06年小一新生家長

wyl

我個囡拎咗敲擊樂套KIT返嚟, 重到我都拎唔起咁濟, 鐵片琴加鐵腳架 雖然說上堂時不用帶腳架, 但真係好重, 都唔知點拎

szema

我今日都見有小朋友拎住一個長方形嘅袋，應該係敲擊樂套KIT，我見陸主任幫佢攞落嚟都好似好辛苦噤！    件樂器size都唔細噃！小朋友點攞上校車呀   

apricot

Hi szema,

szema 寫道:

今天接小女放學，見她背著千斤重的書包+一個差不多有佢噤高嘅大提琴....

Your daughter is already quite tall, cannot imagine for those "small-sized" girls...

..另外見到一D學完樂器嘅學生企在學校更亭前等校車，唔知要等到幾點呢 ?? 因為我哋走嘅時候已經差不多4:10分喇！

I think they'll join the kindergarten school bus which release at 4:30.

TWMa

szema, Boris:
發覺個琴袋好似仲重過大提琴!
琴袋兩條揹帶要用 d 技巧校短d, 令到個琴袋背上身可貼住背脊, 唔會向後墜, 對小朋友個背脊會好 d.
琴晚我先生校好揹帶之後, 要阿囡背住四圍行俾佢睇下, 望住阿囡背面, 結果好似見到一把生著兩隻腳的大提琴 (小腿以上全部遮哂)

szema

TWMa,

本來想話幫佢扣好條揹帶，但阿女死都唔肯揹，話拎住好D喎，佢話「揹住個書包仲點揹個大提琴啊，媽咪？」，噤又係喎！   

而家諗緊點樣可以減輕個書包嘅重量(at least on every Tue)？   

TWMa

昨天, 阿囡話佢被老師選為 "派簿長" (全部的同學都有一個職務), 我話 "咁好哇", 佢就答我 "一 d 都唔好, 搞到我小息冇時間出去散步、食嘢、去廁所..."
原來事關佢仲未熟所有同學的名 (我懷疑簿上面寫既名或者座號, 佢都未搞得清楚), 所以派得好慢, 結果, 佢用了三個小息時間派簿. 佢仲話, 最後好多同學都過來幫佢手 (都唔知係唔係因為等得太耐 ), 終於派哂.
我同佢講, 咁你都幾受同學仔歡迎啦, 咁多人過來幫你手. 佢聽完說 "我同我既食物一樣受歡迎?!" 俾佢笑死.
今朝佢早餐食得唔多, 我同佢講, 返到學校如果覺得肚餓就食 d 嘢先啦, 佢竟然話 "返到學校可能已經有d簿等緊我派勒, 我要派完 d 簿先架"

TWMa

Miss Yu 在電話裡向我們順帶一提，謂有人向她報告小女和她的一個好朋友常常在小息時在學校洗手間玩水 。

Miss Yu 說不知道那個「小女的好朋友」是誰。不知是否你的囡囡呢...？難道「散步」的其中一項內容是玩水，還是他們只是洗手洗得比較耐/乾淨？  

Boris:
"好朋友" 果然是我囡, 佢仲反問我 "你點知架?"   
昨天阿囡仲話我知, 佢哋既散步範圍擴大咗, 可以去埋樓下有蓋操場同花圃, 唔知係唔係驚佢哋玩到忘形, Miss Yu 提佢哋最好戴錶.

Boris

TWMa:

TWMa 寫道:

"好朋友" 果然是我囡, 佢仲反問我 "你點知架?"   

講到爽爽的"好朋友"，我第一個估的就是你囡囡了！

昨天阿囡仲話我知, 佢哋既散步範圍擴大咗, 可以去埋樓下有蓋操場同花圃, 唔知係唔係驚佢哋玩到忘形, Miss Yu 提佢哋最好戴錶.

爽爽上星期也有講，於是我們在星期日給她買了一隻手錶。不過她似乎還未太掌握閱讀時間（真慚愧 ），有時還把手錶倒轉戴 :...

