比華利幼兒園.

littleeva

我想問下您地而家小朋友訓緊bb床 or 小童床.
因我想幫仔仔轉小童床

IRON

hi littleeva,

我仔仔兩個月時已同我訓, 趕左爹地去隔離房, 呵. 人地話咁細個同大人訓好危險, 不過我就覺得個關係密切左, 所以仔仔好痴我, 張bb床用左兩個月就無用真係浪費, 家下唯有收起留返比d姨甥; 不過聽講兩歲就應該換小童床, 因為會妨礙bb發展.

係呢如果我地仔仔係"比"讀n1, 係咪就會直升k1, 唔駛比留位費架??

hktt

hi littleeva,

係囡囡大概四個月大時已和我一齊訓一張床，老公就訓隔離房。不過 e + 搬左囡囡就自已同工人一間房，但有時我都會比籍口自已同囡囡訓，始終都怕姐姐唔醒訓，囡囡好反訓嫁!

係呢我都想知我地d小朋友要唔要比留位費呢?

littleeva

Hi Iron & hktt


我仔自出世都係訓bb床同工人姐姐一間房. 而家我覺得佢唔夠訓, 想換張床比佢.


我今天放假.去接子軒放學.  iron 我應該見到您. 見您和一個婆婆好好傾, 不便騷擾. 後來見您湊完仔仔就急急腳走了. 未能和您打個招呼tim.  希望下次有機會.  

hktt  您囡今天有冇返學, 我唔見您個工人?

昨天見到中秋節仔仔在學校d 相, 哇原來d 同學個個都咁高大tim.  我仔指住 "詩詩" 話比我知 e 個就係 "詩詩"
另外有個 大大眼好靚囡的小女孩. 其他男仔就好高大.  
我仔話仲鐘意同"希希"玩 係男仔. iron 唔知您仔叫什麼名呢 ? 會否是他.

hktt

littleeva,

放假都唔約埋我地呀?一齊蛇呀嗎。

係呀囡囡琴日有d咳同流算水，咪唔比佢返學law，費事傳比同學仔。

你有無要生日會d相呀?雖然只是幾幅，沒有全班一齊映的，但都已發現同囡囡一齊生日果個男同學已很高很高，重好似高過子軒 tim。有幾幅相都有子軒，我諗先生係安排邊個同邊個係好朋友就一齊映相啦。

IRON

hi littleeva,

應該係我啦, 我排係頭位, 咁都唔叫我架. >.< 個婆婆日日都見, 佢11點半就到因為無野做, 見到我就係咁傾. 湊完急急腳閃係因為架車得半個鐘出閘唔駛比$$(係咪好師奶, 呵)

我仔邊有咁叻同小朋友咁好玩, 仲成日拖住何主任, 唔喊就偷笑啦, 嘻. 佢叫HUGO 黃傲楊. 下次一早call定我地去tea呀!

IRON

hi hktt,

妳女女幾月架?? 而家有幾cm??重呢??

littleeva, 我見妳講過妳仔仔5月尾係咪?? 佢又幾cm呀??重呢??

我仔仔高92cm, 重30磅, 7月頭, 算唔算矮呀??

littleeva

hktt
您囡好番末呀？　天氣涼了．如太冬返學可以比長褲佢著．

我想問下生日相是否您自己去選. OR 何主任幫您晒. 我什麼也不知. 只知有一收條話收晒相錢. 21元. 前兩天就收到  7張 相. 不過是中秋節相.  我想問有子軒果D相可否星期日帶給我睇睇. 唔該晒. 我想睇下同唔同我手上果D.


IRON 係呀我好想同您SAY HELLO 不過見您傾計.

下次約埋一齊接放學去TEA. 最好星期五. 因為星期六不用返學, 小朋友遲D午睡都冇問題.

我諗幼稚園不用留位. 佢地應該會通知我地. 不用怕,實有位. 又唔係D咩名校. 我諗佢地怕我地唔讀就真.

IRON 我仔都係 30-31 LBS. 91CM , 您仔又點會算矮呀!
<您咁高.唔使怕)
我諗是我地班D同學高 OR 他們比我地D仔仔囡囡大.

hktt

IRON,

我個囡高80幾 cm (好矮呢?似呀媽我) ，重29-30 lbs (好重，又似呀媽我)，佢係八月尾出世的。

hktt

littleeva,

都重係有d咳同鼻水 law，都唔知幾時好，今日都無返學呀。

d相係何主任同我簡嫁，佢話我地d返工的媽咪唔得閒咪幫我地簡 law。

可能中秋節我囡無返學，所以無相啦。至於生日d相，你無係可能我囡係其中一個主角，所以有相瓜。

星期日帶比你睇吓生日會d相呀，你又可否帶中秋節d相給我囡囡一看呢?果日真係好可惜呀囡囡無得參加中秋節 party，唔緊要有相比佢睇吓已足夠啦。

littleeva

hktt

好呀交換睇下. 都好開心.

