第一個登陸"協和小學家長分享"!Part 1

cherryma

skyyoyobebe 寫道:
各位:
救命呀、上次測驗英交46分、今次考試29分、上次測驗後已經去了旺角補習、即到我搬了居變為上門補習，考英交前補了11個鐘英文、點知都唔掂、現在我都唔知好咩好啦!

其實臨考前溫多啲係啱, 但平時都要keep住, 先至唔會突然下降. 妳小朋友幾年級呀?

cherryma

amycoco,

cherry原來真係未派中默, 不過今日派左英文: 92分, Listening: 96分, 我都好滿意      
俊欣派左未呀?

skyyoyobebe

唔係...我意思係話由上次測驗後開始都補左有3個月多，到今次考試我就轉為上門補習 ，只是上門補英文都用了11小時，支前去補習社都係補英文呀!
我小朋友讀小一，派了其他卷
英默:100分
英文聆 聽 :90分
英文卷:29分
中默:95分
中文聆聽:80分
數學:88分

tamannabel

skyyoyobebe 寫道:
唔係...我意思係話由上次測驗後開始都補左有3個月多，到今次考試我就轉為上門補習 ，只是上門補英文都用了11小時，支前去補習社都係補英文呀!
我小朋友讀小一，派了其他卷
英默:100分
英文聆 聽 :90分
英文卷:29分
中默:95分
中文聆聽:80分
數學:88分

咁你要針對番佢錯d咩!
係唔明白定不小心,
定係份卷過深...
定係佢唔鍾意補習,適得其反呢!   

skyyoyobebe

其實所有卷都係在堂上派，只係派給你睇，睇完就要比返老師，所以我都未睇個呀。

tamannabel

其他科測驗同考試都不派嗎?
咁唔使簽名咩!
整體上你小朋友都不錯,
但往往就是這一兩科,
就"攪和"左個平均分.
    

skyyoyobebe

我小朋友話遲D先派給你帶回家，現在派給你地在堂上睇分數，明天派中文卷及常識卷，我話今次一定無名次啦。
因為要全班考1-20名先有名次，全級1-100名先有名次。

amycoco

cherryma 寫道:
amycoco,

cherry原來真係未派中默, 不過今日派左英文: 92分, Listening: 96分, 我都好滿意      
俊欣派左未呀?

cherryma,

恭喜cherry考得咁好, 佢真係好叻, 有唔手妳擔心,    俊欣有cherry一半咁叻就好啦, 佢只係派左英中默書, 今日問佢音樂識唔識, 好話有d難, 真係有d擔心, 最難係唔知點樣同佢溫, 都好頭痛呀.     

cherryma

Good morning     

amycoco,

可能cherry有學琴, 現在又係學校學長笛, 所以容易啲睇譜同吹木童笛, 而且好鐘意唱歌, 所以音樂科一向難唔到佢. cherry話應該今日派中默. 琴日B班派左中文同數學添, 佢話佢都好心急想知成績   
俊欣琴日常識識唔識答, 啲課外題cherry問我我都唔識呀, 今次常識有8字頭我都已經滿足啦   

今晚佢重會係樂樂幼稚園攪嘅成果展裡表演, 佢吹長笛, 樂樂唱歌        希望佢地演出成功啦     

cherryma

skyyoyobebe 寫道:
我小朋友話遲D先派給你帶回家，現在派給你地在堂上睇分數，明天派中文卷及常識卷，我話今次一定無名次啦。
因為要全班考1-20名先有名次，全級1-100名先有名次。

妳仔仔係唔係上午班, 如果係的話考試卷係唔會派比家長簽名架, 想睇卷要同班主任申請再比校長批. 我試過三年級佢考得好差所以想睇卷, 亞女死都唔肯, 佢話好麻煩架, 又唔想比同學知有個咁煩嘅亞媽. 真係唔知佢地諗乜, 結果都無睇到     

skyyoyobebe

現在好鬼煩呀，今次一定無名次啦!
都唔知點介英文卷考到好差呀!
上次測驗後都去左補習社補英文啦!
最後也變為上門補英文，點知都唔掂!
今次死啦!

Bibi12

skyyoyobebe,

其實整睇嚟講, 你小朋友都唔係考得咁差, 只不過要考20名之內就真係"敏"水D, 回想我個仔讀一年班嗰陣時, 科科都9字頭, 平均分96.4  都係全班考11咋, 我仲唔覺意睇到另一個同學嘅成績表, 平均分比阿仔差小小, 己經考19, 所以競爭好大, 我諗考全級第一嗰個要科科100分先得啦!

cherryma

skyyoyobebe 寫道:
現在好鬼煩呀，今次一定無名次啦!
都唔知點介英文卷考到好差呀!
上次測驗後都去左補習社補英文啦!
最後也變為上門補英文，點知都唔掂!
今次死啦!

