請問各位中學生家長，會否贊成給子女參加罷課？

chan.970

不是思維，只是行為，他自己是明白的。

yovin

原帖由 yekat169 於 14-10-01 發表
成个示威由争取普选，到倒梁，最后目标到倒共，有几多学生被蒙骗。。

首先169先生，你果然無改錯名！其次，在BK裏，只有你一個不斷用《倒共》、《反國家政權》等不敬的字眼，而其他人都沒有。究竟169先生你用心何在？

chan.970

經常有人講學生被利用，哈！人本就是互相利用，最好例子就係梁生，佢得力助手 羅範在 催淚彈事件後，指責如果 警方做出令市民反感行為，應該要到行政會議交代，而最有趣的是， 另一邊廂林鄭月娥接受訪問指出梁振英cy是有參與的。

精人出口笨人出手我相信你個應該係 經典

chan.970

原帖由 tcmsung 於 14-10-01 發表
本帖最後由 tcmsung 於 14-10-1 16:09 編輯

角色出錯

chan.970

被人放上枱的是白目熊仔，人笨真係無藥醫架，被出賣好正常，你睇佢 辦事能力可知一二，佔中一早就'知道，政府講過， 警方有足夠能力應付，原來，方法只係阻擋 示威者去政總，冇念過D人有幾多，又無念過 警方阻擋後D人會點,？難道人地因為不滿而走出來，你阻住佢地，佢地就無奈地回家？一早有幾個情況考慮就應該將D人控制在政總果邊，海皮可容納十多萬人，佔一年都影響好細，之後仲要愚蠢到用 催淚彈對付手無寸鐵市民，只可以話佢低智。

csy_ma

ACE2126 發表於 14-10-1 22:48
現在中央表明絕不退讓，這種狠話，封死港府退路，港府辦不了的事，中央會親自落手，不會像廿三條一役再輸多 ...

我又唔係咁認為
香港係北京苦心經營咗好多年既緩衝區，將香港即變做內地城市，唔只冇面，仲打亂咗佢地好多部署，佢地斷唔會咁易放棄。

加上，廿幾年既六四，令鄧一世英名一朝喪，後來去南巡都補唔返。習總正當盛年，要做中國雄起既大有為領導，佢斷唔會肯做D咁既無法洗底既行為。要知道，中國領導人其實個個都媚外既，佢地心裡最在乎既，其實係洋鬼子既評價。在國內，老鄧既例子亦令佢記憶猶新？

講黎講去，今回根本唔係港人難駕馭，只不過係警方應變措施超蠢啫。黃之鋒衝政總，其實未必有好多人支持，警方當晚就清晒個七十多個人（後來清場不過用了半個鐘），罵既人會少好多，亦減少了人們去政總聚集。拖咁耐，又唔畀人去廁所，又無理監禁個十七歲小朋友咁耐，仲玩埋搜屋……加上拖行短褲哭喊少女既影像在網上瘋傳，無疑係旨在引起市民既扶弱之心？甚至諗下，下一步會唔會輪到自己會受到咁明顯不合法對待？

跟住，有網友提過，毫無後著部署地封廣場，覺得之前黎聲援既人見封場就會乖乖返屋企？跟住扔催淚彈又唔配合回佔馬路行動，搞到催淚彈變咗吸引市民趕赴現場既道具……根本就係完全進退失據，自己攞黎衰。

到第二日，假如即斬禿鷹，激於義憤既大多數，可能已經收貨，剩返班反政改既，都未必撐到咁耐。拖得愈耐，愈令人心雄，叫價愈高，根本難似傾得埋冷。

我猜，狼鷹咁有號召力，遲早都係要走，不過，而家走只會助長對方氣勢，不能止血。要燒到政改方案去，對中共來講就更不可思議既。所以就放軟手腳，玩心理戰，待擔憂未知情況既大部分中產（亦多半係既得利益者）因危機感而不滿，社會輿論轉向，佔領者漸少，先至出呢步，咁可能斬狼後既叫價就冇咁高了？

