一人一信致教育局局長, 嚴厲打擊用非自住地址申請大抽獎

Vanadium

simpson.chan 發表於 18-12-11 17:36
之前講左，唔一定要「舉報」佢，可以動之以情、曉之以理， 而唔會視而不見，再係度講高尚既教育理念，十分嘔心。

麻煩你日日動之以情，曉之以理，唔好視而不見，行街時見到人不小心駕駛、泊車無拉好手制、紅燈過馬路等，就主動走過去勸勉一下，車死人唔大件事過你讀書?

你自己作為家長就多啲留意下新聞，唔好太多幻想，絕大部去名校區抽獎都係買或租屋攞地址，實實在在住係度，講極你都係唔接受現實，以為萬一自己抽唔到名校係被假地址虛報害左自己。名校網教育局已用盡資源派重兵去抽查，根本唔使你地寫信去，要寫你寫去比財政司長啦，叫佢為你地仔女撥多10億8億比教育局專請人調查虛報，咁就有用嘞。

一個命運遊戲分別令唔同背景既家庭發晒瘋，真係.....唔識講!

simpson.chan

Vanadium 發表於 18-12-11 20:55
麻煩你日日動之以情，曉之以理，唔好視而不見，行街時見到人不小心駕駛、泊車無拉好手制、紅燈過馬路等， ...

「行街時見到人不小心駕駛、泊車無拉好手制、紅燈過馬路」

係街見到叫聲「紅燈睇車」無咁難； 係朋友車見到佢泊斜路時落車無拉手制，提下佢都唔係好難。  而你惱羞成怒既回應合理化唔到你自私自利，姑息養奸，醜化被影響既人等等既行為架喎。

「絕大部去名校區抽獎都係買或租屋攞地址，實實在在住係度，講極你都係唔接受現實」

如果實實在在住係個度，跟規則做，有咩問題？ 你仲未明？ 而家係好多好似你鄰居咁做既人唔守規矩，仲有好多好似你咁既人視而不見仲覺得自己無錯，仲係度厚顏大談教育理念，呢度有問題呀！係邊個仲未明呢？  

simpson.chan

Vanadium 發表於 18-12-11 20:55
麻煩你日日動之以情，曉之以理，唔好視而不見，行街時見到人不小心駕駛、泊車無拉好手制、紅燈過馬路等， ...

「名校網教育局已用盡資源派重兵去抽查，根本唔使你地寫信去」
事實就係「唔係」，一年捉到幾多單，而你自己唔係講左你鄰居話「人人都係咁做」？

「一個命運遊戲分別令唔同背景既家庭發晒瘋」
邊個發瘋，大家睇得好清楚，唔該曬。

雖然我都唔想一而再咁提起你既自私自利（雖然你係），但你回應來來去去都係個d，我唯有配合你風格去回應，見諒。

Vanadium

simpson.chan 發表於 18-12-11 22:19
如果實實在在住係個度，跟規則做，有咩問題？ 你仲未明？ 而家係好多好似你鄰居咁做既人唔守規矩。

究竟你好多知唔知幾多? 講極你都唔明，實虛既多(即跟足規則)，真虛既好少(即只借用地址)，就算啲真虛既全部消失，係唔會點增加你子女入學機會，因實虛既實在太多。

你想你子女有好學校，最安全係避開為抽而搬屋既人首選果啲，若你想你子女有好教育，最重要係家庭做起。

如果你都係追捧名校既一份子，咁呢啲post出多1000(億)個都無用，都係博一博，大把有錢人陪你玩，佢地抽到當獎品，抽唔到亦大把後著。

你明就明，唔明就當我透明，我無咩所謂既。

Vanadium

其實稍為認真計下數都知，每年虛報証實只有不足10單，若然真係咁多虛報，抽查50個都中唔止10單吧。

成日"聽講"好多虛報，聽返黎當真?