妳暫時重可以係下學期同二年級追返, 因為3年級先開始分精英班     

cherryma

Bibi12 寫道:
skyyoyobebe,

其實整睇嚟講, 你小朋友都唔係考得咁差, 只不過要考20名之內就真係"敏"水D, 回想我個仔讀一年班嗰陣時, 科科都9字頭, 平均分96.4  都係全班考11咋, 我仲唔覺意睇到另一個同學嘅成績表, 平均分比阿仔差小小, 己經考19, 所以競爭好大, 我諗考全級第一嗰個要科科100分先得啦!

3年級時我都睇過亞女果班(精英班)第一名平均分係99.xx, 所以如妳講真係競爭好大. 今年亞女升返精英班, 我都預左佢班名次一定好後, 所以我會叫佢睇全級名次正確啲     

cherryma

amycoco,

妳今日問下俊欣係唔係再考過中文聆聽, 因為5B班當日考時食帶, 所以聽左兩次, 跟住5B啲學生又揚左出黎. 結果第二班啲家長投訴, 所以今日全級重考, 亞女話老師話今次容易過上次, 佢就覺得重難, 估自己上次有9X分, 今次只得7X分. 校長同啲學生講, 今次問題已經解決, 叫家長唔好再打電話去投訴. 但係若亞女真係得7X分, 我一定send e-mail去比校長     

今日派左數學, 得87分, 不過係佢弱項, 我都有同佢講話佢已經考得好好, 但係佢話返到補習社一定比Miss鬧, 考得咁差      

Bibi12

cherryma,

真係攞胆, 要考99.xx先攞到第1名, 我諗一定要全部主科冇失誤, 只係一科術科失手得99分先至有99.xx

cherryma

Bibi12 寫道:
cherryma,

真係攞胆, 要考99.xx先攞到第1名, 我諗一定要全部主科冇失誤, 只係一科術科失手得99分先至有99.xx

係呀, 全級全班都係第一. 佢真係好叻架, 參加好多課外活動, 重要樣樣成績都唔差, 又唔係讀死書果隻, 生過咁嘅女, 真係恨死隔離       

Bibi12

你有冇留意有個topic叫協和vs陳守仁? 入面有個網友話佢個姨甥仔響協和讀到嘔白泡先入到精英班, 唔怪得我個仔入唔到啦! 原來佢仲未比我迫到呢個階段!  

skyyoyobebe

我小朋友今日派左中文卷啦，嘩得61分，佢話好多人都係6字頭，我問佢係唔係好深，佢話都有D深，及常識有81分，因為即到現在我都還未看過任何一份卷。今次我寫包單一定無名次...。

amycoco

cherryma 寫道:
Good morning     

amycoco,

可能cherry有學琴, 現在又係學校學長笛, 所以容易啲睇譜同吹木童笛, 而且好鐘意唱歌, 所以音樂科一向難唔到佢. cherry話應該今日派中默. 琴日B班派左中文同數學添, 佢話佢都好心急想知成績   
俊欣琴日常識識唔識答, 啲課外題cherry問我我都唔識呀, 今次常識有8字頭我都已經滿足啦   

今晚佢重會係樂樂幼稚園攪嘅成果展裡表演, 佢吹長笛, 樂樂唱歌        希望佢地演出成功啦     

cherryma,

基本俊欣唱歌同吹笛係冇問題, 但樂理佢就出現問題, 我都有叫佢學返音樂活動, 但係佢唔肯, 因為之前3年級學口風琴時候, 佢有一次遲左去上堂, 比老師話, 佢就怕左去上堂, 所以放棄左, 但我鼓勵佢學返, 希望成功去學.   

我問過佢常識課外活動題目唔多, 但係佢話識, 希望佢考得好好地. 同上次測驗都有8字頭就好, 基本上佢還有中文卷, 中作, 中文聆聽, 常識, 普通話及音樂卷未派, 其他都派左. 英文 :77分, listening : 88分, oral : 74分, 最開心數學佢有69分, 佢合格佢自己都好開心同時佢自己好有成功感, 希望佢保持落去.   

琴晚樂樂同cherry表演如何??? 順利嗎????