培正 2008-2009 小一家長請進 (報到啦)

kathy79214

我個仔中文都有好多錯字，老師執得好嚴，唯
有平時叫多啲個仔寫好啲。
我都覺得我個仔字庫太少，理解唔到啲題目。我唸住同佢抽多啲時間睇書，仲要佢讀啲字，希望到考試嘅時候，理解能力會進步啦！（希望做到啦。）

kathy79214

Yuyung,
努力呀！

KathyKwong

原帖由 YuYung 於 08-11-4 23:15 發表
我一路都在學習, 如何做一個好媽媽! 暫時都同我囝一樣未合格。

以我囝咁粗枝大業的性格, 如果可以在合格的水平上, 我真係已經好開心, 當然人是望高處的, 如果有一日佢可以科科8字頭, 我諗我要去還神/要去感恩

今日 ...

Hi, 各位媽咪,小兒都是由培小升上培中的學生, 看見你們說擔心測驗不合格和說中文科都很深. 現在只是小一學生,是嗎?慢慢來吧, 不用過急. 培正學生一向的中文都很好,中文科老師會利用部首來與學生玩遊戲,這可令學生容易吸收和提升小朋友的學習興趣.

lokyau

YuYung，你所說的我很有同感。

最近派卷，囡囡分數只有6-7字頭，我好唔開心，但我冇鬧佢，因為佢已盡力。我自己有為此哭過，覺得自己做得不夠好，沒有為小一作好準備。過去三年佢讀培正幼稚園，我和先生只顧工作，根本沒時間陪佢，又總認為升上小學才谷是沒有問題的。即使空閒也只是和她周圍玩，以彌補平日少陪伴佢。現在很後悔沒有好好為她準備，我不奢望佢名列前茅，只希望佢不會差別人太遠。我現在開始會多跟她一起閱讀中、英書，惡補各科知識，預備考試，希望有大進步。

共勉之。

kathy79214

原帖由 醉花間 於 08-11-5 21:29 發表
我亞仔都係6-7字頭, 但我明明以為已經同佢溫熟晒, 點知到佢測驗既時候, 竟然供詞填充都錯左一大半......依幾日真係要開始惡補吓, 日日都要溫吓同睇吓書......

依家距離考試仲有一個月多d d, 希望到時各位都有進步吧
...

你哋有冇收到通知，英文測驗有一題出錯題目，係閱讀理解Ann draw a (card ,picture...)之類，我唔記得啦，老師話呢條會作廢，因為主角應該係Amy，如果呢條錯咗，可以加2分，如果答啱，分數就不變。

ivywong2301

Kathy,

我囡英文因此加了兩分。

lokyau
我以前大女時和你一樣想法，小一至小三時忙於工作，平時對齊功課便算，考試時便請假同佢溫習，所以成績中下，亦對她再上高年級時更吃力。
所以細囡上小一前便决定全職照顧她們，平日抽時間溫習、做補充、同她傾計要她心理準備"辛苦"、"勤力"的重要，細囡今次成績算滿意，全部有8字以上，常識更取得一百分，對她信心很大鼓舞。

kathy79214

原帖由 醉花間 於 08-11-5 21:29 發表
我亞仔都係6-7字頭, 但我明明以為已經同佢溫熟晒, 點知到佢測驗既時候, 竟然供詞填充都錯左一大半......依幾日真係要開始惡補吓, 日日都要溫吓同睇吓書......

依家距離考試仲有一個月多d d, 希望到時各位都有進步吧  
...

你哋有冇買啲補充練習俾小朋友做吓呀？因為我有買英文俾我個仔做，佢英文就測得幾好，所以我都唸住買埋中，數，有個有經驗嘅媽咪話佢買過好多唔同嘅出版社，覺得＜樂思＞最好，有好多時自己同佢溫，好難溫，但係用練習就多啲變化，喺練習度搵啲學校教嘅嘢，會好啲。
千祈唔好怪責自己，小朋友仲有好長嘅路要我哋協助，呢度個個都係好媽媽，小朋友有好多進步空間嘅，要怪就怪香港嘅教育制度啦，哈哈！

atta

其實唔好話要返工既媽媽.我地日日係屋企陪住佢.個效果都唔係太理想.不過而家先係開始.大家努力啦.

fatkk

Dear PCPS moms,
我係PC_K1媽媽,想請教---冬季校服(女仔)在出面買D質地及設計會否比書局好Ｄ?

lokyau

係呀！我知道英文卷出錯了。我教囡囡改正時，看見這條題目出錯，所以我加了一張紙釘在測驗卷上，向老師指出這件事。真好！我囡囡多了2分。(其實就算條問題無錯，佢都唔會識答。)

ivywong2301

原帖由 fatkk 於 08-11-6 16:35 發表
Dear PCPS moms,
我係PC_K1媽媽,想請教---冬季校服(女仔)在出面買D質地及設計會否比書局好Ｄ?

