請問有冇N1D1(PM)同學仔

loloyen

HI!媽珠
THX你留一包比阿仔 ,那天我會盡快趕嚟!MINNIE我知道個樣,因為阿仔睇個幅相已經話咗比我知,幾靚女!今日收到通告,今個月可能冇生日會,因為要攪新年活動,可能要延遲到2月 !
係啦想問下你,今日張工作紙,第一幅圖個小朋友究竟係度做緊乜,我同阿仔睇好似係洗手,C6又話係度玩水,都唔知對定錯
你女女有冇同你講學校考會話,你女女識唔識?我問個仔你都知佢講嘢唔得,都唔知佢考咗未 !

媽珠

Hi! loloyen,

paper 上第一張相阿女話小朋友在玩水, 隔離嗰張在哭. 講真句, 佢唔講我真你睇唔 到個公仔做緊咩! 希望佢無聽錯啦!

Oral 我明天問下阿女先, 但我知考咗唱歌. 佢哋自己唔知  考試o架. 因為阿女話幾個人一齊對住老師唱, 我都唔記得問佢嗰日唱咩歌o添.

今個星期佢哋 revision 緊中文字. 阿女由上個月只識3成字, 變到尋晚問只錯1個字. Miss Lam 真係好勁 呀! 我知佢哋用象形文字方式+遊戲教小朋友. 阿女入晒腦. 之前我自己都係用象形文字方法教阿女, 但成放冇 Miss Lam 教噉好. 呢幾仟蚊真底 比.

miuc888

[quote]原帖由 媽珠 於 11-1-9 00:19 發表
多謝你邀請Donald Wong 去你女女個party,但因為我個日要返工所以來不到,真的好抱歉呀! 下次有機會再一起玩啦!

Thank you,Happy Birthday to Angelina!

媽珠

Hi! miuc888,

唔緊要啦! 下次有機會再玩過啦! 不過如果你有時間多啲上嚟傾下計啦!

原帖由 miuc888 於 11-1-9 22:33 發表
[quote]原帖由 媽珠 於 11-1-9 00:19 發表
多謝你邀請Donald Wong 去你女女個party,但因為我個日要返工所以來不到,真的好抱歉呀! 下次有機會再一起 ...

媽珠

Hi! loloyen,

Oral 應該考咗喇! 過程應該係 Miss Lam 請幾位小朋友一齊唱一首歌比佢同Mr. Win 聽, 之後就由 Mr. Win 向每個小朋友續一問問題, 阿女話淨係問字母 -- Which one is "p" / "s"......

loloyen

HI!媽珠
個張功課第一幅我當係洗手,第2幅應該係洗面,不過個圖畫都幾蝦人睇 !
原來已經考完ORAL,唔知阿仔得唔得,不過都係唔得架啦!你知阿仔表達能力比較差,唔好咁大希望 !
我都好佩服學校既教學方法,真係物有所值 ,阿仔本身中文比較差,但第一天派呢份紙既時間我比阿仔睇,阿仔都可以差不多識晒,只係個'羊'同'草'有些混淆,我幫佢改正後,現在冇撈亂,希望明天OK啦!真係唔知MISS LAM用乜方法咁勁 佩服!

loloyen

HI!你好!DONALD MAMA
我係LINCOLN MAMA,有時間多啲上嚟傾計!

原帖由 miuc888 於 11-1-9 22:33 發表
[quote]原帖由 媽珠 於 11-1-9 00:19 發表
多謝你邀請Donald Wong 去你女女個party,但因為我個日要返工所以來不到,真的好抱歉呀! 下次有機會再一起 ...

媽珠

Hi! loloyen,

其實第二張相我都覺得係洗面, 但阿女話喊就由得佢. 如果真係錯咗等佢下次小心啲囉!
你都唔駛太担心, 其實佢哋嘅考法都同平時上堂差不多, 你BB 又唔係唔識, 只係睇佢開唔開口答. 我相信 Miss Lam 實有方法令佢答嘅.

原帖由 loloyen 於 11-1-10 00:40 發表
HI!媽珠
個張功課第一幅我當係洗手,第2幅應該係洗面,不過個圖畫都幾蝦人睇mouth:" /> !
原來已經考完ORAL,唔知阿仔得唔得,不過都係唔得架啦!你知阿仔表達能力比較差,唔好咁大希望 !
我都好佩服學校 ...

loloyen

HI!媽珠
阿仔上星期六第一次返興趣班就唔開口啦 ,唔知係未唔熟啲同學同老師,希望過多兩堂會好啲,我諗MISS LAM有方法令佢哋開口,今日阿仔同我講話10個中文字,唔知係未考試個啲,轉頭又講牛,馬,兔,羊,狗,可能係MISS LAM開始教佢哋12生肖,我諗炸 !呢排真係好忙,下個星期搬啦,想死 !

