第一個登陸"協和小學家長分享"!Part 1

cherryma

F05 星島日報
2005-01-12

--------------
孩子拖拖拉拉好依賴 設定作息時間生活起勁
--------------

你的子女有沒有拖拖 拉拉的壞習慣？做起事會
不會諸多藉口一拖再拖？知 否這種惡習容易令小朋友依
賴、不自律，甚至沒有自信。專家表示，面對喜歡拖拖拉拉的子女，家長不要大動肝
火，而應「 停一停、想一想」，然後和子女「傾一傾」。

採訪、攝影：陳愛華部分圖片：受訪者提供、星島圖片庫

轉任全職媽媽不久的鄺太，早前天天喉痛聲沙，因為就讀小二的女兒麗麗總在晚上十時多還未完成功課。打從女兒放學回家，鄺太已不斷催促她做功課，可是收不到成效，「麗麗由外婆湊大，被老人家過分溺愛。她從小邊看電視或圖書邊做功課，外婆不認為是問題，慢慢養成不專心和拖拉的習慣。」外婆偶爾也會對麗麗的慢吞吞看不過眼，但老人家只懂責罵，結果以慣性對罵收場，問題未獲解決。

踢一踢「 郁一郁」

鄺太說：「該做的也不自律，我擔心以後她『踢一踢，郁一郁』，於是我和她商議定下時間表，清晰指出甚麼時段完成甚麼工作，漸漸有了改善。」

孩子的房間亂七八糟、功課寫不完、上學遲到，常常令身為家長的你頭痛不已？很多家長和鄺太遭遇相似，不時投訴孩子不主動做他們該做的事，反而藉口多多借故拖延。註冊社工鄭潔芬表示，孩子和成年人一樣偶然會偷懶，未必時刻主動處事，不過，當他們對一些該做的事情如溫習功課、洗澡、吃飯(表一)等，也要父母經常性提醒，甚或在吵吵鬧鬧之下才執行，家長就得留意(表二)。

自信心易消失

小朋友喜歡處事一再拖延，不但影響作業效率，最大問題是長此下去會影響性格的成長。舉例說，孩子不主動收拾衣服，而父母背負了責任，久而久之，他們會覺得不做的得益較多，於是學會不斷逃避，漸漸變成依賴、沒有責任感、不懂自律。又例如，在心理因素下，孩子焦慮工作不知如何入手，假若父母只懂姑息縱容而不加以糾正，小朋友雖則暫緩焦慮和恐懼，然而在心底裏，他們覺得自己是個失敗者，自信心難免日漸消失。「在拖拉的過程中，父母要不斷提醒和催促子女，或會大動肝火打罵，這樣會傷害小朋友的自尊心，親子時間也變得緊張。有時家長情緒控制不來，更可能導致虐兒問題，因此父母宜及早處理拖拉成習這種情況。」綜合小朋友做事拖拖拉拉，可歸納為以下幾點。

