九龍禮賢幼稚園K3家長請進！

朱古力

bosze,

我囝囝又係下(星期一)表演呀,不我未諗到表演咩好.

penpen

朱古力, bosze,

到你地囝囝表演喇~ 朱古力, 你囝囝較大, 可以自己有主意,不如你問吓你囝囝想表演嘜野啦~  等我星期一問下囡囡先~~  加油!!   今日開生日會主要是看老師表演, 生日既小朋友初期會在台前接受大家既祝福, 接著就是看老師表演,同小朋友一起唱歌跳舞, 老師真係表演得好精彩好落力, 讓小朋友知道為何會有生日, 小朋友個個都看得好開心!! 好興奮!! 跟著會請幾位家長玩一個小遊戲! ,但可惜沒有機會接觸到阿囡, 到1030就散,小朋友會返課室分享食物,(我整左紅色雞旦, 唔知你哋囝囝可唔可以分享到呢?! 我囡囡就分享咗包到好似粒糖既旦旦呀! ) 需然學校通知生日會開始時最好不要攝影, 但好多人都有照影呀~ 我好後悔冇帶攝錄機呀!!  :cry:
不過有個收獲咁啱就係原來坐在我隔鄰幾位家長也是同阿囡同一班的,仲要係阿囡成日提起果幾個同學既媽媽添~ 大家可以交流吓!  

朱古力

penpen,

同我想像中唔同,原來連接觸自己既囝囡機會都無架,我以為一齊入課室

KiuKiu媽媽

自從沙士後就無得近距離接觸啦, 真系好可惜, 或者您地同學校返映下, 睇下下次有無得改啦!!

朱古力

bosze

因為囝囝語言比較差，好多時講極都唔明白，成日都會問”做咩”，不過我會試下問佢想表演什麼？

penpen

朱古力, bosze,
阿囡今日真係好開心, 剛才陪佢午睡時佢仲係咁提番之前開生日會食旦糕, 吹蠟燭, 倒瀉朱古力奶,見到我上台(玩遊戲,因為佢之前望極都望唔到我, 玩遊戲時其他家長又冇舉手,所以我未唔怕醜舉手囉~ 你地唔好笑我呀! )好開心, 見到我上台好開心呢件事仲提咗幾次添!! 初時上台佢仲掛住週圍八見唔到我架! 係嚴老師話俾佢知架咋! 嚴老師都好好記性, 記得我係佢媽媽, 我知李老師都記得既~
今日遇到其他阿囡成日提既同學既媽媽感覺好得意, 大家口中都有說自己的小朋友有提過對方的小朋友,感覺就好似識咗好耐既友咁!  

朱古力

penpen,

聽你講都感覺得好開心呀!

KiuKiu媽媽

昨晚收到老師的電話, 同我講下囡囡系學校的情況, 好在評語總体都系好正面同積极的, 話佢好乖好純, 而且佢又系細囡, 基本進度系完全無問題, 不過系無其他小朋友咁主動, 佢個班大部分都系大仔, 所以我個女的自信心就差小小

另外重讚佢昨日生日會佢好開心成日笑 (因為平時唔笑架), 我話因佢心情好好, 因為著左靚靚裙, 由出門至上車都不停有人讚佢, 讚到佢不知幾開心, 所以心情都特別好, 老師話未見過佢咁開心喎!!

禮賢學校的老師真系好好, 態度好積极同正面, 又會用唔同方法去鼓勵小朋友, 如果您地有任何問題, 即管與老師聯系, 家校配合, 將困難一一解決, 記得星期六參加家長會呀, 有錄影帶睇架!!

Anita_Lee

HI  各位

因為公司部機壞左, 所以無回應你地!! sorry, 浸日參加完個生日會la, 好開心呀, 個個小朋友都好投入呀, 唔知有無人浸日去左呢? 我同我先生都覺得係呢度番學真係好幸福, 園長又風趣, 浸日問個仔除左蛋糕仲有o羊食, 佢話有香腸波羅同雞翼wor, 仲有學校送左個背囊比每一個小朋友, 都幾好呀!!

kitty&mimmy

我個仔係低信呀, 大家多多交流呀, 另外, 我都有參加星期日個家長班架, 唔知呢度有無其他家長參加呢? 但係30/10 個家長日就參加唔倒, 唔知有無同班o既同學仔家長係度呢? 可以報料比我呢??

:

MuelMuel

請問各九龍禮賢學校幼稚園家長是否知道:
1. 此校的師生比例是多少?
2. 此外,請問此校一班約有多少學生?
3. 及一班有多少個老師?
4. 程度是否深?多唔多功課?小朋友會否好辛苦?
5. 有否外籍老師?
6. 可否直升小學?
多謝回答我甘多問題!

Anita_Lee

hello PENPEN

我老公都有上台玩游戲wor, 你係咪同我老公一組呀?

