富安威寶的家長, 入黎交流吓啦

giann728

ktmama,
你會唔會早到呀??  可能會見到喎，我以為係跟姓氏排添，點知你地仲遲過我地﹗

我女女剩係同我講d小朋友扮左咩，心怡扮毛婆、博文扮火車頭..我唔記得邊個又係扮南瓜﹗  你仔仔究竟扮咩呀??  我問我女女，佢可能唔識講，諗左一陣就拉開話題話miss wong同佢地化妝，miss wong戴頭cool，佢地扮鬼『嘩』miss wong喎﹗

今年好似真係好少影相，返左差唔多三個月學，一張相都無﹗

ktmama

Hi, Giann728
我要睇情況, 要等婆婆黎到我先可以出黎.  所以可能只喺早到少少.

我仔仔喺嘜都無扮到 gar, 只喺著咗件有 devil 印花既衫. 無辦法, 佢唔鐘意扮嘢    , 見到其他小朋友扮到好得意, 真喺有 d 羡慕呀, 所以我決定明年要強迫佢扮先得.

嗰日 ms wong 問佢 : 你扮嘜呀?  亞仔答佢 : 我嘜都無扮到 , 你話仔仔幾老實. 真喺俾佢笑死.

喺呀, ms wong 自己都戴咗頭 cool扮 "鬼" 呀. ms wong 仲幫佢哋畫面添.

你女女嗰日應該見到我呀, 因為嗰朝我喺班房同 ms wong　傾吓仔仔 d 嘢麻. 你女女好乖呀, 一返到學校就坐喺自己個位度.

喺呀, 我都覺得今年影少咗好多相, 但可能因為幼稚園太多班, 所以老師無法兼顧到.

giann728

ktmama,
原來你仔仔無扮野，唔怪得我女女講唔出啦﹗

你同miss wong傾計，有無咩突別野講左呀??  又有無同校長傾傾呀??

我發覺佢地本功課有少少問題，尋日米寫個7字既，我覺得7字個位太闊，我女女以為係油顏色，將所有7字油晒，都唔係跟筆序寫，同佢講，佢又話係油顏色，係唔都肯聽我講，激死我﹗  我覺得會唔會用虛線跟住寫好d呢??  我諗都要同miss wong傾傾，叫佢教吓我女女做一次先得啦﹗

ktmama

Hi, Giann728
其實都喺同 ms wong 傾吓仔仔喺班度點樣. 因為仔仔好怕羞, 想知道佢喺學校會唔會主動同 d 同學玩同傾計囉. 好彩 ms wong 話佢都好鐘意同同學玩, 咁我都放心 d lu

喺呀, 所以我咪攞支粗身 d o既蠟筆同仔仔寫囉. 一路提佢要點寫. 不過如果真喺虛線會好 d, d 小朋友會易跟.

喺喎, 今朝仔仔又同我講話要睇報紙, 剪 d 關於警察同消防員 即資料, 結果攪到即刻要同佢一齊搵, 你女女有無同你講呀   , 唔知真唔真呢? 等佢放返黎睇吓老師有無收起 d 剪報先. 到時再話你知真定假啦.

ktmama

HI, GIANN728
原來喺真 gar, 亞仔今日帶返去 d 剪 報俾收師收起咗 lu. 我問佢有無同學無帶呀? 佢話無喎, 個個都有帶, 真喺個個都抵鍚  

好快聽日又星期五啦.  我今日同仔仔講如果佢乖乖的話, 星期日就帶佢去海洋公園, 佢好開心呀, 因為未去過o麻   , 仲猛問我坐咩車去, 有咩睇添. 到時真喺要同佢影多 d 相先得.  

giann728

ktmama,
你仔仔好叻呀，我女女無叫我同佢剪報紙，我尋晚問佢有無野要攞翻學校，佢先講要剪報紙﹗  不過，佢就話得你仔仔一個有帶，全部小朋友都無喎﹗

嘩，好開心呀，去海洋公園，仲要開始秋涼，無咁熱﹗  你地玩得開心d啦﹗  我就應承女女星期六朝同佢去對面個單車歷奇場踩單車，我都係無去過架，唔知啱唔啱佢玩呢??!!

