06年9月入讀蘇淅幼稚園K1既家長, 入唻交流下啦!

joeytcy

原帖由 十月媽咪 於 09-6-26 09:39 發表
我弟婦個班主任噚日都打畀佢話取消畢業禮, 但黃昏該校家長就四出打電話, 約埋成班家長今日踩返學校, 強型要求校長舉行畢業禮, 就算係一個戴口罩既畢業禮又好, 逐班搞既畢業禮又好, 乜野形式都好, 都希望還小朋友一個 ...

終於搵到課外活動比阿悠啦...太古城學溜冰...依家hold住個位.....星期日交錢...下星二開始上堂...一星期兩堂...阿悠唔洗發mo啦.....

GIPW

原帖由 十月媽咪 於 09-6-25 22:31 發表
下? 點解忽然間會去呢間學校面試既? 我只知呢間學校口啤好好, 好多嗰區既家長都爭住入, 但聽講功課量超多, 默書測驗考試亦都唔少野架喎! 不過佢地既升中派位成績聽講好好的, 呢間我都心儀架, 但實在太遠喇, 我又唔打 ...

Just think this is a good school among the 14&16 zone.   Gove't school and more ECA than KCS.  some of my friends highly recommend me to go

十月媽咪

之前我都有friend係highly recommend我誇區試呢間架, 但一諗起要過海...要太早起身喇, 都係算吧! 若然佢收你, 咁你會唔會讀呀? 如果你最後揀呢間, 咁細佬將來就唔駛煩喇!

原帖由 GIPW 於 09-6-26 19:49 發表


Just think this is a good school among the 14&16 zone.   Gove't school and more ECA than KCS.  some of my friends highly recommend me to go

CanKan

十月媽咪：

係呀！我兩間都註冊左，不過都係傾向蘇小，始終都係唔捨得佢既語言訓練。

其實諗翻轉頭，之前都係諗得唔夠認真，無論係報私校、直資抑或官津校，每次都會連埋細佬一齊考慮，點知到左最後，依個因素反而擺埋一邊；如果當初唔駛考慮依個因素既，好多野既安排都會唔同哂！當然自己亦先入為主，覺得蘇小唔錯，所以係報官津校既時候，做資料搜集亦唔夠全面，到派倒第一志願，反而會覺得官校比較鬆而未必適合個女，變成浪費左一個機會。

以後唯有慳 d 駛啦！

至於細佬，已落實讀民生，上個星期已經去交哂雜費、書簿費、同8月既學費﹝唔知如果開唔倒學有冇得退？﹞，校服都買埋囖！雖然係第二個討論區知道有 d 媽咪放棄左蘇小幼兒園個位，但我打個去學校問，佢地都係話未有位，所以都唔可以再等，費事兩頭唔到岸。

原先有諗過報蘇小幼兒園插班，但後來知道并唔係直上幼稚園，所以而家要考慮既係幼兒園面試會否有優勢，若果冇就直接考 k1 算啦！

CanKan

十月媽咪

CANKAN,

點解會覺得官校比較鬆既? 我女嗰班有同學既阿哥家姐係讀北官, 話讀到嗌晒救命, 好辛苦架喎! 你指既鬆, 係學業成績鬆, 定係操行鬆呀?! 我反而覺得官小有時D透明度比較低, 但如果同蘇小比較, 亦唔見得蘇小既透明度有幾高! (除左學校似無揞雞籠, 任家長睇之外)

北官本身有無網頁架? 如果有, 呢輪停課, 你睇下北官有無POST到要小朋友響呢個暑假做D乜, 同對比下蘇小網頁, 安排小朋友要做既野啦! 我比較過將循同蘇小一年級升二年級要做既野....嘩...滴晒汗呀!

當然, 唔係多功課, 多野做就一定係好學校, 就一定對小朋友係好, 但...都係唔多講...反正你決定左!

丫, 頭先我地嗰班有媽咪打畀我, 話你地班有媽咪噚日踩上學校搵校長, 要求還小朋友一個畢業典禮...當時校長賴係明白家長&小朋友既心情咁, 話可以響學校搞番個小型PARTY之類....但扭轉頭, 就同你地班既老師講, 如果要搞, 老師自己負責番所有後果....你嗰班既媽咪就打畀我嗰班既媽咪, 睇下大家可唔可以做D野, 令學校同校長可以還畢業班家長&小朋友一個畢業禮! 但詳情仲未知, 晏D我班個媽咪會再打畀我!

我查實就好鬼憎呢個校長既, 對住家長平日都唔打招呼都算, 如果件事真係好似D媽咪咁講, 我會覺得個校長好不負責任, 一方面應承家長可以做D野, 另一方面就將個責任推晒落老師度, 一句講晒, 唔好煩到我, 就係咁樣! 如此不負責任, 哀哉哀哉!

