95網

apple~y

回覆 Yanking520 的帖子

可能怕多人抽反而唔敢抽個兩間保良局
田小今年真係好多人報
我之前同女參加田小攪幼兒數學比賽,比呀女玩下
當時係田小已聽到好多家長講諗住報呢間

apple~y

回覆 千語mami 的帖子

幾多年班?

BBKDWLAM

原帖由 千語mami 於 16-06-16 發表
晚晚都由愛回家開始睇電視到狼爺榜, 咁都叫谷我真係無野好講

功課多少，有時真係幾主觀同睇彩數的。有同學做得慢又要求過高，有人寫得快又要求合理，就差好遠。另外最關鍵係好講咩老師教，功課多少由佢決定。黃永樹家課表擺上網，比對精靈班就可能知有無分別。以前經驗，黃永樹精靈班隨時係將軍澳小學中最多功課的，宜家唔知。

apple~y

回覆 BBKDWLAM 的帖子

你熟悉陳耀星嗎?
呢間直情無咩人提

BBKDWLAM

原帖由 apple~y 於 16-06-16 發表
回覆 BBKDWLAM 的帖子

你熟悉陳耀星嗎?

唔算熟，我眼見是對辦，學校有心攪的。成績應是普普通通，但感覺學校肯投放資源，好想攪好。校舍新，星期六經常有藍球及童軍活動，有啲機械人比賽去到美國比賽，有學生拉丁舞，都有啲獎。但收生一直好少，好多時得兩班。早年有啲學生好曳，好粗口，要老師帶隊放學看到實，但近年應好好多了，學校應有心處理，見到啲學生都感覺乖都相處融洽，無聽過學生有咩問題了。

iammiyake

我朋友今年111，都抽唔中王永樹

lhyxxx

BBKDWLAM 發表於 16-6-14 13:20
有些學校的三考是取巧的，因為測驗計分！馮晴唔記得係咪？最好問宜家用家



  ...

我囡讀緊馮晴，三考以外只有平時分 (睇功課、默書) 及數學小測，不過佔分少，主菜都係大考。

lhyxxx

BBKDWLAM 發表於 16-6-14 13:18
你是指一星期一次的下午課外學習嗎，馮睛好似係星期五下午，但通常見學生走哂咁滯，可能較少全校安排。但肯 ...

[url=]​[/url]馮晴逢周四下午係課外及校隊活動，逢周五下午係多元活動，即係校方安排一D輕鬆活動例如戲劇、講座、比賽。戶外學習、參觀當然亦有。另外低年級6月初已考完試，之後只須返上午又無功課無正規課堂，喺學校玩足一個月先放暑假。我唔知其他小學係咪咁。。。所以入左去後都覺得唔dry。

lhyxxx

BBKDWLAM 發表於 16-6-14 13:14
有，你見星期六仍在將軍澳一帶一路著校服的小朋友，多數係馮睛及黃永樹學生，應該黃永樹課程多選擇啲。



  ...

馮晴星期六有時有課外活動或校隊訓練，返去一定要著校服，好多小朋友喺禮堂打波。高年級要呈分加鐘補課一般平日放學後及暑假初。

lhyxxx

apple~y 發表於 16-6-14 11:35
回覆 BBKDWLAM 的帖子

馮睛係廣教中

新聞已報導教育局委託的研究報告，說數據不能顯示普教中學生嘅中文成績優於廣教中學生嘅中文成績。但不要忘記，普教中已成多數及佔據多間名校，好多普教中班又係由成績較佳學生選讀或父母係普通話母語所以選讀 (以為如虎添翼) ，但最終竟然在中文成績冇明顯優勢，在我個人睇，普教中已輸左個馬位。

呢個問題喺EK已爭論過好多次，可看小學雜談。

lhyxxx

Wonderlady 發表於 16-6-13 19:42
其實我有keep住睇佢近兩升中派位，初初有寫，而家佢個網站已經冇冩入左邊D中學？

其實佢係成績跌左，定不 ...

[url=]​[/url]多年前教局已不容許學校公佈banding數據，或者基於此，一般小學都不再在網站上公佈多少人入某某中學。(因為可間接計到banding。) 而只會含蓄地表達 "有人" "曾經" 入左某某中學等。

但馮晴亦會將詳細派位結果在學期尾貼出來 (要入大堂先睇到)，咁多年band 1中學比例都係55-63%之間，與九龍港島一線官津小學差不多。資深會員hkpapa852每年都有統計各區的，不過條link有時審核中，唔知點解：

http://www.edu-kingdom.com/forum.php?mod=viewthread&tid=3082464&extra=page%3D4

lhyxxx

BBKDWLAM 發表於 16-6-14 01:10
馮睛中文深，功課以前多，後來少，宜家唔知。以前嚟講，功課應比將天同永樹少啲。每年三次考試三次頒獎禮。 ...

