九月入讀蘇淅幼稚園

Steptungtung

康媽

謝謝!
請問你囝囝係咪搭校車, 上車時間早唔早, 放學搭得耐唔耐呢?

康媽

Steptungtung,

我囝囝係搭保母車，因為校車無九龍線，大概8:20上車，12:10返到屋企。如果你住係香港，應該大部分地方都有校車到。

JC

康媽,
我仔搭校車放學都係12:10左右到屋企(柴灣)

康媽

JC,

你住柴灣架?我娘家都係柴灣。

JC

康媽,
我住北角,同你一樣--娘家係柴灣(新翠)

康媽

JC,

你就好啦，媽咪肯幫你湊囝囝。我淨係靠工人睇住，有時都唔係幾放心。

connie04

康媽 ,

原來你那條行車線的時間好好, 我打算囝囝如果喜歡蘇浙, 我或者下年左右會搬番就腳d, 但還在想地點, 不過應不會是hk那邊, 現在囝囝要12:35分才回到家, 上車就8:15左右, 但是番到學都近9:00了.
這兩天囝囝番學好好, 已可控制到自己唔喊, 而且都好開心, 呢兩日感覺真係輕鬆了很多.    

康媽

係呀，我地差唔多8:15先落樓，因為佢停係我地樓下，所以我覺得雖然係返北角，但車程其實都好快。不過，架保母車係停後門，小朋友要自己行樓梯上學校。
如果你囝囝適應到就好啦，唔使再擔心。唔知點解我囝囝就真係好鍾意蘇浙，返學無幾耐，就已經話鍾意返蘇浙唔鍾意返以前學校，佢話蘇浙d同學好好，唔會爭野玩，唔會

connie04

康媽,

之前見到亞囝咁, 個心真係好"尺", 呢兩日同佢傾計, 開始會話鍾意番學和掛住詹老師, 昨日下午5點幾叫我同佢番學.  同埋話學校個個老師都好錫佢,  希望佢唔會下星期又發作.....  如果亞囝日日番學都咁開心, 我就

wongnysw

想問下各位意見.
我細仔在2004年1月中出世, 我想幫佢報2006年9月讀K1, 但學校話佢年齡未夠 (只差十幾日, 激死). 要到2007年9月先可以讀K1, 到時亞仔3歲8個月, 屬於"大仔". 學校提議我報N1, 但我計過, 學費貴成千蚊, 成份家用就會用得好辛苦. 我想有個折衝辦法, 在2007年1月才插班讀半年N1, 9月讀K1, 大家覺得可行嗎?
其實我係在職媽媽, 平日靠奶奶同工人湊對仔女, 以前搵playgroup 比個大女, 都只在星期六日, 由我放假自己帶佢去, 都唔敢麻煩奶奶, 奶奶唔係好識字, 又無方向感, 試過湊放學搵唔到個課室, 個工人又只係ok, 都唔算好放心. 個仔咁大都未返過playgroup, 所以想比佢早d有學校生活.
我自己都已然好忙, 為個女搵興趣班都在星期六日, 平日放工後都搵時間帶佢地去玩. 有時奶奶都講, 為咩咁辛苦, 放工仲走來走去, 其實佢都唔明, 對仔女在屋企只係玩, 學習時間好少, 如果老公份人工夠用, 我都想唔返工自己湊仔, 就算唔返playgroup我都可以自己在家教育一下. 可能奶奶仲係古老思想, 覺得返學就足夠. 其他活動o徙錢又無用.
我有時都自己諗下有無方法比個仔接觸多d人, 例如叫大家一齊去康文署遊戲室度玩, 去中央圖書館玩具室玩, 時間自己遷就, 兼且免費唔使錢, 咁辛苦都係為左對仔女.  
大家有無好提議, 請指教, 謝謝.

hoeve

Hello wongnysw,
我bb係04年9月b，我都報左蘇浙n1（2歲班），咁我地呀b可能係同學喎
我諗好多學校n1都貴d，因為n1人手會多d，照顧會好d呀。 我都係全職媽媽，無人幫我教到bb所以咁早俾bb入學。我過2個星期就去面試了   
如果可以，當然開學讀起會好d啦，因為通常學校都會在9月有d課程/安排幫新同學適應嘛
講番playgroup，我bb都係由工人帶去呀，要老人家帶真係難d了。我都覺得bb返playgroup後叻左 駛乜理d老人家覺得「其他活動o徙錢又無用」，自己知對小朋友好就得啦，又唔駛佢去同俾錢，唔通無用我重咁辛苦貼錢帶呀b去咩！
你知唔知有間hkppa的playgroup都幾平架，$6x一堂，不過好多人報要排好耐！
其實久唔久都可以去下d playgroup的free trial呀，當同bb玩下，重可以看看人地d playgroup好唔好添！重有可以帶bb去玩具店玩餐飽（通常都有其他小朋友可以一齊玩）

