由S1傾到選科(2)

b3410

gigayan 發表於 20-11-5 19:34
呢本，軟嘅皮面，比較輕身，商務買嘅

封面好勵志吖多謝！俾阿女睇下！

gigayan

b3410 發表於 20-11-5 21:15
封面好勵志吖多謝！俾阿女睇下！

呢個年紀，卡通佢地又覺得太幼稚，無乜點綴又會覺得很單調，呢本剛剛好....

b3410

gigayan 發表於 20-11-5 21:50
呢個年紀，卡通佢地又覺得太幼稚，無乜點綴又會覺得很單調，呢本剛剛好....
...

夠cool, 也夠深度

S-Kwok

gigayan 發表於 20-11-5 19:34
呢本，軟嘅皮面，比較輕身，商務買嘅

我覺得weekly + 一頁空白會比較好用。

仔嗰本係無印（B5 size)，12月已經可以開始用。 另有其他細啲嘅size可以揀，不過我仔啱用大啲。

20-11-6 06:49 上傳

下載附件 (154.95 KB)

20-11-6 06:49 上傳

下載附件 (105.14 KB)

20-11-6 06:49 上傳

下載附件 (133.26 KB)

YmOra

S-Kwok 發表於 20-11-5 10:52
一星期要温晒第一輪考試內容真係好吃力，仔噚晚10點仍未能完成原定計劃嘅内容，佢話想繼續，唔想再甩sched ...

是的。休息對學習十分重要，而"學習方法"係要ＤＤ時間不繼修正才有更"適合"自己的好方法。不過，個人建議，你前面說過囝囝的第一輪溫習屬輕層略讀式，個人認為去到中學應該有能力可以一嚟就進入中至深層的溫習了，因為時間無多，好難可以拉得咁長時間溫習。

YmOra

洋蔥頭媽咪 發表於 20-11-5 11:47
我仔中一我都有比個月曆方便佢記事，不過到中二佢已經冇乜再用筆記，因為電子世代，佢哋會開始用電腦取替。 ...

阿女有個男同學，選修ＩＣＴ的，他係用谷哥月曆記事，亦同時"同步"於手機和電腦和平板啲應用ａｐｐ中，完全係無紙世界，加上他的自律性好高，不會用用下手機就遊走咗去睇其他嘢！我認識的一些ｊｍ們的孩子之定力就差很多，成日走咗去玩ｉｇ。

S-Kwok

YmOra 發表於 20-11-6 07:32
是的。休息對學習十分重要，而"學習方法"係要ＤＤ時間不繼修正才有更"適合"自己的好方法。不過，個人建議 ...

謝謝提議。
仔編時間表時，我都有同佢講第一輪就要記，因為我都認為實際上佢無咁多時間去温習。 佢嗰時間表太理想化，好難實行。 噚日星期四，頂唔順唔夠九點四十分就刷牙瞓覺。 睇到佢好想執行佢嘅温習時間表，但確實好難執行，尤其是呢個星期開始，下午有好多課後活動，根本係六點食完晚餐先可以做功課。 噚晚佢係坐喺梳化温書，坐坐下瞓著咗，先知自己真係頂唔順。

我提議佢第一輪温習用兩星期完成，經過差唔多一星期嘅體驗，睇下佢今晚會點樣改善嗰時間表。

b3410

S-Kwok 發表於 20-11-6 06:49
我覺得weekly + 一頁空白會比較好用。

仔嗰本係無印（B5 size)，12月已經可以開始用。 另有其他細 ...

呢個符合男仔性格，簡單清楚。
女仔要多D空間decoration

b3410

YmOra 發表於 20-11-6 07:46
阿女有個男同學，選修ＩＣＴ的，他係用谷哥月曆記事，亦同時"同步"於手機和電腦和平板啲應用ａｐｐ中，完 ...

我仔就係定力差，佢用用下就去睇YouTube, Ted talk

YmOra

S-Kwok 發表於 20-11-6 08:18
謝謝提議。
仔編時間表時，我都有同佢講第一輪就要記，因為我都認為實際上佢無咁多時間去温習。 佢嗰時間 ...

係要時間適應和修正。不過，係真的，有些人就連大人也是一樣會把實行目標定得高ＤＤ，其實係好事的，但個人認為讀書學習係屬於"吸收"，一定要有所"入"才能夠達至吸收，即是話入得"少"唔係問題，只是响過程中不斷"修正"以達到入得多的效果或效率就可以了，我女兒就係响初中階段學習點去做好一份"筆記"以幫助自己應付高中的學業，我女的特性係開始之先會"吸收得十分慢"，嗰個時期就係做"筆記"的時候，她做筆記猶如雕花慢動作似的，但原來佢係似用咗支超細飲管細意品嚐緊杯香濃嘅熱咖啡，真係啖啖清楚記入腦中，有時份筆記要做足兩三日，當辛辛苦苦做完該章嘅筆記，當第一次的重溫，因為個人認為深入地做一份筆記可視為已經屬於"第一次的學習"，故當第一次重溫時就如同轉用咗支普通口徑大小的飲管般吸餟暢順，這時就是"記憶期"，去到第二或第三次。。。的重溫就像慢慢地換上了一支特大飲管如飲珍珠奶茶嗰類飲管，真係又爽又快又勁有效率，去到嗰時就會知道該科已經溫完。

