老師應否以垃圾來責駡學生?

ABC-DAD

little_yolky 發表於 18-5-29 09:12
我哋果時既小朋友, 從來唔會為自己爭取的, 下一堂咪自己醒水D囉, 去爭取? 未死過咩。我哋D小朋友好驚架, 老 ...

就係唔同意你呢個價值觀。小朋友無父母支援，就獨自面對欺凌。
可以做咩？啞忍？
兒童權利公約
《兒童權利公約》是第一個具有法律約束力的國際公約，它彙集了全部人權——公民、文化、經濟、政治和社會權利。 1989年，世界領袖們決定兒童需要有一個針對他們的特別公約，因為18歲以下的人常常需要成年人並不需要的特別關愛和保護。這些領袖們還希望確保全世界都認識到兒童也擁有人權。

該《公約》在54項條款和兩個《任擇議定書》中規定了這些權利，詳細敍述了任何地方的兒童都擁有的基本人權：生存權；充分發展權；免受有害影響、虐待和剝削權；充分參與家庭、文化和社會生活權。《公約》的四項核心原則是不歧視；致力於實現兒童的最大利益；生命、生存和發展權利；尊重兒童觀點。《公約》中闡述的每項權利都是每個兒童的人性尊嚴與和諧發展所固有的。《公約》通過制定保健、教育及法律、公民及社會服務方面的標準來保護兒童權利。

各國政府通過同意承擔《公約》中規定的義務（即簽署或加入該公約），已承諾要保護和保障兒童的權利，同意在國際社會面前為該承諾承擔責任。《公約》的締約國有義務制定和採取符合兒童最大利益的所有行動和政策。

- 聯合國兒童基金會關於《兒童權利公約》的導言


《兒童權利公約》大事回顧

日期        
事件

1989年

聯合國大會通過《兒童權利公約》，11月20日被定為世界兒童日

1990年

公約成為國際法的一部份
英國政府簽署成為公約的締約國

1991年

中華人民共和國政府簽署成為公約的締約國

聯合國正式核准英國成為公約的締約國

1992年

聯合國正式核准中國成為公約的締約國

1994年

英國把公約延伸到香港

1997年

中華人民共和國政府向聯合國提交文件表明中華人民共和國於1992年正式批准公約時所加入的保留和聲明由1997年7月1日起也適用於香港
[見附件]

現今

到目前為止已有超過190個國家簽署公約， 令它成為人類歷史上最獲支持的公約
按入

little_yolky

shadeslayer 發表於 18-5-29 07:01
一個行為好多人都覺得係錯，就不是道德高地，只是道德低地。例如健康靑年在港鐵同老人家爭位，批評的人並 ...

有一點我好唔明白, 點解老師做得有問題, 家長投訴就話係「報復式投訴」, 好奇怪。

little_yolky

ABC-DAD 發表於 18-5-29 10:01
就係唔同意你呢個價值觀。小朋友無父母支援，就獨自面對欺凌。
可以做咩？啞忍？
兒童權利公約

這個不是我的價值觀啦, 否則, 我點會成日投訴。不過, 自己細個既時候, 唔覺得有人會幫我, 出聲俾人鬧多兩錢, 就只好選擇忍耐了。你都係天主教學校, 記唔記得年年有一個月叫「克己月」, 將自己零用錢捐出嚟, 克制自己買零食既慾望, 然後奉獻。我哋都好克己的, 好彩老師都係好有心 (係惡D啫), 沒有針對某D學生欺凌, 所以都未到忍無可忍的時候。不過, 我性格明顯係好怕事, 無冒險精神, 做事好驚青的。阿大個樣雖然似C6, 但個性格比較似我, 幼稚園老師都提出嚟, 所以要慢慢教佢如果為自己爭取。

maomaofafa

little_yolky 發表於 18-5-29 10:34
有一點我好唔明白, 點解老師做得有問題, 家長投訴就話係「報復式投訴」, 好奇怪。 ...

好簡單，唔願意承認自己理虧。什麼錯都是別人的錯，老師永遠是對的

maomaofafa

shadeslayer 發表於 18-5-29 08:48
咁樣講更好: 無人應該羞辱孩子(有無原故也好)。

可以嚴例批評/鬧孩子的壞行為，但不應羞辱孩子。因為羞辱 ...