有機會自己上網打聽，去地產問下，仲有無人租信箱、用假地址? 變性就難，變個地址有機難? 就一就時間搬一搬，話咁快搞掂。

不面對真正問題，永遠係到糾纏，年年有人出類似post，年年旺校區繼續咁旺，真係日光之下無新事，沒有改變那有轉變?

simpson.chan

Vanadium 發表於 18-12-11 23:06
究竟你好多知唔知幾多? 講極你都唔明，實虛既多(即跟足規則)，真虛既好少(即只借用地址)，就算啲真虛既全 ...

你講既「實虛（即跟足規則）」其實有咩問題？

樓主第一個post : 「作為家長, 只可以跟遊戲規則繼續玩下去...不忍看見有任何人, 違反規則, 報非自住地址申請大抽獎, 令某些校網承受更大的競爭. 包括: 借用朋友, 親戚或祖父母的地址, 或者租用空置劏房(非自用)或信箱等作申請大抽獎之用. 」

有講過你所謂「實虛」跟規矩而自住的人有問題嗎？？

你仲未明，以為我地希望由機會1/20 降到 1/19所以好開心？ 我地只係想公平守規矩去做，無人不守規矩側側搏「插隊」ja； 機會大左，又唔代表抽得中，抽得中又唔代表讀得上；以為focus係增加機會率不過係小人之心，仲問人明唔明，真有趣。

simpson.chan

Vanadium 發表於 18-12-11 23:06
究竟你好多知唔知幾多? 講極你都唔明，實虛既多(即跟足規則)，真虛既好少(即只借用地址)，就算啲真虛既全 ...

「若你想你子女有好教育，最重要係家庭做起。」
我同意呀，你自己看著辦吧，以後記住以身作則呀，唔好好似之前咁自私自利，視而不見；要自律守規矩，締造有公民意識既香港俾下一代，感謝你改過自身。

simpson.chan

Vanadium 發表於 18-12-11 23:23
其實稍為認真計下數都知，每年虛報証實只有不足10單，若然真係咁多虛報，抽查50個都中唔止10單吧。

成日" ...

邊有好多人仲用租信箱，教育局一查，幾個唔同姓同一地址？即穿煲啦。  再者同一地址，上年今年唔同姓，咪重點要查架囉。

主要講細單位/劏房，短租唔住或一星期住一兩晚以為可以交下功課個d呀。 呢d common sense唔係唔講得，但攞出黎假設其他人唔知？ 服左你。

「年年有人出類似post，年年旺校區繼續咁旺，真係日光之下無新事」

無辦法架，年年好多好似你鄰居咁既人唔守規矩；仲有好多好似你咁既人視而不見仲覺得自己無錯，之後仲厚顏大談教育理念搞亂個post, 所以咪年年都係咁囉。 明架，上面呀mak兄係247樓已經講左，年年有人好似你咁架，所以咪年年又年年囉。

simpson.chan

ar_mak 發表於 18-12-13 11:36
回覆 simpson.chan 的帖子

冇回應你一排,轉眼間已經由夏天變成冬天,個post冇人打理沉左落海底,好鬼淒涼.

阿mak兄言重了，正如人人都會死，最重要活得精彩，無愧於心。 帖已有豐富討論，看帖之人處事如果又可無愧於心，帖沉底又有何可惜？

意見不敢講，我睇法已係232樓及其後討論一再重複（被迫重複）。 既然見到錯既事，動之以情，曉之以理，唔會好難開口。

如果你個case, 可以講：「係囉，擔心死人啦..  不過話時話，教育局有抽查，如果一早取消資格仲好，去到派左位先取消，個仔又以為入左個間，咁點算？ 明明想搏一搏o者，而家唔通講學校唔比佢讀書？ 童年陰影都似，真係搏唔過！ 」

simpson.chan

ar_mak 發表於 18-12-13 11:36
回覆 simpson.chan 的帖子

冇回應你一排,轉眼間已經由夏天變成冬天,個post冇人打理沉左落海底,好鬼淒涼.