朱古力

MuelMuel,

1. 此校的師生比例是多少?
答 : 我囝囝個班有40人 / 2個班主任 / 1個助教老師

2. 此外,請問此校一班約有多少學生?
答 : 我囝囝個班有40人

3. 及一班有多少個老師?
答 : 佢地係雙班主任制既再加一個助教老師合共2.5人

4. 程度是否深?多唔多功課?小朋友會否好辛苦?
答 : 程度唔深,逢星期五有三張練習紙功課,畫點及線條好簡單

5. 有否外籍老師?
答 : 一個外籍老師,是外國長大的香港人(不識睇中文字果種呢)

6. 可否直升小學?
答 : 聽其它媽媽講,好多人都會去番統一派位,因為六年學費非人人比得起,所以除非自己唔讀,基本上都會收番自己學生喎,(但小學公報既數字係一半會收番另一半會收外面既學生)

希望幫到你喇!如果我有答錯,麻煩其它媽咪代為更正呀!謝謝!

shermanbb

Anita_Lee ,
     我冇參加家長班呀, 我上年參加過,今年冇參加lu'',30/10 個家長日你參加唔倒呀? 唔緊要啦明年希望你抽到時間啦,都幾開心架可以睇返佢地上堂的情況,見到有d''小朋友上上下堂大叫呀,發牛'''豆''呀,都幾攪笑,你個仔仔鍾唔鍾意做功課呀?你想知道家長日d''mud''野,我可以問信班d''家長,因為我都識好多信班家長

penpen

朱古力, bosze,
唔單止阿囡開心! 我都好開心呀!
bosze,我都好同意妳既講法,大個咗佢哋會有自己既世界架喇~ 所以現在我都好鍾意我妹豬黐到我實,得閒無啦啦都會走埋黎又攬又鍚! 有時佢瞓咗我鍚佢原來佢知架! 因為有時我同佢一齊瞓果陣,傾完偈,我合埋眼唔出聲佢應該以為我瞓著咗都會鍚我架! 冧死!!  

Anita_Lee,
你係唔係上午班呀?! 尋日得一個男士上台, 咁就應該係你老公喇~ 拍你老公著綠色衫果個肥師奶未係我囉!!  

Anita_Lee

kitty&mimmy

但係好似話家長會一年有幾次, o甘arm 我同老公都唔得, 要番工呀, 真係好想去呀, 其實可唔可以要求老師比隻碟我睇呢? 我真係覺得呢d 片段好珍貴呀!!!!前日班主任都有打電話比我, 講番個仔d進度, 大致都無問題, 只係真係好想睇睇個video 呀!!點解你會識o甘多信班家長呢? 係咪因為上年個家長班呀? 我最想知係miss yip 點樣講英文故事比小朋友聽, 同埋講中文故事時個情況又係點呀!!

我個仔起初做功課都坐唔定架, 加上第一日做功課就寫個細諧 "a" 字, 又要寫成板, 我擦左佢好多呀, 搞到佢好唔開心, 後尾佢寫到一個, 開心到攬實我呀! 寫到宜家, 佢會做晒d功課等我番屋企簽名, 都算係o甘la, 加埋老師寫好多字係功課度鼓勵佢, 都好有效, 為左攞三個印仔都肯努力o下la!!  

你呢? 小朋友做功課點呀? 溫書又點呀?

Anita_Lee

penpen

原來我老公個partner 就係你, 估唔到係呢度見到你, 你一d都唔肥呀, 浸日真係好開心, 園長講野好好笑呀!! 上個星期日上家長班, 園長演講, 佢真係好風趣, 笑死我, 參加家長班真係得著好多, 小朋友又可以做o下勞作, 聽o下聖經故事!!

各位: 多多交流

shermanbb

Anita_Lee ,
    係呀,一年有幾次家長會架,但今次先有碟睇咋,跟住

shermanbb

Anita_Lee ,
    係呀,一年有幾次家長會架,但今次先有碟睇咋,跟住

penpen

Anita_Lee,
原來真係你老公, 幾斯文喎! 希望佢唔會覺得我好粗魯啦~   可惜果日見果個係你老公唔係你本人啦~~ 園長講野真係好風趣, 睇佢個樣真係唔似呀! 不過我冇參加家長班呀! 因為我老公唔願每個星期晨早起身囉!!   不過Sat.既家長會我一定會到架! 因為真係好想睇吓阿囡上堂既情況呀!!  
仲有呀! 上次佢哋唱"不再做BB"睇住D小朋友大家一齊跳舞真係好可愛呀!!  

Anita_Lee

kitty&mimmy

死la, 你講到我好想去呀.....我公司係長短週架, 但係上個星期我放左假, 下個星期又香兒interview 呀, 唉....唔知同老師講叫佢duplicate 隻cd比我得唔得呢, 又或者借我睇o下得唔得呢?

我個仔之前番香港禮賢會呀! 我無揍放學呀, 我個仔要搭校車架, 我個仔都有同我講話隔離個同學有三個印加一個貼紙呀, 我個仔未攞過貼紙呀,  :cry:  :cry:希望佢繼續努力la!!佢都有同我講話去一個同學屋企wor, 好似話係學校對面o甘上下o既! 佢地o甘多活動, 見到佢地番學就happy la!!

我無交清潔口號呀, 我諗o黎諗去都諗唔倒呀!唔交係咪都得架?