請問有冇N1D1(PM)同學仔

媽珠

Hi! loloyen,

噉你忙你嘅搬屋工程啦! 唔得閑就唔好答我啦! 但都要上o黎睇睇 啲最新消息, 我會提下你之後有啲咩活動o架喇!
15號星期三 : 要著便服(紅, 綠或彩色--要有聖誕氣氛嘅), 影相o架, 同你 BB 著得SMART 啲呀!
16號星期四 : 帶聖誕禮物 (價值 $20 - $30), 用o黎 20 號交換 o架. 最好唔好買食物及易碎品. 有時間包裝一下及寫啲祝福語啦!

loloyen

HI!媽珠
其實都幾忙,不過係中午,因為要出去睇傢俬,夜晚就OK!現在搵緊做上下格床比阿仔同工人,又要有小小圖案色彩繽紛,又安全,又唔可以太貴,因為可能住一年又搬,到時唔會搬走, !
今日要寫信封,要貼郵票,又要寫信比聖誕老人,終於到第2期興趣班,阿仔話要學鋼琴,比佢試下,睇下佢係未真係有興趣 !多謝你既提點,不過我都唔知買乜衫比阿仔著,花園街可能冇乜啦,因為大火燒咗好多 ,至於買禮物都未諗到,好煩惱 !

媽珠

Hi! loloyen,

傢俬要平就要買現貨 唔好訂做啦! 因為我想同阿女執過間房, 所以都有keep 住睇傢俬. 之前同個傢俬鋪店員傾開, 佢話而家啲小朋友鍾意嘅公仔太多, 啲傢俬要畫返出啲公仔出o黎, 效果唔係太好. 所以佢提意做白色, 返屋企自己貼貼紙(即係透明貼玻璃嗰種)
興趣班呢次我都唔 join 啦! 因為冇時間.
便服日如果唔著聖誕老人衫, 著返紅綠色嘅衫囉!

loloyen

HI!媽珠
今日終於都搵到間訂做,時間大概3星期,離入伙重有成大半個月,自己可以選顏色同圖案,我幫阿仔選擇米老鼠 ,唔係畫既,只係有些頭部圖案形狀咁,希望到時阿仔LIKE,做埋一個一樣款衣櫃,價錢都OK!我幫阿仔報咗親子鋼琴班,都係試下,聖誕服飾我冇特別去買,由佢著有紅綠色衫返 ！我訂傢俬都係用1年多,所以款式有小小公仔同價錢OK就冇問題,因為可能一年後會再買樓搬,租呢度冇諗過搬傢俬走,益下業主 !

媽珠

Hi! loloyen,

噉祝你搬屋順利, 快啲搬完安樂過年啦!
你係咪搬得好遠呀? 駛唔駛 check 下校車路線呀?
我都冇買禮誕衫比阿女著, 因為佢唔會鍾意著, 我會同佢著紅裙+聖誕帽. 前日已經襯咗比佢睇, 阿老細都OK 咗啦!
你記得買禮物呀! 我怕自己唔記得, 所以前兩個星期行街時已經買咗. 係玩具嚟o架. 如果你冇 idea, 你可以去文具鋪睇下, 因為我覺得嗰度有好多嘢都好o岩小朋友, 好實用.

loloyen

hi!媽珠
我本來都有考慮搬去遠啲,不過諗深一層我係呢區都住咗十年,買餸同啲檔口好熟,重成日吹水咁 ,又有價講!所以決定搬番呢區,阿仔重可以繼續搭同一架校車,因為阿仔好like個校車ee,不過要早一個站上車同落車,比現在早7分鐘到到等,唔使要阿仔重新適應個ee同車上同學仔 !禮物我買咗啦,不過未包,明天先去買花紙,我個份係阿仔既至愛,益智既,買完回來要即刻收埋,如果比阿仔見到佢又話要拆嚟玩 !重未幫阿仔寫信比聖誕老人,都唔知寫乜?
女仔比較緊張衣服,你要問過你老細,都正常,我阿仔唔使問,有得比佢著就ok !

