港同面試日(禮堂播片段)

9204mrs

回覆 galaxiahk 的帖子

你而家係現實嘅惰況下講呢句說話, 同睇片入面做緊戲嘅小朋友唔同,
唔知你有無睇電視劇或睇電影, 如果你見到响戲中個小朋友同人好無禮咁鬧交,
你會唔會覺得呢個小朋友本身好無家教? 另外, 如果你小朋友同你一齊睇緊呢套劇你會
即刻熄咗佢唔比佢睇定係會即時當反面教材教佢? 而家資訊發達, 唔係你唔比佢就接觸唔到,
小朋友易唔易學壞好睇家長點樣介入同立界線。

不過每個人對教育的看法不同, 傳統學校同新派直資都各有追捧者，沒有最好的學校，只有最適合的，你想小朋友日後是哪類人，便去選擇合適你的教育方法。

傳統學校一般是用高壓方式, 老師話1你唔可以話2, 並且大多是餵給形式，多操練熟能生巧便容易達到高分數，學習目標也着眼在求分數之上（這只是個人見解及從身邊傳統學校的朋友所見到的，有錯請更正），所以只追求成績卓越, 知書識禮, 就真係傳統適合d。

而新派直資大多是以活動形式帶入課堂，比較多思考性的方式去啟發小朋友的學習動機，以及引導小朋友去思考問題，以我小孩在港同為例，功課量不多，多討論多合作，著重思維訓練，接納同學的提問，所以大部分學生是唔怕錯並勇於發表的，可以好多問題好多唔同的答案，上堂比較互動，老師主要做引導，教小朋友學習的技能。小一及小二無考試，但有持續性評估，在於我自己覺得很好，在剛適應新環境新學習模式，還要咁有壓力咁學習，對於一個只是六七歲的小朋友來說未免辛苦了，評估就是看看小朋友的學習進度，重點也不是分數，所以跟考試是不同。在小學階段我比較看重個人成長發展，學校的老師比較包容及正面，同學做錯事會用正面方法處理，不是大鬧、罰抄、罰企或罰全班無小息便了事，而是跟同學探討問題並共同尋找解決方案，這才是真正解決到個問題的根源。學校的生命教育課會在課堂時間帶同學去區內做探訪、邀請殘疾人仕到校分享經歷，如何在逆境站起來，這些也是利用上堂的時間, 試問學校不重小朋友德育為何要花課堂時間做這些活動呢!

總結: 說真的, 如果一開始已覺得學校不合適就唔好去2nd in了,  往後仲有咁多面試, 留返d時間比小朋友玩下或者裝備下下一場面試, 同埋留多個機會比其他心儀的人。

Streetboy

gogopapa 發表於 18-9-21 12:19
繼話劇中兩班港同學生互片後，又到EK港同家長與K3家長互片，果真戲劇人生，都唔好話戲劇反映唔到現實 :happ ...

正確來講, 係認同教學理念與否, 我係K3家長, 認同港同教學理念, 佢收我小朋友一定讀, 唔認同咪唔好讀, 就係咁簡單, 我覺得做話劇班同學仔好無辜

hohoho888

Pollyowen 發表於 18-9-21 12:44
雖然我女喊住口入去, 但見佢返出黎時笑住口話好好玩, 我覺得佢都攞到面試經驗嘅 ...

係囉, 所以唔駛擔心等候時既問題啦...

Pollyowen

Streetboy 發表於 18-9-21 12:48
正確來講, 係認同教學理念與否, 我係K3家長, 認同港同教學理念, 佢收我小朋友一定讀, 唔認同咪唔好讀, 就係 ...

老實講, 我都唔會只想睇小朋友表演朗誦, 大合唱之類嘅表演, 我一定仲瞓得著覺

lazylazymama

相信經過一輪咁激烈嘅討論，透過一班港同用家同支持者嘅解說，大家對港同嘅教學理念、學校運作、老師角色，都有一定程度嘅了解。

唔認同嘅人會繼續覺得套劇無論語調、語氣、聲量、用詞都難以展示港同最優越嘅一面，亦都唔領略校方所講嘅「鼓勵創作下各同學百花齊放、盡展所長」。

我曾經諗過，港同咁受歡迎，要從云云考生中搵到最適合學校嘅學生，校長係專登播呢條片幫學校篩走一部份唔識欣賞呢套劇背後精粹嘅家長，好讓校方更容易搵到志趣相投嘅同行者。

ihv2kids

所有選校的家長
揀學校，各花入各眼。好似揀另一半一樣，有人選靚樣，因為對一世，夜夜對住個唔靚既食飯，可能會無胃口。但又些人會揀心地好，想要安全感多過好胃口。又有只會揀有錢，認為錢先可以得到一生滿足感。
揀學校，你要成績出狀元，想自己個小朋友都係狀元，咁我認為港小未必岩大家。
想要勇敢承擔、欣賞自己、從少體會到社會經歷，而家長又肯放手讓小朋友自己學習、挑戰、成長，咁先好考慮這類所謂「新派」學校。

Charlotte_mom

Delete

haihaimom

回覆 artroboy 的帖子

諗起尋晚嗰集，純妃因為想剷除令妃(希望少啲妃嬪同佢爭食) ，畀人揭穿咗，事敗之後畀皇帝打入冷宮，仲瓜鬼埋添，嗱，做戲咋，唔好當真呀！

artroboy

haihaimom 發表於 18-9-21 14:39
回覆 artroboy 的帖子

諗起尋晚嗰集，純妃因為想剷除令妃(希望少啲妃嬪同佢爭食) ，畀人揭穿咗，事敗之後 ...

