將軍澳富康德寶(DEBORAH)

jowy4740

Dear friends

I am difficult to choose 比華利 or Deborah and also to select to study english-chinese class or international class.  Based on your valuable experience, please advise me how to choose.

I also wish to know which primary school you will choose after K3.

Thanks a lot!

whyeye

車厘子qt :

My son is Ryan. Yes the class teacher is Ms Holly and Ms Canice (the Chinese teacher).

讀全日是否同一齊上堂,到放學am走先,
跟住是否同pm一齊上呢?

YES ar! I pick him up at 6pm every day.
Why you want to change to Whole Day?

車厘子qt

whyeye,
咁岩既!咁你咪係Teddy Bear個組囉!
不過,還未見到Ms. Holly的真人丫!唔知她幾時返呢?
我知所以想轉Whole Day係想囡囡下午都學習and玩,
同埋可以在學校食飯,因我仲有個細囡,只有2個月,
工人湊妹妹,家姐好似好無聊,我怕工人睇唔惦,
到時整親邊個都唔好,所以等囡囡讀左1個月之後,
睇她習唔習慣,先再轉Whole Day.
你呢?你又點解比仔仔讀Whole Day呢?

yi,
我個人應為,N1(PGI)的老師都幾好,
幾有耐性,放學時會同家長講小朋友的情況,
好似第2日返學囡囡無食BREAD都有講我知,
今日第3日,TEACHER話她喊少左和拖住1個小朋友
叫他唔好喊都有講比我地知,都唔錯!

wing530

我返o黎啦~    多謝, 多謝哂各位呀, 又真係幾開心既, 不過, 成個人”散”哂, 去2日1夜, 都好似搬屋咁架~

yi, 我無比仔仔讀n1喎, 不過, 就上過playgroup, 係新寶城翠茵小宇宙, 都ok喎, 唔貴, 有外籍老師架, 你可睇睇啦, 又近呢~

HALAHA, hinhinmom, anson似我, 又係好衰格, 好多野都唔食, 好麻煩!! 好呀, 搵日出o黎玩下啦, 聯絡下感情麻~     

車厘子,
你剛剛生左個囡囡呀! 恭喜哂呀! 我仲15 16唸緊仲生唔生呀? 你囡囡有進步喎, 好快唔喊架啦! 佢又幾攪笑喎, 拖住個小朋友~ 你都想轉全職媽咪呀? 你有2個小朋友都好架!

jowy4740, 你可以參觀下學校先決定啦, 我開頭都好似你咁架, 當我睇完比華利後, 我才決定選舉呢間咋~

fifi

啊﹐遲左入來﹐wing530, 錯過左賀你牛一添。Happy Birthday!   

我女病左呀﹐琴日開始流鼻水﹐唸住只係凍親下﹐唸唔到半夜開始有燒添﹐今朝打電話返學校請病假﹐之後佢的miss有打電話來問情況。睇左醫生﹐原來係流感啊。醫生話今年唔知點解流感來得特別早﹐往年都要到十月左右先湊女去打流感預防針﹐今年睇來要早D打先得啦﹐醫生話小朋友返學就最好打定先﹐如果唔係好易中招。各位媽咪可以留意下﹐小朋友病好可憐呀

fifi

Miss Holly 係唔係皮膚比較黑果個女仔啊﹖記得佢有份interview囡囡o架。果日去接放學有見到佢湊住幾個PGI的小朋友係PNI的課室﹐好似係兩個班都太少人讀全日所以栽埋一起咁。佢人都好nice, 好活潑。

whyeye

Hi 車厘子qt :

Yes my son is also in Teddy Bear group, so he's in the same group with your daughter. I asked my son if he knows Ellie, but he did not answer me.

Heard that Ms Holly will be back later this week.

I let my son study in whole day class because I have no maid and I am a working mom.

HALAHA

我係路過的,不過見大家有提德寶,所以就搭吓嘴.

我有個朋友係做補習老師的,佢話喺德寶讀嘅小朋友好陰功的,細細個就要補習,因為學校要啲小朋友默好多生字,所以我朋友話,如果想小朋友讀德寶,就一定要諗清楚,同要有心理準備.

以上是一位家長對德寶的評語.
今天我囡囡的班主任ms.cheung打電話給我,佢話今天油顏色,但囡囡油咗一陣就話好攰,後來老師就捉住佢隻手油.其實我一直都好擔心囡囡寫字問題,因為佢平時喺屋企,都冇咩耐性寫字,又不肯給人捉住佢隻手寫字. ms.cheung 仲話今個星期四已經要開始寫字啦,唉,到時佢都不知肯不肯做功課.
fifi,
你囡囡好返未啊?細佬仔病,真是好煩,我囡囡次次病,我都會跟住瘦.希望你囡囡快點好返.