媽珠

Hi! loloyen,

比聖誕老人嘅信上星期五做完功課阿女自己跟手寫咗. 我教佢要畫啲聖誕節嘅嘢. 佢就大筆一揮畫咗好多佢識我唔識嘅嘢. 而 merry christmas 同佢個英文名就係我寫響張白紙到叫佢自己抄落去. 佢重貼咗好多貼紙話要送比聖誕老人o添. 上星期六跟手寄埋, 怕自己唔記得,
今日好 , 昨晚已經同阿女講好要著down jacket 返學. 點知頭先著衫時左扭右扭先著.到著鞋時又要著波鞋, 我都費事同佢糾纏, 由得佢著囉. 好在學校對服飾唔係好嚴格. 如何唔係.....

原帖由 loloyen 於 10-12-14 00:08 發表
hi!媽珠
我本來都有考慮搬去遠啲,不過諗深一層我係呢區都住咗十年,買餸同啲檔口好熟,重成日吹水咁 ,又有價講!所以決定搬番呢區,阿仔重可以繼續搭同一架校車,因為阿仔好like個校車ee,不過要早一個站上車同落車 ...

loloyen

HI!媽珠
你都好似好忙,2日都冇上嚟 !今日真係好鬼涷,我都同BB著咗羽絨,入面重著2件低衫,羊毛衫校服恤衫,泠背心,長襪,成個波咁,好"論進" ,聽阿仔講今日MISS LAM冇返學,由一位叫MISS CHEUNG代課,阿仔話MISS LAM病咗,希望MISS LAM快啲好番,本來阿仔今日要比聖誕咭MISS LAM,可惜由MISS CHEUNG代收比MISS LAM,今晚阿仔又話要寫多咗張比MISS CHENG,夜晚同佢寫咗,不過係我寫,佢負責油顏色 !明天我唔去學校接阿仔啦,等到下星期二先,因為到時阿仔會有好多禮物,怕佢拎唔晒 !

媽珠

Hi! loloyen,

係呀! 前兩日下午都出咗去, 所以冇上嚟.
今日我都唔去接啦! 因為 , 又唔知C6 去唔去, 我唔想 重行同條毛毛蟲(阿女件 DOWN JACKET 係長身草綠色o架) 行去又一城.

媽珠

Hi! loloyen,

重有呀! 呢兩日阿女成日講 "  I love you" , 又話做咗張咭比我同 C6....
今日派咗張 CD 同 halloween 班相, 個個都影得好靚

原帖由 媽珠 於 10-12-17 17:28 發表
Hi! loloyen,

係呀! 前兩日下午都出咗去, 所以冇上嚟.
今日我都唔去接啦! 因為 , 又唔知C6 去唔去, 我唔想 重行同條毛毛蟲(阿女件 DOWN JACKET 係長身草綠色o架) 行去又一城.  ...

loloyen

hi!媽珠
今日冇昨日咁涷算好啦有太陽伯伯,今日阿仔又唔記得比張聖誕咭miss cheng ,出門口前都提咗佢,唉!唯有星期一再提過,今日見到張相阿仔就唔係咁投入啦,可能都係細,佢自己都唔知做緊乜,我拎住張相問佢你知唔知佢哋叫乜名,阿仔都答到一半,你女女佢都識叫呂xx,其他全部都係講英文名 ,算叻架啦,不過阿仔最like一個女同學叫minnie,唔知我有冇聽錯個名,定係阿仔講錯,阿仔話成日同minnie say hi !