係喎⋯
難為我尋日咁上心覆⋯，小朋友不是成人既附屬品，世界一直變緊，唔好下下用一套標準去規範孩子。香港地其實算好，有不同學校模式百花齊放，所以家長可各取其需，有些人係都要糾纏兼無限放大一件芝麻綠豆之事，唔細心睇個post , 差d以為呢班小朋友表演緊殺人放火，宣揭極端主義


P.s. 「廁所、廁所、廁所」好污糟咩？可以同粗口齊名於品德操守一列。，well,我認廁所對我係極之重要。

LinusYip

artroboy 發表於 18-9-21 15:44
係喎⋯
難為我尋日咁上心覆⋯，小朋友不是成人既附屬品，世界一直變緊，唔好下下用一套標準去規 ...

有一日，我我帶我一個就讀‘傳統女名校’小二既親戚去室內遊樂場玩，見到佢一個同學同其妹妹。
我以為佢地會一齊玩，點知兩姐妹一同杯葛我親戚，初則口角，各自玩耐左，唔小心碰到兩姐妹，幾乎發生推撞（仲要係我呢個外人面前）。佢地冇‘廁所’言論，但近乎動手，好在我係度，及時隔開佢地。

女齋校，攪小圈子係常見，有時甚至互相仇視，這不是‘品德問題’？認為沒有的，只是掩耳盜鈴。

大部分名校生品德係幾好，但亦有部分不為外人想像，只係怕受罰，怕麻煩，係相熟長輩前‘必恭必敬’，並非心悅誠服。
不在相熟長輩面前，又或大個左，長輩管不了，就會現形。

artroboy

LinusYip 發表於 18-9-21 17:01
本帖最後由 LinusYip 於 18-9-21 17:13 編輯

女人不嬲麻煩、小心眼。女校比男校多bully, 就算男女校亦然。相信d家長唔係唔知，係想只選擇信自己想信既罷了。

LinusYip

LinusYip 發表於 18-9-21 17:01
本帖最後由 LinusYip 於 18-9-21 17:13 編輯

學校會點處理呢？

首先，好大機會學校係唔知學生既問題，就算知，可能有一半機會係用罰：
罰抄，罰留堂，見家長（其實係推個波俾家長），我果個年代甚至有打籐。

有一半機會，遇到好老師，都會循循善誘既。但我講果間，1對4x人，只要有1/4有問題，勸得幾多？仲未計‘名校’功課量通常多，又要處理行政，係有心都做到死...

唔令小朋友明白點解唔可以做‘不當行為’，只係俾佢地係溫室長大，後果係點？

hohoho888

artroboy 發表於 18-9-21 17:18
女人不嬲麻煩、小心眼。女校比男校多bully, 就算男女校亦然。相信d家長唔係唔知，係想只選擇信自己想信既罷 ...

我同意嫁
所以呢個都係其中一個原因點解唔鐘意比個女去女校

可能我有偏見啦, 傳統名女校的好多時都自以為好lady
污糟少少又"e..."
鹽呢樣鹽果樣, 就好似之前某人話自己blue blood 果種
同埋見好多是出來做野遇上我呢d 官校出身, 會有d睇唔起人
當然啦, 唔係人人係咁
可能是我一路都"遇人不淑", 都係遇到果種人

artroboy

hohoho888 發表於 18-9-21 17:30
我同意嫁
所以呢個都係其中一個原因點解唔鐘意比個女去女校

睇到麥港姐既待人處事、與林男友相處新聞，令我更肯定咗一様野：追求學業上突破固然係重要，但似乎有更重要既野需要去教識小朋友。

haihaimom

hohoho888 發表於 18-9-21 17:30
我同意嫁
所以呢個都係其中一個原因點解唔鐘意比個女去女校

本帖最後由 haihaimom 於 18-9-21 17:51 編輯

我又要幫女校平反下，因為冇男仔，所以乜粗重嘢都會自己做，唔會等人幫，所以好獨立，好多男仔頭。都係嗰句，沒有最好，只有最適合。

artroboy

haihaimom 發表於 18-9-21 17:51
本帖最後由 haihaimom 於 18-9-21 17:51 編輯

我又要幫女校平反下，因為冇男仔，所以乜粗重嘢都會自己 ...

果班男仔頭之中相信係有：
我遇過果班又叻又硬浄，具有領導才能，已經係大公司坐隱一席位。


女校好極端，叻果批可以好勁，亦有一批同人相處係好敏感、思維偏執、主觀性強又自視過高（內心缺乏安全感）。呢種真係亦都遇唔少，令人避之則吉。

不約而同，我識既有幹勁、有魄力、能力高，思維又貼地既女高層，咁啱都來自紅磚屋。

musicfreer

今日最後一日面試, 好似唔覺你哋講嘅片段。

我諗而家大家可以討論下面試內容了

aayy

musicfreer 發表於 18-9-23 17:19
今日最後一日面試, 好似唔覺你哋講嘅片段。

我諗而家大家可以討論下面試內容了

開新帖傾？

hohoho888

haihaimom 發表於 18-9-21 17:51
本帖最後由 haihaimom 於 18-9-21 17:53 編輯

本帖最後由 haihaimom 於 18-9-21 17:51 編輯

係
我同意是一間學校咁多人, 有好多唔同人既
所以我只能說我遇上了部份