入d汁度,撈兩撈就可以入盒lu~~~咁你囡囡鐘意食乜'食送'咪加埋係入面law..   
咁又係,你帶住兩個又真係唔多方便ge...放學時間又唔一樣,都好難就,,,,
係呀...我阿仔又係要一星期兩次....
係啦...星期五阿仔本來係放兩點,但係佢參加左電腦班,要放成3:15,依家又話要參加埋唱歌,所以咪要放咁晏囉...
其實我都唔知佢可唔可以應付到咁多野,但係我同佢講左,話如果佢唔好好咁讀書,我就會cut左佢d課外活動,因為我都想試下佢得唔得...

kitty 寫道:
大小不梁,
你個撈烏冬點樣整架 ?
我都想整呀,thx~

我都有叫女女晚飯坐下,佢次次都話唔急,我都想佢食完晚飯去呀!

你就好啦...唔洗坐校車...慳番唔小時間~
其實我湊都係兩個地鐵站,因為佢課外活動之後可以坐校車返來,所以我先搭 (因有時兩個不同放學時間)
但有時,你知車 ge 野 架啦 ...有時又會遲左 !
你個仔又集誦呀? 係咪一星期練兩日呀?
星期五合唱團要放咁耐架 ?

大小不梁

小寶,kitty:
你都咪話...我依家日日送完飯都會覺得好無聊架....屋企野又係早上做晒....之前好想阿仔返全日(k1-k3),但係怕佢辛苦,所以都冇比佢返....暑假果時,我就係度諗,到左開學,我就free 啦,唔駛比佢疲勞轟炸我...    ,但係到左依家,就開始覺得悶悶地了....
以前k3送左佢入學校之後,佢都會回頭望下我.同我bye bye,但係上左小學之後,佢都冇再回頭睇下我一下.....    我知咁樣係一件好事,証明佢已經大個仔左好多,但係可能我仲未慣啦~~~

大小不梁

hi!!你好~~
冇架....佢自己係咁係度串係度讀架ja.....可能佢慣左啦....
記得k2果時,初初佢又係唔識自己溫,咁我咪同佢一齊溫囉...同佢一齊串,一齊讀...仲要係大大聲果隻....跟住叫佢寫...一個字寫幾次,一路寫又一路串一路讀.....咁架ja.....到左依家,佢都慣左lu~~自己攪掂晒~~~你都試下la~~

ayesha 寫道:

各位,

你地點同小朋友溫習英文默書 ??

我果小朋友每次默英文都喊, 串呢串去都唔記得, 有冇好方法 ??

請指教 ~

大小不梁

嘩~~~咁叻仔呀.....cla...星期五到阿仔了....我都怕佢唔掂呀.....佢要背默6句短句子,再加6句讀默句子.....唉~~~   

小寶 寫道:
我個仔今個星期一英默,星期日叫佢溫就唔多願,仲要攪到喊晒,最後都係默左一次,6句句子有5個字唔識,叫佢再溫又唔溫,咁我就算啦,你唔識咪改正囉,到星期一早上返學一路同佢串,都唔係太熟,但估唔到昨天派回來簽名,佢全部o岩晒,只是Wong既W寫左細楷扣了1分   

大小不梁

係呢...你地有冇通告話要去旅行呀...我地18/10去呀.....

kitty

大小不梁,
嘩 ~你亞仔要背默六句加讀默六句呀?
一年班咋喎!
我女上星期英默都係七句咋 (老師話第一次比小d )
我女都得 85分...ok啦~
佢都係自己串下串下咁囉...
佢又係喊哂口架...串來串去都唔識..
溫得都唔係咁熟...
同埋唔憤要默咁多,以前 k3都是默一句加一些生字 ...

小寶,
你仔仔好叻呀...
咁小時間都識哂~

你地學校有冇phonic 學呀?
學左對小朋友默書有幫助架喎..
我女小一時已有得學,默書都幫左佢唔小~

kitty

大小不梁,
咁快就有通告去旅行喇 ?
我女仲未有呀!

小寶,大小不梁,
我都係覺得送完飯番來,早上送完上校車無聊,
我都有 d 失落感架...
有時佢放學返來又望住個電視唔理我咁...
不過佢都會講下野如 "媽媽,我好鍚你架"...
通常臨訓先講~

比比

我囝囝上個星期開始都有默書，不過唔算好多，中文就一課課文，初初以為老師讀課文，小朋友就照默，不過原來唔係咁，係另外派張wordsheet，就好似fill in the blank咁填返適當既詞語，每句句子都同課文唔同，但囝囝話老師有讀比佢地聽喎。而英文都係默五句句子，遲d就唔知lu。

ayesha

我個女上星期已經要背默一課中文 ~   遲些要默課外詞語 tim ~

至於英默, 真係冇乜辦法

kitty

小寶,
好多學校都轉左用你仔仔果本喎..
我女就用 wellcome to english 加 phonic 一本 , 你果本係咪好深架 ...因我聽有d 家長話比較深 ~

大小不梁

小寶:
我阿仔又係用Primary Longman Express 1A,仲有Primary Longman Express GrammarPractice,
Primary Longman Express Reading & Writing,
Express Picture Dictionary~~

小寶 寫道:
大小不梁

嘩~~~要默咁多,我仔下星期一都係默6句,要默咁多我就真係死啦,以前k3都肯寫下,而家叫佢串下都唔多願呀,生字又多左,以前都係4個生字+1句句子,唉....慘過自己謮書.

kitty

我見佢本英文書很少少係教phonic,佢地用 Primary Longman Express.
我唸佢今次識都係有d好彩囉....

kitty

小寶,大小不梁,比比,
我個女就用
LWTE Reading and Writing Skills
LWTE Lisiting Skills
唔知同你地果d 一唔一樣呢 ?

你地而家送飯用咩架 ? 壺定盒呀?
我一向用個普通飯盒..
我今日見吉之島有 d 卡通公仔飯壺幾靚($69.9)就買定冬天用 ~我女揀左叮噹

大小不梁

kitty:
我諗應該唔一樣了...個書名都唔同~~~~
我平時都係用普通飯盒咋......係咩jusco有卡通果d咩.....好唔好用呀...仲有keep到幾耐架.....如果係正....咁我聽日可以去睇下喎~~~

kitty

大小不梁，
我都係聽　ｄ　其他家長報料先尋日去買咋．．
我今日先試用第一日．．．
等我女女放學我問下佢ｄ飯熱唔熱．．．
不過我只是ｋｅｅｐ　一個鐘度．．
仲有呀．．．冒險樂園都有得換呀．２０５０票（叮噹同企鵝公仔，兩個都係藍色）

Hellomummy

我阿女剛升小一, 好多口, 上堂, 乘車, 不停講講講......雖則暫時未有投訴, 但我已知佢因為咁成日聽唔清楚老師講野, 攪到D功課唔識做, 坐MTR都講過不停, D人都望住佢, 佢仲話可能D人覺得我得意呢.....     

我已多次叫佢不要咁多野講(好認真地), 佢"哦"左之後又係耳邊風, 仲覺得好得意咁..........點算? 好在佢間學校唔係太傳統, 否則撞板多過食飯.......

有無小朋友都有呢個問題?