鑽石山靈糧堂幼稚園家長分享

lampopo

我的小寶18個月，我想同佢報鑽石山靈糧堂幼稚園，請問大概幾時要報名？報完名後幾時面試？面試的內容有什麼呢？謝謝你們！

wingtsang

我細仔都係今年報喎! 可能有機會做同學呢! 我記得應該大約9月報名, 11月面試, 得閒就上學校個網望下, 應該會有公布! 面試好輕鬆架咋, 主要係睇下父母平時點樣教小朋友同點同佢地相處!

part 1 係課室內玩下玩具咁, warm up一下. (沒有老師記錄的)

part 2 老師會請家長和小朋友一齊去另一個禮堂玩, 那兒會有很多不同玩具, 大約10分鐘左右, 老師會記錄父母同小朋友玩的過程, 記住投入d, 玩得開心d呀!

part 3 大約10個小朋友和家長會圍埋一齊坐, 曾校長會坐在中間講故事, 唱下校歌咁, 另外有d老師就會觀察同記錄, 完結時會叫小朋友名出來, 記得到時同校長say goodbye呀! 我諗呢part係睇下小朋友專唔專心聽同有無反應, 我仔仔果時一齊做動作, 又拍手!

喧嘩

喂, 係ar, 你果然成日上黎喎, 我個女而家好d啦, 冇喊啦, 都多得郭先生, 不過佢最鐘意的郭先生, (唯一果位亞sir呢). 無端端冇得做佢地班主任, 話就話有關學卷問題, 有d錢俾老師進修, 都唔明關郭先生冇得做班主任有乜關係, 又唔係叫佢去進修, 不過好彩佢唔係離職, 唔知係咪俾人投訴呢? 始終好少亞sir教幼稚園, 最近都比較好彩, 事關一月份攞住紅色嘢, 二月份個名有love, 三月份id no有三或八, 荷里活廣場都可以免費泊車三粒鐘, 好正, 我有次趕住接佢, 好想泊住入去星河明居, 諗住求其up一個單位就算, 但係最後都係唔夠胆, 所以遲左接囡囡, 最衰唔識人住星河明居啦, 我唔係好識個女同學仔d父母, 上黎bk果d又得k1喎, 原來你仲有個細仔, 勁喎, 一個我都攪唔掂,
最近我去左觀課, 感覺唔係太好, 你有冇試過去觀課ar?

原文章由 wingtsang 於 08-3-9 00:46 發表
你係唔係搵緊我唧? 好耐都無見你上來囉喎!

囡囡應該而家都好適應新學校啦! 仲有無為迫車煩惱呀

fostermak

喧嘩 :
點解你去完觀課,感覺唔係咁好?可唔可以講下?

我仲未去,要到五月先,但就好期待...

原文章由 喧嘩 於 08-3-10 19:53 發表
喂, 係ar, 你果然成日上黎喎, 我個女而家好d啦, 冇喊啦, 都多得郭先生, 不過佢最鐘意的郭先生, (唯一果位亞sir呢). 無端端冇得做佢地班主任, 話就話有關學卷問題, 有d錢俾老師進修, 都唔明關郭先生冇得做班主任有乜 ...

喧嘩

其實我都期待左好耐, 希望越大, 失望越大, 我囡囡讀緊k2, 我冇諗過活動教學真係咁淺, 平時返屋企見佢d功課都好簡單, 係非常簡單, 點知去到學校, 一開始個女分組選左數學組, 可以叫做自由活動, 佢地係度捉琪, 感覺唔到佢地學到d乜, 捉完琪就到故事時間, 老師講完故事, 就請小朋友分兩組, 分別扮演故事人物角色, 即係同一個故事玩兩次, 跟住就英文堂, 英文堂得果一陣, 學唔到d乜, 我而家好胆心個女考小學, 得一粒女, 都唔知點算, 程度咁低點同人地爭, 我而家已經好努力咁同佢做補充練習, 初初買低班黎做, 點知, 好好好好深, 跟住再買本k1黎做, k1上學期d練習都叫做做得掂, 到下學期已經有d難度, 唯有喺屋企幫佢練習啦

原文章由 fostermak 於 08-3-11 13:52 發表
喧嘩 :
點解你去完觀課,感覺唔係咁好?可唔可以講下?

