舉報了....心舒服了

YongXin

我住12網，我無参加大抽奖，我自行階段無任何“世襲“ 分，只憑最基本既15分入到12網心儀女校。我諗我比呢度好多人都無咁多主觀投射。（如果你係都要話：“0車！咁你好彩0者，你好彩我唔好彩， 唔公平呀！“ 。。。。。。咁大家都唔洗再討論落去。）

我想以事論事，所以，我赞成知道就要舉報，舉報，唔係因为0羊野心理唔正常/想害人地小朋友/放过人地/假正義/既得利益者等等呢0的非理性既主觀理由。

个重点好简单之嘛：要玩就要跟遊戲规则，唔跟就係作弊。作弊既人，返而大条道理講到自己係受害者？而舉報作弊既人，就係做错？唔係吓嘛？

Sindy

原文章由 YongXin 於 08-6-21 12:50 發表
我住12網，我無参加大抽奖，我自行階段無任何“世襲“ 分，只憑最基本既15分入到12網心儀女校。我諗我比呢度好多人都無咁多主觀投射。（如果你係都要話：“0車！咁你好彩0者，你好彩我唔好彩， 唔公平呀！“ 。。。。。。咁大家都唔洗 ...

要舉報就應一開始知時就報,唔係等抽晒,個心唔報氣黎報,佢目的達到左啦,"個心舒服晒"

乖女Daddy

原文章由 YongXin 於 08-6-21 12:50 發表
我住12網，我無参加大抽奖，我自行階段無任何“世襲“ 分，只憑最基本既15分入到12網心儀女校。我諗我比呢度好多人都無咁多主觀投射。（如果你係都要話：“0車！咁你好彩0者，你好彩我唔好彩， 唔公平呀！“ 。。。。。。咁大家都唔洗 ...

討論一下:
個"遊戲规则"邊個定? 唔係你唔係我唔係BK各家長, 係正苦呀！
冇錢讀C校/直G的, 維有接受呢個"遊戲规则", 有別的選擇嗎? 可以唔參加呢個遊戲嗎?( 聲明先, 我唔係因為咁就建議人去報假地址, 以上講的是不容忽視的事實).

正苦定標準稅16%, 你唔交稅拉你, 你報小咗會有正義朋友舉報你.正苦話16就16, 17就17, 你唔like都要遵守"遊戲规则"(大部份人都會遵守, 但大部份人都話交咁多稅有冇攪錯!).大公司就唔同, 有錢請D"專業"accountant 幫佢"報稅", 你話大公司會唔會交少咗? 我唔敢講.

"遊戲规则"係正苦定, 正苦定既未必一定啱(當然大部份部啱). 正苦話要維護國家安全, 要23條立法, 你會唔會默默接受?
正苦有d政策, 都不知害咗幾多人, 好似8萬5,中醫課程, 殺校等. 沙士期間, 局長"你個保"話學校好安全, 唔駛停課, 我就唔跟佢個"遊戲规则", 自己停課.

舉報罪案, 本身冇問題, 去icac 舉報, 向警察舉報罪案, 唔會有人話有問題. 但呢個題目舉報他人的人, 是為伸張正義 定係其他原因, 值得思考.

正苦一日唔改善呢個"遊戲规则", 同樣既事年年都會出現.
縱使有d家長會行"歪路"違反呢個"遊戲规则", 但我相信所有家長的出發點都一樣, 就係為自己仔女好.只係佢地的價值觀唔同. 完.

[ 本文章最後由 乖女Daddy 於 08-6-21 15:32 編輯 ]

Sindy

原文章由 乖女Daddy 於 08-6-21 14:24 發表


舉報罪案, 本身冇問題, 去icac 舉報, 向警察舉報舉案, 唔會有人話有問題. 但呢個題目舉報他人的人, 是為伸張正義 定係其他原因, 值得思考.

令我想起地盤判頭舉報佢自己既 黑工,居心叵測..................

乖女Daddy

原文章由 Sindy 於 08-6-21 14:36 發表


令我想起地盤判頭舉報佢自己既 黑工,居心叵測..................