尋日又收到一疊課外活動通告，你會唔會同仔仔報名呀??  唔知點解我女女學緊果d無得繼續報名，又要打電話翻學校問吓啦﹗

ktmama

HI, GIANN728
傻豬居然講大話, 真喺要 .   

喺呀, 見呢幾日天氣開始涼返 d, 應該唔會太熱, 所以咪同佢去囉.  佢好開心呀, 因為未去過o麻.

踩單車都幾好喎, 應該 ok 既, 可以一路踩, 一路睇吓 d 風景, 都幾好呀

我想同仔仔報跆拳道, 但佢話要學跳舞,  攪到我都 15/16, 或者二樣都同佢報晒.

今朝睇報紙話明年 9 月前入讀幼稚園的學生, 無論喺非牟利定牟利幼稚園都好, 都會有資助. 暫時都算喺一個好消息.  

giann728

ktmama,
你仔仔咁叻你仲 佢﹗     

你仔仔鐘意，就同你仔仔報晒兩樣興趣班啦﹗佢地返到去玩得好開心架﹗  我工人話次次同女女翻去，女女都好開心﹗我女女學左3堂體操，已經學識拱橋，仲日日響屋企做比我地睇﹗ 我今朝打左翻學校問，原來我女女學緊果d會有得繼續架，會遲少少先再派通告喎，因為佢學緊果d係為期10星期，尋日報果d係8星期架咋，即係仲有其他興趣班陸續有來﹗

係呀，有得資助真係一個好消息，希望真係會實行啦﹗

ktmama

Hi, Giann728
咁都好喎, 因為佢依家開始成日唔瞓覺, 所以俾佢去玩吓學吓嘢都好. 好過佢日日喺屋企玩車車.

giann728

ktmama,
點呀??  尋日去海洋公園好唔好玩呀??  仔仔一定好開心，係唔係呀??

ktmama

Hi, Giann728
喺呀, 仔仔玩得好開心呀. 之前果晚已經話心情好緊張喎. 到咗琴日, 見佢心情好興奮. 到步後同佢喺海洋公園門口影咗 d 相.  個傻豬喺兒童王國玩到唔捨得走.

跟住同佢坐吊車過去另一邊睇嘢, 但佢去到水母館就驚驚話要走, 因為好黑呀. 不過如果去水母館真喺要小心, 因為有好多鏡, 好易撞親 gar.  到咗鯊魚館就唔肯入去, 入到去直情喊喊添, 原因又喺因為暗喎, 真喺 :tongue:   

giann728

Ktmama,
   仔仔開心就好啦﹗  我女女都無有怕既，佢未試過話唔肯入呢d館架﹗  係呀，水母館好多鏡，我都撞過埋去﹗     

學校25號去旅行，你地會唔會參加呀??

chan04

我個女讀n1, 返左幾日學, 今日弟一日自己坐校車返學, 勁喊, 唔知幾時先會好d, 25號個旅行要返工, 可能去唔到, 但又好想同阿女去玩吓, 你地知唔知多唔多呢d親子活動架? 見你地既post, 都覺得呢間學校好似好開心咁.老師叫我幫阿女改英文名, 好頭痛! 你地係唔係一早幫d仔女改晒名架啦.

ktmama

HI, GIANN728
會呀, 我會同仔仔去呀. 因為未去過, 等佢見識多 D 大自然o既嘢都好. 你呢, 咁你去唔去呀?

學校下星期開始換校服啦, 今日搵番仔仔對黑鞋出黎睇吓, 已經唔啱著 LU. 所以又同佢買咗對新o既. 小朋友 d 腳真喺大得好快.  

ktmama

HI, Chan04
我諗佢哋可能每年只去一次親子大旅行, 因為上年去咗音樂農莊之後就無再舉行 lu, 而今年就去濕地公園. 不過佢哋都有其他的親子活動俾小朋友返學校玩.

你女女依家幾大呀? 是返全日定半日呀? 習慣嗎?  佢喺咪由工人姐姐湊 gar.  講真, 如果佢未習慣返學而你又要佢開始坐校車的話, 佢會好驚 gar.  因為佢始終仲細, 如果仲未習慣要返學面向一班自己唔識的人已經好驚, 而跟住又開始要坐校車, 心理壓力會好大 gar.  