我仲未去,要到五月先,但就好期待...

wingtsang

喧嘩,

好在荷里活咁多花臣, 不過, 就要預多D時間上落停車場!

都好明白你觀完課嘅感受, 我有時都會有好多擔心. 今日同個仔搵老師讀書, 見前面哥哥本書好多字, 但係佢都讀得好好! 仲有我做家長義工都有同其他媽咪傾計, 有幾個已經係第二個小朋友響靈糧讀, 如果唔好, 佢地又點會比自己仔女再讀靈糧呢? 而且我都問過佢地小朋友上到小一會唔會好辛苦唔適應, 佢地都話初頭會辛苦少少, 但係都好快適應! 再講, 我覺得學校比較著重品德, 自信心同創意培育, 呢D至係對小朋友將來有深遠嘅幫助! 千祈唔好計較小朋友今日識得寫幾多個中文英文字呀, 學習真是一條漫長的路, 死讀書已經不合時宜了! 大家一齊努力呀!

[ 本文章最後由 wingtsang 於 08-3-12 15:45 編輯 ]

fostermak

喧嘩:
你o既擔心我都好明白,我舊年俾左留位費果陣,諗左好耐,亦有你o既擔心,於是不停做research,不停上黎問下靈糧bk媽咪,搵以前有關靈糧o既post,都知道呢間一直被視為程度淺o既學校,但宗教品德教育做得好,小朋友鍾意返學o既幼稚園,結果我囡囡真係好鍾意靈糧...

我老公覺得程度深淺與否唔係問題,最重要係培育宗教品德教育,出黎社會做事,學歷重要,但品格+表達能力+創意+溝通技巧更重要,靈糧響呢方面做得好好,呢幾個月我地見到囡囡不斷進步...

程度淺,我以k1課程黎睇,雖然冇功課,但佢地學o既野都唔算淺,
我弟婦係小學老師,佢話囡囡請聽我讀的英文書,係將軍澳某d小學一年級o既讀物,而且囡囡讀完本書,佢識靈活運用作句,真係學到野...
至於今個學期加左英文字卡,囡囡每張卡讀幾之後,已不知不覺識串字,又冇壓力,佢又鍾意讀,比默書o既效果仲好呢...

考小學方面,我見鑽石山靈糧咁多年d派位都唔差,不過,我唔知自行分配同搞珠o既比例佔幾多,同埋有幾多學生係要額外加工,即家長同佢地報讀出面課程?你有冇問過其他同級媽咪或高班媽咪點幫囝囝囡囡銜接小一呀?或者你有冇問過校方點樣幫學生銜接或預備佢地升小一呀?

喧嘩,K1方面,下學期分別開始較大,有d學校除左要學生連線+填色+配對外,開始教寫字,根德園一開學就認字卡,比較之下,靈糧只有閱讀計劃,但就冇抄寫習作,手冊又唔係每週詳細列明做左d乜,
做家長難免會有壓力,我自己o既辦法係為幫助囡囡第日銜接小學,同佢報左公文數,等佢習慣日日有功課做,因為全港大部小學都係傳統教學,日日有功課,我唔知第日會幫佢報邊類學校,所以得閒就同佢睇課外書,同埋玩字卡...

幼稚園課程始終深極有限,我相信我地做家長都可以在家幫囝囝囡囡一把的,反而品德,識感恩,識愛主愛人呢d咁抽象o既野,真係自己教都教唔晒,好靠學校...

幼稚園係啟蒙教育o既第一步,好重要,因為跟住一世人讀書十幾年,我地都想囡囡返學開心,鍾意返學,覺得學野係好玩,而唔係苦差,咁佢先會主動,積極學習,以"請聽我讀計劃"為例,我體會好深,我囡囡好文靜,唔算主動,初頭想佢講故仔,佢唔肯搵人講,爸爸話由得佢唔講就算,但我知佢做得到就威脅利誘,當然我有吃力不討好o既感覺,因為做唔到校方原意,但佢試過搵齊人講故仔上台領獎後,已經肯講,比以前肯自動波...

