請問有冇小朋友學過公文式既媽咪可以分享一下?

十月媽咪

carina246,

你小朋友K3, 而家升到D, 學習公文既日子, 理應唔係短短數星期OR數個月既時間吧, 相信你應該好清楚, 由DAY 1開始, 公文就係重複又重複, 操完又操架喇...何解當時唔覺得重複性既練習會扼殺你小朋友對數學既學習興趣, 而升到LEVEL D至有咁既感覺呢?!

我個女都係K3, 數學由5A開始 (07年7月) 到上個月尾升到LEVEL D, 響呢接近兩年既時間入面, 我地有好順利理解一D運算概念既日子, 亦都有過一D教到你噴血都唔明既日子, 嗰陣我都有諗過放棄, 但最終都選擇左堅持落去, 而家LEVEL D喇, 初頭我諗住兩位X兩位會教到我噴晒血的, 但出乎意料地, 教左幾題已經明白運算既模式係點...不過亦坦白講, FOR一個K3學生, 要做小三小四程度既數學運算, 又要做到快而準, 唔單止要識計, 仲要快, 呢樣係最難...有時我都諗, 如果呢個LEVEL既習作, 係FOR一個小三學生做, 30分鐘完成10頁工作紙, 係理所當然的, 但FOR一個K3學生, 呼....有難度! 我女而家已經係做到準確度, 但速度就仲要操...佢要用差唔多40分鐘既時間唻完成啊....老師唔收貨, 我做阿媽既唯有在旁吶喊加油就是了!

其實我都有諗過放棄晒三科公文的, 不過唔係呢個MOMENT, 而係升左小學之後, 我都同我佬傾過, 如果升左小學之後, 真係無時間應付公文既話, 全部CUT晒佢, 到時個女淨係應付學校功課, 相信經過公文呢兩年時間去訓練佢做功課既態度, 到時若然只係應付學校既功課, 應該係綽綽有餘的了!

ANYWAY, CUT定唔CUT, 最終都係由你決定, 但CUT之前, 我會問番自己, 當初點解要佢讀公文呢? 目的係乜呢? 達到呢個目的未呢?

以我為例, 我當初報公文, 唔係想個女有幾"口力"幾"口力"的, 我只係嫌學校功課太少, 而我又肯定會畀佢讀番傳統學校, 怕佢HEA足三年幼稚園, 到時升上小學, 我就有咁耐風流有咁耐乜乜, 所以我至畀佢讀公文, 等佢日日有D野做, 知道乜野係做功課, 做功課嗰陣, 要點樣認真法啫! 根本無諗過要佢超學年, 更加無諗過佢會超三個學年, 如今佢做凸埋畀我喇, FOR我唻講, CUT公文可以講係隨時都可以CUT的了, 畢竟我當初想要既野, 今時今日已經算係得到晒, 仲有凸的了! 只係有時我暗示話幫佢CUT, 佢就: 你唔好呀, 我要做晒佢架! (嘩, 好漫長既歲月呀, 女) 不過既然佢有咁既衝勁, 我就繼續奉陪到底就是了!

原帖由 carina246 於 09-5-25 00:43 發表
He's K3. He studies Kumon maths (just reaches level D). I am afraid that the repetitiveness of Kumon will kill his interest in maths.

carina246

Hi 十月媽咪
公司有手寫板，可以寫中文。
仔仔舊年K3頭開始上公文數，也是由5A開始。最初幫佢報，是希望佢養成自律温習的習慣。起初佢極唔肯做家課，因為覺得悶和無聊，後尾已有改善。
依家佢做數，總是覺得佢冇heart，唔系做得差，而是冇一份熱誠，因此在考慮是否在上小學後cut.
我也同意你嘅講法，學習並不應為拿什麼獎牌，但亦担心仔仔上小學太辛苦，及怕他重複做一些他已能應付的題目(而且大量)會失去對數學的興趣就慘了。
可否分享一下你嘅睇法。