我係出面買，因學校書局女仔裙後面是扣扭，出面買是拉縺方便啲。

ivywong2301

原帖由 醉花間 於 08-11-6 19:21 發表
atta~
我就係日頭返工, 放工返家仲要煮飯做家務睇功課同溫習......仲未計揍出揍入學野果d......升左上小一之後, 溫完默書又要溫測驗, 真係......有d人都癲既感覺

...

醉花間
你好勁，我沒有做野日頭都可抖下氣，你是否得一個小朋友？平時放學小朋友由誰照顧？

大碼BB媽媽

其實我都係 working mom, 又係冇工人姐姐, 大碼k3之前都係日日放工趕返屋企煮飯食. 因為當時功課都唔多, 大碼又應付到, 我都冇同佢溫咩書. k3 之後, 因為工作上有 d 改變, 好多時都好夜收工, 所以冇自己煮飯. 大碼放學後如常到佢姨婆樹, 之後我哋成家會係姨婆樹食飽飽先返屋企.
大碼升上小一後, 我嘅工作量仍然超多, 不過我一定要盡早走 (其實係我提早左成個鐘返到 office 開工), 因為, 我一定要趕返姨婆屋企帶大碼返自己屋企 check 功課. 否則就一 d 時間都冇. 因為一食飽飽 (~九點返到屋企), 大碼就已經要瞓覺. 其實我都好攰o架, 而家個工作崗位成日出街, 又多文件嘢做, 好攰, 仲要趕到 c 返嚟. 就即刻 check 功課. 唉......好想大碼爸會幫下手, but 都係唔好空想 lu......

至於睇功課, 我通常在 check 功課時都會要求大碼讀晒 d 題目出嚟. 而且就算佢識做, 我都要佢讀題目, 因為如果佢唔明題目問咩, 就唔洗做啦. 唔只讀題目, 有時我仲會要佢解比我知, 點解佢會咁做. 我覺得之所以今次大碼 d 測驗成績都 ok. 同佢平時有讀題目都有 d 關係. 今次大碼 d 數學成績唔錯, 佢又對自己有信心, 所以我而家只睇佢有冇做到, 少少錯嘅, 我都會忍住唔出聲. 等佢知道下自己錯咩.

另外補充練習方面, 我就平時冇比大碼做, 只係當佢測驗時, 溫習之後, 我就要佢做練習, 因為我可以知佢到底明定唔明. 效果都唔錯.

同埋呢, 我在測驗前 2 個 weeks 已經開始左溫書, 到測之前嗰個 weekend 就已經溫晒書. 所以到測驗前一日, 只需要重溫重點就可以喇.

我寫咁多係真心同大家分享下溫書經驗, 唔係想比大家知道大碼有幾叻, 而且我唔會話佢叻, 只係佢認字比較好少少, 所以起頭會容易 d 掌握. 而且我見到大家 d 小朋友大多數唔明題目問咩, 所以先會唔識答. 因為我深信呢樹 d 媽咪 & 小朋友都係有好努力咁預備測驗. 希望大家都分享下讀書心得, 使各位小朋友下次考試都有進步.

[ 本帖最後由 大碼BB媽媽 於 08-11-6 22:02 編輯 ]

ivywong2301

今日功課三樣都是要"畫畫"，唉..畫咗好耐又要塗色...悶...

fatkk

Thanks,  ivywong2301
另外,你會哪裡買紅色襪褲呀? (sorry!上次唔一次問曬D問題)

原帖由 ivywong2301 於 08-11-6 20:40 發表


我係出面買，因學校書局女仔裙後面是扣扭，出面買是拉縺方便啲。

ivywong2301

原帖由 fatkk 於 08-11-7 10:18 發表
Thanks,  ivywong2301  
另外,你會哪裡買紅色襪褲呀? (sorry!上次唔一次問曬D問題)

書局紅色襪褲都ok，但沒有薄身，你可去佐敦保靈街擺攤擋多啲款揀

[ 本帖最後由 ivywong2301 於 08-11-7 16:03 編輯 ]