不如我又搵番以前靈糧家長d post俾你睇,等你釋懷,其實之前都post過出黎,唔知你睇過未...

原文章由 喧嘩 於 08-3-11 18:02 發表
其實我都期待左好耐, 希望越大, 失望越大, 我囡囡讀緊k2, 我冇諗過活動教學真係咁淺, 平時返屋企見佢d功課都好簡單, 係非常簡單, 點知去到學校, 一開始個女分組選左數學組, 可以叫做自由活動, 佢地係度捉琪, 感覺唔 ...

[ 本文章最後由 fostermak 於 08-3-12 18:08 編輯 ]

fostermak

喧嘩:
以下係我之前搵落o既靈糧家長post

BK家長1.
囡囡讀 DHLLC. LLC 功課不多, 但訓練出來的小朋友大部分都善於表達、自信、快樂及觀察力強. 學校的宗教教育也令小朋友有感恩和謙和的心.
由於決定入讀偏於傳統教學的小學, 所以 K3 開始, 替囡囡報讀了加強英語能力的興趣班 (以加強 Conversation 為主, 因平時家裡以講中文為主), 另外, 每天都和她一起看些英文書, 現在囡囡的英文能力也算可以吧, 中文和數學則沒有特別的安排, 據一般畢業生家長表示, LLC 的中文程度沒問題, 以我自己的經驗, 由於 LLC 沒測驗和考試, 家長平時最好還是抽一點點時間和小朋友複習學過的字較好
囡囡讀的英文興趣班, 有半數的學生來自你標題中的另一間學校, 坊間喜歡說讀某間 KG, 某科程度就特別高, 我認為家長的努力和配合反而比較重要.
選擇那間幼稚園, 其實很主觀, 當初選 LLC, 純粹是因 Buy 其教學模式 (LLC 的教與學曾獲教署獎項) 和喜歡學校師生相處的氣氛, 此外, 校長也給我十分好的印象.



bk家長2
我女兒還沒上小一, 很難回答你這個問題, 而且以我所知, 每間學校的小一功課和默書量不見得很多.靈糧在 K1 是完全沒有功課的, 只有在學校的畫線練習吧, 但從今年起有較完整及有要求的 phonics 課程直至 K3, K1 已有閱讀計劃, 學校也有教學主題教認中英文字. K2 開始有少量家課, 從最簡單的一橫一劃、大小寫abc開始, 循序漸進增加, 這時雖然不見有加減數的功課, 但囡囡不知為何會加法 當然, 閱讀和認字的要求也會隨之提高大概要開始考慮銜接小學, K3 的功課量和寫字要求會明顯增加和加快, 初時囡囡也有點不慣, 但現在已習以為常, 中文除了生字、詞語也有短的句子寫, 英文除了單字, 昨天開始有句子的練習, 數學目前為止只見加法, 但她已會減法 (我沒讓她上外面的數學班), 每天大概都是一版中文, 有時外加英文或數學的工作紙, 週末量較多, 中英一定有, 有時有數, 還有要做 "新聞分享", 此外, 每兩周會有從報章雜誌找某個部首的字的功作紙...雖然功課量增加, 但小朋友適應得很快, 從剛開始的少少不開心, 到現在回家會教我如何寫字, 實在不能不佩服學校 我看到囡囡的學習是十分愉快的, 每天她都是自己做功課, 我回家只要檢查並要她默一遍給我看是否真的會寫便可 (這不是學校要求的 )
這樣, 你認為能否習慣小一呢



BK家長2
靈糧堂不著重抄寫，但鼓勵多認生字。我容許小兒看適量的電視，他看電視時，會同時看字幕，效果跟看flash card有異曲同工，電視有聲、有畫、有劇情，比硬崩崩的flash card可能更有趣呢！透過這方法，他們認了大量的生字。
至於書寫，我兩個仔成世人都未試過默書。靈糧堂到了K3會有一樣功課叫「新聞簿」，會鼓勵學生剪下報紙新聞貼在簿上，然後加上自己的意見。我們極為重視這項功課，由最初是我做，到後來我講佢抄，循序漸進到最後完全由他自己創作和做句。在這個過程中，他無須機械式的重覆抄寫，只是很自然地在不知不覺間就學會寫很多字，而且寫過的都不易忘記。不過你要好有耐性，這樣去做這個功課，要花很多很多的時間，比較純粹重覆抄寫其實是難好多。 同時，靈糧堂K3會教用部首去認字和造字，然後再教學生查字典，並要他們做一本「我的字典」，學校鼓勵學生有字唔識的時候要自己去查字典。這個習慣我兒子維持而今，每當他有字唔識，他就會立刻去查字典，現在他的寫作能力已經超越了學校的要求，真的要多謝靈糧堂的「新聞簿」和「我的字典」。還有很多很多，總之，讀靈糧堂