chan.970

道歉？？？？？？？

佢一直認,為自己完全正確，點會道歉，可憐香港警察幾十年建立的形象，旺角警局警長表示，前線人員被辱罵，我想同佢講，是幸運，如果真係開槍，市民就吾係用口啦，可能警察巡邏時會被人用 水樽石仔招待。

csy_ma

回覆 chan.970 的帖子

其實今次，真係顯出被英國殖民咗個幾世紀後，香港人質素既分別。
例如，法院會出人身保護令呢個救火行為。又例如，就算有警察偶有殺血咗眼，但而家仲未聽過有警棍仆頭事件。傷既，都係手手腳腳。至於香港市民既質素，就唔駛再重覆了？

跟住落去點發展？老實講，佔中三子真係話唔到事既。政府既對手假如係佢班書生，會易好多。所以，大家都係預咗拖。

呢段時間，咪由得人地黎各個陣地搵吓食咯，鬼叫香港相對資訊透明，各政府部門基層都唔肯好似大陸官場，自動識做咁講大話。最少絕唔會拆穿？

連主婦朋友聽到電台既錄音，都即刻叫我幫手查紅隊塞車既紀錄。出個單律敨治孕婦果位，都唔知係唔係無間道，定出IQ題香港人玩？黃之鋒畀美國玩格鬥大改造果單仲得啖筴……唉！各位同志，下次可唔可以玩d高智少少既IQ題？好似沈校長冒名文章咁，正常人一眼就睇出佢係假果D，就唔好費勁攞出黎傳啦，好唔好？

chan.970

講到發展下去，我希望一人讓一步， 偽普選食住先，梁生不下台，但向公眾道歉，人大更改下一次立法局全面直選以代替真普選。

elbar

原帖由 chan.970 於 14-10-01 發表
經常有人講學生被利用，哈！人本就是互相利用，最好例子就係梁生，佢得力助手 羅範在 催淚彈事件後，指責如 ...

chan.970

原帖由 ACE2126 於 14-10-02 發表
咁你會又中大陸計
今次諮詢期, 大陸交足戲, 扮聽, 結果封哂閘

如果有立法局直選，無普選我都可以接受。
我個人認為全面的立局直選已經係好正。

jklmn

我只係同個囡講:
如果香港只有3隻油賣，1)國產地溝油，2)台灣地溝油，3)元朗地溝油;咁應該買邊隻呢?
如果您的答案是“唔食o羅”,咁就唔好貪果一票。
如果您的答案是“是但一隻啦”,咁就祝您長命百歲，萬歲萬萬歲。

佢好似明少少繼續温書。

KWT

希望各家長留意,今日聽到親戚經歷:-

她住那區有朋友叫她參加佔中,酬勞每日500元,有飯盒食及專車接去(回去不肯定是否有車接),如果只出現2-3小時,報酬則有300元.

而黎xx早幾日(未發生佔中時)沽空期指,相信已經大有斬獲.

道聽途說,議員xx民,早前開會時大力主張叫學生站在前線.學聯更主張要梁振x,唐x年(我都不明白點解會有佢?)下台辭職.

其實可以問問究竟有那些議員,攪事者的子女,孫子真正參與佔中現場?

我希望學生不要受人利用,也不希望再次有64爸媽事件.

想想以前的蘇守忠事件,什至學運領袖,聽講有個醫科也未能畢業.熱血是好,但代價太令人唏噓.

我細仔也在學校支持罷課(即使我不支持),我朋友中,很多像我一樣,父母不贊成罷課而子女支持.

ANChan59

KWT 發表於 14-10-2 17:12
希望各家長留意,今日聽到親戚經歷:-

她住那區有朋友叫她參加佔中,酬勞每日500元,有飯盒食及專車接去(回去 ...

麻煩轉告 貴親戚，重作！

cckalex

今次新界考DSE學生確實要多謝學聯,同教協
希望中西區長期罷課至12月
咁就真係讓我地半手,而且強手減小
入u機會大增.thanks.
不過希望的家長唔好又賴這樣那樣
教協又要加中西區分