將軍澳天主教聖安德肋幼稚園

wing530

KCMAMA

聽日見啦!       著靚d!!!      

sophyland

hinhinmon﹕
        多謝你比意見，我個囝係2/6去左interview，不過我有時覺得佢地行政有少少亂，因為兩星期前約面見，之後1/6又打比我同爸爸話約面見，我 話你地約左我啦！唔係咩﹖跟住佢又話再confirm，咁都唔緊要，不過佢地約我9點，點知因為要等埋其他小朋友一齊，所以要等到9點9呀！(因為我當日要返工，所以爸爸帶佢去)好彩我個囝冇等到扭計，唔係就大件事

hinhinmom

sophyland,
其實st andrew's都屬於新校, 我地做家長o既, 都誠認行政有小小亂, 但其實... 都可以接受o既~  

因為學校初期, 每班都係最多十幾人, 至宜家每班25-27人, 老師, 姐姐都要handle 多左同學仔, 而且學校近期都忙於收新生, 搞畢業典禮... 所以, 我地作為家長o既, 亦都會體諒架.

講開學校人數, 我睇得出係好o既, 就係每班由2位老師負責.  點解我會o甘講?! 就係因為hinhin之前o係同區某間私立幼稚園讀過, 講明1班會有2個老師, 但k2時, 每次送hinhin返學, 都只見一個老師, 看管班中30多人, 再追問之下, 先知另一個老師只會上堂時出現, 但是否確實有呢個老師, 大家都有個疑問... 但st andrew's 真係明確比你見到有兩個老師law, 仲有, 唔好以為兩個老師會每人分半班睇, 其實, 佢地每個都好了解班中每個小朋友o既特性, 最重要既係, 學校每個員工, 都好有愛心. 我有信心, 你同囝囝都會鍾意st andrew's~   

hinhinmom

wing530,
點呀? 睇下邊個肥d?! :tongue:  :tongue:  :tongue:
今個暑假, 我都係幫hinhin報住畫班同yoga先, 因為, 佢仲要預d時間去婆婆, 太婆... 屋企渡下假law~~     

近排hinhin同anson好怨氣... hinhin話wor, anson唔學珠心算, 佢都唔學wor...      搞乜呀佢地?!   

KCMAMA

all

今日好熱鬧呀    d表演又精彩，特別係 anson 跳舞時好可愛    anson 媽你之前米話會一跳既，點解又冇既

小記者果部份好攪笑    卓卓話佢 ng左好多次先成功喎

P.S. 我覺得小朋友個妝濃左DD

hinhinmom

kcma,
係呀, 終於都到佢地畢業喇~    上年結業禮時, 見到上年高班著住畢業袍, 就諗, 如果到hinhin著住時我一定好開心~ 今日, 終於都到喇~     

你講得o岩呀, 頭先畢業典禮時掛住錄影, 返到黎睇佢地跳舞時, 好搞笑呀, 但睇真d, 又似係度做緊運動o甘呀~     

錄影個度, 我完全見到唔有hinhin呀~      覺唔覺我地學校個part, 只係影得一小部分同學仔?! 其他兩間都有"掃"晒d小朋友架!     

小朋友個妝好勁呀, 特別返到去睇相, hinhin 個妝原來已經係最淡~ 佢地男仔d eye-shadow呀...     

KCMAMA

hinhinmom,

我都覺得聖安德肋果部份好小，仲要只有好小部份既同學仔有份入鏡    有 d 美中不足咁   

hinhinmom

kcma,
係呀, 錄影o個part, hinhin仲要著小蜜蜂衫, 佢o個條係長褲黎, 但一眼就睇晒, 段片入面都無人著長褲~

Funny

Hi all  

我囝囝將會係9月入讀St Andrew K1 上午班! 多多指教!
你地d小朋友係唔係已經畢業喇?

hinhinmom

funny,
歡迎你加入st andrew's呀~

我, kcma 同 wing530 個仔仔, 宜家讀緊k3, 今年升小學lu~ 琴日係學校o既聯校畢業典禮, 7月中就係st andrew's o既結業禮~

Funny

Hi hinhinmom,

你地個個畢晒業, 咪無人同我傾囉!    
你地介唔介意話比我知你地小朋友派左邊間小學呀?

hinhinmom

funny,
唔好o甘啦, 呢個topic仲o係度架麻~
我個仔去左st andrew's直屬小學, 佢地讀邊間, 等佢地自己講啦~

KCMAMA

funny

hi ...我個仔都係st andrew's直屬小學   

Funny

hinhinmon, KCMAMA,

St Andrew小學是否英文小學?

sophyland

各位﹕
        我都決定左比阿囝讀喇，係上午幼兒班呀！

hinhinmom

sophyland,
我都歡迎你囝囝入st andrew's 呢個大家庭呀~ 你個囝囝o甘好野, 入到上午班呀?! 因為st andrew's收班唔多, 每班人數又唔多, 但多左好多人報名, 好多都要編去下午班呀~       

wing530

>sophyland & Funny
你地好呀, 歡迎大家呀! 多d入黎傾下計啦!      

>sophyland  
st. andrew's行政有時...係有d亂架, 不過, 都係小事, 可接受嘅!     唔好話新校啦, 就算係tko區內有年資嘅幼稚園, 都係會咁架! 我同hinhinmom都係某間私立幼稚園轉過黎架, 我地可以比較到架!    

>funny
唔洗擔心無人同你傾喎, 我相信...呢度都有好多家長係度架!   我仔仔將會入讀私校, 佢k2果時已考入左, 佢會讀"音小"呀!    

wing530

>hinhinmom
乜而家一班有25-27人咁多咩? 我地班都係24人喎!  

係喎, 我都無留時間比婆婆, 太婆, 太"女麻"... 屋企渡下假law喎!    

anson同hinhin好有怨氣咩? 還是"淵"氣呀!     anson不嬲都有學珠心算呀, 無停過喎, 點解你話anson唔學珠心算嘅??    

錄影個度...我都睇唔到anson呀, anson話佢比人"foul"左出去喎! 同埋, 影得好少同學仔呀, 作為家長, 我地都想見到自己嘅小朋友麻, 其實都可以慢慢"掃"晒小朋友個樣麻, 咁就very good喇!   

>kcmama
尋日d表演真係做得好好, 好精彩呀, 真係無浪費到老師, 小朋友同家長咁落力嘅彩排呀!     我覺得啦啦隊走出黎果時, 已覺得佢地好得意喇!    

anson跳舞都幾得意, 我都覺得佢好叻架喇, 要記咁多舞步真係唔易架, 我之前代表學校"出征"過, 都知辛苦架!       今次一開始時, 我講左唔跳, 因為我3月病得好犀利, 我唔知幾時先好返麻, 我無應承到, 改為我老公跳嘅, 不過, 學校最後方案都cut左有d家長都唔洗跳呀! 可能人多無咁靚掛!  

小記者果度有卓卓講野咩? 我無睇到嘅?   

係呀, 佢地個妝真係幾跨呀, 可能要配合係台上嘅燈光啦!     

wing530

Funny

Hi wing530,

你囝囝好叻呀, 考到"音小"!

我問過St Andrew, 今年9月K1上午班每班會足30人呀! 我之前選St Andrew 其中一個原因係佢話比我知佢地一班只會收廿幾人, 點知佢而家收咁多, 我曾經問過佢地, 佢地話係"詢眾要求"喎! 我好驚我個囝會唔適應咁大班教學, 因為佢專注力比較差!