fostermak

喧嘩:
仲有以下呢d靈糧家長post

BK家長2
靈糧在教學的設計上雖活潑創新, 卻不表示學習時可以沒紀律, 小朋友只是凡事都好奇、喜歡探索, 但絕對清楚要遵守規矩, 從校園相簿中可見到小朋友學習時多全神貫注, 發問也必定先舉手, 叫到名字才回答 (有次見女兒舉了手, 問她有沒有叫到她, 她說太多人舉手了, 她又坐在後面, 所以沒叫到, 我開玩笑說, 妳下次可一舉手就說 "老師, 我", 她回答我 "唔得架, 要等老師叫名先可以答架" )
學校平時亦最重視品德教育及培養小朋友的自理性, 所以我是不擔心小朋友的態度和禮儀的, 也不會送她去上面試班. 但當然, 一些日常需知我會教她, 比如 K1 時, 她已知如何打電話找到我 (這很重要, 我認為)、知道自己家住那裡, 配合學校的走火警, 我會告訴她在家裡應怎麼做, 走失了怎麼辦 (學校教的)等等.....
至於你問的入讀小一學生分佈問題, 我回答不了你, 但一般家長對 "結果" 應都尚算滿意吧
補充一點:
這次觀課, 心裡其實受到一點震盪, 沒想到靈糧只是一間幼稚園, 竟也可傳授那麼多的知識給孩子---
科學角配合環保主題, 用家庭廢棄物砌出一些實驗道具, 其中一個是兩頭綁了注滿水的藥水樽 "天平", 在老師的指導下, 孩子們可觀察到, 原本平衡的天平, 若移了一桶水置於其中一個藥水樽之下, 便可見這個樽明顯被"托高" 了, 另一個則是設置了一個 "斜坡", 一輛空車滑下時, 會走較遠的距離才停下, 隨著逐漸增加負重 (彈珠), 這輛車滑下斜坡停下的距離便越來越短... 相信各位家長都知道這些是什麼實驗, 以往我們讀書時又是什麼時候才開始學習這些?!
但這些在靈糧的學習生活中, 卻是不經意又隨處可讓孩子去接觸、觀察和思考的, 老師不是一個單向的知識傳授者角色, 而只是一個引導及指導的角色, 而這許許多多又怎能透過一本或一些固定的教科書做得到呢!
bk家長3
其實家長替子女選校前就要想清楚和打聽清楚心儀學校的一切, 然後在 K3 甚至 K2 時慢慢做好銜接準備. 我見周遭朋友, 不管入讀功課量多還是少, 課程內容深還是淺的幼稚園, 只要是想入 "傳統學校" 的, 每個都是額外大量 "加工加料"的, 要說入讀某一類型幼稚園就沒有小一銜接問題, 在我看來是好笑的. 在靈糧, 學到的東西並不少, 如果個個家長都好像其他 "名幼稚園" (其實我覺得靈糧也很 "名", 尤其在教育界 ) 家長般那麼 "努力", 升那一類的小學又會有什麼問題呢?
我的看法是, 幼稚園是個重要的啟蒙階段, 這時候最重要的是人格、品德修養、自理能力的建立, 同時, 千萬不要令孩子在此時養成默背少思考的學習模式. 家長如果心儀傳統名校, 不妨加強孩子語言的聽說能力, 平時多和孩子一起閱讀, 派回的工作紙儘量只站在協助角色, 讓孩子自行完成, 如果孩子升小一時都仍能記住在靈糧學到的一切 (家長不妨時時和孩子複習), 那麼, 我相信升小一不會有什麼問題的.
至於功課和寫字的問題, 靈糧 K1 時沒功課, K2 剛開始也只是簡單的書寫, 最好在此時讓孩子養成 "做完功課才玩" 的習慣, 剛開始字寫得不夠漂亮, 也不需全部擦掉重寫, 只要筆劃正確就好, 到了高班, 才慢慢要求字寫得好一點也未遲. 女兒現在一定在我回家前完成功課, 我回到家只需看看是否正確即可, 而且我發現升高班後, 可能由於小肌肉發展得更好了, 字寫得有進步.
昨天高班已收新聞剪報的本子了, 逢星期一交, 我正幻想, 每次不僅可從中學到表達力, 加上我打算讓女兒自行加上文字, 那麼, 她又可額外學寫不少字, 一學年後, "武功\\\" 應該會精進不少吧.