媽珠

Hi! loloyen,

我就覺得你仔仔響張相到好cool, 幾型仔細 !! C6見張相就問點噉少女仔??
佢哋班真係有個女仔叫 Minnie, 上星期佢哋玩雪球大戰, 阿女有兩次同佢做 partner. 佢哋玩得好開心.
阿女一講起 Minnie 就會話佢個英文名同 Miss Lam 一樣都係叫 Minnie .

loloyen

HI!媽珠
我都冇留意到男多過女,你真細心,原來真係有MINNIE呢個女仔,阿仔成日講嘢都唔清楚,都唔係好知道係未真有其人,現在知道明白晒 !今日我都收到一張聖誕咭係郵寄,係之前阿仔係學校做個信封,原來入面係
MISS LAM教阿仔寫同畫,好SWEET !不過個心就畫到似圓形多,唔緊要啦!希望下年個張會好啲,你收到未?
今日學校又派咗幅好靚既聖誕節主題相,不過唔係阿仔嚟,係TRACY同YVONNE,唔知係未阿仔同人交換咗,我要明天接放學帶埋幅相比MISS LAM問下,可能會換番阿仔幅相,我想要番阿仔個樣,因為幅相好有效果,好靚!
今日你女女交換到乜禮物?我阿仔就收到超大士的棉花糖一枝,落校車個時見阿仔背住一枝咁大既物件好攪笑,老師重用繩綁好係書包,好論盡 !

媽珠

Hi! loloyen,
封信我未收到呀! 因為我唔記得寫地址, 尋日先補返比Miss Lam. 希望 Christmas 可以收到啦! Miss Lam 應該教佢哋 寫咗 " I love (heart shape) U" 響上面, 你細心啲睇下.
張相我都收到呀! Yvonne係佢同學，Tracy 係佢姐姐. 上次睇話劇佢哋兩姐妹都有嚟. 因為 上次 Yvonne 同阿女一齊坐, 所以我有印象.
係Yvonne 送出嘅文具套裝. 佢嗰份比個男同學抽咗. 我問佢哋用咩方法交換, 阿女話係每人自己抽number, 但如果抽到自己嗰份就再抽多次....
尋日佢哋玩到癲晒, 連功課都冇時間做. 好在阿女生性自動做晒.
尋晚阿女又提我好多次今日要著靚靚返學, 佢好祈待今日, 因為又有得玩. 所以今朝好早就醒咗等返學. 氹佢瞓返之後竟然唔起身, 要我12:00 收佢先起身.
今日我要去接阿女, 因為我改咗今日見家長.

原帖由 loloyen 於 10-12-21 00:25 發表
HI!媽珠
我都冇留意到男多過女,你真細心,原來真係有MINNIE呢個女仔,阿仔成日講嘢都唔清楚,都唔係好知道係未真有其人,現在知道明白晒 !今日我都收到一張聖誕咭係郵寄,係之前阿仔係學校做個信封,原來入面係
MIS ...

loloyen

HI!媽珠
份功課我開頭都以為今日交,原來睇番通告先知道放完假先,重叫阿仔做晒!
今日我都去,唔知道見唔見到你,我重要去換相 !

媽珠

Hi! loloyen,
我都好開心 , 呢班同學啲 daddy & mommy 同好 其他小朋友. 好似聖誕老人筆由 Ted 媽媽送出, 而棉花糖由另外兩個小朋友( 唔記得個名) 送出.雖然係小禮物, 但我覺得好warm.
你幾時家長日呀? 尋日放學順便見埋唔駛又去多一次. Miss Lam 比阿女嘅評語都唔錯, 因為始終係大B, 又讀過 PN 班. 見到阿女平日上堂啲圖畫同勞作真係圖中有物 , 我特別安慰 . Miss Lam 話阿女響音樂同繪畫都有啲天份, 可以比佢發展下. 不過情緒方面要注意下, 因為起伏都幾大. 尋日一落車就 . 因為尋日佢 12:00 先起身, 為咗快我就放茶點盒時順手抽咗啲書出嚟. 可能上咗校車佢自己先記得冇執書包, 睇睇下唔見晒啲書佢怕Miss Lam 唔開心所以咪 .
前兩日玩得太開心啦! 所以今日起身佢自己記得唔駛返學又 . 真係 .
放假啦! 大家都忙啦! 可能要下年先見喇! Merry Christmas!!