1習慣成自然一族

成因：拖拖拉拉可能是從小養成的習慣，因為從中能得益、引來注意力或逃避更多的工作而形成。

例子：放學回家，校服不會主動掛好，鞋襪不會整齊擺放回鞋櫃內，三催四請仍不動手處理，因為父母最終會慣性代勞。處理方法：

(1)與孩子商議定立規矩。

(2)規矩寫在家中當眼處，以提示孩子。

(3)堅持不為孩子代勞，讓他們承擔後果，並切實執行。

(4)以獎勵方式，包括活動、物質和精神來支持孩子，讓他們明白完成工作便得正面結果。

孩子最慣拖延的事情

2焦慮一族

成因：在心理因素下，孩子感到生活某些層面無法控制，所以，對要做的事感到焦慮或恐懼而拖延不做，藉口多是「忘記了」、「沒有時間」、「不知道怎樣做」。

例子：面對學校的多項家課，未開始

amycoco

Dear cherryma,

多謝關心, 俊欣巳經好左好多, 她有參加陸運會, 她都係參加短跑(60米), 她都沒有入到決賽,我們沒有去睇她們開幕禮, 因為她媽媽和我都要返工, 所以都沒有去.
你的腰骨還有沒有事, 你要做幾來物理治療呀!!!你自己要小心, 一定要全力醫治, 如果唔係, 打風落雨舊病復發, 就好麻煩.     
俊欣基本上成績都ok, 中文有72分, 中默67分, 中文聆聽60分,英默82分, 數學就不合格, 我都希望她可以計算平時分和測驗都可合格就好呀!! 她還有中作, 英文卷, 英文聆聽和常識未派, 如果我知道再同你們分享.
不過兩個小朋友一齊讀小學, 其實好辛苦, 幫完一個有一個, 不過兩個能夠取好成績, 感覺開心好多. 但係俊欣唔喜歡返補習社, 我都有叫過俊欣, 她覺得好大壓力, 但我問佢喜唔喜歡讀QE或真光等中學, 因為她讀珠心算時候, 在YMCA讀, 時常見到真光, 但覺得好大和好舒服, 我話你一定要去補習, 因為你媽媽不能同時教你和細佬, 不過我會比佢自己想清楚, 我先同佢去找資料, 因為她有咁大, 好多野佢自己有思想, 所以要比佢自己睇到困難, 自己解決或是找大人比意見.
細佬巳經派了家長日通告, 在2月26日家長日, cherryma,月兒不知是否當日有機會見到你們, 俊欣同細佬選擇下午2:00, 她媽媽會見老師, 我會同佢地睇書展, 如果係, 我們到時見呀!!!!     

月兒,
你就好, 你囡囡可以從小自動自覺做功課和溫習, 不要你太操勞, 你就開心呀!!   

cherryma

amycoco,

2月26日我的時間是2:30-3:00, 妳會留耐啲嗎? 或者我早啲去睇書展先, 到時再約妳啦.

月兒,

妳囡囡幾點呀?

月兒

Dear Cherryma & Amycoco,

我被班主任編在早上8時半，
她知我自己湊返學，
所以編得比較早，
基本上我會一開始就去排隊準備攞表！
橫豎囡囡在那天都要上課。
但下午2時要返合唱團(九龍城)，
如果可以的話，不如一齊午膳好嗎？
待覆！

俊欣好翻就好啦！仲有差不多兩個星期便是新年了！
希望大家都有個快樂新年！
書展千其咪錯過，去年我買到好多筍野！

只要keep住日日溫書，
每天將不明的課題加以分析再弄明白，
到考試時就不會讀得太艱辛。
願俊欣能考上心儀中學！

月兒

cherryma 寫道:
amycoco,

2月26日我的時間是2:30-3:00, 妳會留耐啲嗎? 或者我早啲去睇書展先, 到時再約妳啦.

月兒,

妳囡囡幾點呀?

月兒

Dear Cherryma,

腰骨好點未呀？多多保重！
我囡囡都有返英國文化協會，都有3-4年啦，
她返星期三，天昕返星期幾呀？
希望26號有機會見啦！

月兒

cherryma

amycoco, 月兒,

多謝大家關心, 腰骨已好了很多, 但仍要做物理治療, 食藥及帶腰"cool". 希望好快無事啦.

我星期六長短週的(現在未知公司安排), 若到時要返工, 我諗要1:35先到達學校, 若不用上班, 可一起lunch, 到時再約妳們啦.

囡囡返星期四係油麻地真光女書院. 佢星期三都可以選擇, 只是一向返開星期四同埋咁啱有個同學仔同佢一班.

妳囡囡係邊處返呀?

amycoco

Dear cherryma & 月兒,

我當日不能和你們食lunch, 因為我要返工, 我放1時, 我會返屋企接俊欣和細佬, 大約1:20p.m.到達學校, 到時當日再電話聯絡呀!!! 當日細佬約了老師1:30-2:00p.m.見, 俊欣就會2:00-2:30p.m., 如果我早到我就會同佢地睇再書展先, 我想大約留到4:00p.m.前先走. 到時睇下多唔多書去買呀!!!!

cherryma 寫道:
amycoco,

2月26日我的時間是2:30-3:00, 妳會留耐啲嗎? 或者我早啲去睇書展先, 到時再約妳啦.

月兒,

妳囡囡幾點呀?

amycoco

Dear cherryma & 月兒,

我pm電話no.給你們.

amycoco

amycoco

byychan,

我姨甥女和姨甥不是讀協和幼稚園, 佢地讀旺角神召會幼稚園, 協和程度比較深, 但不知道和聖方濟程度是否一樣.

byychan 寫道:
各位mami,

sorry, 想請問你地小朋友係咪讀協和幼稚園升小學架? 同埋協和程度係咪好深? 係咪無聖方濟果類咁深?

我諗緊幫個仔報k1. thanks.

月兒

Dear Cherryma,

Admiralty!