功課問題好多K3家長都擔心，我親自跟左兩年，體會係因人而異，更不能單憑功課有幾多樣就話多定少，因為有D只係改正 (唔錯根本就毋須改正)，有D只係填幾個字畫下公仔。專心少課後興趣班又肯早做就早收工少痛苦，家人有紀律安排小朋友沖涼食飯，限制打機睇電視亦好重要。同一日功課，有人一個鐘做完重溫埋書，亦有人攪到好夜又打又閙重要whatsapp其他家長問點做。。。
不過我都覺老師係死板D。

apple~y

回覆 lhyxxx 的帖子

"老師係死板,"你係指教學手法?

lhyxxx

HK-MAN 發表於 16-6-14 11:40
有朋友個女讀緊,佢話多唔多真係見人見智,佢個女就適應得好好,跟得上步伐.其實谷唔谷呢個問題...講真,成績好 ...

我返去幼稚園向K3家長分享小學，經驗係佢地一聽見個"谷"字就即淆底兼標籤左一間學校，其實要具體D諗：

- 如果一間學校有教快，係真正谷，無論講到幾有愛心、課程幾咁特別都只係marketing slogan。具體一例，P1數學課程只有單雙位加減數 (橫直式、應用題都有)，一般K3生升上來只識數手指，然後逐步去學如何解題、答題，如果到下學期就要教乘數表或立體圖形 (P2課程)，對落後嘅小朋友根本百上加斤，極速失敗既結果就係讀書興趣極速消失。其他如P1中文教應用文、英文教tense等等，都係超出教局指引。

- 幾多次測考：因你同小朋友冇可能唔預備，測考越密，辛苦越密。

- 實際上課時間，要包埋補底班、功課班、精英班等，越長即係返到屋企已消磨大部份精神體力。記住消磨完後仍然要溫習或補習。

- 強制一體一藝亦會消磨小朋友部份精神體力，尤奇本來小朋友本來對體藝冇強烈興趣，但又要勉強為之交功課。記住消磨完後仍然要溫習或補習。

- 二線想上位其實谷既情度過之而無不及，不過同學水平低D競爭會弱D。

lhyxxx

apple~y 發表於 16-6-17 13:05
回覆 lhyxxx 的帖子

"老師係死板,"你係指教學手法?

我係指校方處事好多時已有既定立場，家長多數要跟，有D家長比較多要求、重視校方＂客戶服務＂及"靈活處理"，就唔係咁岩。

HK-MAN

lhyxxx 發表於 16-6-17 13:30
我返去幼稚園向K3家長分享小學，經驗係佢地一聽見個"谷"字就即淆底兼標籤左一間學校，其實要具體D諗：

-  ...

從來我都話谷唔谷真係見仁見智,我概念係TKO 1,2 線學校都必定係谷,點樣幫小朋友適應,除小朋友本身能力外,家長點處理都好重要.最後都係果句啦,TKO 小一學位爭崩頭,有幸入到1,2線學校,小朋友及家長都應該用心去適應.只要家校合作,小朋友應該可以愉快過渡.

apple~y

回覆 HK-MAN 的帖子

一,二線學校愉快學習應該唔難
好睇小朋友性格,自動自覺都係重點
好似我親戚女讀女校,間學校學術為主
小朋友可以自動波溫習和做功課,初小考試媽媽已放手小朋友自己溫無理
考到頭三名,仲可以有時間玩唔同興趣班
親戚唔覺個女有壓力,仲好享受校園生活,
真係好睇小朋友

好似樓上都有人話番黃永樹
夜晚可睇晒電視劇

apple~y

回覆 lhyxxx 的帖子

我最怕學校強制一體一藝
讀書一定要讀無得選擇,我都希望興趣班,體藝可跟呀女喜好報
甘樣上興趣班係幫小朋友減壓,強制係有無形壓力
我親戚女考試時無停興趣班
說個女要求唔好停,上興趣班係減壓

HK-MAN

apple~y 發表於 16-6-17 14:32
回覆 HK-MAN 的帖子

一,二線學校愉快學習應該唔難

好睇小朋友性格,自動自覺都係重點
好似我親戚女讀女校,間學校學術為主
小朋友可以自動波溫習和做功課,初小考試媽媽已放手小朋友自己溫無理

個個家長都想小朋友好似你所講咁..又有幾多小朋友會咁叻咁乖吖,唔係家長唔去培訓小朋友,本身資質環境情況都唔同,切忌將人地既能力套在自己小朋友身上,佢地會好辛苦架.

apple~y

回覆 HK-MAN 的帖子

我明呀人人唔同,資質係天生
有d可以後天培養,好似現在自動自覺做功課
我地幼稚園校長都好鼓勵家長放手比小朋友自己做
唔好陪做,自動完成就讚
校長時時話如果習慣陪做依賴家長,上到小學就慘啦