一呂現家長 / potential 家長會

alicetong

Homama,
我都差無幾..每日訓得6個多鐘..每朝6點起身。5年級先有英默都好d..哈哈！船到橋頭自然直...忙下驚下又一年0拿？

多口問句？妳會唔會識得同學仔有唔要四年級上學期書本呢？....如果有就好0 拿....( 謝謝妳就真...)

candytl,Homama,
剛見到沙田圍又開左個新Topic喎...今日都比較忙,又抽d寫字簿詞語作句比個仔填番落去？希望佢明解詞語意思...另外真係好擔心..中文係個仔最弱0既？ 佢咁大頭蝦可想而知..
講開重組句子..有時d意思都無菱兩可？ :tongue: 講真大人都要諗諗佢啦....

我細女12月出世架..所以早比佢讀幼稚園真係比較蒙..好過係屋企對住賓記呀？

最弊我年假唔可以平時放....唉！唯有盡人士做得幾多得幾多？無得同全職媽媽比較囉...不過話說兩頭都好0既？彼此都有空間....



candytl,
其實我都有本starter架..係Daddy係書展買0既..成日話得閒教仔..講講下就升四年級添..需唔需要我影比妳呀？

candytl

homama,

哈哈, 未嫁前我媽咪幾騖我嫁唔出 , 好彩我都"執"到件,
雖然唔係"上等貨", 但同我都算"竹門對竹門, 木門對木門"丫   

alice,

唔使copy喇, 有mover, flyer係手, 暑假好充實.
男仔通常數科叻, 語文科弱啲好正堂丫, 你都好盡力幫阿仔 . 我今晚重點同阿女講閱讀理解, 標點符號. 佢多數係黎兩part失分.

AY2G

Homama2004 寫道:
AY2G, 沙田瀝源村都有售.但我覺得質量係特色比較好,一分錢一分貨.記得來年的體育褲會轉為藍色,不要買錯呀!

你小朋友讀幾年級呢??

多謝提醒. 我係幫人問嘅, 個小朋友九月入學.

alicetong

大家早晨！


candytl
我仔除左其它..哈哈！標點符號同閱讀理解都弱... 標點符號
到左3年班就會密則則比一大段文字妳,完全無橫線或者正方格填落去架？妳要叫女女留意呀....
閱讀理解我仔通常寫附近..但最緊要0個句無寫落去...我都係
無眼睇？要講0既講晒..如果有8字頭都還得神落囉...   

Homama,candytl
今晚考英文妳地點溫呀？...大家講下互相參詳下呀？...

( 我方法係由頭解釋一次worksheet佢聽..要佢讀題目同講意思出 0黎..我搓張原稿,佢搓張影印本(今晚就會要佢做落去0拿？..睇埋writing,背熟張考試紙),跟據老師比範圍重點溫worksheet,叫佢留意番d Tenses....

candytl

alice,

你講嘅都差不多囉, Tenses我多數俾啲課外題做, 我女好多時問佢識架, 但一落筆寫就唔記得加"s", 用"does" 佢可"do". 應大楷佢用細楷  

頭先阿女報告, 中文易過上次測驗, 聖經有字唔識寫.

到左3年班就會密則則比一大段文字妳,完全無橫線或者正方格填落去架？妳要叫女女留意呀....>>>>多謝提醒. 等我P3時 佢先.

Homama2004

今次音樂考晒"大調",好淺喎!全班考三名內的同學仔話中文卷因沒時間全部閱讀理解無做,很驚嚇呀!! 大囡話做佢得晒,但結果就要等...聖經佢話比平日深.希望順順利利!  

細囡話打了鐘才見到自己答閱讀理解時,忘了間兩個專名號.小事而已.

現在努力緊英文,都很難,我都係找一些課外題做. 到這個階段已經好似無得溫咁!!到了四年級這次writing便要求高很多,去年大囡那班便有大半班不合格.

聽家長話為了應付TSA,六年級要不斷做練習, 星期六都要返!都幾辛苦! 無法啦!我大囡派位banding學校ratio便靠佢哋,妹妹就靠家姐那屆.

candytl

全班考三名內的同學仔話中文卷因沒時間全部閱讀理解無做,很驚嚇呀!! >>>>真係幾驚嚇渦, 呈分試冇理由出咁深啞.