媽珠

Hi! loloyen,

尋日落街接車, 問阿女Miss Lam 有冇問佢中文字佢又唔講. 到同佢沖涼佢先話茶點時食咗個麵包兩啖就放低. Miss Lam 問佢見唔見到個麵包(未食完). 佢就 . (話 Miss Lam 罵佢) 今日唔肯返學, 我同佢講Miss Lam 唔想佢肚餓又唔想小朋友浪費. 所以先提佢要食多啲. 之後又教佢同Miss Lam 講SORRY!! 同陪佢返學一齊講. 沿途都好開心, 到學校同 Miss Lam SORRY 完都冇嘢. 點知我多手同佢 BIG HEART + KISS 完佢即刻 . 喊到主任同副校長都嚟睇佢咩事.
.... 下次都係唔好噉多事喇

loloyen

HI!媽珠
小朋友有時脾氣係咁架,唔好唔開心 ,我阿仔有時返嚟自己都話係學校有小小唔乖,不過MISS LAM冇打比我,可能唔係咁大件事,你解釋咗佢唔明,再用第2個比喻去解,我成日問下阿仔,你LIKE唔LIKE MISS LAM,佢話LIKE,咁我話如果你LIKE就唔好激MISS LAM,要聽MISS LAM話咁,不過有時都會唔聽,太細個未太識,慢慢嚟啦!

媽珠

Hi! loloyen,

真係好無奈, 成日無端端響度扭計喊 . 喊極唔停..... 而家又扭唔肯上溜冰堂 .
你BB上星期畫圖畫畫咗落枱度, Miss Lam 叫咗佢都重畫落枱上面, 所以Miss Lam 比tissue 佢叫佢清潔返. 可能 係呢件事啦!
你嘅搬屋工程進度如何? 有時間先覆我啦!
星期六 改咗 2:00 開始, 因為下家 confirm 咗時間放返啲位出嚟. 希望大家唔駛太趕.

媽珠

重有呀! 尋日阿女放學話 monitor . 要好乖聽 Miss Lam 話先可以做o架!! 我問佢  monitor 要做啲咩佢又唔知 , 但問佢想唔想做佢又話想 .

loloyen

hi!媽珠
個件事阿仔都係咁講,自己話畫落枱到,昨日阿仔冇返學,有小小鼻水,今日好好多,所以我唔知乜係monitor,sorry!睇下今日阿仔返嚟有冇講啦!你女女睇嚟幾情緒化,要慢慢教 !
呢排真係好忙,入箱入箱入箱入箱入箱入箱入箱入箱
改咗2:00,ok!冇問題!到時見!thx!

媽珠

Hi! loloyen,

呢排都唔係好得閒上嚟! 上星期攬阿女 birthday party攪到 . (希望大家都玩得開心啦!)又要同佢買中國服(做格格). 今個星期又要大掃除過年   . 你搬好未呀?
呢兩個星期阿女成日問我哋有冇揮春? 有冇全盒? 今日又問我哋有冇團年飯?而家叫緊我一定要貼揮春, 如果唔係年獸會嚟我哋屋企  .....

希望嚟緊呢幾日個個小朋友都玩得開心啦!!

原帖由 loloyen 於 11-1-18 15:46 發表
hi!媽珠
個件事阿仔都係咁講,自己話畫落枱到,昨日阿仔冇返學,有小小鼻水,今日好好多,所以我唔知乜係monitor,sorry!睇下今日阿仔返嚟有冇講啦!你女女睇嚟幾情緒化,要慢慢教 !
呢排真係好忙,入箱入箱入箱入箱 ...

loloyen

HI!媽珠
上星期四已經搬完去新屋,去你女女生日會好近,如果OLD屋會比較遠,要行20分鐘或揸車!
今日阿仔又冇返學,因為今朝起身見佢身上出咗好多一粒粒紅色,唔知係乜,驚返學會傳染比人,下午去睇醫生,好彩係皮膚敏感,明天可以返!
旅行你都會去呀嗎?我同C6都會去,好彩係星期六嚟 !現在阿仔成日都話要去旅行,唔知係未MISS LAM同佢哋提過!
你女女開唔開心,好多生日禮物 ,鍾唔鍾意我阿仔個份 ,我都幫阿仔買咗兩件中國服,因為要穿4日,買兩件可以替換,我唔知邊樹買枝膠花比佢拎返學校,如果買真花,怕佢係返學搭校車途中辣手摧花 ,又要去搵下先,真忙碌,佢哋小朋友一定玩得開心啦!我哋慘啲 !