月兒

月兒

Dear amycoco & cherryma,

cherryma，腰骨好翻的嗎？
天氣又開始凍啦！小心身體呀！

amycoco，二月五日是活動日，
到時唔駛上堂，仲有得玩，
那天我會到學校做義工，
希望大家都有一個開心假期！

月兒

amycoco

Dear 月兒 & cherryma,

幾兩日天氣非常寒冷, 記得穿多件衫!!! 保重身體!!!!

近來都好忙碌, 因為就快過年, 這兩個星期都幫我阿媽清潔屋企, 昨晚我問俊欣先知今個星期六是活動日, 細佬話不要穿校服, 係呀你就好可以返學校做義工, 我地就沒有時間做學校義工, 當日大家玩得開心d!!!!

[size=xx-large]大家新年快樂, 身體健康!!!![size=large]小朋友讀書聰明, 學業猛進!!!!     

月兒 寫道:
Dear amycoco & cherryma,

cherryma，腰骨好翻的嗎？
天氣又開始凍啦！小心身體呀！

amycoco，二月五日是活動日，
到時唔駛上堂，仲有得玩，
那天我會到學校做義工，
希望大家都有一個開心假期！

月兒

tamannabel

各位好:
今年9月小女將加入協和下午校這大家庭,女兒問我校服靚嗎?昨天還問我咩叫吊帶,我就話你的小學就是穿吊帶裙呀?好靚的百摺裙呢!她聽了很高興.

但近排有點膽心,她是否適應下午班的昨息時間,應如何分配呢!請問有無家長何指點下…唔該

cherryma

amycoco, 月兒,

多謝關心, 腰骨好左好多, 天氣凍帶腰"cool"舒服好多, 天氣熱就唔願帶, "cool"住好辛苦.

2月5日cherry話要著中國民族服及帶少量賀年食品, 妳地知唔知係咪? 佢話無中國服可著便服喎. 之前幾年都無攪啲咁野, 每年只有X'mas可以著靚靚返學, 所以佢好開心, 又可以唔駛著校服. 妳地知唔知係唔係連書都不用帶?

cherryma

月兒 寫道:
Dear Cherryma,

Admiralty!

月兒

返金鐘總校是否會多些人一班, 妳囡囡現在一班多少人? 之前3年級cherry試過一班只有1x人, 佢話會學得多野啲同埋英語對話時間都多些.

amycoco

Dear Cherryma,

今日俊欣話比我知, 當曰不要帶書,只係帶20個利是封,不要上堂,佢地開心不要穿校服,不過俊欣吾很穿中國民族服裝,佢喜歡穿便服多d, 你知唔知邊到有得買,我想細佬穿著,不過今年是第一次有d這些活動玩,佢地有新鮮感, 大家玩得開心d!!!!

你地係唔係家教會成員, 3月5日有旅行去,你地去唔去,俊欣同細佬都去呀!!!

cherryma

amycoco 寫道:
Dear Cherryma,

今日俊欣話比我知, 當曰不要帶書,只係帶20個利是封,不要上堂,佢地開心不要穿校服,不過俊欣吾很穿中國民族服裝,佢喜歡穿便服多d, 你知唔知邊到有得買,我想細佬穿著,不過今年是第一次有d這些活動玩,佢地有新鮮感, 大家玩得開心d!!!!

你地係唔係家教會成員, 3月5日有旅行去,你地去唔去,俊欣同細佬都去呀!!!

點解俊欣係帶利是封嘅? cherry帶賀年食品, 重話要帶膠水, 較剪, 顏色筆, 要做美勞喎.
其實中國民族服=過年著的唐裝衫(cherry話), 花園街有好多. 妳同佢地去睇睇啦. Cherry都唔會著, 因為去年個套已經唔啱著, 今年佢肥左好多話買左佢都唔著. 所以唔會買啦.

我係家教會成員, 不過3月5日唔去啦(之前3年都有去). 因為果處已同cherry去過幾次, 唔想再去. 再加上5:30佢要學游水, 所以決定慳番啲.

tamannabel

有無好心人可答下我D之前既問題。。。唔該!!!
只是比小小回應都好     

carollam310

tamannabel
一陣答你,朝早好忙,要服侍個女返學.11:40分佢要上校車.一陣返來答你

cherryma

tamannabel 寫道:
有無好心人可答下我D之前既問題。。。唔該!!!
只是比小小回應都好     

tamannabel,

amycoco, 月兒同我囡囡都係上午班, 所以先無答妳, sorry