venuscc

十月媽咪，你好呀！好開心系到又見到你，真系太好la！
唔知你仲記唔記得我，我系蘇浙個TOP到請教過你好多野，我女女將會K2轉蘇浙個個呢？
而家又要勞煩各位媽咪，比啲COMMET我啦！
我了解左少少公文式，知道佢個中文課程系用普通話教，而且仲會教拼音，我覺得好好，正考慮比女女試學，不過我打過去問，佢話上堂時系比小朋友自己啲CD，之後讀比老師聽，再做工作紙！返到屋企都系咁上下。之前我睇左好多呢個TOP嘅內容，都好放心小朋友系公文到學，不過有一定我系擔心嘅，我小朋友系比較好動，集中力唔系好好，有我跟住就好啲（可能依賴左），所以學公文可以有助佢改左呢個壞習慣，只系我擔心，語言方面（我系想佢學好啲普通話），單靠聽CD同自學，好似唔系好WORK，雖則學左拼音，就算唔識字，只系按拼讀法都可以讀到篇文章，但咁樣對佢口語同平時應用系咪唔足夠呢？將來寫作文又會系點去學呢，如果老師唔比多啲指示，恐怕佢返到呢都系會穩我搞番，到時咪陛羅？！
學公文中文，有啲乜野家長要做架（除左每日開CD佢聽）

十月媽咪

venuscc,
hi, 我記得你呀!

K2開始讀公文中, 其實OK既, 尤其你小朋友有蘇幼做實習, 會事半功倍!

公文中既上課形式大致係...入到課室, 拎左自己嗰叠簿之後, 就交功課, 聽CD, 做功課, 完成後, 會行埋老師度讀堂課&家課畀老師聽, 發音唔準確既地方, 老師會糾正糾正...平時響屋企一定要聽CD, 尤其未有普通話底既小朋友, 聽CD係唔少得既, 但真係要做到日日聽三次既, 嘿嘿...肯定唔係個個家長都有呢個恒心日日播三次畀佢地聽! (我係其中一個懶媽咪, 哈哈!)

其實淨係靠公文聽CD&響堂上讀畀老師聽係唔足夠既, 如果可以既話, 平時響屋企都叫囡囡讀畀你聽下, 有時就用普通話同佢交談下啦!

至於應用方面, 當然如果單靠公文中文既話, 效果會無咁理想, 但你唔駛怕啦, 你會轉讀蘇幼嘛, 蘇幼日日兩個幾鐘普通話, 響多聽多講既學習環境下, 唔多唔少都可以彌補到公文既不足啊!

就我經驗, 我就覺得公文中文彌補左蘇幼響閱讀同寫字方面既不足; 而蘇幼就彌補左公文中文響聆聽同ORAL & 應用方面既不足....

你而家反而要擔心既, 係你小朋友寫字方面既能力, 係咪足以應付公文中文大量既抄寫, 坦白講, 除左5A嗰個LEVEL係唔駛寫字之外, 4A開始已經要寫拼音, 如果無記錯, 2A就要寫字, 如果你小朋友學得快, 隨時響K2呢一年就已經可以升到2A呢D LEVEL的了, 要有心理準備迎戰大量抄寫啊!

原帖由 venuscc 於 09-5-25 19:22 發表
十月媽咪，你好呀！好開心系到又見到你，真系太好la！
唔知你仲記唔記得我，我系蘇浙個TOP到請教過你好多野，我女女將會K2轉蘇浙個個呢？
而家又要勞煩各位媽咪，比啲COMMET我啦！
我了解左少少公文式，知道佢個中文課程系用普通話教，而且 ...

十月媽咪

carina246,

嘩, 你仔好厲害, K3頭至開始讀公文數, 短短幾個就去到LEVEL D, 好勁! 阿女個同學仔, 都係K3頭開始, 最近至升到3A, 仲要響個+2嗰度KICK實左, 日日嘈住唔肯做功課, 再唔係就話要做番+1, 真係無命!

你小朋友可以咁快升到而家呢個LEVEL, 佢唔鍾意做公文, 會唔會真係佢覺得太淺, 日日重複咁做太無聊, 所以唔肯認真做呢?

其實有無諗過畀其他數佢試下? 以我女為例, 佢雖然唔想我CUT佢任何一科公文, 但佢有時都暗示話我知, 佢其實唔鍾意做的, 但每次問佢CUT唔CUT, 佢又唔畀我CUT, 話要做到最後一個LEVEL至CUT!...而響唻緊既暑假, 我就兩手準備,  一方面繼續讀住公文先 , 另一方面就同佢報左奧數既暑期班...目的除左想佢初步接觸奧數之外, 仲想睇下奧數可唔可以替代公文, 如果OK既話, 就CUT左佢喇!

