子女的期望 vs 父母的期望

Rattie

kwclau 發表於 17-3-10 09:08
咁你首先要有兩呎厚面皮先。
名校老師通常只注重業績，對於成績無咁好嘅小朋友採取ignore 嘅態度，不會諗 ...

其實一世人流流長，比人讀多嗰三幾年書有幾大問題？使唔使要有幾尺厚面皮？只要女兒唔介意，每天開開心心上學去我又冇咩所謂，懶理他人目光，反正應該遲早都會讀到畢業，唔學壞就好。
學校怎樣做都有錯 : 要你另找其他學校唔啱，留你班又唔啱，唔留你班好等你快快畢業走人入唔到大學都係唔啱。
這裡的家長常說要找合適的學校，合適就係同成績名次掛鉤，講到個個都要係全級頭幾名咁滯。
我真心覺得家長陪同去攞成績表係哂時間，其實就咁响堂上派就得喇，有問題請另約時間去詳談吧。每人幾分鐘你祈望傾到d咩？前面講多十分鐘，多幾個的話後面就真係等到嘔。

kwclau

Rattie 發表於 17-3-10 23:10
其實一世人流流長，比人讀多嗰三幾年書有幾大問題？使唔使要有幾尺厚面皮？只要女兒唔介意，每天開開心心 ...

我唔知當時人或小朋友點諗，但想像到同級好朋友一路升上去，自己逢2進1，比自己班同學高成個頭，會有咩感受。仍可以開開心心返學的話，真心讚佢EQ十分高。另外老師知你係逢2進1，當你透明還好，或者有啲老師會玩針對。學校其實可以對學生用鼓勵代替單打，對家長表示諒解代替埋怨，咁或者令成績無咁好的學生及家長好過啲。另外家長日，老師可以用同樣的5至10分鐘鼓勵學生，不是力數其不是，令家長加大力度催谷小朋友。
不過咁，都要降低每班人數先做到以上嘅改變，始終40多人一班，好難顧到咁多。到頭來做到咁多，可能 keep 吾到神校業績。

Jane1983

其實小朋友讀一間正常學校，成績跟得上，有要好的朋友，父母愛錫，童年都唔會太唔愉快。

有朋友個女本來讀名女校，升中唔收，去了啟思。佢本來覺得學校差咗，又貴咗咁多，講出來自己個女係“ 棄將“ ，好無面。但慢慢見佢個女好似枯樹復活咁，先明白昨非今是。學校係一間機構，係死物，人先係生既，先係最寶貴。

shadeslayer

Jane1983 發表於 17-3-11 16:39
其實小朋友讀一間正常學校，成績跟得上，有要好的朋友，父母愛錫，童年都唔會太唔愉快。

有朋友個女本來讀 ...

相似的東西發生在小女身上。所以找合適的學校, 比甚麽語言, 上進心重要得多。但想不通的家長仍然好多。

Rattie

kwclau 發表於 17-3-11 16:21
本帖最後由 kwclau 於 17-3-11 16:27 編輯

我唔知當時人或小朋友點諗，但想像到同級好朋友一路升上去， ...

攞成績表我有個習慣，總是重點放在比較好的科目上，家長接受小朋友成績，老師都不好太挑剔了吧。
我相信自己比老師瞭解女兒，有咩要檢討都唔需要在老師面前做。

greentea000

回覆 Rattie 的帖子

嗯，唔少學生係學校同屋企表現唔一致，除左成績，家長日最重要係打聽仔女係學校既行為。

greentea000

周街都見到木棉花盛開，提供一個大量木棉花既地方，就係石崗軍營，每年係呢個月開放，機會難得。

greentea000

回覆 kwclau 的帖子

我想像下都感覺難受，會捱到中三就選擇去做學徒。
另，中四選科有同學入唔到理商而寧願轉校去一間差D既學校讀理商。

Rattie

greentea000 發表於 17-3-12 17:57
回覆 Rattie 的帖子

嗯，唔少學生係學校同屋企表現唔一致，除左成績，家長日最重要係打聽仔女係學校既行為 ...