媽珠

Hi! loloyen,

前兩年我個女都試過身有紅點, 次次都係睇醫生時由醫生發現, 但次次醫生都話睇見啲點係已經退緊. 可能之前有啲病毒感染, 但自已身體抵抗咗, 未病出嚟. 所以我哋都冇發覺到.

旅行我會去, C6 諗咗兩日都無覆我. 今日我已報名 1大1細唔預佢. 廢事同佢報佢又唔去, side 晒啲錢.

明天 Miss Lam 帶小朋友行花市  , 不用出街o架. 因花市在學校內 . 阿女話 Miss Lam 整咗好多錢幣預備比佢哋買嘢. 希望你仔仔明天可以一齊返去玩下啦!!明天同後天唔駛帶書. Miss Lam 話開始有禮物比佢哋帶返屋企.
好多禮物, 阿女直情顛晒. 你哋送嗰本書好靚. 阿女一見到就 要戴起條鍊 . Thank you so much!!


我都買咗兩條中國服比阿女著, 但佢點都話明天Miss Lam 帶佢哋行花市要著靚靚. 唔著中國服 .

SORRY!! 我睇遲咗o添. 花園街有膠年花賣. 今日下晝為咗去買所以遲咗接放學 . 希望你已經買到啦!

今日係阿女上最後一堂溜冰堂. 因佢扭計上兩堂都喊. 話唔要教練. 所以過咗年睇下佢肯唔肯轉grouping 上啦!教練話同其他小朋友一齊上好多小朋友都夠胆扭計....

[ 本帖最後由 媽珠 於 11-1-27 01:59 編輯 ]

loloyen

hi!媽珠
阿仔星期二已經返咗學啦,不過啲紅印未散晒,有啲醜樣,星期四應該會靚仔番啲啦 !今日我係附近大型文具店買到膠花,不過唔知係未買錯,我睇好似係菊花,c6又話唔係,都係唔好理,照比阿仔帶番學 ,你女女可以講咁多學校既事比你知,真係好想阿仔係咁,可能重要等一排 ,不過呢排算叻咗啲,起碼問佢每天既茶點係乜,佢都冇亂講,已經好好多,希望大家都係學校玩得開心 ,你女女like就好啦,你之前講過你女女like公主,我諗呢本書有得睇又有得戴扮靚,應該冇錯 ,學嘢呢啲小朋友都係未定,要慢慢發掘,阿仔現在學琴都好似唔係咁投入,可能呢樣唔啱佢,下次又要同佢試學另一樣,直到搵到佢真正喜歡,你女女都要慢慢試,唔迫得!

媽珠

Hi! loloyen,


你BB已經習慣返學, 你日日問佢一啲學校嘅嘢, 等佢可以留心啲學校嘅事, 返嚟同你講返. 不過可能到時你會話煩, 因為佢可能會不停講要你答佢...

好好笑! 尋日佢哋行花市買花, 但阿女話冇得"簡", 會買返自己帶嗰支花. 仲有$7 剩.

學校仲送咗兔仔錢箱比佢哋. 阿女嗰隻係粉紅色o架. 佢爸爸比$1 佢入落去. 但今朝起身自已攞返出嚟. 佢話 Miss Lam 話要入利是錢. 但我怕佢自己亂放啲錢(當玩具周圍放). 所以我話紙幣就媽媽同你入戶口. 硬幣先入兔仔.....

loloyen

hi!媽珠
我阿仔個兔仔錢箱係藍色,阿仔都有叫我比$佢入,不過我諗住遲啲新年個啲利是當佢面幫佢拆再教佢入,等佢知道要用自己既利是錢學習儲錢,阿仔係學校都係買番自己棵花,見佢用剩$3,個張$3比佢入咗兔仔,當係錢先 !估唔到今個新年都幾多功課,多過聖誕節個排,不過我要阿仔呢幾日要做晒先可以去街街,因為又要練琴,又要拜年,冇乜時間!
恭喜發財!新年快樂!身體健康!學業進步!