charlene:
歡迎加入
之前沒回應你, 原因是一間幼稚園好不好並非是絕對的, 主要還是家長接不接受其教育理念、教學模式及側重孩子那方面的所得
和女兒申請幼稚園的那年, 她也獲得全部申請學校的取錄, 但由於靈糧是我的首志願, 所以, 最後也放棄其他幼稚園的學位, 我至今也沒後悔呢
鑽石山靈糧的英語是外籍老師教授, 每週有兩堂各半小時的英文課, 想加強小朋友的英文能力, 可時時重溫學校派回的字母卡、Phonics VCD、透過閱讀計劃學習等...
個人意見--- 學習語言在這階段, 肯講、會講、有興趣學, 比會默寫單字重要得多
AnLi， 計起上來，我道行最差
其實我女都畢業多年，但我好多時仍是抵唔住頸。
尤其當好多人很武斷咁講llc畢業生很難銜接小學課程.... Hi, Ms.ChanChan:
可能兩年後我也和妳一樣呢, 有些事現在我想駁也比較沒立場, 畢竟我女兒還沒畢業... 雖然我看到有入讀傳統小學的畢業生, 在考獲全級第一名或名列前茅時寫感謝信給學校.
其實妳出來講講話很好啊, 讓上 BK "收風" 的家長有比較正確的風可收嘛, 始終我們才是正宗的靈糧家長

fostermak

喧嘩:
以下條link可以睇番以前靈糧家長d posthttp://forum.baby-kingdom.com/viewthread.php?tid=167054&extra=&page=3

[ 本文章最後由 fostermak 於 08-3-12 18:58 編輯 ]

喧嘩

wingtsang, fostermak,
   多謝你地, 可能我得一粒女, 好想望女成龍, 眼見佢而家d程度, 真係好胆心, 因為我一路都冇抽獎運, 所以派小學都冇乜信心, 我好想好想佢考到入陳守仁, 但係仲有幾個月時間, 我相信機會等於零, 佢英文簡直係超級唔掂, 以前試過俾賓姐姐湊都還好, 但係而家由婆婆湊返, 真係乜英文都俾返晒賓姐姐, 我覺得自己lee個人生好多嘢選擇錯左, 我唔想幫個女擇的路都會錯, 我以前都係好似你地咁諗, 活動教學對小朋友當然好啦, 但係原來我個女係唔適合gar, 佢都係唔鐘意返學, k2返學半年先開始唔喊, 我覺得自已唔係好識做人媽咪, 如果俾我返轉頭, 我會幫佢考根德園, st.cat果d囉, 而家都冇辦法, 唯有自己幫佢補習下啦 ,又或者可能我最近才開始幫佢溫書, 我以前d字卡全部都放埋一邊, 冇搵人簽個名, 你聽我讀果d 佢通常都係背, 所以我覺得冇乜用, 不過我而家都開始領悟下佢地d用途, 其實我個女k1時, 我冇lee種感覺, 仲會介紹人地讀tim, 不過係香港果間, 但係而家真係好唔同, 真係唔知係k1同k2分別, 定係香港同鑽石山分別呢, 其實我而家最想係個女學好d英文(oral方面)因為陳守仁面試要用英文, 唔知你地知唔知有乜課程可以幫到佢呢?
仲有ar, 啱啱個家長日, 你地有冇見到商場有小朋友比賽拉丁? 跳得好靚, 我好想知佢地係邊度學, 我個女以前學過暑期班. 但係唔似佢地果種囉
真係唔該晒fostermak copy咁多有關資料俾我睇, 不過我親身體驗個觀課, 好難令我改觀, 不過都係我自己意見啫, 你地覺得好就得. 每個人想要的嘢都唔同, 千祈唔好俾我影響到, 無可否應, 間幼稚園都有佢可取一面, 不過唔係我想要果種囉

