將軍澳天主教聖安德肋幼稚園

wing530

>KCMAMA
尋日生日會, 卓卓好聽話呀, 我見一班同學仔玩得好開心呀, 由其係卓卓呀, 因為佢係最後一個走架!      

我開頭都有d擔心, 唔知小朋友鐘唔鐘意我d小禮物架, 不過, 見到佢地即時拆左架"車仔"黎玩, 我唸佢地都好鐘意掛!     係呀, 個"8達通套"內有乾坤架, 你地知唔知呢? 就係..........有盞燈架! 可以當電筒用啊~     

anson同我都轉左睇何成輝呀, 我都覺得佢ok啦, 算係夾到囉, 我都唔想下下入上水睇醫生呀! 近近地搵個呀!   你又係鼻敏感+眼敏感呀 你有無睇醫生呀? 我睇左喇, 洗唔洗寫個眼藥水名比你去配呀? 眼痕都幾難頂架!    

冬蟲夏草對哮喘氣管好架, 我有朋友都係買"丸裝"比個小朋友食架, 我都食緊!     另外, 有家長都建議我買部"空氣清新機", 話效果好好喎, 不過, 要萬幾蚊部, 所以, 我都唔買, 太貴喇~   

hinhinmom

wing530,
"8達通套"內o既乾坤, 一早已經比hinhin發現到喇.
你唔使擔心d禮物佢地唔鍾意, hinhin都不知幾鍾意呀~

kcma,
聽日著校服, 但老師同wing530講, 話著牛仔褲... 究竟點架?! 打電話返去又唔通, 今朝留左言又唔覆...

仲有, 有時唔一定要家長親自打電話返學校問架, 係o米?!

wing530

>hinhimom

我打左好大段野....無哂呀! 仲打左2次, 都係咁呀! 好無癮呀~       bk 都唔知攪咩呀!     

wing530

hinhinmom

條氣順未呀? 鬼咩? 接2連3咁漏左hinhin, 係人都嬲啦~     

c啦, anson隻手指仲未有好轉呀? 點算好呀?    我唸..都唔係簡單一腳喇, 如果唔係, 點會咁傷啦!     我都覺得學校都有d責任呀, 如果唔係地下畫畫, 又點會踩到anson啦!  :-|  :-|

hinhin咁醒, 咁快發現左有電筒喇, 之前有無玩過架? 係呢, 點解你比左2份禮物anson嘅? 果份禮物咁重, 唔拎到你斷"鞋跟".....你咪偷笑囉~        

尋日返到屋企, anson即時拆開花紙喇, d禮物多到...高過佢個人呀!     

尋日真係"law爆"呀!       我知你地一早係度笑緊我啦!  :tongue:  :tongue:

聽日我要帶多一條"板仔褲"返學校彩排呀!    

wing530

yi

係呀, 我去過長隆架, 自己去, 我唔鐘意跟團去玩架!     free 好多架!    

仔仔有得玩, 當然鐘意啦!     而家好似無左日間動物園喇, 改左水上樂園, 我睇報紙介紹, 超好玩啊~      夜間個show仲係度, 聽人講...話唔錯, 值得一去喎!    

wing530

all

尋日anson生日會外, 佢上午參加左"全港天平珠心算盃"比賽, 佢今次好叻仔呀, 3分鐘做左20條數, 得左優異獎呀~       

yi

wing530,
Which hotel did u stay? 冇動物？我想帶女女睇喎！
By the way, HAPPY BIRTHDAY TO ANSON!   

wing530

>yi
我上次住長隆酒店架, 買PACKAGE包早餐, 係白老虎餐廳食早餐, 邊睇白老虎邊食野, 唔錯架!      

SORRY呀, 我頭先問左老公, 原來日間動物園仲係度呀, 係無左夜間果個咋!      佢仲話...都幾多人去喎, 不過, 我地上次去, 我又覺得好....聊喎~   

多謝哂呀, ANSON唔覺唔覺又6歲喇, 真係過得好快喎, 有時仲覺得佢好大人咁呀~   

wing530

HINHNMOM

ANSON同我講, 佢都無錄影喎, 佢話.....佢9點返到去係遲到, D人已錄哂喎~     

hinhinmom

wing530,
你訓未呀? 唔記得打電話比你tim...

hinhinmom

wing530,
o米係law, 今日我忍唔住同老師講, 都唔只第一次係o甘啦!!      為左綵排, d學生同家長都好混亂呀!!! 希望學校會吸取教訓有所改善啦!!!

anson隻手指, 當然學校要佢地訓o係度畫畫有責任, 就算唔係要佢地訓係度畫, 我地一家都唔係好信, 小朋友除左鞋, 踏一鞋隻手會o甘law, 當然唔係一秒間發生啦!!! 仲有係第2日, anson都比呢個小朋友整到流血wor, 唔知學校有無留意架?!

