低功能自閉症=腦葉酸缺乏症

Kyle

原帖由 dorisfan 於 13-04-16 發表
拜乜拜物的嘢, 我阿媽同阿仔做吾少, 都不見得有咩效.  有個好心的基督徒媽咪, 叫我們一齊返教會, 她話教友 ...

去咗要十一奉獻喎！咁窮點去驅鬼？

babieblue

------

Kyle

原帖由 babieblue 於 13-04-17 發表
問過針灸，要起碼1.5歲先可針。宜家乜都做唔到。前日飯局有朋友帶埋BB一齊出席，那位BB比我阿囝大三個月， ...

Hi, 仔女有事初初係接受唔到同自責㗎，邊有咁易接受呀！你上得來揾方法就一定唔會去死。坦白講屎得都係好事，我都希望自已快啲屎無眼睇。但如你怕屎只可以無奈接受，靠時間慢慢習慣日日心up 都當無野。係好辛苦，無辦法，係好無奈。四年有多了我今天都接受唔到。記唔記得廖啓智（智叔）有個細仔三歲時血癌過世。幾年後，有一日個細仔死忌，剛巧智叔要出席活動, 但佢居然失場，改由太太陳敏兒幫佢出席，話佢係屋企掛住個細仔好唔開心。你睇下智叔呢啲咁專業的藝人邊可能失場？個仔死咗幾年佢都可以唔開心到咁。

你有咩唔開心同我地呻下，係要呻好耐好耐，呻完慢慢個人定番啲，你會知道要做咩。我果時揾心理學家嚟呻，無咩用，因為得果一個鐘，我都未呻夠，佢就要我走。你唔鍾意寫出來，可以pm 我繼續呻㗎！大把媽咪同我互呻。

boc

原帖由 babieblue 於 13-04-17 發表
問過針灸，要起碼1.5歲先可針。宜家乜都做唔到。前日飯局有朋友帶埋BB一齊出席，那位BB比我阿囝大三個月， ...

朋友，咁夜仲唔訓！係正常架！我初初都係晚上找資料至半夜也未睡！上得來這處的父母都要欣賞自己！有問有答先知多D呀！想講你問那位醫師說1.5歲才針得呀？我有點懷疑喎？

babieblue

原帖由 boc 於 13-04-17 發表
朋友，咁夜仲唔訓！係正常架！我初初都係晚上找資料至半夜也未睡！上得來這處的父母都要欣賞自己！有問有答 ...

-----

chris-BB

babieblue 發表於 13-4-17 07:41
問過恩x岑e師，話太細D穴位未生好，針都沒用，佢話黃金期係2-3歲。浸大尤e師唔接新症，其他醫生要排9個月， ...

你試試問張e師，我見佢針1歲2個月架！不過啲人講過佢試過未到1歲都針過，我就無見過，如果你小朋友大啲，你又唔like佢，咪到時轉第二個e師囉，好過係度等啦！

babieblue

原帖由 chris-BB 於 13-04-17 發表
本帖最後由 chris-BB 於 13-4-17 08:38 編輯

----

Kyle

原帖由 babieblue 於 13-04-17 發表
Thx. 會試book 張醫師，佢電話成日無人聽。另我住新界，一個星期兩次的話要諗下接送點安排...



  ...

上次問完你一輪問題，你個仔一向唔理人，家族又唔覺有疑似人物，無咩idea 你仔發病原因，有可能環境太多有害物質。你都聽過大陸有癌症村

所以你有大把野做，阿b 個奶樽一定轉玻璃，食具，廚具，加濾水根據之前的資料轉晒先。

唔啋人，要介奶，用番啲安全食物嚟整飯仔粥仔俾佢食，記住要加豐富的菜肉, keep 住佢肥肥白白，面色好。有啲b 介咗奶就會無事，你而家無世藝就攪咗呢樣試下先，因為敏感實在太普遍，好彩發係皮膚未濕疹，唔好彩發係腦仔未呆呆滯滯囉！

唔駛唔高興你仔大肌無咩事。另外菜肉，由其菜買番啲有機的菜煮俾佢食。無咩錢就得佢一個b食有機, 有限錢。魚小心啲，大魚有水銀，唔好買吞拿魚。所有肉買安全的俾佢食。

針灸可以同時開始，等埋廣華收唔收你症先，廣華除邱醫師，另外隔離有個好似姓譚，個款都好勁，我之前見過有個醫療事故腦癱bb係佢度拮針，佢慢慢落針，好似運埋內勁咁，無先去銅鑼灣，不過太遠，辛苦得濟你會放棄。岑醫師講穴道問題，我想咗一輪，想問問你個仔腦荀生埋未？我大仔一出世就生埋, 細仔歲幾都未埋，未埋點拮到果個位置？

apple~y

回復 babieblue 的帖子

唔開心多0的上來呻,我都時時上來呻
我都3年啦,都咪可以諗得通

Kyle

高低水銀魚供參考：

High mercury
鯊魚 劍魚 鯖魚 方頭魚 吞拿魚 槍魚 海鱸魚 梭魚 茴香魚

Low mercury
三文魚 小蝦 馬鮫魚 龍利
鯰魚catfish. 鰲魚pollock
烏頭 桂花 鯪魚 黃花 沙甸 大眼雞 鯇魚 馬頭


淡水魚雖然低水銀，但可能有孔雀石綠。小心如鯪魚。

Kyle

原帖由 Kyle 於 13-04-16 發表
問下印度婆有無譒譯。無所不用其極。

所以我費事介紹，好難implement.