就好似非禮咁，開頭可能只係廖下你，見你唔出聲，以為你怕事，就更加進一步開始摸下你裙底，繼而作出更進一步的行為。羞辱人亦都係一樣，一開始可能只係話你垃圾，之後就可能會叫你企係垃圾桶裏面，更進一步可能會鼓吹其他同學一齊叫你垃圾，或者向你掉垃圾，或者更加誇張的行為。bully 都係咁樣嚟，所以點解呢一刻當下要停止佢咁重要。有些人喜歡欺善怕惡，做家長除咗教小朋友自強，都要識得保護自己。香港充斥着很多垃圾老師，做家長要識分辨是惡，唔係盲目跟從。

akys

yovin 發表於 18-5-29 02:13
本帖最後由 yovin 於 18-5-29 04:20 編輯

band3大開眼戒， 原來大部分同學已經把悔辱別人的感覺， 玩得 ...

B1生咪一樣玩到啲老師爆喊！不過始終以前勁啲，阿哥返學要帶刀保護自己。

ABC-DAD

little_yolky 發表於 18-5-29 10:40
這個不是我的價值觀啦, 否則, 我點會成日投訴。不過, 自己細個既時候, 唔覺得有人會幫我, 出聲俾人鬧多兩錢 ...

咁就放低［上述 價值觀 誰屬］，爭取應有對待，並不抵觸克己服（復）禮，反而係師長嘅教道支持我地明白『克己服（復）禮』是人人平等，沒有人因階級.身份.學歷.背景關係可以苛待其他人。老師校長嘅嘉許就正因為同學印證左，克己（復）禮，我地大家只係把事情如實向校長反映，而事實上係唔只一班受該老師如此對待。
爭取就標籤為麻煩 製造者，呢種手段不會默（陌）生吧。
事實如何去爭取，亦係要有法度 要開明講道理。

shadeslayer

ABC-DAD 發表於 18-5-29 09:23
謝謝補充，輕重分寸，各人自己心裏有數，我一向唔加畀人絕對標準嘅價值觀。 ...

唔係數學邏輯，沒有絕對，但也有客觀性。

ABC-DAD

shadeslayer 發表於 18-5-29 11:25
唔係數學邏輯，沒有絕對，但也有客觀性。

客觀係好事。

shadeslayer

little_yolky 發表於 18-5-29 10:34
有一點我好唔明白, 點解老師做得有問題, 家長投訴就話係「報復式投訴」, 好奇怪。 ...

由老師或學校角度諗，就不奇怪。

haihaimom

ABC-DAD 發表於 18-5-29 06:45
尊重自己，維護自己與別人的尊嚴，係教育下一代的基礎。
在童蒙時期，更要由成年人去支持、去讓孩子認識自 ...

本帖最後由 haihaimom 於 18-5-29 13:59 編輯

我讀天主教女校，出名嚴，不單在學業上，更在品格上。試過邀請友校作排球比賽，積分拉得很緊，到尾聲時對方發球失誤，我哋幾乎全場拍掌，小事一樁，但第二曰校長（修女）早會時教訓了一頓，講既就係「尊重」，到依家幾十歳人，仍謹記校長教悔，就係以尊重待人。我哋師生關係非常好，即使激嬲老師，也從未受辱，老師唔單係一份工，係用生命影響緊生命，佢哋教出唔識尊重人既學生，學生投身社會後亦唔會識得尊重別人，一代影響一代。嗰位老師唔止羞辱一個學生，佢教壞緊一代又一代學生

maomaofafa

haihaimom 發表於 18-5-29 13:54
本帖最後由 haihaimom 於 18-5-29 13:59 編輯

我讀天主教女校，出名嚴，不單在學業上，更在品格上。試 ...

以理服人，令人尊敬

yovin

October. 發表於 18-5-29 09:21
我知道唔少學生會俾老師心裏邊歸類為“ 垃圾 ”，但閙出口就好難想像，老師真係被“激”到失控，好吧，唯有 ...