loloyen

HI!媽珠
原來枝筆係TED媽送,真係好多謝佢,另外棉花糖係另外既媽媽送,我都唔知道,因為阿仔冇表達到,返到HOME剩係話EAT CANDY !你女女講到比你知就GOOD GOOD!我今日去咗家長會啦,不過就要等成半個鐘,因為之前有些媽媽遲咗,令時間拖遲,MISS CHENG叫我坐下睇下阿仔上堂既習作,睇完都未得,MISS CHENG叫我去禮堂睇下其他班既勞作,當然N1D1都有份,我哋貼既係專題習作(我的家庭),見到阿仔既家庭相,又見到你既家庭相,好多好多其他班既勞作,禮堂又放咗好多上堂用既道具,即係教LETTER SOUND個啲,又有今年3月去考劍橋英語既小朋友成績,好勁有3個小朋友有15個盾,其他都唔差,又有放大咗既中英普教科書,好大本,我諗係miss lam上堂用嚟教既,講下我阿仔,miss lam比我睇番剛返學同近期作品,真係差好鬼遠,現在好有心機去做,重有隻bear kite阿仔可以貼堂,好安慰,miss lam話阿仔進步好多啦,只有中文講話能力差小小,食茶點都係慢不過已經好好多,miss lam話阿仔好強記憶力,總括個評估表我好開心,小bb算係咁,希望我哋繼續努力,你都要考慮下比你女女學下音樂同畫畫,唔好浪費佢,現在隻馬騮日日係屋企真係好鬼忙,成日唱歌,行開一陣又係咁叫人,只有阿仔玩緊puzzle最專心,不過好快玩完又搵人 !
祝你哋聖誕快樂!新年進步!

媽珠

Hi! loloyen,

阿女會予1月22日開生日會 , invitation card 今日請Miss Lam 派給小朋友, 希望你哋如有時間請抽空出席. 雖然阿女識晒各人名字, 但我怕 寫錯名所以問Miss Lam, 但佢答覆話同學名字係私隱 唔可以比我. 所以我將halloween 張相小朋友個樣剪出嚟貼上去. 希望你唔好介意.

loloyen

hi!媽珠
你女女生日會我阿仔會出席,不過唔可以同你女女切蛋糕 ,因為我要2點半先可以到,其實個party可以至幾點架?thx!阿仔今日返到home知道就嚟有得去你女女生日party不知幾 ,重唱咗生日歌比你女女,到個日阿仔重 ,因為見到同班同學一齊,但又唔係學校,好 !
我今日見你女女佢都幾like阿仔,因為你女女去拖著阿仔隻手,好有童真feel!我問阿仔你係學校最like邊個,今日竟然話係你女女,之前問親佢佢都話係minnie,係girlfriend,今日你女女做咗我阿仔一日girlfriend!
幅相我唔介意你剪咗出嚟,因為都係正經用途!

媽珠

Hi! loloyen,

因為我哋太遲 book房, 好多時間都比人hold 晒. 所以 party room 只有1:30 - 2:30 給我們用. 跟住每個小朋友會有1袋禮物包, 入面有遊戲劵同 代幣. 各位就可以係響出面自由玩遊戲. 多謝你們答應來, 我會留一袋禮物包比 Lincole. 我相信佢一路排隊都見到同學仔佢實會覺得又出其 又開心 .
唱 birthday song 就留返響學校生日會一齊唱啦! 我諗1月份應該會有生日會. 我估唔係21號就係28號啦! 因為31號都放年假囉. 1月份除咗阿女重有Michelle都係主角, 尋日見到 Michelle 婆婆, 佢同我講o架. Michelle 你應該見過, 日日都係公公婆婆接放學o架, 即係張相最後排, 中間位著snow white 裙嗰個女仔, 短頭髮面尖尖好易認.
阿女都話 Minnie 佢好朋友, 如果冇記錯. Minnie 就係 Michelle 同阿女中間嗰個女仔.