講起買手錶，爽爽還真搞笑。她原本已選好了一款手錶，我們怎樣勸說或給其他款她去試她也忠心不二。後來我太太看到另一款爽爽沒那麼喜歡的手錶的包裝後，口多說了一句「那款手錶的包裝盒內還附送兒童化粧品」。爽爽聽了後立即變節，硬說「比較」喜歡那款手錶。我們對她說她是來買手錶的，不是買手錶的包裝盒或者附送的贈品。她不依，我們勸說了一會及答應另外帶她去替媽媽選購化粧品，她才選回自己本來喜歡的那隻手錶。真被她氣壞！

Boris

TWMa:

TWMa 寫道:
昨天, 阿囡話佢被老師選為 "派簿長" (全部的同學都有一個職務), 我話 "咁好哇", 佢就答我 "一 d 都唔好, 搞到我小息冇時間出去散步、食嘢、去廁所..."

不知是否屬實。爽爽說只有乖的同學才有機會被老師安排職務，所以你囡囡一定上堂很乖吧。

爽爽說她有一次上堂安靜和乖，於是被老師安排負責在一個短時間維持稟室秩序。我問她她要做什麼。她說沒什麼，只是站在課室做一個動作... 就是... 如果有同學仔不安靜或者互相談話，她便要豎起手指在嘴前，然後 Shhhhh....。 :

今朝佢早餐食得唔多, 我同佢講, 返到學校如果覺得肚餓就食 d 嘢先啦, 佢竟然話 "返到學校可能已經有d簿等緊我派勒, 我要派完 d 簿先架"

爽爽如果能像你囡囡這麼有責任感，我真係開心到飛起呀！

Boris

szema, TWMa:

szema 寫道:

本來想話幫佢扣好條揹帶，但阿女死都唔肯揹，話拎住好D喎，佢話「揹住個書包仲點揹個大提琴啊，媽咪？」，噤又係喎！   

而家諗緊點樣可以減輕個書包嘅重量(at least on every Tue)？   

我同太太傾過... 決定幫囡囡換一個較輕的書包。現時的chiropak書包雖然能護背但似乎比較重。又或者，買一個輕便手挽袋給她，將書包的部份東西(重量)轉到手挽袋，但我們擔心拿大提琴的日子她沒有手拿這麼多東西，就算拿到她很大可能會遺留其中一件在學校。

TWMa

Boris:
原來爽爽都係派簿長 . 阿囡派簿的速度真係一日千里, 由原本用三次小息時間, 到依家每節小息都有得玩!
發現 "有得玩" 始終係佢哋最大的動力, 自從佢做咗派簿長之後, 每日同我報告的第一件事就係--- 今日有幾多節小息可以玩.
呢排爽爽有冇同你哋開家庭會議啊? 上星期六的講座, 我和先生只可以其中一人出席, 我想先生出席, 由我湊女同埋送佢去興趣班, 但先生覺得平時都係我湊佢, 聽小一家長挑戰應該我出席. 阿女聽完我哋的對話, 即刻攞出紙筆, 話開討論會決定.  
我見佢哋係學校時不時都會有呢d "會議" 俾佢哋發表意見, 用來訂立規則或表決事項, 十分好啊  

TWMa

不知是否屬實。爽爽說只有乖的同學才有機會被老師安排職務，所以你囡囡一定上堂很乖吧。

係咩? 但係我囡前兩日先同我講爽爽都係派簿長喎.

Boris

TWMa, szema:

TWMa 寫道:

發覺個琴袋好似仲重過大提琴!
琴袋兩條揹帶要用 d 技巧校短d, 令到個琴袋背上身可貼住背脊, 唔會向後墜, 對小朋友個背脊會好 d.
琴晚我先生校好揹帶之後, 要阿囡背住四圍行俾佢睇下, 望住阿囡背面, 結果好似見到一把生著兩隻腳的大提琴 (小腿以上全部遮哂)

囡囡終於正式學大提琴了！上星期那一堂不算，因為只是介紹大提琴各部份的名稱。昨天則正式學拉奏了。昨晚看著爽爽一臉認真地拉著空弦，C、E、F、A 一條一條順著次序地拉 (似乎現時只學習拉弦未學習推弦），一次一次地重覆著。我也覺得有點興奮！後來我更跟她玩大提琴的「默書」，即是我說出 C、E、F、A 其中一個音，她要盡快拉弦奏出那個音... 我們兩父女也覺得很好玩！