香港的老師大多都低水准㗎啦！
1。高水准既人都多數唔會立志做老師。
2。香港高水准人根本唔多。(就好似我咁底、咪上嚟EK多多學習囉)
3。香港嘅財富、政冶、教育已經落入低水准人手中(當發生事時 : 高水淮嘅人好多係EK度吹水，低水谁嘅人已經出緊手控制大局)
4.高水准嘅人 有智慧嘅 : 看破凡塵 不問世事; 冇智慧嘅 : 畀人、 國家 、團體玩謝咗！(以上加部份 我會安全D)

現實世界好恐怖呀， 我唔打算教仔成為高水准嘅人， 我覺得咁樣安全啲 ，做人開心啲。

不過 ，上黎EK有時睇下 有水准人嘅言論。 有好多得著嘅…… 學習之餘，仲有啖笑。

ANChan59

charlieyeung811 發表於 18-5-25 17:30
學生因功課馬虎, 默書不合格. 老師便在堂上於20名同學面前指責該孩為垃圾!!!

兒子因此情緒低落, 可否告知 ...

听听老师的说法！

yovin

akys 發表於 18-5-29 11:08
B1生咪一樣玩到啲老師爆喊！不過始終以前勁啲，阿哥返學要帶刀保護自己。 ...

band one 帶刀.嘩！第一次聽。

band five 後來我發現⇒帶錢安全啲！

有一次 同學密謀 放火燒圖書館，我聽聞後立刻攞張紙mark低曬全校所有滅火筒位置 ！最後行動咗…主腦俾警方拉咗，好彩老師收到風，早有準備。班人智慧其實好高，但唔鐘意讀書。

二五仔唔係我。

佢哋「起低」好勁，好快就找到「目標」嘅私人資料，家庭背景，呢方面我學到好多，所以佢哋可以侮辱到老師。

最殺手嗰句:老師乜你個仔讀xx學校㗎！
其實俾我都冷靜吾到。

yovin

little_yolky 發表於 18-5-29 10:34
有一點我好唔明白, 點解老師做得有問題, 家長投訴就話係「報復式投訴」, 好奇怪。 ...

其實投訴唔係我杯茶， 因為遇到「高智慧」嘅投訴對象( 被投訴的人)， 要同佢鬥智鬥力又上身！

我寧願將精神放在揾錢，做義工好過！

所以「報復」兩嗰字，不一定形容家長！明白嗎？
out of box thinking

PS 高智慧不等於高水準， 香港大部份老師水準好低。

charlieyeung811

回覆 ANChan59 的帖子

我同老師講個仔返黎好唔開心, 而且覺得好瘀(當眾咁比人話法), 亦怕比同學仔笑. 老師的回應係: 好呀, 比人鬧完識得羞恥! 然後就話希望話完佢之後, 佢覺得羞恥之後會反省同改過.
亦同我講, 佢會同全班同學講, 佢地作為同學, 無資格話/笑其他同學係垃圾. 如果佢地話/笑我個仔係垃圾, 就屬於欺凌! 亦都有叫當日(我個仔比佢鬧完係垃圾, 而有份笑過我個仔的同事, 就此事向我個仔道歉!)

咁其實即係唔係同學關係, 就可以隨便鬧人係垃圾?

反映比校方知, 只係想學校請老師注意下佢地的用詞, 同意有人話"以生命影響生命", 老師的言論係絕對影響到小朋友.

little_yolky

haihaimom 發表於 18-5-29 13:54
本帖最後由 haihaimom 於 18-5-29 14:57 編輯

本帖最後由 haihaimom 於 18-5-29 13:59 編輯

唔好話天主教, 我哋基督教學校咁做都一樣會俾人省到立立靚。

akys

yovin 發表於 18-5-29 15:07
本帖最後由 yovin 於 18-5-29 15:18 編輯

band one 帶刀.嘩！第一次聽。

Band 5。B1玩老師寸老師啫！

yovin

charlieyeung811 發表於 18-5-29 15:37
回覆 ANChan59 的帖子

我同老師講個仔返黎好唔開心, 而且覺得好瘀(當眾咁比人話法), 亦怕比同學仔笑. 老師 ...

咁睇嚟！你嘅被投訴對象，有啲智慧喎。