如果你發覺你個仔係D唔鍾意做重複操練既人唻, 你不如試下發掘D更有趣味性既數畀佢做下, 睇下會唔會燃起佢對數嗰個HEART?!

原帖由 carina246 於 09-5-25 11:47 發表
Hi 十月媽咪
公司有手寫板，可以寫中文。
仔仔舊年K3頭開始上公文數，也是由5A開始。最初幫佢報，是希望佢養成自律温習的習慣。起初佢極唔肯做家課，因為覺得悶和無聊，後尾已有改善。
依家佢做數，總是覺得佢冇heart，唔系做得差， ...

Siu-dor

唻緊7月我會俾我囡囡加學Kumon Eng. 請問有無人便售CDs (EFL Level 7A & 6A)?

carina246

十月媽咪
你太客氣了，亦很多謝你嘅意見。
你囡囡同我仔仔都是K3同做到Level D，所以覺得你可以俾到意見我哋參考。其實我同老公都覺得公文有可取嘅地方，就是可强化學生嘅計算能力，而且學費算是合理，都想仔仔keep住，只是怕他計到麻木厭倦數學。
仔仔同你囡囡一樣，心底裹不太喜歡做公文的，但說cut公文他又不表態贊成，我們只係希望佢學習得快樂，及對學科產生興趣，而唔係父母要佢學才學。
除了公民，暫時冇上其他班，但暑假報了一個數學課，看看佢有冇興趣。平時老公都會自已教仔仔一些數的concepts，例如點計面積、角度等，仔仔對地圖很着迷的。
你囡囡是細女(10月出生嗎)已學到Level D，一定很叻，佢有冇獨特的地方呢？你有什麽教女心得、可以指教一下嗎？

fyeung

阿十,

對你講架好有同感,其實上公文,唔係要佢只係做數快,我都係想佢日日習慣左做功課,同快d完成功課.尋日公文老師同囡囡做左個簡單評估,話囡囡專心左,我都覺得佢而家做學校功課快左,星期五放學都可以做晒weekend d功課,而家幼稚園無咩功課,我都係想佢預備定小學.我驚到時晚晚磨到三更,我就死咯.

原帖由 十月媽咪 於 09-5-25 09:47 發表
carina246,

你小朋友K3, 而家升到D, 學習公文既日子, 理應唔係短短數星期OR數個月既時間吧, 相信你應該好清楚, 由DAY 1開始, 公文就係重複又重複, 操完又操架喇...何解當時唔覺得重複性既練習會扼殺你小朋友對數學 ...

carina246

Hi fyeung
你講得啱，我仔仔上了公文後做功課的態度認真了，由於幼稚院功課少，家教更重要，依家我哋開始教仔仔簡單的grammer，並用公文英文的課文做例子，等佢易於吸收，上小學冇咁辛苦。

十月媽咪

fyeung,

我見到d friend每晚磨到十二點都話未磨完, 我就好深刻體會到...有咁耐風流, 有咁耐...唉....三年食玩瞓既後遺症, 諗下都....

係喎, confirm讀邊間小學未呀? 定等埋下個星期六放榜至決定?!

原帖由 fyeung 於 09-5-26 13:29 發表
阿十,

對你講架好有同感,其實上公文,唔係要佢只係做數快,我都係想佢日日習慣左做功課,同快d完成功課.尋日公文老師同囡囡做左個簡單評估,話囡囡專心左,我都覺得佢而家做學校功課快左,星期五放學都可以做晒weekend d ...

十月媽咪

carina246,
你都太客氣喇, 我女無乜個人之處的, 只係佢屬於受教型, 同埋可能我響佢仲係戇居居嗰陣就"質"晒三科公文畀佢讀, 所以佢習以為常吧!

我同你一樣, 都怕個女計到麻木的, 講真, 有時我望住佢d數, 我都有點點兒頭痛, 若然話佢會有好大既興趣去做, 咁不如話佢做慣左, 唔做過會身痕吧!

我老公又係鍾意無啦啦教佢一d 數學concept的, 但只限於concept, 唔會叫佢落手點計點計, 有時爹哋會扮低能, 叫小老師出題目畀佢做, 佢兩父女, 好搞笑的!

至於教女心得, 查實我真係無, 我成日都同人講, 若然個女係唔肯聽我支笛, 無論我有幾多偉論, 幾多期望, 都唔會有好成績的; 父母對子女既期望, 係要子女去配合, 至可以成功; 同一種教仔方法, apply響唔同性格既小朋友身上, 都會有唔同既效果...所以....我成日都好感恩, 個女肯同我配合, 否則唔會有呢個效果!