原帖由 CanKan 於 09-6-27 10:12 發表
十月媽咪：

係呀！我兩間都註冊左，不過都係傾向蘇小，始終都係唔捨得佢既語言訓練。

其實諗翻轉頭，之前都係諗得唔夠認真，無論係報私校、直資抑或官津校，每次都會連埋細佬一齊考慮，點知到左最後，依個因素反而擺埋一邊；如果當初 ...

joeytcy

原帖由 十月媽咪 於 09-6-26 20:57 發表
之前我都有friend係highly recommend我誇區試呢間架, 但一諗起要過海...要太早起身喇, 都係算吧! 若然佢收你, 咁你會唔會讀呀? 如果你最後揀呢間, 咁細佬將來就唔駛煩喇!

...

你地係咪講緊基灣....呢間學校聽閒壓力超大....不過派中學位就唔錯.....不過個邊校網D津小學大部分好似都唔錯架.......

joeytcy

唉....我個女今日都話好掛住D同學呀....佢話原來放甘多假係好悶...佢令願返學校....不過我又覺得學校係處於一個好矛盾位置.....你叫佢地點做...有時有D野..由校方太過主動的話...有咩後果佢地都咩唔起....校長真聰明...真係見慣世面...一兩句說話就將個波拋左比老師.....勁.....真係要多多學習.....HEHEHE

joeytcy

既然係甘.....我一陣間係我地個班E_MAIL....同D家長提議...向校方申請借禮堂一用..(因為夠大..空擴D).....目的比D同學仔影下相....寫下紀念冊.....繳請由老師頒授畢業證書...校方無人黎的話唔緊要...最緊肯禮堂一用......

coco209

想請問K1 interview 會用咩語言? 唔會用普通話問問題呢?

joeytcy

原帖由 coco209 於 09-6-27 23:53 發表
想請問K1 interview 會用咩語言? 唔會用普通話問問題呢?

我個女個陣時係以廣東話IN....

十月媽咪

我囡嗰陣, 老師先用廣東話問佢水果名, 答完之後, 老師有用普通話讀一次D水果名, 然後叫我女跟佢用普通話讀...成個面試過程, 五分鐘都唔知有無, 好快趣!

原帖由 coco209 於 09-6-27 23:53 發表
想請問K1 interview 會用咩語言? 唔會用普通話問問題呢?

十月媽咪

校長話, 唔可以淨係做幼稚園唔做小學, 如果分開做, 學校就無咁既資源去做...我都唔明學校究竟要用D咩資源去做一個畢業禮...畢業證書一早搞好晒, FOR畢業生既紀念品, 一早整好左, 老師係咪都要返工架啦, 如果因為提早左放暑假, 連老師都想提早放暑假既話, 咁無野講囉! 地方...成個大禮堂, 連BOOK都唔駛BOOK (無需外借場地, 硬件已有), 主禮嘉賓...我諗家長同學生都唔需要囉....最後係校長本人喇, 佢係咪唔可以為左小朋友, 出席一次 (幼稚園&小學一齊搞); 出席兩次 (幼稚園&小學分開搞); 出席三次(幼稚園上午班, 下午班 & 小學分開搞)等等呢? 有心還畢業班家長&小朋友一個難忘回憶既話...無論資源幾咁缺乏, 都一樣可以做得到囉!

噚日既結論係, 如果你地班搞, 而有其他班家長和應, 咁就可以問學校借個禮堂唻搞, 問題係, 唔知點樣聯系其他班既家長去和應囉! 仲有就係....唔單止要你嗰班既老師肯做野, 仲要其他班既老師都肯做野至得啊! 同埋搞既話, 成個責任就推左落老師身上, 因為係老師應承你地搞, 而唔係學校OR校長應承你地搞....我覺得咁樣做既話, 對老師好唔公平...因為搞畢業禮, 學校&校長都唔應該置身事外, 我地係著住蘇浙既校服, 代表住蘇浙既畢業生, 而唔係代表住搞嗰個老師...萬一搞既過程中, 小朋友有咩事, 難道 真係要老師負責嗎?

眼看好多朋友既仔女既學校都樂意為畢業生家長&小朋友舉行畢業禮 (大型變小型), 讓大家有個美好&難忘既回憶...而自己間學校就如此推三推四...真係極度失望的!

講真, 如果學校真係要怕人類豬流感呢個問題, 可以要求出席既家長&小朋友入校門前通過體溫檢查, 消毒雙手, 戴上口罩....小朋友除左上台領畢業證書OR領獎時除口罩之外, 坐番落台下嗰陣, 咪戴番個口罩囉, 仲有....出通告畀家長嗰陣, 講明有病唔可以出席...出席與否由家長自行決定, 出席者事後如有任何流感徵狀, 一概與學校無關咪得囉...因為堅持要出席既係家長, 我深信家長絕對願意孭番呢個責任囉!

