有關和小兒在學習和打機及電子媒體使用上的時間爭議

stanleypyk

October. 發表於 20-3-19 14:12
炒賣咁易搵到食就冇窮人。

一早對他講快錢唔易賺, 近來市場大波動, 但他的方向往住和市勢相反, 又或買的產品在期權市場有得賺也無成交, 最後要蝕賣, 每天都在埋怨個市不按佢常理升跌, 攪到他左一巴右一巴掌, 截至現在已輸返早前賺的錢, 睇怕好快見紅了。做父母只能勸他腳踏實地, 當然又是不啱他聽的說話。

October.

stanleypyk 發表於 20-3-25 19:06
一早對他講快錢唔易賺, 近來市場大波動, 但他的方向往住和市勢相反, 又或買的產品在期權市場有得賺也無成交 ...

不見棺材不掉淚， 早啲畀佢嘗試失敗嘅滋味未必不是好事， 你依家講咩佢都聽唔入耳， 唔係唯獨你仔咁， 好多年輕人都係咁，親子關系好既， 就陽奉陰違， 都係未必聽父母嗰套，你一係接受， 一係當冇咗個仔。

仔女大左，已經不是中小學生，他的人生他自己負責，隨他去吧。

stanleypyk

昨天阿仔晚上出廳又閒談了一段時間, 聽他說打工無用, 好似做乞丐受老板氣, 唔怪得做學生時唔讀書, 因為都無預到讀好書拿好成續去見工, 現在拿一點利是錢加上早前的一些兼職人工去短線炒賣, 說是致富的唯一方法, 現在對什麼都無興趣當然又是打機做成, 日日對住部機, 那有機會去接觸新的事物去產生興趣, 現在將計劃去找的工作又不想接觸人, 年青時又不肯結識多些朋友, 就算有都是機友, 至今交心的朋友一個也沒有。他計劃工作後儲了一些錢後便去炒賣, 期望一朝發達, 輸了又儲過再炒賣, 週而復始, 好在他知不會借貸炒賣。至於住屋問題,暫時要求他租屋住, 說到抽居屋, 他說抽居屋的人是低等無能力的人, 有能力也不會抽居屋, 即是日後有居屋抽到也不會開心,真是不明這種心態,講到自己好有骨氣咁! 但問終日掛住打機不事生產, 想投機炒賣也不去努力兼職賺錢儲多一些本金, 這又不怕人講。總之一句"又懒又貪玩不滿現實"累事!
剛巧我太太今午要送飯及陪同她的獨居姐姐去醫院覆診, 因為她的姐姐趺斷了腳行動不便, 我太太算是唯人能幫她的親人, 阿仔說不用幫都得啦, 如果要幫, 他日後要付租金去生活, 又唔見有親人幫, 襯此機會教訓了他, 他姨媽是受了傷要別人幫好正常, 阿仔有手有腳都要人幫值得嗎? 他即時收聲.....

S-Kwok

October. 發表於 20-3-25 21:37
不見棺材不掉淚， 早啲畀佢嘗試失敗嘅滋味未必不是好事， 你依家講咩佢都聽唔入耳， 唔係唯獨你仔咁， 好 ...

所以有時叫阿仔睇咩做咩，佢唔願做，我都只會拋下一句： 唔緊要，意見我已比咗，做與唔做都係你嘅選擇，只要你記得路同前途都係你嘅選擇就得喇。

有時真係會好無奈，上面嗰包說話，唔止講比佢聽，亦係講比自己聽，要自己放手

Jane1983

回覆 stanleypyk 的帖子

份工再「乞兒」，都有糧出，可以養活自己和家人，自力更生，有乜莊敬自強過自食其力？
居屋係低等和無能力的人住 —— 咁有倚巒和富匯豪庭，當然唔會揀居屋。但用搵幾多錢和住係邊去界定一個人係高等定低等，真係比較核突。

October.

S-Kwok 發表於 20-3-30 16:00
所以有時叫阿仔睇咩做咩，佢唔願做，我都只會拋下一句： 唔緊要，意見我已比咗，做與唔做都係你嘅選擇，只 ...

中小學生父母還可以管教下, 到佢地畢業後, 幾乖都好, 又點會聽父母只笛? 父母和仔女就真係要好似朋友咁相處, 父母既無奈係,有時會眼白白睇住佢地下懸崖行落去,都拉唔住佢地.

stanleypyk

以下文章正如阿仔現在的心態：
http://www.hkedcity.net/parent/page_528594e425b719a416160000
不過近年肯面對面溝通, 無論是贊同和反對, 都是好事！

MrBeast

stanleypyk 發表於 20-3-31 09:02
以下文章正如阿仔現在的心態：
http://www.hkedcity.net/parent/page_528594e425b719a416160000
不過近年肯 ...

其實大部分網友都是建議你let go, 咁自然你兒子就唔會覺得被批評約束。當然如你所說佢有手有腳，唔洗再幫，不過我會reiterate 唔好用責罵的語氣。
btw 你有想過佢不務正業、好食懶非的價值觀係邊度來，知道先有轉機

Jane1983

我地成長的時候，學習的價值觀就是 —— 職業無分貴賤，每個人努力工作，貢獻社會。用我百點熱，耀出千分光····

而家講起好似好老土，但呢d係大道理。會唔會係近10、20年，教育的重點轉咗去谷成績，家庭和學校都無講呢d價值觀？

S-Kwok

October. 發表於 20-3-30 21:36
中小學生父母還可以管教下, 到佢地畢業後, 幾乖都好, 又點會聽父母只笛? 父母和仔女就真係要好似朋友咁相處 ...