yuyu.tszwang

回復 Kyle 的帖子

多謝版主咁忙都關心住大女同我一家。有心。家姐接了差不多1年，現時情況穩定。剛過了6歲生日，感觸良多！
佢已經復課，但仍然要接受1年的化療，定期往醫院打針覆診。
到真正康復一日，佢已經升中了！
另外，台灣瑾心的分享都好好，有興趣可以上網看。

Kyle

原帖由 yuyu.tszwang 於 13-04-17 發表
回復 Kyle 的帖子

多謝版主咁忙都關心住大女同我一家。有心。家姐接了差不多1年，現時情況穩定。剛過了6歲 ...

家姐點發病？有話血癌同裝修甲醛好有關係。要搬屋果啲媽咪唔好拿拿臨搬入新居。

dorisfan

Kyle 發表於 13-4-17 01:33
去咗要十一奉獻喎！咁窮點去驅鬼？

返教會要比錢你吾講我真係吾知喎.  我可能睇得Dan Brown的書太多, 比Da Vicci Code 果些荼毒左, 對天主教基督教等無咩好感.

Kyle

原帖由 dorisfan 於 13-04-17 發表
返教會要比錢你吾講我真係吾知喎.  我可能睇得Dan Brown的書太多, 比Da Vicci Code 果些荼毒左, 對天主教 ...

所以天主教淨識叫我番彌撒，無人去彌撒邊有收入？身心靈創傷成咁揾個小組上吓都無。

dorisfan

Kyle 發表於 13-4-17 11:20
家姐點發病？有話血癌同裝修甲醛好有關係。要搬屋果啲媽咪唔好拿拿臨搬入新居。



  ...

我覺得我仔的情況同裝修有好大關係, 因為我清楚覺得他的情況不是後天的, 因為他一出世第一天我已經感到果種異於常人的固執, 到而家雖然大個左, 果種固執仍然無變.

我地買左樓稔住搬先知道有左. 雖然因為老人家告誡, 我都好少上去裝修緊的新屋, 但因為我老公不在香港工作, 我自己又嫌尖, 點都會一個月去睇一次. 其實都己經完工後一個月先搬入去, 但都始終有些氣味, 果陣又吾識光觸媒果些東西, 都好後悔.  當然除了裝修以外, 都有好多其他因素的, 例如他堂哥有Tourette's syndrome, 我估個腦都係有野, 反而老公果邊的女就好勁, 有個是資優, 有個是醫科生.

yuyu.tszwang

回復 Kyle 的帖子

家姐當時發燒不退，面色蒼白。肚超脹同眼腫，在私院驗血發現。醫生話醫學上成因未確定，叫我地唔好估。
哈哈！我今年幫子女改左名。師傅話佢地出生時辰互沖，係條命註定！信不信由你！

Kyle

原帖由 yuyu.tszwang 於 13-04-17 發表
回復 Kyle 的帖子

家姐當時發燒不退，面色蒼白。肚超脹同眼腫，在私院驗血發現。醫生話醫學上成因未確定， ...

其實我仔個名係蘇民峰改㗎！果日係街見到佢企係街玩住手機，好想捉住佢執問佢點解會咁！改名我都想，有無幫助？

June04

好努力係度追睇翻啲嘢....雖然試過既野唔係認真多, 不過都有發覺自從戒左奶粉(個仔到四歲都仲有飲A+), 情況好似有好啲, 但係始終佢人大左, 明多左, 而且又有訓練, 所以都唔太知邊樣對佢最好. 反正做到嘜就做嘜.

雖然只係追左數版, 但好想試魚油同葉酸俾佢食 (陀住阿仔時, 醫生無開過葉酸, 又唔知佢咁重要, 所以硬係覺得係有關係), 而前阿仔以前個腦筍位都幾"突", 而家慢慢平啲, 又好似好啲, 惟獨是較難發音, 所以無自信底下, 言語極少.

想請問如要食魚油+葉酸 [等唔切睇哂啲POST先做野], 駛唔駛揾個醫生睇睇呢(坦白講, 太多庸醫), 謝謝.

P.S. 唔好意思, 可能打得有啲混亂, 因為係趁食晏時間又鋤一鋤.

apple~y

回復 Kyle 的帖子

蘇民峰收好貴