Steptungtung

康媽
我住將軍澳嘅, 我唸個女要搭保姆車.
吓, 如果搭地鐵再步行,你認為麻煩和行得遠嗎?

connie04

wongnysw,

其實蘇浙成年都會招生, 我唸個個月都會有插班生, 如果計過條數覺得可1月讀, 都冇咩話可唔可行, 起碼比k1新生快了適應, 上年我都有留意蘇浙nursary, 我都係覺得貴, hkd2700/mth (還要計車費), 而囝囝兩歲便日日過海, 我唔捨得, 所以便在屋企付近是但搵間比佢讀住先, 等佢多d接觸人, 因囝囝都係細仔, 今年9月開學時才剛剛3歲足, 心唸細路仔好快適應, 現在回想那一年nursary 都唔知係咪還影響了他, 因為以前那間上堂時較寬鬆, 做錯都唔會罰. 一喊就用candy 來引他, 話有國語堂, 但返了一年, 自己名都唔識講, 真係唔好意思, 越講越遠....
playgroup 方面, 我現在都和囝囝報了一星期一堂英文班, 因為見佢在校上英文堂好開心, 上次上playgroup後, 老師讚他手工great work, 佢開心都jump起.  我又唔會話playgroup 對小朋友成長好緊要, 但如果可以負擔得到, 時間又訐可的話, 比佢地睇多d野都係好, 不過我99都係話o徙錢.

康媽

wongnysw,

你有兩個小朋友，都算有個伴可以一齊玩，比起獨生仔女已經好好多，其實你仔仔都可以遲d先讀書，如果想佢多d接觸其他小朋友，大可每星期上一至兩次playgroup，價錢唔會太貴，又可以比佢同小朋友玩下咁。其實返nursery都係玩多，遲d同早d返既分別唔會好大。

康媽

其實蘇浙離開地鐵站都幾遠，小朋友又行得比較慢，加上要行一段斜路，我覺得小朋友都會幾辛苦，仲要預番多d時間，夏天可能會行到成身汗。

[quote]
Steptungtung 寫道:
康媽
我住將軍澳

wongnysw

hovev,
hkppa 即係邊間?
wongnysw

hoeve

Hi wongnysw,
hkppa have many centers:
1) Mid-Levels, HK
2) Tai Hang Rd, HK  
3) Tai Po, N.T.  
4) Heng Fa Chuen , HK  
5) Sai Kung N.T.

You can go to their web to have a look:
HKPPA click here

evalauwm

wongnysw,

我有著同你差不多

connie04

Steptungtung,

我也是住tko的, 我也可給些資料你參考一下, 囝囝同班有位同學也是tko, 那同學是由家人接送的. tko也看你是那區, 那同學如搭保母車, 要8:05- 8:10am左右(是頭站), 到學校應是9:00前.  我住的地方每早 約8:15分, 也見到有個妹妹和工人去搭mtr返蘇浙, 我也試過同囝囝搭mtr回家, 12:20左右便到屋企樓下.  如返工時間搭mtr會多人好多, 所以去程應會辛苦d.

wongnysw

多謝各位的寶貴意見, 我要再好好計劃一下.
昨晚都有跟丈夫談有關個仔讀書的事, 我們都覺得好像忽略了細仔. 其實我們不是偏心, 只是真的沒有充足時間. 一天工作已佔去九、十個小時, 餘下時間要編配得好才可多方面兼顧.
其實我還有個"後盾" --- 我媽媽. 她沒有工作, 是一個很悠閒的師奶, 也常常嚷著想d孫留在她家(即我娘家)住幾日, 我相信只要我出到聲, 我媽是十分樂意帶d孫去上playgroup 或去街街.
我有向丈夫說過此建議, 他說如果我地自己攪掂就自己兼顧, 我明白他想法, 一來唔想麻煩我媽, 二來又怕奶奶多疑以為我地唔信任佢, 三來想盡量爭取與小朋友的親子時間.
今晚放工後會帶對仔女去中央圖書館玩具室度玩, 一星期一次, 我們一家人都很期待. 看見小朋友開心, 自己也就開心, 辛苦少少都值得.