所以一些人回覆時只寫一句: "支持樓主", "support"等字, 究竟係支持樓主伸張正義, 還是支持佢其他目的, 值得思考.

cathymom

原文章由 乖女Daddy 於 08-6-21 14:24 發表


討論一下:
個"遊戲规则"邊個定? 唔係你唔係我唔係BK各家長, 係正苦呀！
冇錢讀C校/直G的, 維有接受呢個"遊戲规则", 有別的選擇嗎? 可以唔參加呢個遊戲嗎?( 聲明先, 我唔係因為咁就建議人去報假地址, 以上講的是不容 ...

十分同意.

冇人話偷野係正確的行為. 但請緊記, 如果唔係個政策傾斜, 個機會根本唔屬於樓主的孩子的, 而係屬於全香港申請入讀小一的孩子的.

身為家長, 好明白樓主要為自己的孩子吐一口污氣. 但係其他住唔起名校網, 冇錢讀私校同直資的小朋友, 因為政府荒謬的政策失去左入讀心儀學校既機會, 呢口污氣邊個幫佢地出? 唔通呢班人, 一生出來就只好忍氣吞聲, 要盲目又毫無選擇地接受呢d荒謬政策先係正義?

如果而家香港的政策係咁:
就算你見到份有前途的工作係中環, 但因為你住唔起中環, 仲住緊黃大仙公屋, 你又冇父母係果度做過, 又冇阿哥家姐係果度做緊, 跟政府的政策, 中環間公司係唔可以請你, 你唔可以去果度做. 你連試下申請的機會都冇. 但住中環的朋友, 唔理你係咪做到份工, 你申請就有機會. 如果你有父母係果度做過, 你阿哥家姐係果度做緊, 中環間公司一定會請你.

你覺得呢個政策make sense 嗎? 你會唔會反對呢? 你會唔會話反對的人不合理爭取嗎?

CWLC

我覺得你所說的 是最公正 最正義 的言論

鳳梨

其實大抽獎都係講ｌｕｃｋ，抽唔中咪當唔好彩囉，
正如有ｄ家長去考直資都一樣話有唔公平，
事實都有好多住係本區而抽入名校姐，　機會率肯定大過考男拔，
如果所有住４１區一定sure win 入  LS/MCS，
所有人借錢都要租去住啦，
即係話當政府抽查得嚴，
想入名校既家長一樣唔會放棄架，
咪去九龍城租籠屋住，最後申請人數一樣無變，
ｄ人講黎講去主要都係搵”正義”黎ｃｏｖｅｒ自己既”目的”
而目的就係：想入名校囉，　而家政府又唔係派唔番同區學校，
只係派唔到佢地既ｄｒｅａｍ　ｓｃｈｏｏｌｓ．
有時２分１機會都未必中，　睇開ｄ就唔會係一回事．

不過我自己係反對借地址，　要抽我會租ｄ平地方，
但我唔會舉報，因如果小朋友叻真係實至名歸姐，
替學校開心就真，　相反有ｄ小朋友係唔適合唔受谷，
好彩抽中最後都會有排受／捱．

[ 本文章最後由 鳳梨 於 08-6-21 17:31 編輯 ]

cathymom

原文章由 鳳梨 於 08-6-21 17:21 發表
其實大抽獎都係講ｌｕｃｋ，抽唔中咪當唔好彩囉，
正如有ｄ家長去考直資都一樣話有唔公平，
事實都有好多住係本區而抽入名校姐，　機會率肯定大過考男拔，
如果所有住４１區一定sure win 入  LS/MCS，
所有人借錢都要租去住啦，
即係話當政府抽查 ...

當你住緊公屋, 只可以應付基本生活, 你點租屋呢.
係咪咁就要認命呢.

3headmonkey

請問應該點樣修改呢?

