^_^創價 2007 ~ K1 家長 (PART 4)入黎傾下啦

ballball411

我個囡都有鼻水, 有小小都唔返得?

原文章由 patBmom 於 07-9-10 20:08 硐表
放學後邱老師打俾我,
話囝囝今日喺學校仲有啲鼻水,
佢話如果聽日仲有鼻水就唔好返學喇!
話如果唔舒服最好食晒啲藥同埋好番晒先好返學,
因為話一來會令小朋友好得慢咗,
二來又驚惹到其他小朋友.
其實老師既意見係好好 ...

小王子popo

各位下午班第一組同學及媽媽：


:我個仔(蕃茄組)祉悅，將會舉行生日會。誠意邀請各位同學仔及媽媽一同來臨參加！(希望籍此機會認識各位)

日期：9月23日(星期日)
時間：1430 - 1600
地點：竹園南村商場麥當奴

p.s.有你的出席已足夠！(不用準備禮物)

如有興趣請pm我

janetngan2

patBmom:係丫,我都覺得而家既病菌好犀利:evil:
所以如果仔仔係未好番真係唔好比他返學喇,雖然怕他第二日會唔肯搭校車,但如個繼續比他返學既話,一來可能會傳染比其他同學,二來他會小左時間休息(食左藥都無得 )至於會唔會學少左野,我覺得你唔駛擔心,因你可以問番老師

ballball411:尉尉都有鼻水,你有無比藥她食?我個人就覺得有少少都唔會比個女返學,因又係果句:一來怕傳染比人,二來怕她會嚴重左,所以係家休息好d~

bb2:明天唔好返學喇,因食左藥會好累同想 ,所以係家休息比較好,到好番晒先返學啦~

~~希望病緊既小朋友快快好番~

[ 本文章最後由 janetngan2 於 07-9-10 22:24 編輯 ]

Michelmcy

噢, 原來咁多位小朋友都病了   alex 都係有幾聲咳, 同埋有鼻水, 食左葯之後, d 鼻水就收左喇, 只係耐唔耐仲有少少咳囉.  今晚臨睡前食左葯, 睇吓明天訓醒之後, 仲有無咳, 如果好番晒, 都會比佢返學喇, 免得佢日日問住:"做咩要返學啫 "

patBmom

真係好多小朋友唔舒服呀!
連ballball411同michelcy嗰個都病咗!
我每年都有同個仔打流感針架,
但都頂唔住,唉!

Michelmcy

原文章由 patBmom 於 07-9-10 23:59 硐表
真係好多小朋友唔舒服呀!
連ballball411同michelcy嗰個都病咗!
我每年都有同個仔打流感針架,
但都頂唔住,唉!

patBmom,

我有個 fd 都係年年打流感針, 但係佢年年都中招 仲要係勁果隻, 無符   我都擔心緊各位小朋友, 佢地而家仲未變"好朋友", 已經咁多個病左, 遲d佢地變成"老友"時, 時時刻刻攬頭攬頸, 到時仲容易大家互傳, 真係唔知點算   

Annie926

柏禧開始扭計.....琴日周老師打電話嚟話佢情緒不穏, 斷斷續續地哭.  昨晚已跟他說返學有小朋友和他玩會好開心, 但今朝一換校服時又開始扭計, 不斷說要放假.....唉, 點算好, 都唔知要幾耐先會適應.  
其實佢又唔係唔鐘意返學, 因晚上他會告訴我們上堂的情況, 又唱歌等. 問他開唔開心他又會答開心.

Oscar媽

所以我咪講最好比小朋友好番晒先返學..
其實一星期唔返學都唔緊要架!!
上年邱老師都係咁講
最緊要小朋友身體好..

記住唔好心急返學呀!!

各位 K1 媽咪小朋友剛剛開學係多病痛 D..
最緊要各位家長合作小朋友唔舒服最好比小朋友在家休息,
好番晒先返學都冇問題,如果唔係就會係學校不停咁傳染,
就唔會好架 LA!!

原文章由 patBmom 於 07-9-10 20:08 硐表
放學後邱老師打俾我,
話囝囝今日喺學校仲有啲鼻水,
佢話如果聽日仲有鼻水就唔好返學喇!
話如果唔舒服最好食晒啲藥同埋好番晒先好返學,
因為話一來會令小朋友好得慢咗,
二來又驚惹到其他小朋友.
其實老師既意見係好好 ...

hi_baby

今朝我心血來潮送阿囡番學, 阿囡好開心~
但係我見到d幼小班小朋友拎住自己做既燈籠番學既?
本來好想同老師傾幾句, 不過又唔見課室內有家長喎!
都係唔好阻住老師!! 冇傾到就走人~
...你地話老師有打電話俾家長...點解莊老師都未打過電話俾我既?

