我小朋友上年讀N ，9月B，都係觀察型加搗亂檔，煩死我。我都幾好 鍾意York，亦好感激呢個學校。我仔N老師雖然睇落好後生，但係佢真係好 了解我小朋友性格，比返相對的教導佢，起碼令到小朋友喜歡返學同對人建立到信任。起碼，我見到呢個老師對小朋友有愛，適當時候又會贏到小朋友信任。 講真，N我無預过學校會教什麼學術，只要安排到一個小朋友感到安全舒適嘅小社區，啲同學無太騎呢，教導正確禮儀，建立自信，我收貨。 其實兩三歲人仔，返學最緊要近，撰合適小朋友的學校，而唔係取悦自己聽過有人經常話呼吸學校來形容York，我估可能呢個term太搞笑易記掛，不过十成九十九是沒有讀过呢間學校嘅，咁又有乜好討論，得啖笑。但如果家長清楚了解到什應係0-6歲的幼年期教育，了解自己揾學校的真正目標，呼唔呼吸，又有乜所謂？我見唔少人經常被名幼光環吸引，用啲唔啱年齡嘅教具train 個小朋友，谷到入到就好似代表個小朋友好勁，成家身分地位都唔同哂咁。唔好笑，我都認識唔少朋友係咁。係咪真係勁讀完三年先講吧，但不變的事實係，基本上都係有個好勤力嘅家長囉，明我講乜就明。所以睇下邊條Route 啱自己家庭。
York個校長，啲人話佢好commercial , 或者有啲所謂話自己係幼稚園專家話貪錢。我個人又唔覺得，我老公細过都讀York，因為小朋友讀N，有次有機會同她傾下閒計，我問過點解學校收多細B，我好有印象她答我，她覺得小朋友無分大B細B，大家都係同學齡小朋友，收大唔收細咁對細嘅好唔公平，但係她都明白熱門幼稚園一定係咁做。細B唔代表他們唔叻，岀世月份係無得撰嘅，唔同月齡小朋友混一齊先會有差異性，細嘅學下大，大嘅又照顧下細，有啲細B重醒過大，每個小朋友都獨特。呢個先係正常社區，反正小朋友愈來愈大後，差距就會減少。 可能真係唔多人知校長做左30幾年40年，我老公當年張成績單都重係佢簽名，至於學費我聽我老爺講，當年都已經三千，所以加得真係唔多，哈哈。其實，估計以校長去到呢刻嘅財富，根本都唔需要貪，一個人年过七十，都重大大小小事岀嚟語重心長咁介紹及參與，如果純以金錢做誘因，可以自行想想。我老公話禾，校長九龍塘甘多地，有幾多小朋友報都收到，咪開多班，調配下老師，根本唔存在其他幼稚園的飽和問題😂
| 
發表於 20-9-14 09:29