個八達通套當然無玩過啦, 計計下佢都好多個喇套喇~     我送比anson個份禮物, 係要份一齊玩架, 事緣我見大個份好吸引, 但個售貨員同我講, 話入面無車仔架, 佢suggest我買埋第一盒細架law, c 就c 啦,斷鞋就斷鞋啦, 最多要你買過對新既比我~~     

件"law爆"事件, 我即刻同pinkpink & jaisy講左呀, 因為... 真係好搞笑ma,       , 仲有成班靚仔同你玩踢爆~~     

kcma, 等下啦, 要親口同你講先夠全神架~         

KCMAMA

all

今早由我老公送卓卓返學，因怕返工遲到所以大約 8:30就送左佢返去，卓卓話坐左好耐好無聊，其他同學仔又未返冇野玩喎....

hinhinmom,

聽你地咁講，攪到我鬼咁心急 tim    我諗一定好精彩   

我都覺得近排學校d通告有d混亂及通知得好急....

wing530

個八達通套係我忍唔住拆左，所以係我話比卓卓知有電筒


我昨晚又帶卓卓出去紅磡睇，e 個醫生好好架，雖然係兒科但我都係睇佢，睇左好十年有多，因為遠所以通常煩野先帶卓卓出去睇，個醫生話卓卓唔係哮喘 係氣管敏感，仲話醫生用詞要小心，唔好嚇壞d媽咪麻，我先放下心頭大石咋    個醫生仲同卓卓研究汽車款式，剩講車都講左 10分鐘 :wink: 好攪野囉

空氣清新機我近來都有睇，我仲問左醫生佢話有市場即有用喇 其實我問都多餘，佢成間診所都係e家野

你講果部大我應該知係邊部，但太貴囉 我應該會買 sharp ，之前上網參考過其他同家，都話有d幫助 ，但就未決定買邊款，一款 1980 但好大部，一款 2980 細部好多，功能差唔多

ballcat

唔好意思呀, 其實我想請教你地如果返下午班, 小朋友的起床時間同埋睡眠時間應該安排幾多點呢?

yi

wing530,
u say:"我地上次去, 我又我地上次去, 我又覺得好....聊喎  "
do u mean that 覺得好無聊  ？值得同小朋友去否？

sophyland

    多謝各位o既意見，我都睇得出老師開放日有用心做功夫，不過我先生係一個好緊張o既爸爸，我地一家人都想阿囝可以開開心心返幼稚園，唔想佢由細就開始咁多野做，同埋想老師可以留心到小朋友情況，然後話比我聽咁啦！

    另外我見到有小朋友比人踏到手指，腫左，我都明白小朋友有唔小心，但係自己見到真係肉都"尺"埋，咁老師有冇打電話同家長講點解﹖

hinhinmom

sophyland,
其實我地都唔係比左乜野意見o既, 只係張自己睇到既講返出黎乍, 唔使客氣~

實話實說啦, 我同wing530個仔, 都係由k2轉左過黎, 之前o係tko 某間私立幼稚園讀, 但功課多, k2開學某日已經有5 樣功課返黎, 加上校長極不負責任, 所以我地都唔介意已經交左上學期什費, 都要轉校.

自從佢地轉黎st andrew's  之後都好enjoy返學, 特別係剛轉黎既日子, 呢間學校功課唔算多, 但學校主張愉快學習, 講真, 真係比以前更吸收, 同埋更有興趣學習.

我都同你地甘諗, 幼稚園係小朋友o既學習開始, 當然要比佢開開心心返學, enjoy 校園生活!

比我最大既感覺, 就係校長, 老師, 同埋姐姐都極有愛心~

至於o個單比小朋友踏手指事件, 原來o個日老師發現後, 已經同校長講左, 亦要呢個小朋友向受害小朋友道歉, 但其實校方都可以加密留意下呢個小朋友架.

有小小事想分享.. 本身, 我都係一個working mother,  每日我都會湊左hinhin 返學後先返工, 每晚要7,8點先返到屋企.  近排我留意到hinhin 成日喊, 要我湊佢放學, 終於, 比我發現到點解會甘... 其實, wing530 本來都係working mother , 呢幾個月,  佢就轉左做full-time mother, 而佢個小朋友就同hinhin 係好friend o既, hinhin 見到anson每日都係媽咪湊放學, 原來佢都好想, 但又唔識表達, 所以成日喊住要我湊佢放學.