原文章由 cclbaby 於 08-6-21 10:06 發表
總之一句講晒﹗教統局應該要修改派位方式。咁樣就唔會產生不公平的問題出現，朋友之間、學生家長....都唔會再出現不和啦﹗:;pppp:

parick

其實而家個制度已經好好..
抽唔到的人剩係識得鬧 only,
只要抽唔到, 就覺得個制度唔好..
佢地根本唔識提供好意見

barry326

我個人都認為借地址是不對。但對其他人問人借地址抽籤亦無可厚非，但會相應作出提醒。在此先不再討論應否舉報，不過我想表達根本現時的制度已經是一個不公平制度。為何跨區抽籤就不能享有同等機會，若是要抽籤就應要一視同仁，不管你住哪一區，只要你不介意自己的兒女長途跋涉返學，為何不能享有抽名校網學校的權利，是否有錢買樓搬屋的就能抽好學校，我覺得這個問值得我們思考。

vanyau

我唔會問人借地址，又不會借地址給別人．
我為了兩名仔女升學的問題，我忍受我居住地區的空氣差，和兒童沒有足夠的遊樂設施．
所以，我千叮萬囑我的朋友，不要借地址給別人，以免影響我囝囝的升上心儀小學的機會．

sosochui

即係政府根本唔注重就近上學囉! 如果唔係點解哩部份人唔駛住41網呢?? 佢既政策實在K 形

原文章由 麟媽媽 於 08-6-20 10:23 發表
可能有一半唔係41網添！
首輪自行分配學額根本唔睇地址，
呢輪得舊生同教友有得抽之嘛，
如果有25分，理得佢住沙頭角，
一樣收硬，使咩搵假地址咁低妝。


...

kcjcmama

[quote]原文章由 Sindy 於 08-6-21 14:21 發表


agreed with sindy: why not doing it at the beginning?   
(remarks: my baby is not in the game)

要舉報就應一開始知時就報,唔係等抽晒,個心唔報氣黎報,佢目的達到左啦,"個心舒服晒"

ysnmama

教局不會不知有人借地址. 反正年年也發現. 只是仍找不到方法完全阻止. 只是盡量在重災區內抽查. 其實借地址的也應該有心理準備隨時也比抽查到. 但仍不少人挺而走險博一博. 可想而知名校的威力.

其實如果表明. 惜地址同借給別人的同樣犯法. 會否有幫助? 我猜若那些傳統津貼名校要變成直資. 不能再抽. 才不會再有人借地址及不再有名校網存在. 或好像舊小拔. 失去了跟大拔結龍及有新小拔代替. 家長不再心儀才可以.

借地址是不對. 舉報也無不對. 只是動機問題. 如果一定要以身教做題目. 作為舉報別人的家長. 更加要明白舉報別人背後真正的原因. 才可真正身教小朋友.

parick

其實而家個制度已經好好..
抽唔到的人剩係識得鬧 only,
只要抽唔到, 就覺得個制度唔好..
佢地根本唔識提供好意見

CWLC

原文章由 vanyau 於 08-6-21 22:16 發表
我唔會問人借地址，又不會借地址給別人．
我為了兩名仔女升學的問題，我忍受我居住地區的空氣差，和兒童沒有足夠的遊樂設施．
所以，我千叮萬囑我的朋友，不要借地址給別人，以免影響我囝囝的升上心儀小學的機會． ...

自上去好似妳的仔女就有特權
這不又是自私表現嗎?

Pasqurell

一個一個活生生的『吃不到的葡萄是酸的』故事, 每年都會在放榜之後重演. 請緊記一事, 你的孩子抽不到你心儀的學校, 原因不是『因為那個報地址的人抽到了』而是因為運氣的問題吧.

yauyauyanyan

原文章由 ysnmama 於 08-6-21 22:45 發表
教局不會不知有人借地址. 反正年年也發現. 只是仍找不到方法完全阻止. 只是盡量在重災區內抽查. 其實借地址的也應該有心理準備隨時也比抽查到. 但仍不少人挺而走險博一博. 可想而知名校的威力.

其實如果表明. 惜地 ...

我同意你睇法，如果MCS, LS 轉了直資咪唔會咁多人爭抽41網....這個制度是講好唔好彩.......始終有人歡喜有人愁.....