大個囝!大個囡!升班喇~~九龍禮賢幼稚園k3

penpen

glory,
不用擔心, 上年開學時我都同你一樣, 但學校會由淺入深, 佢地知道點裝個字就會好容易架!!

原文章由 glory 於 07-8-31 11:37 硐表
瀅媽,
尋日我地果班就講左一個鐘有多, 估不到一上到k3佢地要學咁多野, 寫咁多字, 我都有d擔心添 以前一班分四組, 今年一班分三組, 一定更加熱鬧 :)


...

車厘子

自從BK轉新版後，想尋找過往曾留言的topice非常不容易。

昨晚，聽完老師講升上高班學業情況後，使我十分擔心。

你們報小學情況如何？

車厘子

Allie

Glory,

果晚趕住走, 無等埋你呀!  你最後有無見到禧媽佢地呀?

禧媽真係勁, 生完一個月就好似無大過肚咁!  我重笑佢一直其實係扮大肚添!  

我地愛班果晚好早散會, 點解你地講左咁耐ge?  有無d 料講來聽下呀!  我就只係接收到好多功課好多工作紙, 同埋好快有project要做!  總之一定比舊年充實啦

阿仔今朝竟然7am就起左身, 我以為佢實唔知醒架!

Allie

penpen,

我記得你呀!  我咁無記性都記得你, 其他人一定記得你啦!

雖然你已經離開左禮賢, 但都重記得來呢處留言, 你真係有心呀!

你今朝起到身嗎? 見到佢著住套校服係咪覺得佢大個左好多呢?  我去年都同你一樣心情呀!  唔覺唔覺, 我個女今年已經係二年班了!~

瀅瀅媽咪

Allie :

我昨天收到本兒歌書, 嘩! 好多中文字, 有d都幾深, 都有d膽心, 希望小朋友經老師教導, 應該冇問題la, 今日應該會有功課做lu.
我女話子軒同佢一組, 大約有10-11人一組, 子軒有冇講呀?
有幾個同學仔幾年都同我女一組, 唔知邊個老師編組呢?
我女開心la, 因為同組d同學仔都係佢鍾意果班

panpan :
妳囡囡返學點呀, 係唔係好開心呢?
講起小一, 都有d頭痛, 之前38區得幾間選, 而家聽聞好似38 同40 group埋1區, 之前小又煩, 而家多選擇又煩, 因為都唔知點選, 深水土步都唔係熟, 妳有冇d學校資料介紹呀? thk:-|

Allie

瀅瀅媽咪,

原來阿仔同你女女一組牙?  真係好啦!  我只係問左阿仔有無新同學仔咋!  

想問下你, 你女女而家重會訓午覺嗎?  阿仔呢排都唔肯訓, 但到晚飯時間就眼懞懞, 重好易蚊蚊爭爭添!

唔知今日派左手冊未呢?  本兒歌書我無打開來看呀, 有好多字架?

我最近一次過掉左阿仔去年同前年d 書同埋工作紙呀!  d 書好新好似好浪費咁, 不過又真係好哂位呀!  

原文章由 瀅瀅媽咪 於 07-9-5 11:05 發表
Allie :

我昨天收到本兒歌書, 嘩! 好多中文字, 有d都幾深, 都有d膽心, 希望小朋友經老師教導, 應該冇問題la, 今日應該會有功課做lu.
我女話子軒同佢一組, 大約有10-11人一組, 子軒有冇講呀?
有幾個同學仔幾年都同 ...

penpen

Allie,
初時未開學著起套校服都覺得佢大個左, 後來著左返到學校泊埋其他同學到, 又覺得佢好細個, 因為佢細粒嘛~ 佢果班佢最細粒排第一 , 不過其它班都有d細粒過佢, 我見過既都起馬有五六個, 不過呢兩日放學, 見埋d高年級既, 見到2年級同3年級都會有d仲係同妹豬咁上下身形

瀅瀅媽咪,
妹豬佢都ok既~ 可能因為我有幫佢報學校既暑假啦~ 佢呢個星期都仲係返半日, 又未有功課, 不過就倦d囉~ 妳知我個囡幾訓得架啦~ 昨晚8點鬆d就響sofa睡著了~~ 另外嗌書包重囉~ 我同佢講佢未慣,以前幼稚園唔洗帶咁大本咁多書嘛~~ 老師好好, 都幫佢地收起晒d作業畫簿, 要用果時派俾佢地, 等佢地唔洗揹咁多野架喇~ 何況, 佢有幾可揹?! 返到學校門口我先俾佢, 入去佢放低左又等集會完先揹返上課室,一放學見到我我就幫佢揹, 佢又唔洗轉課室!! 係要俾佢習慣下喇~ 不過就要提多佢幾次自己拎起揹果時要小心d!!
妳講得啱, 冇得揀又煩, 有多揀又煩, 首先我諗妳都決定左係揀番本區學校, 對嗎? 若果係, 我覺得妳就一定要揀一間好鍾意既第一志願(瑪利諾神父??), 咁第一輪預左揀佢, 萬一抽唔到, 第二輪第一志願都要揀佢就穩陣d, 方便第二輪唔好彩抽到間衰既都可以去叩門嘛!! 因為有d學校見妳唔係揀佢做首選, in既機會都未必有架!!
我唔知今年我地兩個校網group埋填唔填得滯張form,可以填滿的話,記得記得千萬不要選深官, 學校校舍就同荔天一樣, 但......相信妳都會有所聽聞, 小心!!

glory

Penpen
唔好意思, 呢兩日放假今日至睇到你留言, 謝謝你呀, 你真係有心, 成日上黎睇住我地
一打開阿仔兒歌書後面, 睇見d字真係嚇一跳, 比起佢地低班真係深左好多, 聽見你咁講個心都定d…..妹豬升了小學後, 有無掛住禮賢同埋以前d同學仔呀:idea:
  
Allie
比你笑 死, 講落禧媽都幾似扮大肚架, 佢未生時我攞成長報告表撞到佢, 佢陀得好靚, 自 己一d都無肥過, 好似放左個枕頭係個肚樹咁…
家長會我地果班都幾遲走, 但 唔覺有特別野講過, 只係記得功課深同多, 老師話佢地日日返學都好忙..
軒軒咁早醒一定係掛住返學
手冊??尋日阿仔返學無收喎, 阿仔呢兩年既工作紙我唔捨得掉, 但d書又唔會再睇真係好浪費

Allie

penpen,

我個女上年試過上堂時訓著左呀!   不過佢話好多同學仔都試過, 老師重同佢地講訓一陣好啦!

其實而家先剛剛開始, 頭一個月都係蜜月期, 比時間佢地適應下轉堂, 小息, 午飯, 執書包同返全日!  以前有個媽咪叫我買定多一兩打筆, rubber, ruler......... 話佢地成日唔見喎!  不過好彩阿女又唔係成日唔見野, 佢淨係會唔記得比通告我睇, 唔記得抄手冊, 同埋唔記得執書包者! (不過呢d 都夠我嘔十桶血了------>真係浪費, d 血攞去捐比紅十字會好過啦！ ）

重有呀，阿女成日都唔得帶ｔｉｓｓｕｅ去ｔｏｉｌｅｔ呀！以前幼稚園有架馬！

ｇｌｏｒｙ，

原來你又放假？好羨慕！！！！！
以後多ｄ上來呀！

Allie

ｇｌｏｒｙ，

諗諗下又幾好笑　：如果禧媽真係扮大肚，咁佢又真係交唔足戲啦！點都要食肥自己少少來增加迫真度架馬！　點可以咁唔專業淨係攪大個肚架ｊｅｔ！

penpen

glory,
有呀!! 妹豬又掛住同學又掛住老師, 上個星期返左去探老師, 昨天佢就取左紀念冊出來打電話俾同學, 阿囡都幾長情, 我記得李老師都咁講過(瘦果個,今年好似教低勇班), 上個星期返去, 阿囡第一個見到佢,不知攬到佢幾實, 李老師仲話佢仲咩咁嗲添~

Allie,
我K1返去做協作時都見過有個同學仔訓著, 好搞笑, 好得意, 但老師果時係會叫醒佢, 坐響度訓著姐~ 一要企起身就會醒晒精神晒喇~
妹豬間學校既蜜月期都有兩個月，頭兩個月直至小考（有d學校叫測驗）前所有默書都唔計分, 到今日為止, 妹豬都冇咁見野既~ 寫手冊暫時都ok,有通告都會寫埋落手冊叫家長簽, 咁學校又會每日影低黑板post上學校既web site方便我地檢查, 提小朋友有抄漏就要自己抄返落手冊, 書包暫時都係我幫佢執, 我諗住遲多小小先教佢自己執書包, 因為覺得佢現在已經要記好多野, 等佢適應左先,但幫佢執緊既時候都會要佢睇住, 話俾佢聽有咩書, 有咩文具要注意, 例如木顏色鉛筆執書包時要檢查睇下要唔要刨之類啦~  揹書包時要小心d啦~ 小息時無論急唔急都要去左洗手間先啦~ 上堂真係急要點啦~ 茶點袋有d咩咁啦~  換校服時我多數都會同阿囡放包紙巾同毛巾仔在校裙袋, 另外袋多包響茶點袋, 同佢傾下若果去廁所時冇廁紙要點做啦~  
我一夠期就去損血, 可能因為呢個原因, 所以我暫時未洗毆呢d血住啦~ 遲d就唔敢擔保

[ 本文章最後由 penpen 於 07-9-5 20:21 編輯 ]

瀅瀅媽咪

原文章由 Allie 於 07-9-5 15:28 硐表
瀅瀅媽咪,

原來阿仔同你女女一組牙?  真係好啦!  我只係問左阿仔有無新同學仔咋!  

想問下你, 你女女而家重會訓午覺嗎?  阿仔呢排都唔肯訓, 但到晚飯時間就眼懞懞, 重好易蚊蚊爭爭添!

唔知今日派左手冊未呢?  本 ...

Allie :
Allie :
我女冇訓午覺好耐了, 不過今天唔知係唔係早起身, 因為暑假訓到差不多10點, 佢6點就扭計要訓, 點知訓到差不多8點半要叫先起身, 不過我估好快會適應的.
派手冊, 唁覺有收到ge

Allie

penpen,

咁你個女都算好醒啦！抑或係個阿媽教得好呢？ 我個女似我　．．．．．．一樣咁大頭蝦！

我女間學校去年開學初期未有網上看功課，所以ｄ家長個個好緊張，四圍打電話問功課，有時問問下又有幾個版本，而家諗番去都覺得好笑！

今日送阿女搭校車，見到ｄ小一生，就諗番起去年情況！時間真係過得好快，咁快阿女就變身做小姊姊了！

Allie

瀅媽，

我個仔昨天無午睡，點知佢捱到晚上又ｏｋ喎！不過好攪笑，昨晚佢自己話今日要訓午覺啦，可能佢都覺得好累吧！　

阿仔話自己係藍組，好多好朋友一齊，不過佢又數唔到ｄ名出來！

係啦，點解重未派手冊呢？

原文章由 瀅瀅媽咪 於 07-9-5 22:36 硐表
Allie :
我女冇訓午覺好耐了, 不過今天唔知係唔係早起身, 因為暑假訓到差不多10點, 佢6點就扭計要訓, 點知訓到差不多8點半要叫先起身, 不過我估好快會適應的.
派手冊, 唁覺有收到ge ...

glory

早晨))

penpen
係學校讀左三年, 日日返學都咁開心, 連我都好唔捨得...係呀, 李老師今年教低勇班, 今年陳老師+李老師, 低勇/信班既同學真係有福呀

Allie
遵命! 我一有時間就速速上黎, 數數下禧媽都差不多時間返工, 我地又有對手啦
咦, 奇怪, 我地果班家長會已派了手冊咯喎 阿仔又係藍組呀:loveliness:

原文章由 Allie 於 07-9-5 17:54 硐表
ｇｌｏｒｙ，

諗諗下又幾好笑　：如果禧媽真係扮大肚，咁佢又真係交唔足戲啦！點都要食肥自己少少來增加迫真度架馬！　點可以咁唔專業淨係攪大個肚架ｊｅｔ！ ...

penpen

Allie,
我都覺得阿囡學校安排得幾好, post左上網, 十拿九穩, 老師都唔洗忙多樣野嘛~ 佢地有位同事尊負責影相架!! 所以佢地學校有活動, 我地都可以好快睇到d相, 前幾日開學, 適應班d相, 都響當日晚上已經睇到,同妹豬睇番,又可以即時傾番,笑下!! 唔洗隔左一段時間睇到先傾番,小朋友咩都唔記得咯~ 我仲即時copy番落黎, 遲d晒埋相, 變成一本學校回憶錄喇~
以前論盡既事, 將來就係美好既回憶!!

penpen

glory,
我初時都好唔捨得架!! 妹豬都係,果日返學校,妹豬同周老師講唔捨得,周老師就同妹豬講, 叫佢返去讀番幼稚園好唔好?!妹豬緊係話唔好啦~    我再同妹豬講, 若果佢乖, 我會再同佢返去探老師,妹豬好開心呀!!  我最鍾意周老師同李老師,妹豬就話個個老師佢都鍾意!!

瀅瀅媽咪

原文章由 Allie 於 07-9-6 09:52 硐表
瀅媽，

我個仔昨天無午睡，點知佢捱到晚上又ｏｋ喎！不過好攪笑，昨晚佢自己話今日要訓午覺啦，可能佢都覺得好累吧！　

阿仔話自己係藍組，好多好朋友一齊，不過佢又數唔到ｄ名出來！

係啦，點解重未派手冊呢？

...

Allie,
我女原來是黃組, 唔同一組.
點解手冊老師冇收到
而家亞女訓左覺

glory

penpen
阿仔今年班主任係李老師, 未開學前聽阿仔講係高班既李老師, 會唔會係同一位呢? 初初接觸李老師時, 覺得比較嚴肅似教小學既老師, 但後來家長會後又覺得這位老師幾風趣又懂得與小朋友溝通:D

原文章由 penpen 於 07-9-6 12:18 硐表
glory,
我初時都好唔捨得架!! 妹豬都係,果日返學校,妹豬同周老師講唔捨得,周老師就同妹豬講, 叫佢返去讀番幼稚園好唔好?!妹豬緊係話唔好啦~    我再同妹豬講, 若果佢乖, 我會再同佢返去探老師,妹豬好開心呀!!  我 ...

penpen

glory,
妳講果位應該係另一位李老師, 我講果位李老師今年教低勇班呀~
不過妳講果位李老師我都有同佢傾過下偈, 佢唔出聲個樣係好嚴肅,但係佢一開聲就唔覺咯~
妳講風趣就令我想起黃園長同靚靚李主任咯~~ 家長會有佢兩個就一定唔會悶到想 , !!

原文章由 glory 於 07-9-6 17:32 硐表
penpen
阿仔今年班主任係李老師, 未開學前聽阿仔講係高班既李老師, 會唔會係同一位呢? 初初接觸李老師時, 覺得比較嚴肅似教小學既老師, 但後來家長會後又覺得這位老師幾風趣又懂得與小朋友溝通:D

...