Sorry, 好似問你好多問題, 如果情況容許的話, 最好等佢習慣咗返學先, 跟住俾佢放學時坐校車, 大約二個星期後先俾佢全程坐校車放學同放學. 咁對你女女應該會好 d.

呢個方法喺 ms chow 教我 gar, 因為我本身喺自己湊仔仔, 而開學初期佢又好唔習慣我唔喺佢身邊, 所以我等到下學期才按排佢搭校車, 效果都好好.

chan04

HI, Ktmama
因為我個女返學冇喊過同埋日日都唔想放學, 所以ms chow話比佢試吓坐校車, 今日上車o個陣勁cry, 後ms chow同我講番話佢返到學校就冇喊, 好似平時咁, 都幾開心, 但一放學就要拉埋ms chow一齊坐校車, 咁ms chow一走佢又cry, 所以有個嬏嬏安撫佢, 後來落車見到姐姐先再cry, 但好快就冇事, 唔知試多幾日會唔會好d.
我個女返半日班, 剛剛2yrs, 姐姐湊佢架, 你仔仔係唔係都係返n1先架, 你覺得你個仔仔返學後有乜野變化呀? 而家佢幾多歲呀?

ktmama

Hi, Chan04
會 gar, 起初佢唔習慣, 習慣後就會無事 gar, 而且有嬸嬸睇住佢, 好快會好事 lu.  不過或者你都同佢講, 叫佢喺車程度留意吓見到 d 嘜嘢既情物, 而後返去話你知, 分開吓佢既注意力.

我個仔仔上年都讀 nursery 時都喺 ms chow 做班主任, 仔仔好鐘意佢, 成日喺屋企玩時都會提住佢 gar. 佢好細心, 好有耐性同愛心, 所以好多小朋友都好鐘意佢.

講真返 nursery 真喺可以學到好多嘢. 最基本o既洗面刷牙, 著衫褲鞋襪都會教到. 亦都會學到一 d 簡單英文字, 中文字, 數學同一d常識, 所以真喺幾好.

我個仔仔今年讀緊 k1, 未夠四歲. 我覺得讀咗 nursery 先再讀 k1 會容易 d 適應和吸收得好 d. 因為佢哋之前已經有基本認識麻.  

giann728

ktmama,
我都會同女女去旅行呀﹗  上年我地無去到，所以今年想去翻﹗ 我想問係唔係要著學校運動服去呀??  因為通告就咁寫運動服，我唔知係普通定係學校既﹗ 我工人又唔知左女女個學校名牌(成日唔見野)，你知唔知有無得補領架??

係呀，天氣都涼涼地，真係可以換季﹗  我女女既冬季校服仲好啱身呀，所以全部唔駛買，慳唔少﹗   

giann728

Hi Chan04,
你女女好叻啦，我女女就咁翻學都喊足個幾月，跟住唔喊之後開始要佢坐校車，又一上車就喊，真係差唔多攪左兩個月先開開心心肯返學咋﹗  

我女女上年就ms yu教，佢都好細心架，幫左我女女唔少﹗  其實響過去果一年，佢幫我輔導左女女好多次﹗  首先就係開學啦，喊到死去活來﹗  跟住去到差唔多聖誕，有個小朋友唔小心整到我女女，其實都幾重手，我女女成塊面花晒，跟住我女女成兩個星期都唔敢返學，話驚呢個小朋友，又係ms. yu幫我同佢傾計，同佢解釋，最後佢仲同果個小朋友做左好朋友...其實仲有好多好多，真係講唔晒﹗

ktmama

Hi, Giann728
要著運動服去 gar, 不過上年我都有見仔仔有個同班同學無著, 只喺著咗便服.  但佢哋套冬季校服有 fleece, 所以都好暖, 所以最好帶定套薄身 d 既長衫長褲去, 等到時如果真喺太熱都好可以佢哋換o麻.

我都喺呀, 仔仔 d 校服同運動服啱啱好, 可以著埋今季, 不過下年就要買新 lu.

名牌可以補領 gar.

今日有得借書呀, 唔知仔仔會借咩書俾我睇呢?