咁我女升中咪靠ALICE個仔仔, ALICE, 努力 阿仔呀.

alicetong

大家早晨！
candytl , Homama
尋日阿仔返0黎剩係講中文無上次咁難..聖經難左..多左問答題咋...尋晚英文都溫到唔知溫乜...要佢自己睇清楚題目頭腦清晰先得0拿... :

candytl,
我小朋友成績只係中上少少...係幾多料就幾多料？當然做媽咪0既一定會做到足啦！努力..努力？哈哈哈！

candytl , Homama
想問下妳地知唔知〝耶和華〞同〝耶穌〞係未一樣架？

candytl

alice,

我講笑咋    

想問下妳地知唔知〝耶和華〞同〝耶穌〞係未一樣架？>>>我唔知呀  
前晚係份家長意見書寫咗"一大篇", 阿女竟然冇交? 不知下星期一仲有冇得交.

homama,

大女考音樂考"大調"係乜黎的? 筆試 or 口試?

alicetong

candytl,
唔緊要係事實0黎架麻...只希望唔好拉低成績就得0拿？哈哈哈！

今日下午比仔仔唔駛睡午覺自由時間做乜都得？等佢透透囉...晚黑要照常架？   

佢話英文唔係好難喎...真係派返0黎先知？佢一話easy job我就驚0拿？哈哈哈！ 派彩時希望報喜多過報憂啦...     

candytl

alice,

我女都話英文好易渦, 睇黎今次P2-P3考試出得好淺.
我女宜加已係樓下玩緊囉

Homama2004

大調係音樂筆試來的!在五線譜上有某個數目的#及b便代表某個調咁!對不起!我一點也不懂樂理的.

問了我老公耶和華和耶穌的分別(我老爺是第一代教天主教慕道班的老師,有教宗頒發證書)
佢話應是舊約時期稱主為:耶和華 - 英文Jehovah德文Jehova
新約稱主子為耶穌 - 英文Jesus Christ
天主是三位一體所以沒有應分別. 但這是很淺白的解釋,詳釋都要請教他人.如問我老爺可能會講一兩個鐘,講完可能我都係半桶水明白.

兩個都話英文不是太深,都係要等到派回來才知了!! 希望成績係理想啦!!

妹妹常識上次測驗只是一單元,這次便要考三個單元,那些維生素甚麼,我都亂晒大龍,希望佢不似我啦!!

家姐今次考香港特區政府架構,基本法,和內地關係等等,都很多要嘢要背!!

考完試找個星期六/日出來傾傾,麻煩接收那些三手書(都好重呀!) 另好消息係我老公原來沒棄四上的書喎!還在家裡的一角.佢係一名好聽便是"惜物"的人,不好聽便是一名"垃圾佬"...好彩還算有地方比佢放東西,佢最怕我放假執屋,便會"tum"呀"tum". 我"tum"得好開心...

candytl

今日睇怕冇人會入來囉.  

homama,

我咪仲渣, 大大話話跟我女一齊"學"琴四年有多, 連五線譜都唔曉睇 經常比佢大返轉頭.
唔記得你兩個女有冇學小提琴? 我女求我俾佢學小提琴, 我開頭當然唔答應啦, 佢 完又   , 最后由佢老爹拍板, 俾佢半年試學期, 如果唔練琴即停. 宜加學咗幾堂, 暫時仲係興致勃勃. 希望唔係曇花一現.

alicetong

Homama,candytl
我部電腦壞左..這兩天簡直與世隔絕,中英文每日一篇要走到兩個朋友家裡上網做？(因為不好意思..才走兩趟地方..)

Homama,
真係唔該晒妳呀...我到依家都係一知半解？因為可能天主教同基督教區別都不同？派回來才真正清楚...

溫常識都溫到好悶呀....甚麼20幾個郊野公園地圖睇到我頭都暈埋... 實在太多野記..又要寫生字？)往往呢科真是最花時間....

