"官塘基督教服務處幼兒園" 集中營 !!!

dleelm

你地選擇左食物la ! 我都未知做邊樣添. 因為個衰豬上個星期四開始腸胃炎,到家陣先好番d, 不過無胃口食野, 睇怕下星期先得返學. 唉!! 最煩係我亞媽, 成日聽d八卦師奶講唔好比佢返學啦, 可能學校唔夾佢,所以成日病,又青又瘦,同埋佢咁細個人仔, 返全日咁辛苦, 重問我心唔心痛, 真係攪到我好唔開心. 其實佢返學之後, 見佢進步好多, 我最開心係佢講野叻左好多.  你地d小朋友近況如何?

tungwai

dleelm
我完住明白你的感受呀, 因我奶奶又係咁呀, 好似近幾個月, 我都覺得個仔講野叻佐, 係屋企都肯自己食飯, 自己去廁所, 我就好開心, 但我奶奶又係話維維返全日好陰公, 又話在學校冇得食, 又話唔好比佢返學, 唉, 講真, 我真係零軟個仔返學都好過係屋企比佢 [中] 呀

billyyanst

dleelm :
我奶奶又唔會話唔好比佢返學bor, 相反當佢病果時都話要佢返學, 有幾次仲係我同老公堅持叫佢唔好比佢返, 可能睇少幾個鍾可以休息下, 因為billy係屋企真係好百厭    我奶奶淨係有擔心過佢係學校d野唔arm食同食唔飽, 因為billy放學返到屋企真係會食好多野, 好似好肚餓咁, 試過食完2個旦撻+一支鮮奶之後仲未夠咁, 到左食晚飯時又唔食   

dleelm

tungwai,
我亞媽又係話個女放學之後好肚餓,好似響學校無得食咁.  另外最衰個女又唔爭氣,成日病, 所以比我亞媽不停咁話我.

billyyanst,
哈哈! 你奶奶好特別喎, 病都要返學, 唔洗咁辛苦睇牛仔.   係呢, 決定讀邊間幼稚園未?

tungwai

billyyanst
咁你奶奶都算開通喎

峰仔媽咪

你地唔好因為小朋友返學多病左，而放棄比佢地返學，我係
過來人，小朋友成日病做媽媽一定心痛，峰峰一歲開始返育
嬰園，相信你地都話細，記得初初入學，真係病到我都喊，
又心痛又要成日請假，當中餵藥，睇醫生費，無得訓，個種
辛苦只有自己知，當時都有少少悔意比峰仔咁細返學，因為
，仔仔之前係保母湊既，湊左一年湊得唔好，先比仔仔返學
，當時我都比老爺煩死架(同住)，佢幫唔倒我，都無問題，但係又成日講o的野煩我，好似仔仔肚痌，佢可以話學校比左隻烏營仔仔食，我都係接左仔仔返來屋企之後同佢無計傾咋，當然最後都無放棄比峰仔返學啦，而且，當時我真係無人幫倒我湊，不經不覺已經返左咁耐，峰峰既身體算比以前好左，這間幼兒園環境都算好啦，每日又有得上天台戶外活動，比起一o的密封冷氣課室已經好好，好似明愛事件，幼兒園已經開始探番熱，須然唔係好大作用，但係起碼佢地都係有警覺，我都希望佢地可以 keep住。小朋友初初入學係比佢地種菌架，我覺得最緊要係學校要衛生，空氣流通，唔好有咁多傳染病爆發(手足口之類)小朋友唔係經常有大病咁就OK。

大家努力啦 !!!

lilychan

收到信有得interview呀!好開心，希望BB有機會入讀，因為我都幾鍾意觀塘幼兒園。各位家長，除了環境同專題研習，你地覺得觀塘幼兒園重有什麼好的地方呢?

dleelm

希望大家的小朋友都健康快樂 :

lilychan
因為老師,嬸嬸都好有愛心, 同有均衡的飲食安排.

benben

To every 官塘基督教服務處幼兒園 parents, may I ask :

我個女 now 20 month. planning to let her study N1.
is this sch start at every Aug?

Her bdate is Mar 03, if I want to let her study once age 2, 甘可以點?

or 俾佢係樓下  n1 讀住先, for Apr - Jul, then Aug, change to yr sch?

if Aug 05 study, 係咪 e+ 要 apply lei?

i live in Kln Bay, how is sch bus arrangement?

THANKS!!

dleelm

benben,

據我所知,學校開始招收05/06新生, 你現在要apply先, 若果你小朋友出年三月足兩歲, 你試試問下學校,有無位插班啦. Tel#23891866

kamanchan

hi 芸迪,
你個囝囝好有趣! haha.a..

芸迪

今個星期六既Christmas Party黎唔到lu, 要去民生interview呀

其實我好想參加個party架

tungwai

芸迪
你幾多點 In 呀, 我要明天才交 form 呀

billyyanst

芸迪:

乜咁快in架啦, 我連form都唔記得去

芸迪

tungwai: in 10:00am.

Billy媽: 老公話今朝好多人, 排隧交form都排咗差不多1個鐘

恆恆星期六好合作 (出乎意料之外), 肯自己跟老師入課室, 又笑住咁行返出黎. 不過, 問佢有冇答老師d問題, 佢就話: "有d有答" 咁係咪即係有d冇答呢

點都好, 我已經覺得佢好叻

tungwai

你地有冇去 In 培正呀

芸迪

tungwai: 我上個message咪就係講緊星期六in培正既情形囉

tungwai

芸迪
我都係估緊你個仔係唔係 in 培正, 亞維維都有見培正, 當日他表現都算 ok, 我問佢先生問佢 0麥, 佢就話佢叫楊子維, 咁我又問重有問咩呀, 佢又話兩歲羅, 咁我話重有呢, 佢話先生話佢乖羅, 咁我心林好似有機喎, 跟住我問 d 禮物邊個比嫁, 佢話先生比, 咁我問佢有冇多謝先生, 佢就即刻話多謝先生, 咁我話唔係而家呀, 係頭先有冇講呀, 佢話冇, 咁我即時覺得唔洗林啦, 冇計啦隨緣啦, 另外, 我呢個星期六都係去唔到學校的 Party 呀, 又係要去民生面試呀, 不過我係 In 11:00am 呀, 咁都好, 或掂個女 11:00am 都係要去民生學跳舞, 咁就唔洗去多次, 但維維冇得參加學校 Party, 其實我都覺得有 d 可惜

kamanchan

點解你地咁得意, 又in基教又in民生?
兩間完全唔同性質的學校. 一間係幼稚園, 而另一間係幼兒園wor! 而且仲係全日同半日之分忝!

billyyanst

kamanchan 寫道:
點解你地咁得意, 又in基教又in民生?
兩間完全唔同性質的學校. 一間係幼稚園, 而另一間係幼兒園wor! 而且仲係全日同半日之分忝!

kamanchan:
基教我地幾個已經讀緊唔使IN架, 不過家陣係IN緊出年K1, 皆因基教派位一般, 所以我地都好大機會出年轉校 :wink: