將軍澳天主教聖安德肋幼稚園

KCMAMA

all

佢地會輪住做班長，今個星期係卓卓同另一個同學，下星期又到另外兩個同學仔喎    小一生活真係好認真呀   

hinhinmom

kcma,
係呀, 頭先聽hinhin講, 都就快到佢做班長喇, 我見學校有3條色o既色帶架比佢地帶架, 見佢地帶住, 我都覺得佢地大突然大個仔晒~~ 真係, 我地都要適應下~

小學度, 我有個問題呀, 通告上o既班級, 你會寫乜野呀?    其實st andrew's會唔會有編班試? 我覺得應該唔會有, 唔知係o米呢? 麻煩你28/6去學校時幫我問問啦~ thks~

wing530

>all
原來今日做左中文大比拼喇, anson報錯料呀!     好彩我尋晚同佢溫習左, 不過, 佢都有唔記得呀!     咁...唔知英文大比拼係幾時呢? 佢手冊自己寫左28/6喎?  

>kcmama
anson真係好口疏架, 咩都同人講, 就算3唔識7嘅, 佢都照講架~      

anson今日開始做"領導生", 卓卓就做班長呀, 佢地實開心啦, 有條帶拎返屋企, anson放學一見到識嘅人, 就係咁講喇!   

>hinhinmom
我知你個surprise頭係點喇!       如無幻想錯嘅, 應該都好cutie喎!        

anson未知會唔會同表哥一班呀, 要等分班試result出左先知呀!  

我點會好似barryalice咁....瘦左好多呀, 佢好鬼勤力做家務架, 我都唔做嘅~    不過, 我都有家長同我講, 話我slim左架喇! 乜你睇唔出咩?     

KCMAMA

hinhinmom

我會問分班架，到時我會 call 你，再同你講下   
另咁我地係米九月份搭校車呀 我要交表麻

wing530

所有小朋友都係咁家喇 叫佢唔好講果句都講埋   
你咁好唔駛做家務，咁若果你想廋就努力做多 d 喇。

All

我都唔知佢地昨日中文大比拼，昨晚卓卓講我先知，問佢幾時英文佢又係果句"唔知"   

hinhinmom

Kcma,
今日我問過蔡xx媽咪, 佢好似話叫我地唔好交校車表住wor, 但唔交.. 到時無得坐o甘點算呢??
我都唔知點好…
我返去睇過, 原來hinhin都係坐5號車呀~

wing530,
邊個話你瘦左呀?? 唔覺wor… 邊度? 邊度?? 假象黎…
你見到我, o米知個surprise點law~ ms pang都有問我點解….

hinhinmom

Kcma,
剛剛小學打電話黎, 你有無收到電話?

KCMAMA

hinhinmom,

我都收到電話，學校問我收唔收到信

等我星期四問下學校最遲要幾時交校車表先 : 好似有好多野要問，我係米應該寫低佢。

wing530

你瘦左咩...咁好呀   

hinhinmom

kcma,
星期四會簽定幾張cheque比我老爺, in case 真係要即時交校車form~ 其實9月我地join左校車先都無問題啦, 有乜野第2個月o米唔坐law

係呀, 我都suggest你寫低佢呀~~   

你o米同wing530一齊癲啦, 佢係覺得佢自己瘦左之麻...        應該係瘦左落d手指度~   

wing530

>hinhinmom
作 c 你呀! 句句窒住哂喎!     我邊有幻想症呀, 真係有家長同我講左幾次架!  :tongue:  :tongue:   咪話瘦左....條腰喎!     

你整左個surprise頭, d人係咪以為你受左咩刺激呀!  

>kcmama
係呀, 中文大比拼尋日做左喇, 英文應該星期四先做喇, 我睇anson橙色手冊有寫喎, 信多佢一次喇!   

係呀, 今晚係我煮飯時, 我聽anson講, 佢想打電話比卓卓問野, 後尾再聽佢講, 佢話搵唔到卓卓喎, 佢話要講英文喎, 你屋企係咪有工人架? 還是佢打錯電話呀?    

我屋企唔係唔洗做家務, 而係我...唔做姐!     我覺得..如果我咩都做哂, 我咪好辛苦囉, 咁邊有時間做其他野呀!   如果係咁....咁不如唔好搵老婆啦, 不如搵阿四啦!         我先無咁蠢, 想廋就努力做多 d 家務呀!     
   

KCMAMA

hinhinmom

若果星期四了解左情況後，我交車費的話，我打電話話你知，等你再決定，我地共同進退麻

wing530

anson 都好呀，卓卓成日話唔知幾時大比拼   
我屋企冇工人架，亦唔會有人講英文 佢係米打錯電話號碼呀

你唔做家務既理論好好，但我地唔做邊個做喎 個c 6 做野好點當架，我成日覺佢做得唔夠清潔 :tongue:
清潔完間屋我好開心架。
好似昨晚咁有人黎裝冷氣機，攪到烏煙瘴氣    果個裝機人仲要埋廁所用，我明白e個係人既基本需要，亦唔會唔俾佢用，但我有個缺點，好怕其人男人用我個廁所 :tongue:  :tongue: 最後連廁所都要洗埋 :evil: 做餐死

wing530

KCMAMA

ANSON打你屋企電話喎, 係你寫係紀念冊果個電話呀! 我遲d pm比你睇睇, 睇下你有無寫錯左呀!    

我又唔係完全唔做家務嘅, 小小都有架!  我地邊個唔"抵得", 咪邊個做囉~      我而家已好叻喇, 起碼我有煮dinner喎, 茶實...仲要比個獎我tim呀!!        

我都好怕有其他男人用我個廁所架, 除非係屋企人啦, 如果唔係, 我覺得好"污joe", 好核突呀!      

嘩, 你尋日咁多野攪, 真係做餐 c 喎!        

hinhinmom

kcma, wing530,
今日真係唔該晒你地呀~   
今朝早同wing530, 仲有佢地都變左落湯雞....

kcma,
今朝多得你幫我照顧我老爺呀~~   hinhin係(禮)班呀~     卓卓係o羊班呀? 頭先聽得唔清楚呀~   卓卓仲有邊個同學仔一班呀?

wing530,
今朝唔該晒你幫我"mood"乾件衫呀~~     

wing530

hinhinmom 寫道:

wing530,
今朝唔該晒你幫我"mood"乾件衫呀~~     

唔洗客氣喎, 我順便.....抽下水之麻~        有出水芙蓉喎, 當然唔好放過啦!        

KCMAMA

wing530

你居然光天化日底下......抽良家婦女水     

hinhinmom

我都冇咩幫到你老爺，佢自己都好醒喇攪掂哂，我只係幫下眼之麻。  

小一共有四班，hinhin 果班有成 5個高A 同學仔係最多架，卓卓係 C (德)班，只有林楚x同班咋     冇得同hinhin 同班         

我唔記得有冇同你講d書仲欠 6 本，開學時會補返

wing530

>all
今日超大雨, anson係學校先換波鞋, 點知都係濕, 可能本身隻腳太濕啦, 所以, 佢係學校全程都著"拖鞋"呀! 點知放學時, 我又唔記得帶多對鞋去, 學校好好呀, 比anson著住對拖鞋走, 唔洗佢"焗"住對腳呀!     hinhin都係著埋拖鞋走喎!

係呢, 唔知下次英文大比拼係幾時做呢? anson今次無寫低呀! 係咪都係星期四呢?

>kcmama
而家唔抽...等幾時呀!        

今日你地分埋班tim喇, 好快喎!   無得同hinhin同班, 來日方長, 總有機會嘅!  

e~ 咁卓卓咪願望達成囉, 佢只係同一個女同學同班喎~   

   

hinhinmom

all,
今朝真係大雨到... 老師幫hinhin換左拖鞋, 因為濕晒... 我對鞋都係, 放工仲未乾... :tongue:

學校真係好, 一返到去就幫佢地整乾書包, 換拖鞋!

wing530你抽左我d 乜野水呀??     

原來hinhin係B(禮)班呀, 同唔到卓卓一班唔緊要啦, "收其他風"仲易D!

今次真係要讚下我老爺呀, 佢仲醒到帶左個大o既環保袋去, 一袋拎住走.     原來好多書... 淨係本字典都已經好重.   宜家hinhin仲即刻拎d書出黎睇, 佢好有興趣呀, 唔知開左學係o米仲係o甘呢?!     

kcma,
你最終有無報到日營呀? 我報左喇, 宜家變左28-30/8都要返學. 30/8係家長會呀.

KCMAMA

hinhinmom

我冇報到日營呀，廢事我媽咪走來走去喇 冇校車麻，陳間又話麻煩 :tongue:

係呀，你老爺好醒帶咁大個袋去方便好多架，加上下雨天唔駛又

wing530

>hinhinmom
我咪抽左d....油水囉!         唔係點叫做....索油呀!      

你老爺...睇個樣都好醒啦! 仲好....靚仔tim呀!    

>all
係呀, 老師/姐姐真好呀, 真係由小朋友出發呀!     今日anson係學校"開大", 有姐姐幫佢清潔, 但係anson同姐姐講, 佢自己識得攪, 點知姐姐都同anson清潔, 佢怕anson攪得唔好, 我覺得姐姐好錫小朋友, 唔係剩係為份工咁, 佢地唔會話想做少d..怕麻煩咁, 真係比我覺得...交左個心出黎呀! 我要係呢度講出黎...讚揚佢地呀!        

今晚聽anson講, 老師想將佢地唔o岩著嘅校服送比學校呀, 好等有同學仔有需要時換上呀, 我唸住..會全部送出冬/夏季校服, 包括校褸呀, anson以前都受惠過, 我覺得咁做...好有意義呀!    我之前仲唸住係bk送出去tim, 而家學校要, 更值得啦!     

另外, 你地咁快就有書喇, 我仲等緊"3聯"call我地呀! 係呢, 你地要交幾錢書費呀?  



  

hinhinmom

All,
剛去完家長會返黎, 我係最早o個個, 8:15, 兩個班主任已經到左, 我都真係唔係o甘好意思呀… 因為佢地 “就”我要返工, 佢地為左o甘都要早返學…

表揚學校, 真係要, 我都係拎個心出黎講架.
有次, hinhin放學返黎打電話同我投訴, 話有同學仔整掉佢個水壺, 整到地同佢d書濕晒… 但佢又無同老師講wor…  我覺得hinhin o既處理方法唔太好, 因為件事發生左, 返到黎先同我講… o甘上到小學點算呢??... 於是, 我第2日返學, 要hinhin自己同班主任講返呢件事, 其實, 我唔係想追究, 只係要hinhin知道, 發生左事, 要去解決, 要講出黎.

今日, 班主任同我講, 話hinhin同佢地講完當日, 班主任時間時, 拎左呢件事出黎同小朋友分享, 問佢地會點做? Then老師再教佢地應該點做.  我聽完之後, 覺得老師呢個方法好好呀, 而且令我覺得, 呢間學校o既老師, 真係比個心出黎去辦學o既.

宜家, 每當有朋友問起, 我都會推介呢間幼稚園比佢, 我亦都好高興, hinhin曾經o係呢間幼稚園讀書~~

(今日去完家長會返黎, 突然好感性tim~~)

Kcma,
所以今次真係要讚下我老爺law, 琴日hinhin試過晒d校服, 全部都ok呀~ 唔使換, 老爺話見到前面排隊有個女仔同hinhin o甘上下size, o米照執law~

wing530,
點呀? 你成日3都抽我水架啦~~~
送校服比學校呀? 好wor, 我贊成呀~~
小學書費$1,105~ 簿加什費3百幾蚊~ 呢間小學好多書架~

wing530

hinhinmom

你洗唔洗咁早呀!       係咪唸住有排傾, 所以....要早d呀!      

其實, 我都覺得老師嘅處理手法..做得好好, 唔係同果個小朋友講左就算, 反而同大家分享, 好等佢地將來遇到同樣事件時, 都懂得處理呀!      

你地都唔夠我多書呀, 因為我要交$2500書費呀!         宣基小學交好少錢咋, 好似幾百蚊, 1千都唔洗呀~