可愛爽爽,
係呀~ 阿囡同我講尋日食腸仔包~ 真係豐富!!
阿囡話幾日冇見爽爽囉喎!

[ 本文章最後由 hi_baby 於 07-9-11 10:42 編輯 ]

hi_baby

Annie926,

小朋友接觸新環境都會喜歡鬧情緒架, 阿囡上年番n1時, 都扭左3星期先冇事~ 只要佢唔抗拒番學就得啦~ 唔駛擔心, 小朋友好快可能適應新環境!! 話唔定佢過幾日已經開開心心咁番黎同你講番學好開心呢~ :)

Annie926

hi_baby,
希望佢可以好快適應啦.
收唔到老師電話咪仲好, 即係話你小朋友係學校叻叻, 冇特別事:)

可愛爽爽

Hi_baby,

上星期爽爽話放學時候見到睛睛上校車, 佢地仲互相bye-bye. 不過唔知真定假. 不過, 佢哋返學真係好開心.

原文章由 hi_baby 於 07-9-11 10:40 硐表
今朝我心血來潮送阿囡番學, 阿囡好開心~
但係我見到d幼小班小朋友拎住自己做既燈籠番學既?
本來好想同老師傾幾句, 不過又唔見課室內有家長喎!
都係唔好阻住老師!! 冇傾到就走人~
...你地話老師有打電話俾家 ...

swan_lau

hi all classmates,

my daughter's name is chow yuet tin ( chloe ) and she's a new student start from yesterday...

she's now in 幼兒班第一組( 下午 ), 蕃茄組....莊老師 is her teacher lee....she's v. kind...

if i've time, i'll share to all of u why we come so late to soka....

a long story...:(

but lucky that chloe is ok as yesterday is her first school day and ms chong said that she tried to comfort some classmates who were crying lee...........

DOROTHYFAN

真係好多小朋友病左,熙熙琴日都咳,老師都建議唔好返學住,今日係屋企休息

hi_baby

Annie926,
咁我都希望老師唔打電話俾我代表阿囡響學校ok啦~ 不過...我都好想知阿囡響學校上堂表現係點...? :)

可愛爽爽媽咪,
咁晴晴又冇同我講見到爽爽喎!
晴晴番左呢間幼稚園都係好開心, 我地大人又唔駛好似以前咁擔心~ :loveliness:

swan_lau,
你好呀~ 我囡囡都係蕃茄組...不過係上午班架!

elysemama

嘩!　又真係好多小朋友病左:-| 　巧妤尋晩瞓覺都有幾聲咳, 一陣間都要打返屋企, 睇下駛唔駛睇醫生.  各位大人、小朋友, 保重呀!!

elysemama

hi_baby,

係呀!　老師唔打電話俾你即係代表囡囡響學校ok無問題:D  邱老師都無打比我, 但我担心隻囡上堂能否專心, 所以尋日打左比老師  佢叫我放心, 比時間小朋友適應.

hi_baby

elyswmama,
我地做媽咪既真係好矛盾...有時唔想煩住老師...又時又心思思想知自己既小朋友響學校既情況...:loveliness:
其實我上星期因為阿囡鬧情緒都有打電話俾莊老師, 莊老師都有話阿囡上堂好開心! 有時只係自己杞人憂天... 我每日都會追問阿囡番學唱乜野歌? 食乜野茶點? 莊老師講乜野故事...?
阿囡日日都話唱good morning song...
食茶點都好d...肯講食乜野~
問佢講乜野故事...就講d唔講d...尋日話講兔仔...問佢兔仔做乜野...之後就唔講啦~

elysemama

hi_baby,

佢地個個都係講D唔講D, 講完我地又懷疑地講Ｄ野既真確性  好似上個禮拜阿囡返嚟有提及馬鈴, 我就以為佢講唔正, 仲話比佢聽係唖鈴, 直至見到通告, 先知真係馬鈴(聽到馬鈴要收拾玩具); 其實我地做媽媽都好需要調節及適應

elysemama

calling, calling, Oscar媽

創價有無安排家長觀課架?　如有,　通常係幾時?　係咪所有家長都有得出席架?　謝謝