HALAHA

fifi,
我想問下你囡囡著校服裙的時候,入面係著底裙,定係著防走光褲.因為我買不到白色的防走光褲.最細size都要5years.

kpw

我己經係德寶學生家長五年有多, 從未聽過有人補習。亦未聽過有dictation. 唔知會唔會係新教法？

德寶之功課係非常多, 亦好深。如想讀名校的是絕對無需擔心日後小一之壓力。但我覺得老師處理幾好--有彈牲, 小孩子唔覺有壓力。

如果你囡囡今個星期四開始寫字, 佢應該係讀NC 或K1. Don't worry, 以往德寶不會太強迫學生寫字, 如你囡囡有你所講之表現, 可向班主任講, 佢會適當地調節。我個女從前有位班主任亦叫 Ms Cheung, 係佢對我講不要嚇怕小朋友，所以佢不會強迫我個女寫字, 但後遺症就是小朋友可能寫字唔係好靚。
所以, 我特別要求我個仔個班主任要執嚴些。因我覺得我個仔可以造得好。

肥媽咪

kpw:

我想知道德寶是否經常轉換校長和老師，事關寶盈今個學期已換了校長，而老師多數新面孔，外籍老師仲唔見埋。

wing530

fifi, 你囡囡好d未呀? 而家d流感好犀利架, 5月果時, 我一家3口, 連埋保姆3母女都中哂招, 都係有發燒架, 阿仔好番, 轉個頭又野返比佢, 醫生話要保持屋內空氣流通呀, 阿仔自從果次病完後, 佢就開始飲"半夜奶"啦~    

我都唸住比仔仔打流感針呀, 我自己就有打開既, 唔知小朋友打針, 有無反應既呢?     

HALAHA, 你講到好得人驚呀! 不過, 我都知德寶係比較谷"既幼稚園喇, 乜今個星期四開始寫字咩? 乜唔係畫下線條咩?
  
kpw, 多謝你既分享呀! 我仔仔讀緊K1, 你咁講, 我都放心呀!     

homingm

車厘子qt >>恭喜添了個囡囡 係呢，家姐有無嚇醋呀，想起兩年前細仔出世時，大仔o既情緒相當唔穩定，初頭果幾個月勁辛苦 :cry:我都覺得你大囡讀全日會好d，因為工人同一時間要照顧兩個小朋友未必會應付到，初初我大仔都係讀半日，後來bb出世後轉讀全日，一來工人可以全心照顧細bb，二來讀全日班老師會在下午時間會教佢o地做功課，你會無咁辛苦

homingm

上年我仔仔讀k1時，我見佢上學期只係畫線條練習，但下學期已經開始學寫字(無線條果隻)，初初都好辛苦，好抗拒，因為佢唔夠手力，尤其佢係細仔(11月出世)，每日仲要寫一版(三十個字)唔辛苦就假，好彩老師好有心機教佢寫，返到屋企又玩下積木泥膠之類o既玩具，訓練下手力，好快好快就適應o左，寫字亦有力o左  

上次家長日果日同老師傾過，k2下學期開始會有默書，一個禮拜中文同英文各一次，而家寫o既字都係無線條，d格仔仲比上年細好多o添 :-x

homingm

肥媽咪>>據我所知富康同寶盈o既主任同老師都會互調o架

fifi

HALAHA,

我女係屋企休息o左兩日﹐今日返左學啦。個醫生都話arm arm返學哩半年小朋友需要適應﹐好易病。所以都唸住等佢好晒﹐帶佢去打流感針。

你講的防走光褲係唔係大臂度有橡經o既啊﹐如果係我係河馬仔同UNI 買到﹐果D係白色o既。其實都唔一定要白色﹐我係河馬仔買好多片褲(size 超大)﹐好鬼‘青見’﹐著裙一流。

fifi

wing530,

囡囡今日開始返學啦。但仲有D沒清晒﹐繼續食藥。小朋友打流感針冇麼反應﹐我囡囡上年都有打﹐上年仲係要打兩次添。

你D的小朋友係睇開邊個醫生﹐將軍澳有冇好醫生啊﹖我D睇開果個係北角﹐次次都要過海﹐都幾麻煩。

車厘子qt

fifi,
希望你囡囡快d好番啦!小朋友返學真係好易病!
Miss Holly 唔係皮膚比較黑果個女仔,她會這個星期才返學,果個應該是Ms. Sally,佢都有份interview我囡囡的,她好好人.現在佢都係教PGI,她好有耐性.

whyeye,
我想問,你在屋企是否會同你仔仔講英文嫁?
我無架,囡囡返到屋企是全中文,久唔久先同她講少少英文單字的.
我都有問囡囡知唔知Ryan,她都係唔出聲!
但問她有冇唱歌,玩,食野她就全部答有,
都唔知係唔係?
返全日放6:00,你趕得切接放學嗎?

wing530,
多謝哂!我想快d生兩個就可以收工丫嘛,現在正進行地獄式減肥~~~!
唔好15,16啦!快d生啦!兩個有伴丫嘛!
無錯,囡囡的確有進步,今日老師話她喊少左,仲唱埋歌添!

homingm,
多謝哂!有呀!家姐有少少醋意,但就唔係好勁,她只識講,"唔開心"我問她點解唔開心,她就話"唔識講",
攪到我心都痛埋,可能她只有2歲,唔係好識,今日話唔開心,聽日又話好開心,比她激死!
係呀,所以等囡囡穩定d,我就幫她轉全日嫁啦!
係呢?你兩個仔仔年齡相差幾多呀?

車厘子qt

我想問國際班是否無咁快學寫字嫁?

whyeye

車厘子qt:

Same as you for this: 返到屋企是全中文,久唔久先同她講少少英文單字的, e.g. color, animals. stand up, sit down, these simple words.

>>但問她有冇唱歌,玩,食野她就全部答有,
都唔知係唔係?
I think so la... should have singing, eating and playing every day in every nursery. Don't worry.

>>全日放6:00,你趕得切接放學嗎?
Yes because I leave office at 5pm every day. It's quite rush for me to pick him up from school actually. But I like him to be taken care by school rather than a maid. You can also put your girl in WD gradually... to accompany my boy ar
:        :