芷芊

All,
今日起小朋友提早放復活假啦!!!
哎~本星期日恩恩有朋友開生日會,都唔知点
這個時間,你地會唔會帶小朋友返主日學呀?復活節咁多日都唔知可否去街街~

wingtsang

喧嘩,

一個同兩個又真係心情會唔同d , 我同foster都有兩個仔女, 細仔未出世前我對大仔都好緊張, 而家真係分薄左好多! 你會唔會都考慮下生多個哩?

你有無試下了解過女女點解唔鍾意返學呀? 會唔會係佢好掛住k1d老師同埋同學仔, 所以好抗拒新學校呢! 又可以同老師傾下, 睇下女女上堂時情緒同投唔投入, 而家最緊要係搵方法幫佢, 唔好諗番轉頭啦! 就算比你女女真係響根德st cat讀, 都唔一定會係無問題格, 係未? 如果淨係擔心英文, 出面有好多專業英文班架, 都仲有半年, 有好多時間, 唔好咁唔開心住啦! 我都見有d 復活節英文雞精班, 你有目標教好女女英文, 就可以做到架啦! 你女女係大女定細女呀? 你甚至可以考慮遲一年至參加大抽獎添! 得閒上來傾多d啦!

我果日都有睇左一陣呀! d小朋友好叻叻呀, 我都有dd衝動想同仔仔學呀!

原文章由 喧嘩 於 08-3-12 21:13 發表
wingtsang, fostermak,
   多謝你地, 可能我得一粒女, 好想望女成龍, 眼見佢而家d程度, 真係好胆心, 因為我一路都冇抽獎運, 所以派小學都冇乜信心, 我好想好想佢考到入陳守仁, 但係仲有幾個月時間, 我相信機會等於零 ...

wingtsang

係呀! 都唔知典算, 佢有d興趣班都要暫停呀! 咁多日都唔知點算, 可能去下花展公園咁啦! 主日學? 梗係照返啦!

大家保重身體呀! 願主保守!   

原文章由 芷芊 於 08-3-13 07:55 發表
All,
今日起小朋友提早放復活假啦!!!
哎~本星期日恩恩有朋友開生日會,都唔知点
這個時間,你地會唔會帶小朋友返主日學呀?復活節咁多日都唔知可否去街街~ ...

喧嘩

wingtsang,
    咁你知唔知邊度有正的雞精班呢? 我都盡量同佢講英文, 但係佢好抗距, 我又叫婆婆同佢講普通話, 佢一樣抗距, 唔知係咪佢講開廣東話呢? 以前賓賓係度, 個女都會同佢講英文, 可能佢知唔同賓賓英文唔得,. 因為佢唔識講中文,. 咁個女又好接受喎,. 我父母係華僑, 所以佢地普通話都好掂, 而我細個果陣, 如果唔用普通話同佢地講嘢, 佢地係唔會睬我, 所以我而家d普通話都唔差, 但係我叫佢地用返咁態度對我個女, 佢地成日話好, 講唔夠一句就轉返廣東話, 真係激死, 可能又見我個女唔鐘意卦
我個女就好想好想我生多個, 但係我就冇你地咁叻, 時間同金錢都好大問題, 我要俾個女最好的, 如果生多個, 佢就唔可以要乜有乜, 我試過個女兩歲果陣, 意外有左, 當時我地兩公婆都覺得, 個天要我地要咪要囉,. 由唔係好接受到接受左, 點知日日係咁嘔, 到三個月果陣話我知個胎冇心跳, 過左果次, 咁就更加唔會要lu

原文章由 wingtsang 於 08-3-13 17:20 發表
喧嘩,

一個同兩個又真係心情會唔同d , 我同foster都有兩個仔女, 細仔未出世前我對大仔都好緊張, 而家真係分薄左好多! 你會唔會都考慮下生多個哩?