當然好啦,比中六合彩還要開心...真的很衷心感謝妳們...   (也要感謝妳先生,全賴有佢) 大家相識真是緣份加福份還有candytl..
...哈哈！( 就快可以見面了...不知是否在街上碰過面呢？)   

Homama2004

alicetong, 細囡有學小提琴,但她對音樂的興趣不大,我想她十月考埋五級琴都不知會不會學落去了!!佢都係要比我話如果不主動練琴便不用學下去,便"死死地"去練.因當初佢自己要求學佢自己作出的承諾來的.

candy,
廿個郊野公園...我都依稀記得少少,讀到傻,而結果好似無出!!

至目前來看,今次考試沒有"番炒"家姐去年試卷任何一題.老師們都很勤力!大囡今次考香港特別行政區架構等等,背到傻! 但見佢咁努力,都安慰的! 考完英文佢話好易,要等到派回來便知結果.好驚呀!今次呈分呀!!!

不敢想像明天返工忙到甚麼樣子! 看office webmail已一大堆等著返去做.檯面又有一大堆嘢未清! 前兩天在家都要一路睇女一路做office的嘢! 變了home office添! 真係辛苦命!!   明後天沒請假,希望有時間上BK啦!!

candytl

Alice,

你仔算乖喇, 電腦壞咗都仲堅時做”每日一篇”. 我女都好緊張架, 不過係緊張佢嘅榜上排名.
我諗住聽晚去旺角買flyer卷, 希望仲有貨啦.

Homama,

你細囡學小提琴學到五級, 唔繼續好似好晒咁, 不如同佢商量, 考慮吓兩星期先上一次堂, 等有多啲時間拉好歌先去上堂, 唔使咁趕, 進度可能會慢啲, 總好過停.
大部分小朋友都係忠意學唔忠意練, 我女都一樣, 每日叫佢練鋼琴, 搞到我好激氣. 就係因為咁, 一聽到佢話想學小提琴, 我立刻反對. 都係佢爹哋心軟應承佢.  

alicetong

candytl ,Homama ( 大家早晨！)
係我0既堅持先0岩,我老公話我無所不用其技...哈哈！咁個仔都緊張0既..當然係排行榜啦！但係恆心呢樣野都要靠我地大人引導囉...
咁又要勞煩妳啦..謝謝！

candytl ,Homama
想問下妳地兩位小學階段認為咩語言或課外活動係必需學
0既呢？eg:過左小學階段學英文與普通話無咁好等等....
我想搵個西人教仔仔英文...妳地有無做緊呀？因為我無多餘錢希望取下經.....哈哈！   

candytl

我女報告話有4題常識錯咗, 全部係台風信號標誌.
我冇同佢溫過呀.

alice,

pls check pm.

alicetong

candytl ,Homama ,
颱風信號標誌一定要溫架.....

我仔報告..三年級作文考〝一個早會〞咁上下,(作150字)
常識時事題答案係→陳日君 同 颱風→珍珠( 0岩晒 )
剴旋門佢答左→係俄羅斯(錯左),書用作業都無講過架？
又話海馬0既特徵有d字唔識寫喎？ 最終要派返0黎先知
有幾多烏龍事件？哈哈哈！   

好囉過埋聽日就鬆晒囉... ( 明天是仔仔生日)
舊年就考常識0個日,今年就考數學..( 所以話就算搞生日會都無同學仔0黎參加啦！)

Homama2004

做到wee暈wee暈都係要上來行下,講下:

(P.5)時事題:政府幾月幾日行五天工作 &世屆杯在那裡舉行
作文: 暑期計劃
(P.4)時事題:幾月係中國勞動節的黃金周&搶包山在香港那個離島舉行
作文:我最愛的爸爸 or 媽媽 (阿囡當然選我啦!! 哈哈!!)
都幾淺!!
但家姐居然答了七月三十一日 唉!佢就係咁,話記得七月喎!答七月都好啲呀!可能不會扣晒分! 真係無眼睇!

咁慘!無溫颱風詢號,好似兩個那時都有出喎!!明天好似考數&普通話筆試&書法呀! 努力呀姐妹們!就放暑假囉!!

暫時沒有外藉老師跟,家姐的accent還可以,但妹妹就一個一個英文字讀出來,都要執執!!