仲有樣野就係, 下星期四&五 (即七月二日&三日) 就要返學校拎番晒所有評估表 (第三個學期唔會有評估表), 畢業證書, 紀念品, 獎項 (有的話), 假期功課, 佢地響學校用剩既物資 (例如顏色筆), 老師話已經一份一份執好晒, 等家長返去攞架喇! 所以如果真係要搞畢業禮, 咁老師就要抽番晒D畢業證書&紀念品出唻, 到時再發畀小朋友架喇!

原帖由 joeytcy 於 09-6-27 23:05 發表
唉....我個女今日都話好掛住D同學呀....佢話原來放甘多假係好悶...佢令願返學校....不過我又覺得學校係處於一個好矛盾位置.....你叫佢地點做...有時有D野..由校方太過主動的話...有咩後果佢地都咩唔起....校長真聰明 ...

joeytcy

我今早SEND左E-MAIL出去啦..我地個班因有自印紀念冊..所以有個綜合電郵聯絡...至於下一步就未知...十月媽..你地個班呢...
各位:
由於豬流感影響, 小朋友畢業禮被迫擱置, 實在感到非常可惜! 但可否向校方申請借用禮堂, 目的是為了讓同學們拍照留念, 再繳請老師頒授畢業證書給予同學. 假若校方因某些理由不能參與, 謹希望也能將禮堂借出, 本人明白校方可能有矛盾位置以不便積極籌辦, 所以不求隆重, 但願能給予空間, 留下些少回憶給予天真的小朋友.
吳紫悠媽  

(吳紫悠昨天向我說, 很掛念同學, 並想回校.)

[ 本帖最後由 joeytcy 於 09-6-28 12:23 編輯 ]

十月媽咪

悠媽,
咁我想問, 呢封EMAIL係純粹畀同班既家長, 定係畀埋校方架? 老師會唔會都收到呢個電郵呢? 同埋係除左要求學校借出禮堂之外, 咁由邊個負責去借呀?

我地班無自印紀念冊呀, 我手頭上亦只有三份二左右既紀念冊響手, 仲要唔係個個家長都有畀EMAIL地址我, 所以....我地班無你地班D野咁齊全呀!

ANYWAY, 你一有消息, 再上唻報告, 我再聯絡下我地班既家長, 睇 下如何!

原帖由 joeytcy 於 09-6-28 12:22 發表
我今早SEND左E-MAIL出去啦..我地個班因有自印紀念冊..所以有個綜合電郵聯絡...至於下一步就未知...十月媽..你地個班呢...
各位:
由於豬流感影響, 小朋友畢業禮被迫擱置, 實在感到非常可惜! 但可否向校方申請借用禮 ...

joeytcy

原帖由 十月媽咪 於 09-6-28 13:14 發表
悠媽,
咁我想問, 呢封EMAIL係純粹畀同班既家長, 定係畀埋校方架? 老師會唔會都收到呢個電郵呢? 同埋係除左要求學校借出禮堂之外, 咁由邊個負責去借呀?

我地班無自印紀念冊呀, 我手頭上亦只有三份二左右既紀念冊響手 ...

十月媽...因我收到電郵有家長諮詢...所以我就發表下..表左態先....甘大家力量就會多D.....已經有幾個家長都有發表...例如謝師宴之類.....包括CANKAN......(我唸依家都係收集意見階段)...

pongawk

徵:各位家長有無女仔校服、書、書包或shoes，平售或送出，因有兩名所以想慳D，有的話請pm！

joeytcy

原帖由 pongawk 於 09-6-29 08:37 發表
徵:各位家長有無女仔校服、書、書包或shoes，平售或送出，因有兩名所以想慳D，有的話請pm！

不好意思...有人要左啦....你已經遲了一步lu....

Sorb

Hello, Joey, appreciate that you PM me the contact number of the 補習老師 that you have mentioned  so that I can pass to my friend.  Thank you very much!

SorB

joeytcy

原帖由 Sorb 於 09-6-29 16:44 發表
Hello, Joey, appreciate that you PM me the contact number of the 補習老師 that you have mentioned  so that I can pass to my friend.  Thank you very much!

SorB

你可否比你個朋友EMAIL我...我叫MISS. HELEN覆佢啦...
另有無資料呀...例如住邊到...補普通話嗎...幾大...
THANKS (我本身想PM比你..但SEND唔到..所以POST左出黎...

joeytcy

原帖由 joeytcy 於 09-6-29 19:36 發表



你可否比你個朋友EMAIL我...我叫MISS. HELEN覆佢啦...
另有無資料呀...例如住邊到...補普通話嗎...幾大...
THANKS (我本身想PM比你..但SEND唔到..所以POST左出黎... ...

另我講明先呀...我同佢係無關係架....我之前係第二D網搵炸....不過佢續邊間中學係真的...因佢著住校服去阿悠到痳....