你有無試下了解過女女點解唔鍾意返學呀? 會唔會係佢好掛 ...

喧嘩

3月29日陸運會會取消, 好失望, 仲一早攞左假tim, 囡囡班主任今日通知叫我地聽日返去攞功課, 同埋留意內聯網喎

fostermak

芷芊 & wing:
我呢個禮拜放緊假陪姊妹花,過下全職媽咪滋味,不過下個禮拜要返工,本來想同佢地落樓下玩滑梯,爸爸都話唔好,於是今日約左n1舊同學上屋企聚舊...


聽晚真道書院有入學簡介,你地有冇興趣了解一下?
電話係 2337 2126 留位， 免費入座。
下午七時半至九時半
香港華人基督教聯會真道書院 四樓禮堂
將軍澳嶺光街五號 (第一校舍)

原文章由 芷芊 於 08-3-13 07:55 發表
All,
今日起小朋友提早放復活假啦!!!
哎~本星期日恩恩有朋友開生日會,都唔知点
這個時間,你地會唔會帶小朋友返主日學呀?復活節咁多日都唔知可否去街街~ ...

fostermak

喧嘩:
我同阿wing都有兩件,跟你得一個同樣緊張,因為大囡大囝必定係先頭部隊,佢行得好,細佬妹都跟住去...

我個人意見係:
你去完觀課感覺唔好,不如你同校方例如副校或老師反映一下你o既憂慮同感覺,我相信佢地好樂意分享及協助,我間唔中都同老師及副校郵電反映囡囡的問題,佢地好樂意解答架...
或許你和囡囡剛轉來鑽石山分校,大家都在適應新環境,佢唔鍾意返學,可能仲未習慣,你對新校o既看法及協助囡囡如何適應好重要架,如果你唔鍾意新校,佢feel 到,都會受你影響,佢都會唔鐘意...

我又再搵到舊靈糧家長d post俾你,希望帶給你多一點insight,亦希望對你有幫助啦...

1.post
坦白講, 針無兩頭利, 因應每個家長想小朋友在幼年得到些什麼 ?

靈糧是母語教學的, 試想每天只有 3小時上課 x 5 天, 一週只有 15 小時, 要做包括 : 早會, 茶點, 學習排隊上廁所, 寫字, 大小肌肉練習, 宗教, 美術, 英語, 普通話....等很多的項目, 試問怎能做到英語能力會很好呢 ?
我自己認為語言 (英語或普通話) 等是要在環境中學習的, 成效才會好, 如您希望小朋友英語好, 除非您選一間全英語上課的學校, 這樣英語就會好, 但在全英語的環境下, 中文能力又如何呢 ?

我並非幫學校講說話, 我知道小朋友在學校的英語學習時間不多, 我也是想小朋友英語好, 所以我都會在課後再上英語班, 小朋友每週上 4 天英語 (3 1/2 小時), 我小朋友英語就好了 ! 如以計算則以佔了學校上課的一天多時間, 怎麼可能 ? 這是我小小的分享.

fostermak

靈糧家長舊post
2.
我會選擇小朋友在幼童期, 有效的誘導學習方法, 提高興趣, 學校生活愉快, 我覺得勝過催促學習, 正所謂 "早熟早殘", 純屬個人意見, 多多指教.


3.
我是銅鑼灣靈糧 K3 的家長, 講講小朋友讀了 2 年的感受.

我的小朋友愛上學, 每日回家的家課不會令我粗心,
可能因為不多, 小朋友好易完成, 所以比較自發,
因為手仔未發展好, 做太多小朋友感覺困難, 反而沒興趣.
有些人會覺得功課少, 會否上小一會有問題, 我有幾個朋友
都在今年上了小一, 完全沒問題, 我對我的小朋友也不擔心,
而且靈糧最好一樣是自K1已有閱讀計劃, 如家長肯跟,
小朋友閱讀能力高, 誘發興趣才是最重要.

我還有一個細女, 要我再選我都會再選靈糧, 愉快學習,
活在快樂的童年, 如需再詳細的詢問, 如我知道我會努力回應.