原帖由 carina246 於 09-5-26 12:21 發表
十月媽咪
你太客氣了，亦很多謝你嘅意見。
你囡囡同我仔仔都是K3同做到Level D，所以覺得你可以俾到意見我哋參考。其實我同老公都覺得公文有可取嘅地方，就是可强化學生嘅計算能力，而且學費算是合理，都想仔仔keep住，只是怕他 ...

carina246

各位，想問問，農曆年前後centre有邀請信出席2月春茗及頒獎，但因唔得閒而冇參與，公文會否後補証書呢？

十月媽咪

乜有春茗既咩? 係咪間間centre唔同架?

我今日淨係收到半年一次既report, 但就仲未收到半年一度嗰張獎狀啊!

原帖由 carina246 於 09-5-26 17:41 發表
各位，想問問，農曆年前後centre有邀請信出席2月春茗及頒獎，但因唔得閒而冇參與，公文會否後補証書呢？

fyeung

carina,

我囡囡同你囝囝+阿十囡囡都係K3,你地個小朋友好叻,上到level D,我囡囡仲係A,公文老師話summer唸 X數表,你地已經經歷左,公文數我暫時未有意思quit,我見到囡囡由唔係好鍾意做,到而家習慣左做,升左小學可以handle到,我都想比佢繼續讀.

原帖由 carina246 於 09-5-26 14:37 發表
Hi fyeung
你講得啱，我仔仔上了公文後做功課的態度認真了，由於幼稚院功課少，家教更重要，依家我哋開始教仔仔簡單的grammer，並用公文英文的課文做例子，等佢易於吸收，上小學冇咁辛苦。 ...

fyeung

阿十,

未confirm定呀!不過下星期六派位都係唔使望,甲部抽中,你話係咪好似等中六合彩呢
我諗過試下叩門,心目中有3間.反正個portfolio之前整左,加多d近期架活動,就可以交啦!你係咪決定左蘇小?

原帖由 十月媽咪 於 09-5-26 15:00 發表
fyeung,

我見到d friend每晚磨到十二點都話未磨完, 我就好深刻體會到...有咁耐風流, 有咁耐...唉....三年食玩瞓既後遺症, 諗下都....

係喎, confirm讀邊間小學未呀? 定等埋下個星期六放榜至決 ...

carina246

十月
我都唔知喎，因為公文只上咗大半年，亦未拿過report，只係睇家長手冊同升級測驗results，咁獎狀係幾時派（如有），我個centre仲貼緊上年8月嘅results呢？

carina246

fyeung,

唔好咁講，其實每個小朋友各有强弱，我仔仔運動及手眼協調就差到痺，唯有俾佢上跆拳鍛鍊下身子。
如果課程啱你小朋友，應該鼓勵佢學落去，我哋仔仔囡囡的階段最重要係培養學習興趣，肯學便會進步。

SumSumBB

十月媽咪,

check pm pls!

十月媽咪

carina246,
往時我印象中好似係個report同張cert.一齊派的, 但唔知搞乜, 今次有report就無cert., 至於centre貼出唻嗰個results, 我地嗰間仲未post出唻呀!

原帖由 carina246 於 09-5-26 21:29 發表
十月
我都唔知喎，因為公文只上咗大半年，亦未拿過report，只係睇家長手冊同升級測驗results，咁獎狀係幾時派（如有），我個centre仲貼緊上年8月嘅results呢？ ...

十月媽咪

fyeung,
唉... 係呀, 如果甲部抽得中, 真係好似中六合彩咁呀! 係喎, 你甲部揀左邊間呀?! 叩門又有咩心水? 你女好似係咪已經有德望響手呀? 仲有無其他?

至於叩門...我唔打算叩喇, 我知我佬好like蘇小, 我諗除左甲部第一志願係可以動搖到佢之外, 其餘任何一間, 都好難打動到佢咯! 所以我女...99%做番蘇小妹啊!

原帖由 fyeung 於 09-5-26 18:52 發表
阿十,

未confirm定呀!不過下星期六派位都係唔使望,甲部抽中,你話係咪好似等中六合彩呢
我諗過試下叩門,心目中有3間.反正個portfolio之前整左,加多d近期架活動,就可以交啦!你係咪決定左蘇小?

...