當然一定有其他更好既勸說。 而真正愛惜小朋友既，自會選擇。 如他一意孤行，你舉報與否取決個人價值觀。 唔舉報亦千萬唔好跟某會員一樣將錯既事合理化，再醜化被影響既人，然後大談理想化既教育理念便可，謝謝。

https://hk.news.appledaily.com/local/realtime/article/20140607/52559277

asukav6

與其打擊借地址，不如要求改革派位制度仲好啦

simpson.chan

ar_mak 發表於 18-12-13 15:09
回覆 simpson.chan 的帖子

其實你冇正面回應呢個問題,只係將個波交左比道德審判,但在法律而言,係唔需要理 ...

最正面解決問題，就係未發生前解決問題。

你話佢未諗定，咁請問點judge，點講法律呢?  如果你想引導回答者一定要「法律」層面去回應，你都要set靚條問題先得架。

有咁既傾向（濫用地址）咪透過分析利弊嘗試令佢打消念頭，防範未然，唔係仲好既方法？ 再者以上咁多如果，每一個都有相對應既處理，首先你自己唔好亂，冷靜一點。

所以我好理解你之前話自己最忍唔到d蠢人架。

Vanadium

下面呢個仲討論緊post回應幾到位，echo我所講，唔少人考直私小，只係逃避抽獎會有派去寶校既機會，若然小學係好似幼稚園咁投考，心頭唔係高，只係唔想派去寶校既家庭，好大機會唔使玩競爭入直私小既遊戲。

https://www.edu-kingdom.com/foru ... 1591&extra=page%3D1

至於S.Chan話靠嚇去勸勉"虛報"既人，再次唔認識實況，咩人會唔怕"虛報"去抽某啲地區最名既名校? 當然係手持私校派位或好大機會入直資、國際學校果啲吧，果批為數不少，博下無所謂，你捉到取消派位毫不介意。呢批家庭就算抽到都唔一定讀，所以名校都仍有唔少叩門位。

至於真心一定想到派名校又極想讀果批，相信絕大部份都以"實虛"身份去報，即搬去抽獎，完全合法合情按規則。

任何遊戲當然有規則，但所謂規則，只係遊戲既一部份，絕對唔會係全部，抽獎派位....接受佢同去玩，就要接受佢既全部，包括可能有人鑽規則空子但仍勝出。

simpson.chan

ar_mak 發表於 18-12-13 17:49
我同你講啦,我真心係好怕人蠢. 除左一樣野,係我會不惜一切咁去對方分析利弊,其他野我都係聽下講下就算,就係 ...

守法自律，行多步做自己應該做既事唔算係聖人； 犧牲自己拯救世人，個d先叫聖人，比如jesus。

都係個句，見到，又唔想「浪費時間」去勸，咪算，其他人可以講咩？  但唔想勸又要將錯既事合理化，再醜化被影響既人，然後大談理想化既教育理念，咪叫嘔心囉。

智力正常同會唔會自律2件事黎。
你既題外話太跳曬制，好難跟亦唔想跟，同你傾到呢度，大家萍水相逢，彼此無得著何必浪費時間。

simpson.chan

本帖最後由 simpson.chan 於 18-12-14 01:02 編輯

1）假地址/ 包租公 係第二位會員猜想，唔係我話你，你自己查返。
2）「痴左線」無話過你係
3）「跳掣」係我講，大概意思係成日講講下去左無雷公咁遠，非常跳脫，叫人無所適從。
4）你想講理性要假設個合邏輯既理性假設例子才可討論，你假設佢未犯事，問人應該點判罪；佢仲係度諗緊，你想其他人點係法律上制裁佢呢？

保重阿mak兄, 下年唔好再亂搵人鬧； 正如今年見到我地，no one feel your pain..