4.
兩年前我為兒子選擇靈糧時心情非常矛盾, 一方面希望孩子能過3年愉快的幼稚園生活, 沒有功課壓力, 在遊戲中學習從而喜歡學習, 另一方面卻怕靈糧的課程太淺, 小一會追得很吃力.

K1還是蜜月期, 但當升上K2以後, 才知道以往聽說靈糧的種種都不是真實的.
因為K2開始要寫生字, 雖然只是簡單的生字, 但每天總有一篇家課. 就算學校派發的圖書, 兒歌, 英詩等, 一點也不淺易.
另外, 要看很多很多圖書, 做法與某些名小學一樣, 要小朋友養成閱讀的興趣.
所以, 我想, 小朋友上小一追不上的不是程度, 而是學習方法.
因為靈糧的小朋友學習是自發性的, 升入一些傳統教學的小學, 適應上有困難是可以理解的

fostermak

續靈糧家長舊post
５．
我沒有和其他學校做過比較，不清楚課程是否較淺。正如AnLi所說，孩子的主動性才是小學順利銜接的關鍵，個人認為就算有學術程度的差異，也比較容易解決，不過要辛苦家長花一些時間、精神和金錢，為孩子進補進補，應該可以克服。相反靈糧給孩子自信的培養、思維的啟發、學習興趣的保持等，我就沒把握能夠做到，而這些素質正正是孩子在漫長學習之路上不斷往前走的動力


６．
小一的課程究竟有幾深, 有幾難呢?
小一銜接的最大問題, 我覺得係小朋友有冇自理能力, 識唔識自動自覺做功課, 會唔會識學習為畏途.
其實講過好多次, 選一間教與學有聲譽 (唔係一般人口中的程度深) 的幼稚園固然重要, 家庭教育亦好重要.
之前有個家長問下午時間點安排? 有d嘢漏咗講, 靈糧 k1 開始已有閱讀計劃, 瞓醒覺吃完茶點, 就可以開始閱讀, K2 開始有功課, 但量好少, 正是培養小朋友自動自覺做功課的好時機, 囡囡依家 K3, 瞓醒吃少少嘢, 練琴、做功課、閱讀...
咁仲有咩好擔心?!
想英文講叻d, 平時可以係屋企講多d英文, 如果屋企冇講英文的條件, 提議可以報英文會話興趣班.

７．
Dear all,

My son graduated from LLC this summer and is now a P.1 student of a government-subsidized school.
His school is not of the top tier.
His teachers told me that my son (despite that he is one of the youngest one among the class) can follow the teachers and handle his assignments very well.
He is also able to help his classmates who cannot follow the teachers.


From my experience, LLC trains/teaches the kids via many different kinds of games / activities.
It's not easy for them to tell you what has been taught for the past week but they would provide you a summary of what the kids have learnt, and suggestions to parents to follow up after each topics.
You may find that they don't have much homework for the kids, esp. for K1 & K2.
But you won't believe how the kids can catch up in K3.
My son was not taught to write his name (both Chinese and English) in K2 but he could write many words when he graduates.
One time I told his K2 class teacher that I found my son achieved a lot in K3 compared to the previous 2 years.
He told me that LLC gives kids a very good foundation to learn (e.g. stimulating their interests) when they are in K1 & K2, then the kids can "accelerate" in K3.
I'm glad that my son was studing in LLC.
While he didn't learn less in academic matters, he got the training for thinking and creation.
Also, he was happy for 3 years.
More important is that my son becomes more active to participate.

Let your kids learn what they need to learn at their age, and enjoy their schooling.


８，
2. After the three years K1-K3, will it be hard for the children to get used to the way of primary school education method in HK?>>>
靈糧的畢業生, 選擇傳統教學小學的有之, 選活動教學小學也不少, 選這兩類學校的家長都分別回來參加過家教會舉辦的小一分享會, 和我們分享小學生活體驗, 兩者都可適應得很好, 以我所知, 這兩年鑽石山的學生無論是參加直資私小面試, 或是參加第三輪扣門, 成績十分理想, 如果學生表現不濟, 相信也不會有此成績