YmOra

b3410 發表於 20-11-6 08:21
我仔就係定力差，佢用用下就去睇YouTube, Ted talk

其實，我知我女兒性格都會係無定力嗰種人，故細細個就少讓她掂手機。

bbc2018

b3410 發表於 20-11-6 08:21
我仔就係定力差，佢用用下就去睇YouTube, Ted talk

Ted talk 好呀！阿囡近年由got talent轉咗去Ted talk
昨日我才叫佢上you tube 睇BTS就算，佢剛收到專輯，又貴質素好，睇唔停

洋蔥頭媽咪

YmOra 發表於 20-11-6 07:46
阿女有個男同學，選修ＩＣＴ的，他係用谷哥月曆記事，亦同時"同步"於手機和電腦和平板啲應用ａｐｐ中，完 ...

你女同學跟我大仔相似，我仔更甚，幾乎係無紙世界，大學所有嘢都幾乎可以用電腦做。由其疫情到而家，連考試都可以上網考，佢所有嘢都會經電腦/手機/notebook 去處理。
中學生都須要學習自我控制能力，我覺得係必經階段。就算坐定定温習都難保個小朋友唔分心去玩，唔會坐响度發夢，所以佢哋都須要啲時間學懂自我控制。

bbc2018

YmOra 發表於 20-11-6 08:59
其實，我知我女兒性格都會係無定力嗰種人，故細細個就少讓她掂手機。
...

阿囡定力都係唔夠個種，我相反，早些給她接觸，現在初中佢對拍片，剪片有自己要求。學校STEM project 自己來，對佢無難度
最近佢给我睇佢自己整link, 幫自己寵物自製網頁。

YmOra

洋蔥頭媽咪 發表於 20-11-6 09:04
你女同學跟我大仔相似，我仔更甚，幾乎係無紙世界，大學所有嘢都幾乎可以用電腦做。由其疫情到而家，連考試 ...

唔知點解，愛"電腦科"的人的自制能力唔差架喎！鍾意用電子產品嚟幫助做嘢多過攞嚟玩樂。我估你囝囝係天生食"電腦"哩行飯。

b3410

bbc2018 發表於 20-11-6 09:01
Ted talk 好呀！阿囡近年由got talent轉咗去Ted talk
昨日我才叫佢上you tube 睇BTS就算，佢剛收到專輯，又 ...

通常佢睇Ted 我都儘量唔理，不過佢可以一直睇落去。。。。

b3410

洋蔥頭媽咪 發表於 20-11-6 09:04
你女同學跟我大仔相似，我仔更甚，幾乎係無紙世界，大學所有嘢都幾乎可以用電腦做。由其疫情到而家，連考試 ...

你仔大概幾大的時候開始有定力，有方向？自己管理自己？
我真係覺得男仔是否遲d醒悟，因為個仔依家y8（中一），好似都係唔知自己將來想做乜。


唔似我女，小學已經好清楚自己想點。

洋蔥頭媽咪

YmOra 發表於 20-11-6 09:14
唔知點解，愛"電腦科"的人的自制能力唔差架喎！鍾意用電子產品嚟幫助做嘢多過攞嚟玩樂。我估你囝囝係天生 ...

我一向都有咁諗法，响資讯科技世代好難禁止孩子接觸，與其怕佢哋沉迷，倒不如早早灌輸正確觀念，教孩子學懂自控。
我發現教懂孩子自控绝對能遠勝由父母去監控，所以我细仔由小學開始已經洗佢腦，灌輸沉迷嘅後果比佢知，亦早早開始讓佢接觸，佢反而能夠自控，就算打機都冇出現過沉迷現象。

妹妹頭

洋蔥頭媽咪 發表於 20-11-6 09:25
我一向都有咁諗法，响資讯科技世代好難禁止孩子接觸，與其怕佢哋沉迷，倒不如早早灌輸正確觀念，教孩子學 ...

借位問問, 我女UT PHY成績好好(意料之外), 老師提議佢可考慮選PHY, 但我又驚中四會中伏, 阿女問點算好?

YolandaTam

妹妹頭 發表於 20-11-6 09:32
借位問問, 我女UT PHY成績好好(意料之外), 老師提議佢可考慮選PHY, 但我又驚中四會中伏, 阿女問點算好?
...

建議同 chem 仲有數學一併考慮，最好phy chem M1/2 一併修。
我哋校 phy 綁 chem, 因為校方認為如果單讀 phy  唔讀 chem, 讀  electricity and magnetism 同 atomic world  會十分困難。
而冇修 M1/2 嘅同學喺 phy 組中係墊底嘅。