我習慣每晚都會同女兒閒聊，小中學時多是圍繞學校生活。大事應該已經收到學校嘅電話，小事也就是小事了。
閒聊中可以掘出好多嘢，原來小一已經識得講大話，真係天生的。

little_yolky

Rattie 發表於 17-3-13 13:38
我習慣每晚都會同女兒閒聊，小中學時多是圍繞學校生活。大事應該已經收到學校嘅電話，小事也就是小事了。
...

我睇過一個BBC製作既千禧寶寶系列特輯, 實驗證明, 講大話係天生的。

little_yolky

greentea000  "寶寶"係幾多歲？  發表於 半小時前


個特輯係由班小朋友出世開始追踪既個案研究, 果個實驗D小朋友好細個, 但我唔記得實際年齡, 只記得係學前。

greentea000

little_yolky  唔係我嚇你,女兒搵老公一般都係有爸爸既影子
[color=rgb(153, 153, 153) !important]發表於 前天 10:40

呢句真！
我幾個女性朋友、同事都係照住佢地老豆既標準揀男友，起碼有一半相似。

greentea000

回覆 HAPPYan_BB 的帖子

我仲有聯絡既1x個中學+大學同學今年29、30左右，2個結左婚，2個話33之前結婚但唔生，4個不婚主義者，3個連男女朋友都無(事業為重)，有2個男女都愛唔知揀咩好。佢地唔係個個有個不愉快成長經歷，結唔結婚生唔生仔真係自己既決定，唔係為左符合其他人既期望。
我無機會講"如果我有仔女......"，我已經決定唔生，所以呢個故事無咁引人入勝。又，我係厚多士，如果有餘力會插手親戚家事(教育、親子關係)，改變人地既故事。


你會邊做邊學、睇完故事有思考已經好好，所以收獲融洽親子關係。

annie40

回覆 greentea000 的帖子

要睇下阿爸和阿媽關係如何，如果是彼此失望的人生配搭，仔仔女女會老早避開危險，選個完全不像長輩性情的人。
是勇敢地尋找屬於自己幸福呢！

little_yolky

greentea000 發表於 17-3-15 07:46
回覆 HAPPYan_BB 的帖子

我仲有聯絡既1x個中學+大學同學今年29、30左右，2個結左婚，2個話33之前結婚但唔 ...

老實同你講, 唔好見我依家咁鐘意小朋友, 我以前見到佢哋就憎, 聽到佢哋把聲就煩, 總之係好討厭細路, 我係一星期工作七日, 每周工作7X小時既工作狂。但唔知點解, 當生理時鐘接近尾聲時, 突然叮一聲, 覺得佢哋好可愛, 就咁搭咗尾班車一年抱一咁生咗兩個。命運既嘢真係好難講既。

greentea000

little_yolky  我係搭尾班車,所以會大少少
[color=rgb(153, 153, 153) !important]發表於 半小時前

唔同人/年代既尾班車分別好大呀！
我阿媽果代係30，到我中學係35，而家見幾個女senior都話40先生

咁計法我仲有1x年機會改變主意

greentea000

annie40 發表於 17-3-15 09:56
回覆 greentea000 的帖子

要睇下阿爸和阿媽關係如何，如果是彼此失望的人生配搭，仔仔女女會老早避開危險，選個完全不像長輩性情的人。
是勇敢地尋找屬於自己幸福呢！

上年睇過呢种研究，真係大出乎意料，大部分下一代會延續上一代既悲劇。

planetearth

greentea000 發表於 17-3-15 06:48
呢句真！
我幾個女性朋友、同事都係照住佢地老豆既標準揀男友，起碼有一半相似。
...

爸爸chok到阿仔講班上感覺上比較喜歡的女同學，佢話感覺似媽咪。男仔會喜歡似媽咪的女仔。