你講中了重點 ：父母既無奈係會眼白白睇住佢哋行落懸崖，即使你想拉住佢哋，佢哋都要拒之門外

Danielhk

MrBeast 發表於 20-3-31 09:33
其實大部分網友都是建議你let go, 咁自然你兒子就唔會覺得被批評約束。當然如你所說佢有手有腳，唔洗再幫， ...

很贊同你最後價值觀的疑問。
“孩子是父母的一面鏡子”。樓主可能不服氣，不認同。

但樓主文章中總透漏出一些“怨氣”

而他兒子言辭中也充滿“怨氣”

我不認為是巧合。

我前面也說過要開心，要微笑，要幽默，要讓自己不斷成長，不斷優秀，去影響自己子女。

哪怕你即將退休，哪怕你老態龍鍾，也要不斷成長，不斷學習。

stanleypyk

Danielhk 發表於 20-3-31 17:47
很贊同你最後價值觀的疑問。
“孩子是父母的一面鏡子”。樓主可能不服氣，不認同。

當一個青年已沉迷打機, 終日躲在房裏, 對什麼事物都充滿怨言, 也不願意溝通, 真不知如何用開心, 微笑, 幽默去影響自己子女 !

Danielhk

stanleypyk 發表於 20-3-31 21:44
當一個青年已沉迷打機, 終日躲在房裏, 對什麼事物都充滿怨言, 也不願意溝通, 真不知如何用開心, 微笑, 幽 ...

你可以試著把你這段話可以替換為，你兒子對未來的看法：


當一個青年打著一份乞丐工，終日看老板臉色，做什麼事物都低三下四，每月所剩無幾，真不知如何去生活，...

所以你看不到子女的轉機希望，他看不到生活的轉機希望。
你們兩人都未明白“more is different”

這是何其相似

little_yolky

stanleypyk 發表於 20-3-31 21:44
當一個青年已沉迷打機, 終日躲在房裏, 對什麼事物都充滿怨言, 也不願意溝通, 真不知如何用開心, 微笑, 幽 ...

網友不是說了？子女是我們的鏡子。你自己不改變，不要期望別人改變去迎合你的期望。然而，你已屆退休之年，不會改變了，就好好過你的餘生吧，他的人生由他自己負責好了。

stanleypyk

Danielhk 發表於 20-4-1 00:29
你可以試著把你這段話可以替換為，你兒子對未來的看法：

這是近數月所聽到他的心聲, 但6年前至去年什麼都不願溝通, 只是終日電玩封閉自己, 沒有溝通的方法, 只是現在有危機感才說出心中話, 現在青少年沒父母那代好, 社會動盪不安, 高樓價靠打工也負擔不了, 這是事實。如果要求最基本的生活, 肯去工作, 衣食住行也足夠的, 但要定一個目標, 要在短時間住私宅, 每月收入可買任何自己喜歡的東西, 工作付出半斤勞力, 要多於8兩收獲, 打工不會受老板氣, 真是理想的生活, 就算我那代也做不了, 我問他如果代入我現時的人生階段, 有著現時的經濟情況, 佢說會不快樂, 因為他認為最終返國內生活質素差, 不是他的選擇, 但我說我這一生活得快樂, 養活一家人, 有著自己的嗜好、朋友、親人相處融洽, 對社會有貢獻, 這便是人生。所以我勸他達不到理想生活, 不應放棄或只顧揾快錢, 要自我調節要求, 定得這麼高最只會跌進死胡同, 在他踏足社會初期, 在住房方面我們父母仍願意支援他, 只要他不是悠手好閒便好了, 暫時他仍不同意, 但溝通仍是好的。

stanleypyk

little_yolky 發表於 20-4-1 08:03
網友不是說了？子女是我們的鏡子。你自己不改變，不要期望別人改變去迎合你的期望。然而，你已屆退休之年 ...

其實我也不是改到他和父母相同, 只是對他的陋習加以勸改, 但發覺他無節制地打機, 功課也欠交, 當時真看不過眼加以限制, 如果當時不限打, 相信不是勉強升班, 留班的機會大得多！好不容易阿仔完成學業, 好在這6年關係雖然不太好, 但未至於決裂, 返而近來多談到雙方的變化, 反而溝通的渠道開通了, 儘管意見不同也是一件好事, 如果當時不理放棄他什麼也不管, 怕現在已變成全宅男, 也不會完成學業後打算去工作。

MrBeast

stanleypyk 發表於 20-4-1 08:34
這是近數月所聽到他的心聲, 但6年前至去年什麼都不願溝通, 只是終日電玩封閉自己, 沒有溝通的方法, 只是現 ...

佢不同意什麼？你住房支援佢

MrBeast

stanleypyk 發表於 20-3-31 21:44
當一個青年已沉迷打機, 終日躲在房裏, 對什麼事物都充滿怨言, 也不願意溝通, 真不知如何用開心, 微笑, 幽 ...

我做學生時影響我最深的一位老師就是以幽默風趣的溝通方式，當然我不是佢個仔，佢可以抽身，我相信只要你能放底，亦可以

stanleypyk

MrBeast 發表於 20-4-1 11:18
佢不同意什麼？你住房支援佢

寫錯了, 是不同意要自我調低自己的要求做乞兒, 至於租房住在頭一年會津貼一半租金, 待他工作穩定後便不再津貼, 如不工作就不津貼!

stanleypyk

MrBeast 發表於 20-4-1 11:24

近來肯溝通就好一點, 過往6年自我封閉, 怎幽默風趣也埋不到身 !