因為o甘, 我同老師講左, 我好欣賞老師o既處理方法, 老師有日, 叫左幾位同樣媽咪要返工o既小朋友, 一齊同hinhin分享, o個日起, hinhin雖然仲有想我湊佢放學, 但已經無同我"lau計"~~ 仲有次同我講, 叫我比心機返工搵錢tim~ 聽完hinhin o甘 講, 我好欣慰, 仲好欣賞學校o既處理方法呀~!~          

KCMAMA

hinhinmom

老師o既處理方法我都覺得好好呀    俾hinhin知道有其他同學仔o既媽咪都要返工，唔係只有佢特別d，卓卓米其中一個同hinhin一齊分享o既同學仔囉   

wing530

頭先我去買左部空氣清新機喇，試驗左報告你知

wing530

>all
有野攪錯呀! anson果日有錄影到happy bee呀!     今日佢無啦啦又提起, 原來佢有錄影, 不過, 佢話只錄左少少喎~   

>hinhinmom
你有咩要call我呀? 係咪去.....釣墨魚呀!       多謝你call埋我去玩呀, 玩得好開心呀! 不過, 成個人都散哂呀!    

學校都係開左3年, 我地都要比d時間佢改善, 希望將來愈做愈好, 我地而家嘅意見, 唔係白費架!    

另外, 你話....第2日, anson都比呢個小朋友整到流血wor, 唔知學校有無留意架?! 其實係.....先整到流血事件先, 第2日再踩到anson隻手指呀! 整到"人中位"流血, 果日放學, 老師已即時同我交代左喇, 呢個傷口唔算大, 幾日已好返喇!

我都知你地個個都有8達通套啦, 不過, 我見呢個....anson最鐘意玩, 咪一於整多個比你地玩下囉, hinhin同卓卓係咪好鐘意玩個電筒呀!    

果日"law爆"事件, 我比呢班靚仔...激 c 我呀!         瘀爆啦~         

乜hinhin睇到anson有我湊, 佢咁大反應呀! 真係唔好意思呀! 攪到你tim喎!     好彩我地選擇左間好學校, 有好老師幫你follow呀!      

wing530

>kcmama
你星期6咁早帶卓卓返學, 梗係無咩學生返到去啦, 通告話..9:15先返學麻~    一個人, 梗係好無聊啦!    

下~ 卓卓個八達通套....係你忍唔住....拆左!       係咪好好玩呀!    

你真攪笑喎, 氣管敏感同哮喘..有咩分別呀?   只不過有d家長聽到..哮喘就驚左, 不能接受現實姐! 所以, 有d醫生咪講係氣管敏感囉!   我早幾年都係開始氣管敏感, 而家慢慢己接受左係哮喘喇!     不過, 我只承認自己, 只係...輕微果隻囉~      我唸..卓卓都係有少少姐, 唔洗太擔心呀, 過幾年...保養得好, 大左會無事, 會斷尾架, 我聽好多人都係咁講, 不過, 年過30果時, 就要小心d喇, 唔好比佢"野"番起喇~

空氣清新機..我都無咩留意, 之前用緊果d, 都係千零, 2千蚊一部, 無咩大作用, 如果過萬蚊果d..又太貴!      你而家買果部, 會唔會太費架! 你睇下work唔work啦, 到時report比我地知啦~   

wing530

>ballcat
唔好意思呀, 我地全部小朋友都返上午班, 我自己都唔清楚小朋友的起床時間, 幾點係最好呀!     不過, 我自己覺得...係咪唔好咁早起身呢, 如果唔係, 到返學時間會"中"眼訓喎!    

>yi
我講野唔係咁清楚呀!    我覺得長隆晚間個show都幾好架, 聽講而家仲好tim, 小朋友會鐘意睇嘅!   我覺得聊, 係講日間動物園呀, 可能d show講普通話啦, 我又唔識聽, 所以, 我咪覺得好無聊囉!    

不過, 有個馴獸師表演, 我覺得幾刺激好睇, 因為隻野獸好惡, 唔係好聽話, 所以, 幾好睇架, 不過, 講番轉頭, 其實, 果時我都好驚架, 驚隻野獸跳出個籠架, 覺得果度d安全意識唔係好夠架~    不過, 我都係2年幾前去黎, 應該有改善掛!  

我覺得長隆都值得去架, 我上次plan3日2夜, 因為咁樣會"化算"d呀, 你知啦, 2日1夜都要2千蚊多d, 所以, 我plan玩多日, 咁樣咪抵d囉!    

我上次去長隆+祈福呀, 祈福間hotel都幾抵玩, 約3~4星度, hotel有個好大嘅水上樂園, 好o岩小朋友玩, 另外, 我就去左祈福有個農莊, 比anson騎馬仔, 餵野比小動物食, 我自己覺得...好過去日間動物園囉~