IRON

hi hktt,

女仔唔駛咁高架, 我都想矮d因為我同我老公一樣高, 高少少既鞋都唔著得. >.< 希望妳女女快d好返一齊tea呀. *_*

IRON

hi littleeva,

妳放假唔係紅色架?? 星期五都可以?? 咁等hktt女女好返就約啦. 記住下次見到一定要叫我.

今日輪到爹地打去搵何主任, 佢話仔仔開始適應進入第二階段, 佢竟然自己去叫"michelle", 不過只係叫到mi, 但係咁主動真係好少可, (因為我同老公講過妳仔仔返黎講既野), 我老公即時好開心; 何主任仲話佢上英文堂時特別留心, 音樂堂又識跟住口郁郁同動作, 當然唔知佢唱乜, 不過我地聽左已經開心左成個下午, 如果好似妳仔仔咁叻時我諗我地實"抱頭痛哭"! 哈哈哈. #_#

littleeva & hktt,
我都係咁諗, 學校預左我地仔仔讀完n1就k1卦. 睇"將軍澳open day" d媽咪成日將德寶同比華利拉埋一齊講既, 又話考唔到德先諗比, 當比係後備喎, 妳地又點睇丫??

hktt

IRON,

我就無 littleeva 咁好啦，老細成日唔係公司，所以有時想蛇都唔係咁易，如果你地就倒唔好等我啦!

果時無睇過德寶 (只知學費好貴)，依家就更無興趣啦，都無諗過要讀德寶，所以 no comments。

littleeva

hi hktt & iron

我覺得"比" 和 "德" 都係差唔多.   連校服書包都係一色一樣. 而創校歷史 就 "比" 耐過 "德" .  所以"德" 當然是新d啦. 有d 人話佢地係姐妹學校, anyway, "德" 我就好似遠少少.
而且佢近 mtr 會多d人報. 反而 "比" 交通冇咁方便 相對就少人報 啦.  我覺得仲好, 細班好過大班. 師生比例少d 會對小朋友好 dd 啦.  當然如果我住近"德" 我會報它. 此終都係方便自己為主要條件.

您地有冇睇"陸慶濤小學05年變直資一條龍" 都時 tko 又多一間好學校啦.   小學就 10,000 / 年, 中學就 20,000/ 年.

littleeva

iron & hktt

出來tea 我就要請半天假. 所以要早d約定 .  我放紅色假. 不過還有好多大假未放.

IRON

hi hktt & littleeva,

我仔仔終於病左啦, 有少少咳少少"乞痴", 重有鼻水tim, 之前佢好少病, d朋友話一返學就會多病架啦, 真係! 不過以前佢都係有發燒先, 我地即刻同佢睇醫生, 但今次佢無發燒, 我諗係咪應該比佢自己同細菌打下仗先呢?? 如果次次都靠食藥係咪自身抵抗力會差?? 唔知我諗法岩唔岩?? 請妳地指教.

hktt,
妳係咪搵車?? 前兩日我老公話宿舍停車場有部車貼紙要賣58000(三菱), 個車主佢都識, 我離遠睇墨綠色都幾大架, 妳有無興趣?? 我地架日產prairie好大咬, 成1.4一公里, 千奇唔好買, 呵呵.

littleeva,
我諗住仔仔如果讀得掂呢間就直上啦, 費事嚇親佢又要適應第二間; 小學我見王余家潔都好似幾好, 先前我諗過優才, 但有個媽咪又話好唔掂, 好多問題學生, 佢女想轉校又無人收要重讀p1, 哎, 真係比人講到1516.

Wingsum

hi everybody,

剛先睇到呢個topic, 我女都是讀比華利n1的, 你地是否住Hong Sing ga?

IRON

hi  Wingsum,

我唔係, 不過都好近, 楂車五分鐘就到. 妳女女叫咩名呀??妳係咪自己接放學?? 如有下次見到我打個招呼丫. *_^ 我通常都係排頭位既.

IRON

凌晨仔仔發燒102度, 食退燒藥同沖個溫水涼後降返99.4度.晨早走去睇醫生. 醫生話有一半可能係尋日支流感針反應(尋日打埋后半支), 真係嚇餐死, 爹地話聽日唔返學佢幾鬼開心, 真激死, 嘿.