Boris

TWMa 寫道:
[quote]不知是否屬實。爽爽說只有乖的同學才有機會被老師安排職務，所以你囡囡一定上堂很乖吧。

係咩? 但係我囡前兩日先同我講爽爽都係派簿長喎.[/quote]
呢個真係唔知，爽爽返屋企無 report 過我知喎！

TWMa

Boris 寫道:
我同太太傾過... 決定幫囡囡換一個較輕的書包。現時的chiropak書包雖然能護背但似乎比較重。又或者，買一個輕便手挽袋給她，將書包的部份東西(重量)轉到手挽袋，但我們擔心拿大提琴的日子她沒有手拿這麼多東西，就算拿到她很大可能會遺留其中一件在學校。

Boris:
佢哋已經論盡兼 lao gao, 多個手挽袋唔係好主意喎
Zeven 夠大, 又輕d, 雖然貴, 但我打算用3年 , 都買得過

szema

昨天接阿女放學時已經唔見有老師幫佢哋手喇 ，佢哋要自己拎住啲嘢搭"笠"落嚟 (好彩佢只係攞個琴咋)！

Boris, 唔知SPI 會唔會輕過chiropak呢？我囡囡用緊SPI (oxford)，佢話都揹得幾舒服喎！另外我會將水樽+茶點+餐具放喺茶點袋度，等個書包冇噤重。不過如果當日要學大提琴，我諗真係唔好分噤多袋！

Boris 寫道:

我同太太傾過... 決定幫囡囡換一個較輕的書包。現時的chiropak書包雖然能護背但似乎比較重。又或者，買一個輕便手挽袋給她，將書包的部份東西(重量)轉到手挽袋，但我們擔心拿大提琴的日子她沒有手拿這麼多東西，就算拿到她很大可能會遺留其中一件在學校。

TWMa

Hi, szema:
知唔知琴日手冊上 10/4 Quiz - Spell Gram Unit 1 包括哪些字? 阿囡話只是其中一個 Page (將d words 分類--- animal、things、people 果版)

Boris

TWMa 寫道:

佢哋已經論盡兼 lao gao, 多個手挽袋唔係好主意喎
Zeven 夠大, 又輕d, 雖然貴, 但我打算用3年 , 都買得過

其實在暑假期間我們都有考慮過 Zeven。不過當時比較遲，我們行o左幾間，適合P.1的只得返一款，我地覺得麻麻地所以無揀。不過現在看來... 唔想爽爽辛苦，似乎都唔理得咁多，如果仲有得賣都照殺...

Boris

szema:

szema 寫道:

Boris, 唔知SPI 會唔會輕過chiropak呢？我囡囡用緊SPI (oxford)，佢話都揹得幾舒服喎！另外我會將水樽+茶點+餐具放喺茶點袋度，等個書包冇噤重。不過如果當日要學大提琴，我諗真係唔好分噤多袋！

多謝你的意見。這個星期六或日我們會去四出再睇書包，因為現在已開學，應該沒有太多款/牌子選擇了。只要夠大、輕便、耐用、仲有得賣就轉喇。

老實講，開學前無諗過囡囡返學要背咁多東西（例如那些托盤餐具等），失去預算！

Chiropak 看來要留給太太用了，粉紅色都幾o岩佢！

TWMa

囡囡終於正式學大提琴了！上星期那一堂不算，因為只是介紹大提琴各部份的名稱。昨天則正式學拉奏了。昨晚看著爽爽一臉認真地拉著空弦，C、E、F、A 一條一條順著次序地拉 (似乎現時只學習拉弦學習推弦），一次一次地重覆著。我也覺得有點興奮！後來我更跟她玩大提琴的「默書」，即是我說出 C、E、F、A 其中一個音，她要盡快拉弦奏出那個音... 我們兩父女也覺得很好玩！

阿囡琴晚都有攞個琴出嚟練習, 我只覺佢一陣劏雞, 一陣劏鵝..., 見佢好認真, 唯有忍住笑.
倒是老爺子忍唔住要我閂窗, 費事鄰居拍門.